Filipino 2 Quarter 1 Module 1: Pag-unawa sa Teksto Gamit ang Karanasan

Grade 2 Filipino Quarter 1 Module 1 teaches learners to use their own experience to understand stories and texts they hear or read, with answer key.

This is the Grade 2 Filipino self-learning module for Quarter 1 (Unang Markahan), Module 1: “Pag-unawa sa Teksto Gamit ang Karanasan” (understanding a text using your own experience). It was prepared by DepEd Region III for home learning under the Alternative Delivery Mode. After the lesson, learners should be able to use what they already know, or what they have experienced, to understand a text they hear or read.

On this page 6 sections

What learners will learn

The module states one learning objective:

  • Use prior knowledge or experience (unang kaalaman o karanasan) to understand a text that is heard or read (napakinggan/nabasang teksto).

Lesson in this module

The module has one lesson, Aralin 1: Pag-unawa sa Kuwento Gamit ang Karanasan (understanding a story using experience). It reminds learners that they hear stories every day from parents, siblings, grandparents, teachers, and friends. Besides knowing the characters in a story, learners can connect what happens in it to their own lives, and this helps them understand it better.

Key ideas and stories in the module

Connecting a text to your own life

The module’s main point, given in the Isaisip (remember) part, is that using your experiences or earlier knowledge when reading or listening is a good habit. Linking your experience to the text helps you understand it more. Whether the text is a poem, a story, a simple sentence, or a paragraph, you should read it with understanding, and answering questions about it correctly shows that you understood it.

The review activity also lists good listening habits: look at the person telling the story, remember the characters, and remember the important events. Chatting with a seatmate or playing while someone is telling a story are not good habits.

Short stories used in the module

All the stories were written by Cristina T. Fangon, the module’s writer:

  • Kakaibang Baboy ni Kiel (Kiel’s unusual pig): eight-year-old Kiel “takes care of” a pig that never grows or gets fat but gets heavier. It is a piggy bank where he saves his extra money. He uses his savings to buy a red blouse for his mother’s birthday. Learners are asked if they also know how to save.
  • Araw Para sa Kanya (a day for Him): Aling Minda’s family wakes up early on Sunday, eats breakfast together, and goes to church.
  • Mahusay na Kamay (skillful hands): Jowen loves to draw and keeps practicing because his mother told him that a talent that is not developed will be lost.
  • Si Putot at Bibot (Putot and Bibot): a happy, playful dog and the boy who feeds him, bathes with him every Saturday, and loves him very much.

Using experience to answer everyday questions

Many activities ask learners to think about what they would do in familiar situations. For example: a faucet left open at the sink, breaking a friend’s toy, a test the next day, a seatmate with no snack, or finding a classmate’s handkerchief and wallet. Other activities ask learners to guess common objects (a tree, shoes, an umbrella, a toothbrush, a comb) and community helpers (a police officer, firefighter, doctor, teacher, baker) from short descriptions and poems, which they can do because they already know these things from daily life.

How to use this module

The module follows the usual parts of a DepEd self-learning module:

  1. Alamin: read the learning objective.
  2. Subukin: take the pretest (five riddle-like descriptions of everyday things).
  3. Balikan: review good listening habits.
  4. Tuklasin and Suriin: read the story about Kiel and answer the questions.
  5. Pagyamanin: do the guided exercises and assessments (Pinatnubayang Pagsasanay and Pagtatasa), then the independent ones (Malayang Pagsasanay and Pagtatasa).
  6. Isaisip: fill in the missing words to complete the main idea.
  7. Isagawa and Tayahin: match poems to objects and to community helpers.
  8. Karagdagang Gawain: read the story of Putot and Bibot and answer the questions.

For learners: Write your answers on a separate sheet of paper, not on the module, so that others can use it too. Ask your teacher if you have trouble with the lesson.

For parents and guardians: Several activities are meant to be listened to. The module’s note asks the adult to read the stories and situations aloud, then let the child answer. An answer key (Susi sa Pagwawasto) is at the end so you can check the work; the module asks everyone to use it honestly.

For teachers: The pretest shows whether a learner needs more help. Some items, such as what the child prays for or what to do in a situation, accept answers that are close to the key.

Frequently asked questions

What grade and quarter is this Filipino module for?

It is for Grade 2 Filipino, Quarter 1 (Unang Markahan), Module 1.

