Mother Tongue-Based Multilingual Education 3 Quarter 1 Module 4: Idetalye Mo!

MTB-MLE Grade 3 Quarter 1 Module 4 teaches learners to write story details: characters, setting, events, problem, and solution, with an answer key.

This is a self-learning module for Mother Tongue-Based Multilingual Education (MTB-MLE) for Grade 3 (Ikatlong Baitang), Quarter 1 (Unang Markahan), Module 4: “Idetalye Mo!” (Give the details!). This version is written in Tagalog and was prepared by DepEd Region XI. Learners read short stories and practice picking out and writing down their important details: the characters, the setting, and the events, including the problem and its solution.

On this page 7 sections

What learners will learn

After working through the module, learners are expected to:

  • write details from a story they have read (nakasusulat ng detalye mula sa kuwentong binasa), MT3RC-Ia-b-1.1.1

Lessons in this module

The module has one lesson, Aralin 1: “Idetalye Mo!” It opens by asking learners about their favorite actors and story heroes, then explains that every show, film, or story has elements. Learners read three original stories by Lovely Joy M. Ariate and use them to find and write story details.

The elements of a story

The module’s Tandaan (remember) section teaches that a story (kuwento) has three elements:

ElementMeaning
Tagpuan (setting)Where and when the story happens
Tauhan (characters)The people who take part in the story
Mga pangyayari (events)The order of what happens in the story, including the suliranin (problem) and its kalutasan (solution)

When learners write the details of a story, they should cover all three: the characters, the setting, and the events.

The stories in the module

Ang Pag-asa ni Sisa (Sisa’s Hope)

Sisa is the eldest of nine children of Mang Siral and Aling Jessa. The family lives on farmland in Barangay Limao. One afternoon the rice container is empty, so her mother sends her to Aling Sinta’s store to borrow a kilo of rice on credit. On the way home she meets her classmate Ken and, ashamed, hides the rice under her clothes, but the grains fall out. Her mother gently tells her that poverty is nothing to be ashamed of as long as you do not step on other people. Sisa promises to finish school and become a teacher like Ma’am Becca. In the Suriin activity, learners fill in blanks with details such as the mother’s name, where the family lives, and what Sisa borrowed.

Ang Pagdating ng Bagong Anghel (The Arrival of a New Angel)

Krystal’s family lives in a coconut farm in Sitio Caliclic. Krystal worries when her mother, Gng. Gay, is pregnant again, because life is already hard. Her father, Alex, says the baby is a blessing. Baby Alexa Gay is born, the family’s worries turn to joy, and Krystal realizes her little sister will be her best friend. Learners answer questions on the characters, setting, details, problem, and solution.

Pangarap sa Barko (A Dream on a Ship)

Edwin Jr. Capuno, who had asthma and convulsions as a child, finishes Marine Engineering and travels around the Philippines during his apprenticeship. He fails his final medical check-up because of a problem in one eye, but his family does not give up, and he now works on a fuel ship. Learners fill in three graphic organizers (talangguhit) for the characters, the setting, and the events of this story.

How to use this module

The module follows the usual self-learning module parts:

  1. Subukin (pretest): five multiple-choice questions on story terms.
  2. Balikan (review): give details about the COVID-19 pandemic.
  3. Tuklasin and Suriin: read “Ang Pag-asa ni Sisa” and complete the sentences.
  4. Tandaan: the three elements of a story.
  5. Pagyamanin: Gawain A and Gawain B with the other two stories.
  6. Isaisip and Isagawa: reflection questions on why story details matter.
  7. Tayahin (post-test): five multiple-choice questions.
  8. Karagdagang Gawain (extra activity): write your own story with complete details and all the story elements.

For learners: Read the directions for each activity. Write your answers on separate paper or in your notebook, not in the module, so others can use it later. Contact your teacher if you have trouble with the lesson.

For parents: The answer key (Susi sa Pagwawasto) at the end lets you check answers. Many reflection and writing items have no single right answer, so read your child’s answers and talk about them together.

For teachers: The pretest shows which learners may need more help. Open-ended items in Pagyamanin, Isaisip, and Isagawa are marked in the key as expecting different answers.

