This is Module 15 of the Alternative Delivery Mode (ADM) self-learning module for Filipino sa Piling Larang (Akademik), Ikalawang Markahan (second quarter), for Senior High School learners in Baitang 11/12. Its lesson is “Pagbuo ng Sulating may Batayang Pananaliksik ayon sa Pangangailangan” (writing research-based academic texts according to need). It teaches two forms of academic writing, the sintesis/buod (synthesis or summary) and the abstrak (abstract), and gives a model of each.
On this page 8 sections
What learners will learn
After the module, learners are expected to:
- Nakabubuo ng sulating may batayang pananaliksik ayon sa pangangailangan (write a research-based text according to need), CS_FA11/12PU-0p-r-95
Topics in this module
- Pagsulat ng Sintesis/Buod (writing a synthesis or summary): what a summary and a synthesis are, how they differ, and a model synthesis on online games.
- Pagsulat ng Abstrak (writing an abstract): reminders, steps, the four parts of an abstract, and a model abstract of an action research study.
Sintesis and buod: summary and synthesis
The module defines a sintesis or buod as a shortened version of a text that presents the ideas and information taken from it. It helps a reader understand a work without reading the whole thing. The two are not the same:
- Buod (summary): the author’s main idea, retold in the writer’s own words.
- Sintesis (synthesis): two or more summaries put together to show how two or more texts are related.
Both must present correct information from sources, so they are research-based. They must also be objective: the writer’s own opinion does not belong in them.
The model synthesis, “Online Games,” combines several sources on video game addiction among young Filipinos. It mentions games such as League of Legends, Cabal Online, and DOTA 2. It explains the effects on health, studies, and behavior, such as eye strain, back pain, and skipped meals, and cites a psychiatrist, Dr. Jose George. It ends with a list of its sources, which shows learners how to credit references.
Abstrak: the research abstract
An abstrak is a short summary of a research paper, thesis, review, or conference proceedings. It appears at the start of the manuscript and can stand on its own as a separate text.
Reminders for writing an abstract
- Include only information found in the full study.
- Avoid wordiness. Use simple, clear, and specific sentences.
- Be objective. State the main ideas without explaining them.
- Be precise. Avoid words of doubt such as “marahil,” “baka,” and “siguro” (perhaps, maybe).
- Keep it short but complete enough to show the overall content.
- Use conjunctions (pangatnig) to connect ideas.
- Use correct grammar.
Steps for writing an abstract
The module gives these steps, based on Julian and Lontoc (2016):
- Read and study the paper carefully.
- Note the main ideas of each part: introduction, related literature, methodology, results, and conclusion.
- Write these ideas in paragraphs, in the same order as the paper.
- Avoid illustrations, graphs, and tables unless they are truly needed.
- Reread the abstract and check for missing key ideas.
- Write the final copy.
An abstract usually has only 200 to 250 words.
Parts of an abstract
| Part | What it contains |
|---|---|
| I. Layunin (objectives) | A short introduction to the topic and the specific objectives or problems of the study |
| II. Pamamaraan o Metodolohiya (methodology) | The research method (for example descriptive, experimental, or historical), participants, place and time, sampling, data-gathering tools, and statistics |
| III. Resulta (results) | A summary of the answers to the research questions, not the full results |
| IV. Konklusyon at Rekomendasyon (conclusion and recommendation) | A brief conclusion drawn from the results, often answering the hypothesis, and sometimes a general recommendation |
The model abstract describes an experimental study on strategies for teaching reading comprehension in Filipino to Grade 10 learners. It used five groups of 30 learners each, tested them with a pre-test and post-test, and analyzed the results with mean and ANOVA. It found a significant difference in post-test scores and recommends that teachers use the strategies. It ends with keywords (Mga Susing Salita).
Activities in the module
- Subukin (pretest): research an informative text about COVID-19, summarize it, and cite the source.
- Balikan (review): write an abstract of the research you did in Grade 11, using the four-part outline.
- Tuklasin (explore): watch or listen to a current news report, record its details, write a summary, and rate how hard the task was.
- Pagyamanin (practice): Gawain 1 asks questions about the model synthesis. Gawain 2 is a checklist for judging the model abstract part by part.
- Isaisip (reflect): use a diagram to explain why an abstract and a synthesis must be research-based, then write a short paragraph.
- Isagawa (apply): write a synthesis of two or more online articles on one topic, such as environmental problems, cyberbullying, OFWs, online classes during the pandemic, or online businesses.