What does Pag-unawa sa Teksto Gamit ang Karanasan mean?

It means understanding a text using your own experience. Learners connect what they read or hear to what they already know from their daily lives.

Does the module have an answer key?

Yes. The Susi sa Pagwawasto at the end gives answers for the pretest, the activities, and the final test.

Can a parent help a Grade 2 learner with this module?

Yes. Several activities are listening exercises, and the module asks the adult to read the stories and situations aloud before the child answers.

How many lessons does this module have?

It has one lesson, Aralin 1: Pag-unawa sa Kuwento Gamit ang Karanasan, with many short stories and activities.

Full text of the module

The text below is a transcription of the PDF above, as printed.

Filipino Unang Markahan – Modyul 1: Pag-unawa sa Teksto Gamit ang Karanasan

2

Filipino

Unang Markahan – Modyul 1: Pag-unawa sa Teksto Gamit ang Karanasan

ALTERNATIVE DELIVERY MODE

PAG-AARI NG PAMAHALAAN HINDI IPINAGBIBILI

CO_Q1_Filipino 2_Module 1

Filipino – Ikalawang Baitang

Alternative Delivery Mode

Unang Markahan – Modyul 1: Pag-unawa sa Teksto Gamit ang Karanasan

Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayunpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Cristina T. Fangon

Editor: Elena V. Almario, Cita C. Merla, Marie Ann C. Ligsay

Tagasuri: Marcela S. Sanchez, Racy V. Troy, Marie Ann C. Ligsay

Tagaguhit: Jeanette H. Payson

Tagalapat: Cristina T. Fangon

Tagapamahala: Nicolas T. Capulong, Librada M. Rubio, Ma. Editha R. Caparas, Nestor P. Nuesca, Merlinda T. Tablan, Ellen C. Macaraeg, Elena V. Almario

Inilimbag sa Republika ng Pilipinas ng _____

Kagawaran ng Edukasyon – Rehiyon III

Office Address: Matalino St., Government Center, Maimpis, City of San Fernando Telefax: (045) 598-8580 to 8 E-mail Address: region3@deped.gov.ph

2

Filipino

Unang Markahan – Modyul 1: Pag-unawa sa Teksto Gamit ang Karanasan

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

Pagkatapos ng aralin, ikaw ay inaasahang makagagamit ng unang kaalaman o karanasan sa pag-unawa ng napakinggan/nabasang teksto.

Subukin

Panuto: Tukuyin ang inilalarawan sa bawat bilang. Piliin at isulat sa papel ang letra ng tamang sagot mula sa kahon.

A. [illustration: ice cream cone] B. [illustration: tree] C. [illustration: girl] D. [illustration: pencil] E. [illustration: pair of shoes]

  1. Kadalasan ito ay mataas, nagbibigay ng lilim kapag araw ay masikat. Kadalasan ito’y nagbibigay din ng pagkaing masarap.
  2. Isinusuot ko ito sa pagpasok sa paaralan at pagpunta sa simbahan, gamit sa paa upang di masugatan.
  3. Mapagmahal at maalaga sa aming magkakapatid, nais niyang kami ay kapiling sa bawat sandali.
  4. Malamig na, masarap pa, bagay na bagay sa tag-init.
  5. Kadalasa’y mahaba kung ito ay bago pa subalit umiigsi sa katatasa.

Aralin 1: Pag-unawa sa Kuwento Gamit ang Karanasan

Sa ating pang-araw-araw na buhay ay nakaririnig tayo ng iba’t ibang kuwento. Maaaring ito ay kuwento ni nanay, tatay, ate, kuya, lolo, lola, o ng iyong guro at mga kaibigan.

Sa pakikinig at pagbasa ng teksto, mahalaga na atin itong nauunawaan. Bukod sa pagkilala sa mga tauhan sa kuwento, maaari ring maiugnay ang mga pangyayaring ito sa ating sariling karanasan.

Balikan

Panuto: Alin sa mga sumusunod ang dapat tandaan sa pakikinig sa isang kuwento? Lagyan ito ng tsek (✓).

_____ 1. Makipagkuwentuhan sa katabi.

_____ 2. Tumingin sa nagkukuwento.

_____ 3. Tandaang mabuti ang mga tauhan ng kuwento.

_____ 4. Tandaan ang mga mahahalagang pangyayari sa kuwento.

_____ 5. Maglaro habang may nagkukuwento.

Tuklasin

Panuto: Basahin ang kuwento at unawain itong mabuti.