Frequently asked questions

What grade and quarter is the Idetalye Mo! module for?

It is the Mother Tongue-Based Multilingual Education module for Grade 3, Quarter 1, Module 4.

What competency does this module cover?

It covers writing details from a story that was read, with the code MT3RC-Ia-b-1.1.1.

What are the elements of a story in this module?

The module teaches three elements: tagpuan (setting, where and when), tauhan (characters), and mga pangyayari (events), which include the problem and its solution.

Does the module have an answer key?

Yes. The Susi sa Pagwawasto gives answers for the pretest, Suriin, Gawain A, and the post-test, and notes that reflection items can have different answers.

What language is the module written in?

This version is written in Tagalog and was prepared by DepEd Region XI.

Full text of the module

The text below is a transcription of the PDF above, as printed.

Mother Tongue-Based Multilingual Education Unang Markahan – Modyul 4: Idetalye Mo!

[illustration: teacher and students reading and studying outdoors and at a desk, with a globe and a lamp]

CO_Q1_MTB-MLE 3_ Module 4

Mother Tongue-Based Multilingual Education – Ikatlong Baitang

Alternative Delivery Mode Unang Markahan – Modyul 4: Idetalye Mo! Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Inilimbag sa Pilipinas ng __________________________________

Department of Education – Region XI

Office Address: F. Torres St., Davao City Telefax: (082) 291-1665; (082) 221-6147 E-mail Address: regionxi@deped.gov.ph * lrms.regionxi@deped.gov.ph

Bumuo sa Pagsusulat ng Modyul

Manunulat: Lovely Joy M. Ariate Editor: Chomadith Loian J. Hechanova, Jesusa P. Ambrona, Lourdes C. Manlapus Tagasuri: Rochien R. Titong, Romeo A. Mamac, Christopher U. Gonzales, Lea C. Manambay, Aries A. Gamino Tagaguhit: Deodito C. Curaza Jr. Tagalapat: Hazel Jane A. Villegas Tagapamahala: Allan G. Farnazo, Winnie E. Batoon, Mary Jeanne B. Aldeguer, Chona M. Calatrava, Analiza C. Almazan, Teresita E. Helgason, Ma. Cielo D. Estrada, Jesusa P. Ambrona, George N. Wong

3

Mother Tongue-Based Multilingual Education Unang Markahan – Modyul 4: Idetalye Mo!

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

Kumusta? Halika at sabay nating alamin ang napapaloob sa modyul na ito!

Subukan mo kung papaano ang pagsulat ng detalye mula sa kuwentong binasa. May mga gawain akong inihanda para sa iyo upang mahasa ang iyong kaalaman tungkol dito.

Pagkatapos pag-aralan ang modyul na ito, ikaw ay inaasahang:

  • nakasusulat ng detalye mula sa kuwentong binasa, (MT3RC-Ia-b-1.1.1).
Mga Tala para sa Guro

Upang ikaw ay maging matagumpay sa paggamit ng kagamitang ito, tandaan mo lamang na laging basahin ang mga panuto sa bawat gawain na makikita sa modyul. Maligayang pag-aaral!

Subukin

Basahin at piliin ang wastong sagot. Isulat ang titik ng iyong sagot sa papel o sa kuwaderno.

_______1. Ito ay tumutukoy sa panauhan sa kuwento. a. tauhan c. suliranin b. tagpuan d. pangyayari

_______2. Ito ay tumutukoy kung saan naganap ang kuwento. a. tauhan c. suliranin b. tagpuan d. pangyayari

_______3. Ito ay tumutukoy sa banghay sa kuwento. a. tauhan c. suliranin b. tagpuan d. pangyayari

_______4. Ito ay tumutukoy sa problemang kinahaharap ng tauhan sa kuwento. a. tauhan c. suliranin b. tagpuan d. pangyayari

_______5. Ano ang iba pang tawag sa salitang salaysay? a. kwento c. suliranin b. tagpuan d. pangyayari






Aralin 1: Idetalye Mo!

Mayroon ka bang mga idolong artista mula sa pinanood mong mga palabas sa telebisyon at sa mga pelikula? O hindi kaya ay mga bayani sa kuwentong iyong binasa sa paborito mong aklat? Alam mo ba kung ano ang tawag sa kanila?