- Tayahin (assessment): write an abstract of an online study related to your strand. It is scored out of 15 points: 5 for a well-written academic text, 5 for careful and correct use of language, and 5 for a research-based output.
- Karagdagang Gawain (extra activity): write an abstract of a study from the Malay Research Journal of De La Salle University.
How to use this module
For learners: Answer the Subukin first, then work through each part in order. Finish one activity before starting the next. Read the directions carefully, and write your answers on separate paper, not on the module. Always credit your sources. Return the module to your teacher when you finish.
For parents: Learners can ask parents, older siblings, or other older family members for help. Encourage your child to do the work honestly.
For teachers: The Mga Tala para sa Guro (notes for the teacher) says to stress how to choose and credit sources for both forms of writing, and to use the models as a guide. Since the answer key states that all answers are open (“Malaya ang sagot”), check outputs using the Tayahin rubric and the Gawain 2 checklist.
Frequently asked questions
What grade and quarter is this module for?
It is for Senior High School learners taking Filipino sa Piling Larang (Akademik), which the module labels Baitang 11/12. The cover marks it as Ikalawang Markahan (second quarter), Module 15.
What is the difference between a buod and a sintesis?
A buod (summary) retells an author’s main idea in your own words. A sintesis (synthesis) combines two or more summaries to show how two or more texts are related.
How long should an abstract be?
The module says an abstract usually has only 200 to 250 words.
What are the parts of an abstract?
It has four parts: Layunin (objectives), Pamamaraan o Metodolohiya (methodology), Resulta (results), and Konklusyon at Rekomendasyon (conclusion and recommendation).
Does the module have an answer key?
Yes, but it only states that all answers are open (Malaya ang sagot). The Tayahin output is scored with a 15-point rubric.
Full text of the module
The text below is a transcription of the PDF above, as printed.
Filipino sa Piling Larang (Akademik) Ikalawang Markahan Modyul 15 Pagbuo ng Sulating may Batayang Pananaliksik ayon sa Pangangailangan
SENIOR HIGH SCHOOL
PAG-AARI NG PAMAHALAAN HINDI IPINAGBIBILI
Filipino sa Piling Larang (Akademik) Alternative Delivery Mode Ikalawang Markahan- Modyul 15 Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.
Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio
Bumuo sa Pagsusulat ng Modyul
Manunulat: Alfredo R. Alcantara Jr. Editor: Rosarie R. Carlos Katuwang na Editor: Alfredo R. Alcantara Jr. Tagasuri: Rosarie R. Carlos Tagaguhit: Tagalapat: Raphael A. Lopez, Dalandanan NHS Tagapamahala: Wilfredo E. Cabral, Arnulfo M. Balane, Micah G. Pacheco, Ma. Gloria G. Tamayo, Dennis M. Mendoza, Dr. Meliton R. Zurbano, Filmore R. Caballero, Jean A. Tropel, Rosarie R. Carlos
Inilimbag sa Pilipinas ng ________________________
Department of Education – Bureau of Learning Resources (DepEd-BLR) Office Address: Ground Floor, Bonifacio Bldg., DepEd Complex Meralco Avenue, Pasig City, Philippines 1600 Telefax: (632) 8634-1072; 8634-1054; 8631-4985 E-mail Address: blr.lrqad@deped.gov.ph * blr.lrpd@deped.gov.ph
SENIOR HIGH SCHOOL
Filipino sa Piling Larang (Akademik) Ikalawang Markahan Modyul 15 Pagbuo ng Sulating may Batayang Pananaliksik ayon sa Pangangailangan
Paunang Salita
Para sa tagapagdaloy:
Malugod na pagtanggap sa asignaturang Filipino sa Piling Larang (Akademik)-Baitang 11/12 ng Alternative Delivery Mode (ADM) Modyul para sa araling Pagbuo ng Sulating may Bayatang Pananaliksik ayon sa Pangangailangan!
Ang modyul na ito ay pinagtulungang dinisenyo, nilinang at sinuri ng mga edukador mula sa pampubliko at pampribadong institusyon upang gabayan ka, ang gurong tagapagdaloy upang matulungang makamit ng mag-aaral ang pamantayang itinakda ng Kurikulum ng K to12 habang kanilang pinanagumpayan ang pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay at malayang pagkatuto ng mga gawain ayon sa kanilang kakayahan, bilis at oras. Naglalayon din itong matulungan ang mag-aaral upang makamit ang mga kasanayang pan-21 siglo habang isinasaalang-alang ang kanilang mga pangangailangan at kalagayan.