Kakaibang Baboy ni Kiel

Akda ni Cristina T. Fangon

[illustration: drawing of a piggy bank]

Walong taong gulang pa lamang si Kiel ay natutuhan na niyang mag-alaga ng isang baboy. Kakaiba ang baboy na alaga niya, hindi ito lumalaki, hindi rin tumataba subalit ito ay bumibigat. Ito ay isang alkansiya, dito niya itinatabi ang sobra niyang pera.

Tuwing hapon pagkagaling sa paaralan ay binibisita niya ang kanyang alkansiyang baboy at hinuhulugan ito.

Natutuwa siyang marinig ang tunog mula dito. Ang perang kanyang naiipon ay inilalaan niya para sa kaarawan ng kaniyang ina.

Lumipas ang mga araw. Sumapit na ang kaarawan ng kaniyang ina. Kinuha niya ang kanyang baboy, inalog-alog niya hanggang sa makuha ang lahat ng laman nito. Tinapik-tapik niya ito at sinabi, pangako pabibigatin kitang muli. Nakalabas na ngumiti si Kiel at bumili ng isang pulang blusa kasama ang kaniyang kuya Clarence.

Suriin

Mayroon tayong mga karanasan na maihahalintulad sa ating nabasang kuwento. Marunong ka rin bang mag-ipon? Maaaring ang sitwasyon na iyong nabasa ay nangyari na sa iyo. Tara, balikan natin ang ating kuwento.

Panuto: Sagutan ang sumusunod na mga tanong tungkol sa binasang kuwento. Isulat ang letra ng iyong sagot.

  1. Sino ang pangunahing tauhan sa kuwento?
    a. Clarence
    b. Kiel
    c. nanay


  2. Totoo bang baboy ang alaga ni Kiel?
    a. ewan ko po
    b. hindi po
    c. opo


  3. Sa palagay mo, saan kinukuha ni Kiel ang ipinanghuhulog niya sa kanyang alkansiyang baboy?

    • A. hinihingi sa nanay
    • B. pinupulot sa daan
    • C. sobra sa kaniyang baon
  4. Ano ang alaga ni Kiel?

    • A. alkansiyang aso
    • B. alkansiyang baboy
    • C. alkansiyang manok
  5. Anong katangian ni Kiel ang ipinakita sa kuwento?

    • A. magastos
    • B. mapag-ipon
    • C. masayahin
  6. Paano mo nasagot ang mga tanong sa bilang 1 hanggang 4?

    • A. Binasa at inunawa ko po ang kuwento.
    • B. Hinulaan ko po ang sagot.
    • C. Nagpaturo po ako ng sagot sa nakatatanda.
  7. Alin sa mga sumusunod ang maaari mong gawin upang higit mong maunawaan ang tekstong nabasa o napakinggan?

    • A. Basta basahin lamang ang kuwento.
    • B. Iugnay ito sa iyong sariling karanasan.
    • C. Palaging umasa na ipaliliwanag ito sa iyo ng iba.

Pagyamanin

Pinatnubayang Pagsasanay 1

Panuto: Makinig sa babasahing kuwento at sagutan ang sumusunod na mga tanong. Isulat ang iyong sagot sa sagutang papel.

Araw Para sa Kanya

Akda ni Cristina T. Fangon

Araw ng Linggo, maagang nagising ang mag-anak ni Aling Minda. Sabay-sabay silang kumain ng agahan at mabilis na naghanda para magsimba.

Sa loob ng simbahan ay tahimik na nagdarasal ang lahat, sumasabay sa awit ng papuri at nakikiisa sa iba pang gawain.

Matapos ang misa ay masayang umuwi ang mag-anak.

[illustration: notepad and pencil icon beside the teacher’s note box]

Mga Tala para sa Guro

Basahin nang malakas ang mga kuwento at sitwasyon sa mga susunod na gawain. Ipagawa ang mga pagsasanay sa mag-aaral.

  1. Anong araw nagsimba ang mag-anak ni Aling Minda?

____________________________________________________________

  1. Saan nagpunta ang mag-anak?

____________________________________________________________

  1. Ano-ano ang mga ginawa nila sa simbahan?

____________________________________________________________

  1. Mahalaga ba ang magsimba?

____________________________________________________________

  1. Ano ang ipinagdarasal mo kung ikaw ay nagsisimba?

____________________________________________________________

Pinatnubayang Pagtatasa 1

Panuto: Makinig sa babasahing kuwento at sagutan ang sumusunod na tanong. Isulat ang letra ng iyong sagot.