Bawat palabas, pelikula o mga kuwento sa aklat ay may tinatawag na elemento. Tara! Isa-isahin natin ito.

Balikan

Sa pandemya ng COVID-19, magbigay ng mga detalye sa pangyayaring naganap. Isulat ang sagot sa iyong papel o kuwaderno.






Tuklasin

Basahin ang kuwento at isulat ang mga mahalagang detalye.

Ang Pag-asa ni Sisa

ni Lovely Joy M. Ariate

[illustration: a woman standing with a group of children and a family in a rural landscape with a house and mountains]

Si Sisa ay ang panganay sa siyam na anak nina Mang Siral at Aling Jessa. Nakatira sila sa bukiring bahagi ng Barangay Limao na siyang sinasaka ni Mang Siral. Ang kaniyang ina ay isang maybahay at nag-aalaga sa kanila. Mahirap ang kanilang pamumuhay subalit masayang nagsusumikap ang kanilang mga magulang upang matustusan ang kanilang simpleng pangangailangan.

[illustration: a mother holding the hand of a daughter who is bowing to receive a blessing]

Isang hapon sa pag-uwi ni Sisa, “Mano po Inay”. “Kaawaan ka ng Diyos anak”, sagot ng Nanay. Dali-daling nagbihis si Sisa at pumunta sa kusina upang magsaing.

[illustration: Sisa opening a rice container and looking inside]

Laking gulat niya nang buksan ang bigasan, wala na pala itong laman. “Nay! Nay, wala na po tayong lulutuin ngayon,” sabi ni Sisa.

“Sisa, pumunta ka muna kina Aling Sinta. Umutang ka ng isang kilong bigas,” sagot ng nanay.

[illustration: Sisa walking past the large house of her teacher toward Sinta’s Store]

Habang siya ay naglalakad patungo sa tindahan, nakita niya ang malaking bahay ng kaniyang guro na si Bb. Becca. “Wow! Napakaganda talaga ng bahay ni Ma’am. Napakasarap

sigurong tumira sa malaking bahay,” paghanga ni Sisa. “Balang araw, magkakaroon din kami niyan.”

[illustration: Aling Sinta writing in a notebook behind a counter of rice sacks while Sisa looks on]

Pagdating niya sa tindahan, “Magandang hapon po Aling Sinta. Mangungutang po ako ng isang kilong bigas.”

“Aba! Sisa, mahaba-haba na ang inyong listahan pero aasahan ko na kapag naibenta na ang kopra ng iyong ama ngayong buwan ay babayaran ito,” pabirong sagot ni Aling Sinta.

“Opo, Aling Sinta, maraming salamat!”, tugon ni Sisa.

Habang naglalakad pauwi si Sisa ay bigla niyang nakita ang kaniyang kamag-aral na si Ken. Nahihiya siya sa bitbit niyang isang kilong bigas kaya itinago niya ito sa ilalim ng kaniyang damit.

[illustration: Sisa and Ken standing on the road near Sinta’s Store and a large house]

“Sisa, ano ba ‘yang tinatago mo?” tanong ni Ken.

“A, wala ito!”, sagot ni Sisa.

“Anong wala? E, unti- unting nalalaglag ang mga butil ng bigas! Sayang naman”, sabi ni Ken. “Ang bawat butil niyan ay panalangin ng Diyos.

Malungkot na umuwi si Sisa. “Ano ang nangyari Sisa?” tanong ng Nanay.

Pautal-utal na sumagot si Sisa, “Nay, may ginawa kasi akong hindi mabuti kanina. Itinago ko ang bigas na dala ko kasi nahihiya ako sa aking kaklase.”

[illustration: Aling Jessa speaking with a hand raised while Sisa touches her cheek]

Mahinahong sumagot si Aling Jessa, “Anak, wala namang problema sa pagdadala ng isang kilong bigas. Kahit inutang pa natin ito, babayaran din naman kapag may pera na tayo. Hindi kailanman dapat ikinahihiya ang kahirapan kung wala ka namang inaapakang tao.”