Bilang karagdagan sa materyal ng pangunahing teksto, makikita ninyo ang kahong ito sa pinakakatawan ng modyul:
Mga Tala para sa Guro
Ito’y naglalaman ng mga paalala, panulong o estratehiyang magagamit sa paggabay sa mag-aaral.
Bilang tagapagdaloy, inaasahang bibigyan mo ng paunang kaalaman ang mag-aaral kung paano gamitin ang modyul na ito. Kinakailangan ding subaybayan at itala ang pag-unlad nila habang hinahayaan silang pamahalaan ang kanilang sariling pagkatuto. Bukod dito, inaasahan mula sa iyo na higit pang hikayatin at gabayan ang mag-aaral habang isinasagawa ang mga gawaing nakapaloob sa modyul.
Para sa mag-aaral:
Malugod na pagtanggap sa Filipino sa Piling Larang (Akademik)-Baitang 11/12 ng Alternative Delivery Mode (ADM) Modyul ukol sa araling Pagbuo ng Sulating may Batayang Pananaliksik ayon sa Pangangailangan.
Ang kamay ay madalas gamiting simbolo ng kakayahan, aksyon at layunin. Sa pamamagitan ng ating mga kamay tayo ay maaaring matuto, lumikha, at magsakatuparan ng gawain. Ang kamay sa tulong-aral na ito ay sumisimbolo na ikaw, bilang isang mag-aaral, ay may angking kakayahang matutuhan ang mga kaugnay na kompetensi at kasanayan. Ang iyong pang-akademikong tagumpay ay nakasalalay sa iyong sarili o sa iyong mga kamay.
Ang modyul na ito ay ginawa bilang tugon sa iyong pangangailangan. Layunin nitong matulungan ka sa iyong pag-aaral habang wala ka sa loob ng silid-aralan. Hangad din nitong madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong maunawaan.
Alamin [icon: hand pressing a button] Sa bahaging ito, malalaman mo ang mga dapat mong matutuhan sa modyul.
Subukin [icon: hand holding a pencil] Sa pagsusulit na ito, makikita natin kung ano na ang kaalaman mo sa aralin ng modyul. Kung nakuha mo ang lahat ng tamang sagot (100%), maaari mong laktawan ang bahaging ito ng modyul.
Balikan [icon: hands holding a puzzle piece] Ito ay maikling pagsasanay o balik-aral upang matulungan kang maiugnay ang kasalukuyang aralin sa naunang leksyon.
Tuklasin [icon: hands holding a leaf] Sa bahaging ito, ang bagong aralin ay ipakikilala sa iyo sa maraming paraan tulad ng isang kuwento, awitin, tula, pambukas na suliranin, gawain o isang sitwasyon.
Suriin [icon: magnifying glass] Sa seksyong ito, bibigyan ka ng maikling pagtalakay sa aralin. Layunin nitong matulungan kang maunawaan ang bagong konsepto at mga kasanayan.
Pagyamanin [icon: hand stacking blocks] Binubuo ito ng mga gawaing para sa malayang pagsasanay upang mapagtibay ang iyong pang-unawa at mga kasanayan sa paksa. Maaari mong iwasto ang mga sagot mo sa pagsasanay gamit ang susi sa pagwawasto sa huling bahagi ng modyul.
Isaisip [icon: hand holding a light bulb] Naglalaman ito ng mga katanungan o pupunan ang patlang ng pangungusap o talata upang maproseso kung anong natutuhan mo mula sa aralin.
Isagawa [icon: hand holding a gear] Ito ay naglalaman ng gawaing makatutulong sa iyo upang maisalin ang bagong kaalaman o kasanayan sa tunay na sitwasyon o realidad ng buhay.
Tayahin [icon: hand writing with a pencil] Ito ay gawain na naglalayong matasa o masukat ang antas ng pagkatuto sa pagkamit ng natutuhang kompetensi.
Karagdagang Gawain [icon: gears] Sa bahaging ito, may ibibigay sa iyong panibagong gawain upang pagyamanin ang iyong kaalaman o kasanayan sa natutuhang aralin.
Susi sa Pagwawasto [icon: key] Naglalaman ito ng mga tamang sagot sa lahat ng mga gawain sa modyul.
Sa katapusan ng modyul na ito, makikita mo rin ang:
Sanggunian [icon: none] Ito ang talaan ng lahat ng pinagkuhanan sa paglikha o paglinang ng modyul na ito.