Mahusay na Kamay

Akda ni Cristina T. Fangon

[illustration: gray outline of an open hand]

Hilig ni Jowen ang gumuhit. Gumuguhit siya ng puno, tao, hayop at kung ano-ano pang nakikita niya sa kaniyang paligid. Batid niyang magaling siya. Sa mga paligsahan siya ay laging nangunguna. Gayunman, lagi

niyang sinasanay ang kaniyang kakayahan dahil lagi niyang naaalala ang sinasabi ng kaniyang ina, “Kung hindi mo pauunlarin ang iyong talento ay mawawala iyan sa iyo.” Sa tuwing naiisip niya iyon ay lalo niyang pinaghuhusay ang kaniyang ginagawa.

  1. Ano ang iba pang tawag sa pagguhit?

    • A. pag-drawing B. pagkulay C. pagpinta
  2. Magiging magaling kaya si Jowen sa pagguhit kung hindi siya nagsasanay?

    • A. ewan B. hindi po C. opo
  3. Anong katangian ang mayroon si Jowen?

    • A. mabait B. masipag C. matiyaga
  4. Sino ang laging naaalala ni Jowen kaya pinagbubuti niya ang kaniyang ginagawa?

    • A. lola B. nanay C. tatay
  5. Ano ang ibig sabihin ng pamagat sa ating kuwentong “Mahusay na Kamay”?

    • A. magaling gumuhit
    • B. magaling maglaba
    • C. magaling makipaglaban
Pinatnubayang Pagsasanay 2

Panuto: Pakinggan ang teksto. Suriin kung ano ang dapat gawin ni Jose. Isulat ang iyong sagot sa sagutang papel.

Pagkagaling mula paaralan ay nagbihis ng pambahay si Jose, maglalaro sana siya subalit nakita niyang abala ang kanyang ina sa mga gawaing bahay. Habang inaantay nitong kumulo ang inilulutong ulam ay naglilinis ito. Ano kaya ang dapat gawin ni Jose?

Pinatnubayang Pagtatasa 2

Panuto: Basahin ang teksto. Suriin kung ano ang dapat gawin ni Jose. Iguhit ang masayang mukha (☺) sa patlang na katapat ng iyong napiling sagot.

Umuulan noon, masayang nakatanaw si Jose sa mga batang naglalaro sa labas. Kagagaling lang niya sa sakit subalit maayos na ang kaniyang pakiramdam.

Maghuhubad na sana siya ng damit nang dumating ang kanyang ina at pinigilan siya. Hindi siya pinayagang maligo sa ulan.

  • A. Itutuloy ang paliligo dahil masarap maligo sa ulan.
  • B. Babalik sa kaniyang upuan at tatanaw sa bintana.
  • C. Susunod sa ina dahil alam niyang iyon ang tama.
Malayang Pagsasanay 1

Panuto: Ano ang dapat mong gawin sa sumusunod na mga sitwasyon? Isulat ang iyong sagot sa sagutang papel.

  1. Naiwanang bukas ang gripo sa inyong lababo.
  2. Nasira mo ang laruan ng iyong kaibigan.
  3. May pagsusulit kayo kinabukasan.
  4. Nakita mong walang baon ang iyong katabi sa upuan.
  5. Napulot mo ang panyo at pitaka ng iyong kaklase.
Malayang Pagtatasa 1

Panuto: Punan ang bawat patlang. Piliin ang letra nang wastong sagot.

  1. Pagkagising sa umaga, upang maipakita ang pasasalamat sa Diyos, ako ay_______________.

    • A. kumakanta C. nagsasayaw
    • B. nagdadasal D. tumutula
  2. Binabawalan ako ni Nanay na maglaro sa ulan upang ako ay hindi _______________.

    • A. Mabasa C. magkasakit
    • B. madulas D. mahulog
  3. Kumakain ako ng gulay at prutas dahil gusto kong maging _______________.

    • A. Maganda C. malusog
    • B. Malakas D. mapayat
  4. Pag-uwi ko sa bahay ay natanaw ko agad si Lolo kaya ako ay lumapit sa kanya at _______________.