[illustration: Aling Jessa hugging Sisa]

Niyakap ni Sisa ang kanyang nanay, “Opo Inay, patawad po. Mula ngayon hindi ko na po ikahihiya ang ating kalagayan. Ipinapangako ko po na magtatapos ako ng aking pag-aaral. Balang araw, magiging guro ako at magkapagtrabaho katulad ni Ma’am Becca upang matutulongan ko kayo.”

Niyakap ni Aling Jessa ang anak. “Salamat at naintindihan mo, anak. Kahit mahirap, ang mahalaga ay masaya at nagmamahalan ang buong pamilya.”

Suriin

Lagyan ng tamang sagot ang bawat patlang upang mabuo ang detalye ng binasang kuwento. Isulat ang iyong sagot sa papel o sa kuwaderno.

1-2) Sa kuwentong “Ang Pag-asa ni Sisa”, _____ ang pangalan ng ina, at _____ ang pangalan ng nakakatandang-anak.

  1. Ang pamilyang nabanggit sa kuwento ay nakatira sa _____.


  2. Siya ay pinapunta sa tindahan upang mangutang ng _____ dahil wala silang maisaing.


  3. Nahihiya siyang makita ng kaniyang kamag-aral na may bitbit na bigas kaya tinago niya ito sa loob ng damit at _____.


  4. Pinayuhan siya ng kaniyang ina na hindi dapat ikahihiya ang _____ lalong-lalo na kung wala kang taong tinatapakan.


Tandaan
  • ✓ Ang kuwento ay may tatlong elemento: tagpuan, tauhan, at mga pangyayari.
  • ✓ Ang tagpuan ay nagsasaad kung saan at kailan nangyari ang kuwento.
  • ✓ Ang tauhan ay ang mga tao na gumaganap sa kuwento.
  • ✓ Ang mga pangyayari naman ay nagpapakita ng pagkasunod-sunod ng bawat kaganapan sa kuwento kabilang na ang mga naging suliranin at kalutasan nito.
Pagyamanin
Gawain A

Basahin ang kuwento at sagutin ang mga tanong. Isulat ang iyong sagot sa papel o sa kuwaderno.

Ang Pagdating ng Bagong Anghel ni Lovely Joy M. Ariate

[illustration: a pregnant woman standing beside a man and a girl who looks sad, in a banana grove near a hut]

Sa malapad na niyogan ng Sitio Caliclic, nakatira ang pamilya ni Krystal. Isang umaga, nanlumo ang kaniyang buong pamilya sa balitang buntis na naman si Gng. Gay.

“Ma, buntis ka na naman? Paano na po ito?” malungkot na sabi ni Krystal.

Ginantihan lamang siya ng tingin ng kaniyang ina. Subalit, sumagot ang kaniyang ama na si Alex, “Bakit ka nag-aalala? Isang anghel at biyaya ng Diyos ang pinagbubuntis ng iyong ina.”

“Pa, sa hirap ba naman ng ating buhay ay may panibagong daragdag? Paano na tayo?” matamlay na tanong ni Krystal.

[illustration: a baby wrapped in a blanket, labeled “Alexa Gay”]

Pagkalipas ng siyam na buwan ay ipinanganak ang isang anghel na pinangalanang Alexa Gay. Mula ito sa pangalang Alex at Gay.

Hindi na nila namalayan ang kahirapan. Puro kasiyahan nalang ang kanilang naramdaman dahil ang bagong anghel ang naging pantanggal-pagod sa tuwing uuwi sila galing trabaho at eskuwela.

Napagtanto ni Krystal na ang kaniyang nakababatang kapatid ay magiging pinakamatalik niyang kaibigan.

Sagutin:

Mga TanongKasagutan
1. Sino-sino ang tauhan sa kuwento?
2. Saan ang tagpuan?
3. Ano-ano ang detalye ng kuwento?
4. Ano ang naging suliranin sa kuwento?
5. Ano ang naging solusyon sa suliranin?
Gawain B

Basahin ang kuwento at lagyan ng tamang sagot ang sumusunod na talangguhit pagkatapos ng kuwento. Isulat ang iyong sagot sa papel o sa kuwaderno.