Ang sumusunod ay mahahalagang paalala sa paggamit ng modyul na ito:
- Gamitin ang modyul nang may pag-iingat. Huwag lalagyan ng anomang marka o sulat ang anomang bahagi ng modyul. Gumamit ng hiwalay na papel sa pagsagot sa mga pagsasanay.
- Huwag kalimutang sagutin ang Subukin bago lumipat sa iba pang gawaing napapaloob sa modyul.
- Basahing mabuti ang mga panuto bago gawin ang bawat pagsasanay.
- Obserbahan ang katapatan at integridad sa pagsasagawa ng mga gawain at sa pagwawasto ng mga kasagutan.
- Tapusin ang kasalukuyang gawain bago pumunta sa iba pang pagsasanay.
- Pakibalik ang modyul na ito sa iyong guro o tagapagdaloy kung tapos nang sagutin lahat ng pagsasanay.
Kung sakaling ikaw ay mahihirapang magsagot sa mga gawain sa modyul na ito, huwag mag-aalinlangang konsultahin ang inyong guro o tagapagdaloy. Maaari ka
ring humingi ng tulong sa iyong mga magulang, sa nakatatanda mong kapatid o sino man sa iyong mga kasama sa bahay na mas nakatatanda sa iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang pagkatuto at makakakuha ka ng malalim na pang-unawa sa kaugnay na mga kompetensi. Kaya mo ito!
Pagbati! Matagumpay mong naisakatuparan ang mga gawain sa nakaraang modyul. Ngayon ay nasa ika-15 modyul na tayo at inaasahang muli na magiging makabuluhan at kawili-wili ang iyong magiging karanasan sa pagtugon sa mga gawaing nakapaloob sa modyul na ito.
Alamin
[icon: hand pressing a button]
Ang modyul na ito ay idinisenyo upang ikaw ay matulungan na matamo ang mga kasanayang inaasahan sa kursong Filipino sa Piling Larang (Akademik). Tatalakayin dito ang dalawang uri o anyo ng akademikong sulatin- ang Abstrak at Sintesis/Buod. Tutulungan ka ng modyul na ito na alamin ang wastong pamamaraan sa pagsulat ng sulating nakabatay sa pananaliksik. Matutunghayan mo rin ang halimbawa ng mga ito na maaari mong maging modelo sa pagsulat sa katapusan ng modyul.
Ang modyul na ito ay nahahati sa sumusunod na paksa:
- Pagsulat ng Sintesis/Buod
- Pagsulat ng Abstrak
Pagkatapos mong sagutan ang modyul na ito, ikaw ay inaasahang:
- Nakabubuo ng sulating may batayang pananaliksik ayon sa pangangailangan CS_FA11/12PU-0p-r-95
Modyul 15 | Pagbuo ng Sulating may Batayang Pananaliksik ayon sa Pangangailangan
Subukin
[icon: hand holding a pencil]
Panuto: Magsaliksik ng isang halimbawa ng tesktong impormatibo hinggil sa COVID-19. Sumulat ng buod nito. Ilakip ang sanggunian.
Pamagat
Sanggunian:
Balikan
[icon: hands holding a puzzle piece]
Panuto: Balikan ang pananaliksik na isinagawa noong ikaw ay nasa Baitang 11. Sumulat ng abstrak nito. Gamitin ang patnubay na balangkas sa loob ng kahon.
Pamagat
I. Layunin II. Pamamaraan o Metodolohiya ng Pananaliksik III. Resulta o Kinalabasan ng Pananaliksik IV. Konklusyon at Rekomendasyon
[transcriber’s note: the title page is not included in these pages. The printed code on each page is CO_Q1_FILIPINO12_AKADEMIK_MODYUL15.]
Mga Tala para sa Guro
Ang wastong paggabay sa mga mag-aaral sa pagsulat ng akademikong sulating may batayang pananaliksik ay lubusang makatutulong sa kanila sa pagsulat ng isang makabuluhan at kapaki-pakinabang na uri ng sulatin. Mahalagang bigyang diin sa pagtalakay ang mga bagay na dapat na isaalang-alang sa mga pagpili at pagkilala sa mga sanggunian sa pagsulat ng dalawang uri ng sulatin, ang abstrak at sintesis/buod. Gayundin, ang pagsusuri sa ibinigay na halimbawa ay magsisilbing gabay sa kanilang pagsulat.