    • A. Nagkuwento C. nagmano
    • B. naglambing D. nagsayaw
  5. Maraming dala si Nanay nang umuwi siya galing sa palengke, sasalubungin ko siya at _______________.

    • A. hihingan ng pasalubong
    • B. masayang kakawayan
    • C. tutulungan siyang magbitbit
    • D. yayakapin nang mahigpit
Malayang Pagsasanay 2

Panuto: Basahin ang mga pangungusap. Piliin sa loob ng kahon ang tamang sagot.

[illustration: box containing a sock, a folded cloth, a faucet dripping water, a bar of soap labeled “SOAP”, and a girl sitting on the floor]

_____ 1. Ito ay madalas na ginagamit na pamunas ng mukha at kamay.

_____ 2. Masarap itong inumin lalo na kung ito ay malamig.

_____ 3. Ginagamit ko ito sa pagligo para ako’y maging mabango at malinis.

_____ 4. Ito ay paboritong laruan ng kapatid kong babae.

_____ 5. Isinusuot ko ito bago ako magsapatos.

Malayang Pagtatasa 2

Panuto: Basahin ang sumusunod na mga paglalarawan. Piliin ang letra ng wastong sagot sa loob ng kahon.

[illustration: five labeled pictures: A. basketball; B. rolled wristband or sleeve; C. box of crayons labeled “Krayola”; D. folded towel or washcloth; E. bird perched on a branch]

_____ 1. Hayop na lumilipad, mayroon itong pakpak

_____ 2. Malambot ito, masarap yakapin at ilagay sa ulunan

_____ 3. Bilog at tumatalbog, umiimpis kapag nabutas

_____ 4. Pansapin sa likod kung pawisan, pangkuskos sa katawan sa paliguan

_____ 5. Paboritong gamitin ng mga bata matapos ang pagguhit ng larawang kanilang ibig

Isaisip

Panuto: Piliin sa loob ng kahon ang tamang sagot upang mabuo ang kaisipan.

teksto maunawaan tanong karanasan pag-uugnay

Ang paggamit sa iyong mga _____ o nauna mong kaalaman sa pagbasa o pakikinig sa isang teksto ay magandang gawi. Mahalaga ang _____ ng iyong karanasan sa teksto upang higit itong _____.

Ito man ay tula, kuwento, simpleng pangungusap o talata dapat ito ay nababasa mo nang may pang-unawa. Ang wastong pagsagot sa mga _____ tungkol sa _____ ay pagpapatunay ng pag-unawa dito.

Isagawa

Panuto: Piliin ang tamang letra ng salitang nakakahon na tumutukoy sa mga pangungusap sa ibaba.

A. bahay B. aklat C. payong D. suklay E. sepilyo

_____ 1. Umuulan man o umaaraw ay lagi ko itong bitbit.
Ginagamit ko ito upang di ako magkasakit.
Sa munti kong braso aking sinasabit.

_____ 2. Sa paaralan o tahanan ako’y iyong kaibigan.
Kuwentong kay ganda, mayroon ako niyan,
marami ding aralin, saki’y matututunan.

_____ 3. Paboritong lugar ng aking pamilya,
narito si Inay, gayundin si Itay,
sina Ate at Kuya lagi ko ditong karamay.

_____ 4. Kaibigan ng ngipin kung ako’y ituring,
kahit maliliit na singit aking lilinisin,
upang magandang ngiti mo’y laging mapansin.

_____ 5. Gamit ako para buhok mo’y gumanda,
umunat, umayos at kumikintab pa
para naman araw mo ay laging masaya.

Tayahin

Panuto: Isulat ang tamang letra na angkop sa mga saknong ng tula. Piliin ang sagot sa kahon.

A. panadero B. guro C. doktor D. bumbero E. pulis

_____1. Madalas mo akong makikita,
sa kalsada man o sa opisina.
Trabaho kong panatilihin,
kaayusan ay bigyang-pansin.

_____2. Nagliliyab na bahay o gusali man
ay hindi ko katatakutan.
Mailigtas lamang ang buhay ninyo’t ari-arian.

_____3. Sa klinika at ospital ako’y iyong makikita.
Prayoridad ko ang kalusugan ng mga
mamamayan.

_____4. Pangalawang magulang
ang turing sa akin.
Magturo sa mga mag-aaral
ang aking gawain.

_____5. Masarap na tinapay,
gawa ng aking mga kamay.
Kasiyahan kong makitang
busog inyong tiyan.

Karagdagang Gawain

Panuto: Basahin ang kuwento at sagutan ang mga tanong. Isulat ang letra nang wastong sagot.