Pangarap sa Barko ni Lovely Joy M. Ariate

[illustration: a cargo ship beside a uniformed seaman standing and smiling]

Noong ika-12 ng Agosto 1997, pinanganak ang malusog na batang pinangalanang Edwin Jr. Capuno. Siya ay anak ng isang tubero na si Edwin Sr. Capuno at mabait na inang si Julieta Capuno. Ipinanganak siya sa isang malaking ospital sa Davao. Hikain siya at palaging kinukombulsyon simula pa nang siya ay isilang. Subalit hindi ito naging hadlang upang tapusin ang kursong Marine Engineering.

Sa panahon ng kaniyang apprenticeship, nalibot niya ang buong Pilipinas. Naabot niya ang iba’t ibang lugar tulad ng Isla ng Palawan. Kahit pa ang malayong bahagi nitong tinawag na Coron. Nasilip niya sa Catanduanes ang mga magagarang sementadong bahay na nipa ang bubong. Madalas kasing daanan ng bagyo ang lugar. Nasilayan din niya ang malapolbong buhangin ng Boracay kung saan niya naranasan ang night life. Nasaksihan din niya ang mga nakakatindigbalahibong tagpo sa Cotabato noong kasagsagan ng giyera ng Moro at pamahalaan pati na rin ang pagsampa sa barko ng mga pirata upang kunin ang kanilang bigas at gasolina.

Pagkatapos ng kaniyang apprenticeship, naghanap siya ng mapapasukan bilang seaman sa Maynila. Sa kaniyang pamamalagi roon, buwan ng Setyembre taong 2019, ang bahay

na kaniyang tinutuluyan na malapit sa Adamson University ay nasunog. Mabuti na lang at naisalba pa niya ang mga mahahalagang dokumento. Naranasan din niyang pumila para manghingi ng rasyon at nakamayan si Senador Bong Go.

Dumating ang kaniyang huling medical check-up bago sumampa sa barko. Sa kasawiang-palad hindi siya pumasa dahil may deperensiya ang isa niyang mata. Ang sabi ng doktor, ito ay epekto ng kaniyang madalas na kombulsyon noong bata pa. Dahil sa nangyari nawalan siya ng gana na para bang pinagsakluban siya ng langit at lupa. Subalit, hindi nawalan ng pag-asa ang kaniyang pamilya. Pinapunta siya sa Cebu upang humingi ng pangalawang opinyon. Sa kasalukuyan, siya ay nakapagtrabaho sa isang panggasolinang barko na may biyaheng Saudi Arabia papuntang America.

Pagsukat sa Kaalaman

A. Talangguhit ng Tauhan

[chart: graphic organizer; A. Talangguhit ng Tauhan]

Pamagat ng Kuwento


  • Sino ang pangunahing tauhan sa kuwento?
  • Ano-ano ang katangian ng pangunahing tauhan ng kuwento?
  • Ano ang katangian ng pangunahing tauhan ang nais mong tularan? Bakit?
B. Talangguhit ng Tagpuan

[chart: graphic organizer; B. Talangguhit ng Tagpuan]

Pamagat ng Kuwento


  • Saan nangyari ang kuwento?
  • Kailan nangyari ang kuwento?
  • Ilarawan mo ang tagpuan ng kuwento?
C. Talangguhit ng mga Pangyayari

[chart: graphic organizer; C. Talangguhit ng mga Pangyayari]

Pamagat ng Kuwento


  • Ano-ano ang pangyayari sa kuwento?
  • Ano ang suliranin sa kuwento?
  • Ano ang solusyon sa suliranin?
Isaisip

Ano-ano ang mahalagang elemento na dapat tandaan sa isang kuwento?




_____________________________________________________.

Isagawa
  1. Bakit mahalagang malaman kung paano hanapin ang detalye ng isang kuwento?




  2. Gaano kahalaga ang bawat detalye ng isang kuwento? Sa iyong palagay, ano ang posibleng mangyayari sa mga nakikinig kung kulang sa detalye ang kuwentong napakinggan?