Tuklasin
[illustration: hand holding a seedling]
Panuto: Makinig o manood ng napapanahong balita sa radyo, telebisyon o internet. Itala ang mga detalye ng napanood o napakinggang balita at sumulat ng buod nito.
Pamagat ng Balita:
Petsa ng Pagpapalabas ng Balita:
Pinaghanguan/Pinagkuhanan ng Balita: (Ilagay ang link o istasyon ng radyo/telebisyon)
Buod:
Naging madali ba sa iyo ang naunang gawain? Tayahin nga ang antas ng iyong pagganap para sa gawaing ito sa tulong ng paglalagay ng tsek (√) sa patlang.
_____ Naging madali lang ang gawain.
_____ Medyo mahirap ang gawain.
_____ Mahirap ang gawain.
Ipaliwanag ang napiling sagot: _____________________________________________
Suriin
[illustration: magnifying glass]
Alam kong naging mapanghamon ang mga naunang gawaing sumubok sa iyong kasanayan sa pagsulat ng abstrak at sintesis/buod na may batayang pananaliksik. Upang lubusang malinang ang nabanggit na kasanayan, basahin at unawaing mabuti ang sumusunod na pagtalakay.
Pagsulat ng Sintesis/Buod
Ang sintesis o buod ay isang bersyon ng pinaikling babasahin o teksto. Ito ay paglalahad ng mga kaisipan at mga impormasyong nakuha mula sa tekstong binasa. Layunin nitong mapadali ang pang-unawa ng isang mambabasa sapagkat hindi na niya kailangang basahin ang isang akda. Sa kabilang banda, ang sintesis at buod ay may pagkakaiba. Ang buod ay tumutukoy sa pangunahing ideya ng may-akda gamit ang sariling pananalita ng isang indibiduwal samantalang ang sintesis ay pagsasama-sama ng dalawa o higit pang buod upang maipakita ang kaugnayan ng dalawa o higit pang sulatin.
Sa pagsulat ng sintesis o buod ay tiyaking ito ay naglalahad ng tamang impormasyon mula sa mga sanggunian, nangangahulugang ito ay nakabatay sa pananaliksik. Kailangan ding maipakita ang pagiging obhetibo sapagkat hindi ito dapat naglalaman ng sariling opinyon ng sumulat.
Tunghayan ang halimbawa ng sintesis.
Online Games
Halos lahat ng kabataan sa Pilipinas ay tumatangkilik sa video games. Ang video games o online games ay ang mga larong naimbento na nakapaghahatid ng kasiyahan at nagsisilbing libangan para sa ilang mga kabataan. Karaniwan itong nakikita sa iba’t ibang uri ng mga gadyet tulad na lamang ng kompyuter, cellphone, laptop at iba pa. Gayunpaman, ang lubos na pagkahumaling sa mga ito ay nakapagdudulot ng masasamang epekto sa mga milenyal. Maaari nitong maapektuhan ang kalusugan ng isang bata, ang kaniyang pag-aaral at pati na rin ang pag-uugali.
Ayon sa isang pananaliksik, adiksyon ang dahilan na labis na paglalaro at hindi na ito napipigilan o humihinto ang mga manlalaro sapagkat ginagamit ng mga kabataan ang paglalaro ng video games kapag sila ay nababagot sa kanilang gawain sa paaralan. Kaya naman, ang paglalaro ng mga video games ang kanilang pinagkakalibangan at pinagkakasiyahan.
Ang mga halimbawang nauuso at tinatangkilik na video games ay ang League of Legends, Cabal Online at ang pinakapopular ang Defense of the Ancients o ang DOTA 2. Ang DOTA ay isang uri ng war craft game kung saan may isang karakter na nasa isang mundo at didipensahan mo ang isang lokasyon kasama ng iba pang mga player. Ngunit kung minsan, ang DOTA ay hindi na isang simpleng online game, dahil karamihan sa mga naglalaro nito ay nagpupustahan. Ang iba naman ay nalilipasan na ng gutom o kaya naman ay hindi na kumakain at natutulog makapaglaro lamang nito.