Si Putot at Bibot

Akda ni Cristina T. Fangon

[illustration: a boy kneeling and reaching out to a small dog]

Si Putot ay asong masayahin, mapaglaro at magiliw sa kaniyang among si Bibot. Pag-uwi galing sa paaralan ay sinasalubong ni Putot si Bibot. Palaging pinapakain ni Bibot si Putot. Madalas ay may pasalubong na tinapay ang amo na galing sa baon nito.

Tuwing Sabado ay sabay na naliligo sina Putot at Bibot. Namamasyal sila at naghahabulan. Mahal na mahal ni Bibot ang kanyang asong si Putot.

  1. Sino ang may alagang aso?
    • A. Bibot
    • B. Putot
  2. Ano ang madalas na pasalubong ni Bibot sa alaga?
    • A. kanin
    • B. tinapay
  3. Kailan pinapaliguan ni Bibot si Putot?
    • A. tuwing Linggo
    • B. tuwing Sabado
  4. Kung ikaw ay may alagang aso, anong pagkain ang ibibigay mo sa kanya?
    • A. kanin namay ulam
    • B. tsokolate
  5. Ano kaya ang mararamdaman ni Bibot kapag nawala si Putot?
    • A.malulungkot
    • B. matutuwa

Susi sa Pagwawasto

[transcriber’s note: this page is printed upside down, and its answer-key grid is reproduced below section by section in reading order]

Subukin
  1. B
  2. E
  3. C
  4. A
  5. D
Balikan
  1. ✓
  2. ✓
  3. ✓
Suriin
  1. B
  2. B
  3. C
  4. B
  5. B
  6. A
  7. B
Pagyamanin
Pinatnubayang Pagsasanay 1
  1. Linggo
  2. Simbahan
  3. Nagdasal at umawit
  4. Opo
  5. (tanggapin ang mga sagot na may kinalaman sa kanilang ipinagdasal)
Pinatnubayang Pagtatasa 1
  1. A
  2. B
  3. C
  4. B
  5. A
Pinatnubayang Pagsasanay 2

Tutulungan ko po sa gawaing bahay si Nanay

Pinatnubayang Pagtatasa 2

Susunod sa ina C. dahil alam niyang iyon ang tama

Malayang Pagsasanay 1
  1. Papatayin ko po ang gripo
  2. Hihingi po ako ng paumanhin
  3. Mag-aaral po ako ng leksiyon/aralin
  4. Ibabahagi ko po ang aking baon
  5. Ibabalik ko po ito sa may-ari (tanggapin ang mga sagot na malapit sa sagot sa bawat bilang)
Malayang Pagtatasa 1
  1. B
  2. C
  3. C
  4. C
  5. C
Malayang Pagsasanay 2
  1. Panyo
  2. Tubig
  3. Sabon
  4. Manika
  5. Medyas
Malayang Pagtatasa 2
  1. E
  2. B
  3. A
  4. D
  5. C
Isaisip
  1. karanasan
  2. pag-uugnay
  3. maunawaan
  4. tanong
  5. teksto
Isagawa
  1. C
  2. B
  3. A
  4. E
  5. D
Tayahin
  1. E
  2. D
  3. C
  4. B
  5. A
Karagdagang Gawain
  1. A
  2. B
  3. B
  4. A
  5. A

Sanggunian

Garcia, Nilda S., Jackelyn F. Aligante, Melany B. Ola, Aida J. Cruz, Erlinda B. Castro, Virginia C. Cruz, Matilde N. Padalla, Galcoso C. Alburo, and Estrella C. Cruz. 2013. Ang Bagong Pinoy Filipino 2 Kagamitan Ng Mag-aaral. Pilipinas: Rex Book Store Inc.

Garcia, Nilda S., Jackelyn F. Aligante, Melany B. Ola, Aida J. Cruz, Erlinda B. Castro, Virginia C. Cruz, Matilde N. Padalla, Galcoso C. Alburo, and Estrella C. Cruz. 2013. Ang Bagong Pinoy Filipino 2 Patnubay ng Guro. Pilipinas: Rex Book Store Inc.

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex
Meralco Avenue, Pasig City, Philippines 1600 Telefax:

(632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district