  3. Ano-ano pa ang dapat mong pag-aralan at gawin upang lumawak ang iyong kaalaman sa pagtala ng detalye sa kuwento?




Tayahin

Basahin at unawaing mabuti ang mga tanong. Piliin ang titik ng wastong sagot at isulat sa papel o kuwaderno.

____ 1. “Siya ay nakatira sa bukiring bahagi ng Limao”, ito ay __________ o pinangyarihan ng kuwento.

  • A. tauhan
  • B. tagpuan
  • C. suliranin
  • D. pangyayari

____ 2. “Sila ay nabuhay nang matiwasay magpasawalang-hanggan”, ito ay ang __________ ng kuwento.

  • A. tauhan
  • B. tagpuan
  • C. suliranin
  • D. pangyayari

____ 3. Ano-anong mga detalye sa kwentong binasa o napakinggan ang kailangang isulat?

  • A. tauhan at tagpuan
  • B. tagpuan at pangyayari
  • C. pangyayari at tauhan
  • D. tauhan, tagpuan, at pangyayari ng kwento

____ 4. Kung ikaw ay gagawa ng kuwento tungkol sa COVID-19, alin sa sumusunod ang maaaring solusyon upang malutas ang pagkalat nito?

  • A. Iaasa sa suwerte ang lahat.
  • B. Iisipin lamang ang kaligtasan ng sariling pamilya.
  • C. Iaasa sa gobyerno at mga mayayaman ang pagtulong.
  • D. Gagawa ng inisyatibong paraan tulad ng pananatili sa bahay at magbibigay ng ayon sa nakakaya.

____ 5. Sa kuwento ng programa ni Pangulong Rodrigo Duterte tungkol sa “Giyera Kontra Droga”, ano ang mga pangyayaring naganap maliban sa isa?

  • A. Tumaas ang presyo nga gasolina.
  • B. Nabibigyan ng hanapbuhay ang mga sumusuko.
  • C. Nababawasan ang mga gumagamit ng ipinagbabawal na gamot.
  • D. Nagkaroon ng pagkakataong magbagong buhay ang mga gumagamit ng ipinagbabawal na gamot.
Karagdagang Gawain

Sumulat ng sariling kuwento sa isang malinis na papel o kuwaderno. Siguraduhing kompleto ang mga detalye nito at isinaalang-alang ang mga elemento ng isang kuwento.

[illustration: scroll-shaped writing frame with blank lines]















Susi sa Pagwawasto

[transcriber’s note: the answer key panels are printed upside down on this page; they are transcribed here in reading order]

Pagyamanin (Gawain 2)

Inaasahan ang magkaibang sagot.

Isaisip

Inaasahan ang magkaibang sagot.

Isagawa

Inaasahan ang magkaibang sagot.

Tayahin
  1. B
  2. D
  3. D
  4. D
  5. A
Subukin
  1. A
  2. B
  3. D
  4. C
  5. A
Suriin
  1. Jessa
  2. Sisa
  3. bukiring bahagi ng Barangay Limao
  4. bigas
  5. nalaglag ang mga butil ng bigas
  6. kahirapan
Pagyamanin (Gawain 1)
  1. Krystal, Gng. Gay, Alex, Alexa Gay
  2. Sitio Caliclic
    3-5. Inaasahan ang magkaibang sagot.

Sanggunian

Curriculum Guide in Mother Tongue Based-MLE 3, p133. DepEd Complex, Meralco Ave. 1600 Pasig City, Philippines.

Final K to 12 Most Essential Learning Competencies (MELCs) with Corresponding CG Codes in MTB-MLE Grade III Quarter 1. DepEd Complex, Meralco Ave. 1600 Pasig City, Philippines.

Bamba, Nelia D., Claire B. Barcelona, Gretel Laura M. Cadiong, Franlyn R. Corporal, Florinda Dimansala, Lilibeth A. Magtang, Victoria D. Mangaser, Florita R. Matic, Irene T. Pilapil, Grace U. Rabales, Raquel C. Solis, and Arabella May Z. Soniega. MTB-MLE Kagamitan ng Mag-aaral (Tagalog- Baitang 3): Book Media Press, Inc., 2014, 4, 17, 20. DepEd Complex, Meralco

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district