Ayon kay Dr. Jose George, isang psychiatrist, ang paglalaro ng magdamagan o pagbababad sa larong video games ay maituturing na adiksyon hindi katulad sa ordinaryong laro o mga larong kalye ay may matututuhan at magiging malusog ang pangangatawan dahil ang katawan ay sumasabak sa isang recreational activity. Mas maraming magagandang epekto ang paglalaro sa labas at hindi makabagong teknolohiya ang ginagamit. Nakaaapekto sa kalusugan ng mga kabataan ang madalas na paglalaro ng mga video games sa pamamagitan ng pagkasira ng mata dahil sa pagtutok sa kanilang mga gadyet buong araw. Dagdag pa rito, ang katagalan sa pag-upo at hindi madalas na pagkilos ay nakapagdudulot ng pagsakit ng likod, ulo, at iba pang bahagi ng katawan. Nalilipasan din ng gutom ang isang bata dahil sa paglalaro ng mga ito sa mahabang oras na maaaring makapagdulot sa kanila ng mga sakit gaya na lamang ng ulcer at iba pa.
Sanggunian:
http://www.academia.edu/35332146/MGA_SANHI_AT_EPEKTO_NG_PAGLALARO_NG_ONLINE_GA MES_SA_ANTIPOLO
Pagsulat ng Abstrak
Ang abstrak ay maikling buod ng isang pananaliksik, tesis, rebyu o katitikan ng kumperensiya. Ito ay matatagpuan sa unang bahagi ng manuskrito na nakahiwalay sa buong papel pampananaliksik kaya maaari itong tumindig bilang isang hiwalay na teksto o kapalit ng isang buong papel.
Mga Dapat Tandaan sa Pagsulat ng Abstrak
- Lahat ng mga impormasyong ilalagay sa abstrak ay dapat na makikita sa kabuoan ng pananaliksik, nangangahulugang walang impormasyon na ilalagay na hindi naman matatagpuan sa pananaliksik.
- Iwasan ang pagiging maligoy sa pagsulat nito. Gumamit ng mga simple, malinaw at tiyak na mga pangungusap.
- Maging obhetibo sa pagsulat. Ilahad lamang ang mga pangunahing kaisipan at hindi dapat ipaliwanag ang mga ito.
- Maging tumpak at mapanghahawakan ang mga pahayag dito. Iwasan ang paggamit ng mga salitang ‘marahil’, ‘baka’, ‘siguro’ at iba pang kaugnay ng mga ito na nagpapahiwatig ng di- katiyakan o pag-aalinlangan.
- Gawin lamang itong maikli ngunit komprehensibo kung saan mauunawaan ng babasa ang pangkalahatang nilalaman ng pananaliksik.
- Gumamit ng mga pangatnig upang maipakita ang pagkakaugnay-ugnay ng mga salita at pangungusap sa isang talata.
- Gumamit ng wastong gramatika.
Mga Hakbang sa Pagsulat ng Abstrak ayon kina Julian at Lontoc, 2016
Basahing mabuti at pag-aralan ang papel o akademikong sulatin na gagawan ng abstrak.
Hanapin at isulat ang mga pangunahing kaisipan o ideya ng bawat bahagi ng sulatin mula sa introduksiyon, kaugnay na literatura, metodolohiya, resulta at konklusyon.
Buoin gamit ang mga talata, ang mga pangunahing kaisipang taglay ng bawat bahagi ng sulatin. Isulat ito ayon sa pagkakasunod-sunod ng mga bahaging ito ng kabuoan ng papel.
Iwasang maglagay ng mga ilustrasyon, graph, table at iba pa maliban na lamang kung sadyang kailangan.
Basahing mabuti ang abstrak. Suriin kung may nakaligtaaang mahahalagang kasipang dapat isama.
Isulat ang pinal na sipi nito.
Tandaan: Limitahan ang mga salitang gagamitin. Ang isang abstrak ay karaniwang binubuo lamang ng 200-250 salita.
Mga Bahagi ng Abstrak
I. Layunin
Matutunghayan dito ang maikling pagpapakilala sa paksa gayundin ang mga tiyak na layunin/ suliraning kailangang lutasin ng mananaliksik.
II. Pamamaraan o Metodolohiya ng Pananaliksik
Tumutukoy ito sa mga pamamaraan at hakbang sa pagbuo ng pananaliksik. Maaaring ang pamamaraang ginamit ay deskriptibo, eksperimental o historikal na pananaliksik. Matutunghayan din dito ang mga kalahok sa pananaliksik, lugar at panahon ng pagsasagawa ng pananaliksik at kung paano sila pinili, instrumento sa pagkalap ng datos at istadistika sa pag-aanalisa ng datos.
III. Resulta o Kinalabasan ng Pananaliksik
Tumututukoy ito sa mga sagot sa mga tanong na nakalahad sa simula ng pagaaral o yaong kabilang sa paglalahad ng suliranin. Tanging buod ng resulta lamang ang inilalagay rito at hindi ang kabuuang resultang makikita sa pananaliksik.
IV. Konklusyon at Rekomendasyon
Makikita sa bahaging ito ang implikasyon o hinuha batay sa kinalabasan ng pag-aaral. Ito rin ay karaniwang sumasagot sa haypotesis na ibinigay sa simula ng pananaliksik. Nararapat na buod lamang at pinaikling konklusyon ang ilalapat para sa abstrak. Sa ilang pagkakataon, maaari ring lapatan ng isang pangkalahatang rekomendasyon ang bahaging ito ng abstrak.
Halimbawa ng Abstrak
Ang pag-aaral na ito ay nauukol sa mga estratehiya sa pagtuturo ng Filipino sa pagbasang may pag-unawa ng mga mag-aaral sa baitang 10. Ang layunin nito ay ang sumusunod: (1) alamin ang mean score sa pre-test at post-test ng mga mag-aaral na hindi ginamitan at ginamitan ng mga estratehiya sa pagbasang may pag-unawa at (2) tuklasin ang makabuluhang pagkakaiba ng iskor sa pre-test at post-test ng mga mag-aaral na hindi ginamitan at ginamitan ng mga estratehiya sa pagbasang may pag-unawa.
Ang mananaliksik ay gumamit ng eksperimental na pamamaraan. Ang mga kalahok sa pag-aaral ay mula sa Baitang 10 sa Mataas na Pambansang Paaralan ng Mapulang Lupa sa Taong Panuruan 2015-2016. Pinili ang limang pangkat sa pamamagitan ng cluster sampling o fish bowl method- ang pangkat A na hindi ginamitan ng estratehiya habang ang pangkat B (Ibahagi ang Buod), pangkat C (Ayusin ang Kaisipan), pangkat D (Ipasa ang Kaalaman) at pangkat E (Iguhit ang
Damdamin) na ang bawat isa ay may tatlumpung (30) kalahok. Binuo ang pre-test at post-test na hinango sa araling saklaw ng ikatlong markahan na naging instrumento sa pangangalap ng datos. Ang resulta ay tinuos sa pamamagitan ng mean at ANOVA.
Lumabas sa pag-aaral na 3.39 ang mean score sa pre-test ng limang pangkat. Natamo naman ng pangkat A ang 3.17, pangkat B ang 4.5, pangkat C ang 5.17, pangkat D ang 4.97 at pangkat E ang 4.43 ang mean score sa post-test. Walang makabuluhang pagkakaiba ang iskor sa pre-test ng mga mag-aaral sapagkat ang f value na 0.33 ay higit na mababa sa f critical value na 2.43. May makabuluhang pagkakaiba naman ang iskor sa post-test ng mga mag-aaral dahil ang f value na 7.39 ay higit na mataas sa f critical value na 2.43.
May mabuting epekto ang paggamit ng mga estratehiya sa pagbasang may pag-unawa. Iminumungkahi na gamitin ng mga guro ang lahat ng estratehiyang ginamit ng mananaliksik at magkaroon ng iba pang pananaliksik upang malaman ang iba pang estratehiyang maaaring gamitin para sa pagpapaunlad sa pagbasang may pag-unawa.
Mga Susing Salita: Estratehiya, Pagtuturo, Pagbasa, Pag-unawa
Pagbati! Handang-handa ka nang sumulat ng halimbawa ng mga akademikong sulating tinalakay sa itaas, ngunit bago ka magpatuloy, mangyaring lagyan ng tsek (√) ang tumutugon sa antas ng iyong pag-unawa sa mga babasahin sa bahaging ito ng modyul.
_______ Lubusan kong naunawaan ang aking binasa.
_______ Bahagya kong naunawaan ang aking binasa.
_______ Hindi ko naunawaan ang aking binasa.
Ipaliwanag ang iyong napiling sagot: _____________________________________________
Pagyamanin
[illustration: hand stacking blocks]
Gawain 1
Panuto: Basahing muli ang halimbawa ng sintesis sa aralin. Sagutin ang sumusunod na tanong sa sagutang papel.
- Ano ang paksa ng sulatin?
- Malinaw at organisado ba ang paglalahad ng mga kaisipan sa sulatin? Ipaliwanag ang iyong kasagutan.
- Ano-anong reyalisasyon ang iyong nabuo mula sa binasang sulatin?
- Nakabatay ba sa pananaliksik ang sulatin? Pangatwiranan.
Gawain 2
Panuto: Balikan ang halimbawa ng abstrak sa aralin at suriin batay sa tseklist sa ibaba. Lagyan ng ✓ ang [illustration: thumbs-up icon] kung maayos na nasunod nito ang katangiang dapat taglayin ng bahaging nakatala sa kaliwa at lagyan naman ng ✓ ang [illustration: thumbs-down icon] kung hindi. Sumulat ng maikling paliwanag tungkol sa napiling sagot.
| Abstrak | [illustration: thumbs-up icon] | [illustration: thumbs-down icon] | Paliwanag |
|---|---|---|---|
| Layunin | |||
| Pamamaraan | |||
| Resulta | |||
| Konklusyon at Rekomendasyon | |||
| May Batayang Pananaliksik |
Isaisip
[illustration: lightbulb in a hand]
Panuto: Sa tulong ng dayagram, ibigay ang mga dahilan kung bakit kailangang nakabatay sa pananaliksik ang susulating abstrak at sintesis/buod. Mula sa naitalang salita, bumuo ng maikling talatang maglalagom sa mga kasagutan. Gumamit ng sagutang papel.
[chart: diagram (graphic organizer) with two groups of linked blank boxes; “Abstrak” in the upper group and “Sintesis/Buod” in the lower group]
Abstrak
Sintesis/Buod
[transcriber’s note: all surrounding boxes in the diagram are blank in the original and are left blank here.]
Isagawa
[illustration: hands with gears]
Panuto: Maghanap sa internet ng dalawa o higit pang artikulong may kaugnayan sa mapipiling paksa sa ibaba. Basahin at unawaing mabuti ang mga artikulo. Pagkatapos, sumulat ng sintesis nito. Isaalang-alang ang pagkilala sa mga pinaghanguan. Gumamit ng sagutang papel.
A. Suliraning Pangkapaligiran sa Bansa
B. Kaso ng Cyberbullying sa Bansa
C. Kalagayan ng mga OFW
D. Online Class sa Panahon ng Pandemya
E. Pag-usbong ng Online Business sa Bansa
Tayahin
[illustration: hand holding a pencil]
Panuto: Magsaliksik ng isang halimbawa ng pananaliksik sa internet na may kaugnayan sa iyong strand. Sumulat ng abstrak nito. Ilakip ang pamagat ng pananaliksik at ang sanggunian nito.
A. Pamagat ng Pananaliksik:
B. Sanggunian/URL:
C. Abstrak:
| Pamantayan sa Pagmamarka | Puntos |
|---|---|
| Nakakasusulat nang maayos na akademikong sulatin | 5 |
| Nakasusulat ng sulating batay sa maingat, wasto, at angkop na paggamit ng wika | 5 |
| Nakabubuo ng sulating may batayang pananaliksik ayon sa pangangailangan | 5 |
| Kabuoan | 15 |
Lagom:
Karagdagang Gawain
[illustration: gears in a hand]
Panuto: Magbasa at magsuri ng isang pananaliksik sa internet mula sa Malay Research Journal-De La Salle University at sumulat ng abstrak nito. Isulat ito nang maingat, wasto at angkop ang paggamit ng wika. Gumamit ng sagutang papel.
Pamagat ng Pananaliksik:
Abstrak:
Susi sa Pagwawasto
[transcriber’s note: the following line is printed upside down in a box in the original.]
Malaya ang sagot sa lahat ng gawain.
Sanggunian
Mga Aklat
Julian A. B. at Lontoc N. (2016). Pinagyamang pluma (K-12). Phoenix Publishing House, Inc. Quezon City
Aksyong Pananaliksik
Alcantara, A. Jr. R. Jr. (2016). Mga estratehiya sa pagtuturo ng Filipino sa pagbasang may pag-unawa ng mga mag-aaral sa baitang 10. (Aksyong Pananaliksik). SDO Valenzuela
Hanguang Elektroniko
Terrado Kenn. “Online Games.” October 14, 2018. Galing sa https://subukanmongbuksan.wordpress.com/2018/10/14/halimbawa-ng sintesis
Para sa mga katanungan o puna, sumulat o tumawag sa:
Department of Education – Bureau of Learning Resources (DepEd-BLR)
Ground Floor, Bonifacio Bldg., DepEd Complex Meralco Avenue, Pasig City, Philippines 1600
Telefax: (632) 8634-1072; 8634-1054; 8631-4985
Email Address: blr.lrqad@deped.gov.ph * blr.lrpd@deped.gov.ph
Leave a Reply