Filipino sa Piling Larang Teknikal-Bokasyunal Quarter 1 Week 7: Hakbang sa Pagsasagawa ng Manwal at Liham Pangnegosyo

Senior High School module for Filipino sa Piling Larang Tech-Voc, Quarter 1 Week 7: the steps in writing a manual and a business letter, with samples.

This is a Senior High School self-learning module for Filipino sa Piling Larang Teknikal-Bokasyunal (Filipino in the chosen field: technical-vocational). It covers Unang Markahan, Ikapitong Linggo (Quarter 1, Week 7), with one lesson: Aralin 7, “Sulating Teknikal-Bokasyunal: Hakbang sa Pagsasagawa ng Manwal at Liham Pangnegosyo” (technical-vocational writing: steps in making a manual and a business letter). After the module, learners should be able to follow the steps for writing a manual and a business letter and produce one of their own.

The module is an Alternative Delivery Mode (ADM) material, First Edition 2020, printed by SDO-Caloocan under DepEd NCR. It was written by Vivian A. Estayan.

On this page 7 sections

What learners will learn

The module states that by the end, each learner:

  • Lists the steps in making the sample technical-vocational writings they read (CS-FFV11/12PB-0g-i-106)
  • Identifies the specific steps in making a manual and a business letter
  • Does research to understand the purpose of writing a manual
  • Gives their own examples of the parts of a business letter
  • Writes their own manual or business letter based on the steps discussed

How to write a manual

The module defines a manwal (manual) as a book of information or rules that serves as a written guide or reference for training, organizing work, building a mechanism, operating equipment, servicing products, or repairing them. It gives nine steps:

  1. Identify the purpose of the manual by asking who, what, when, where, why, and how: who will use the product, what it is, when and where it is used, why it matters, and how to use it.
  2. Research and gather information from experts.
  3. Sort and organize the data and information.
  4. Decide on a suitable design.
  5. Make an outline.
  6. Write the manual.
  7. Have it read by possible users or by an editor.
  8. Publish the manual.
  9. Revise it if it has errors or confusing instructions.

An effective manual, according to the module:

  • Has simple, easy-to-understand instructions
  • Has an attractive and fitting design
  • Has illustrations that help the reader understand
  • Can be used as a reference in the future
  • Covers topics, tasks, procedures, and other information in logical order

The module shows a sample page from a cellphone user manual in Filipino, “Ipinakikilala ang Iyong Cellphone” (introducing your cellphone). It includes a table of buttons (power, volume, back, home, menu) and what each does, plus a list of status icons such as signal strength, battery meter, and new message.

How to write a business letter

A liham pangnegosyo (business letter) is a formal letter, usually with a one-inch margin on every side, written on 8 1/2 x 11 bond paper. The module gives six steps, one for each part:

PartWhat it contains and how to write it
Pamuhatan (heading)The sender’s address in two to three lines, with the date on the last line. Leave it out if you use company stationery, but still write the date.
Patunguhan (inside address)The complete name and address of the recipient, always on the left. Leave two line spaces between the heading and the inside address.
Bating pambungad (salutation)A formal greeting, often “Mahal na” plus the surname, or a title such as G., Gng., Bb., Atty., or Engr. It ends with a colon (:), not a comma.
Katawan (body)Written in paragraphs, indented or not depending on the style, with one line space between paragraphs.
Pamitagang pangwakas (complimentary close)A short respectful farewell such as “Sumasainyo,” or “Lubos na gumagalang,”. It ends with a comma (,).
Lagda (signature)Leave two line spaces before the name of the person signing.

Reminders for the body of the letter:

  • Get to the point in the first paragraph.
  • Be polite.
  • Avoid threatening statements and negative suggestions.
  • Avoid irrelevant and unimportant words.
  • Avoid first-person pronouns, especially in the first sentence or paragraph.
  • In the middle part, narrate the facts and support them.
  • In the last sentence, state the action you want taken, politely.

The module includes two full sample letters: a job application for a Sales Representative post in semi-block form (Pigura 1), and a Work Immersion application from a Grade 12 Dressmaking student in the indented form (Pigura 2).

Activities in the module

  • Subukin (pretest) and Tayahin (final test): 15 multiple-choice items each on the parts and steps covered.
  • Balikan (review): telling flyers from leaflets, from the previous lesson.
  • Tuklasin: a picture puzzle that leads to the lesson’s key words.
  • Pagyamanin: Gawain 1 asks learners to study a manual at home using the who-what-when-where-why-how questions; Gawain 2 asks for sample parts of a letter with correct punctuation; Gawain 3 compares a manual and a business letter by features, steps, and importance.
  • Isaisip: a word search of ten technical terms used to complete sentences.
  • Isagawa: learners choose to write either their own manual for any device (graded on content, design and illustration, language, and usefulness) or a semi-block Work Immersion application letter (graded on content, method, form, and language and grammar).
  • Karagdagang Gawain: a block-style job application letter, scored out of 40 points.

How to use this module

  • Learners: Answer the Subukin first. If you get all items right, you may skip ahead. Then work through Balikan, Tuklasin, Suriin, Pagyamanin, Isaisip, Isagawa, and Tayahin in order. Write your answers on separate paper, not on the module, and check your practice answers honestly with the Susi sa Pagwawasto (answer key) at the end. Return the module to your teacher when you finish.
  • Parents and older family members: The module invites learners to ask you for help when an activity is hard. Gawain 1 also asks learners to find a manual at home, such as one for a cellphone or an appliance.
  • Teachers: As facilitator, you are asked to explain how to use the module, monitor and record learners’ progress, and encourage them as they work through the activities.

Frequently asked questions

What grade and quarter is this module for?

It is a Senior High School module for Filipino sa Piling Larang Teknikal-Bokasyunal, Quarter 1, Week 7 (Aralin 7). Its competency code, CS-FFV11/12PB-0g-i-106, covers Grades 11 and 12.

What are the parts of a business letter in this module?

The module lists six parts: pamuhatan (heading), patunguhan (inside address), bating pambungad (salutation), katawan (body), pamitagang pangwakas (complimentary close), and lagda (signature).

What punctuation ends the salutation and the closing of a business letter?

The bating pambungad (salutation) ends with a colon, for example Bb. Erestain: and the pamitagang pangwakas (closing) ends with a comma, for example Sumasainyo,

What are the steps in writing a manual?

The module gives nine steps: identify the purpose, research with experts, organize the information, choose a design, make an outline, write the manual, have users or an editor read it, publish it, and revise it if needed.

Does the module have an answer key?

Yes. The Susi sa Pagwawasto at the end gives answers for the Subukin, Balikan, Tuklasin, Isaisip, and Tayahin parts.

Full text of the module

The text below is a transcription of the PDF above, as printed.

Senior High School

Filipino sa Piling Larang Teknikal-Bokasyunal

[illustration: hands typing on a keyboard, with a handshake, a peso-marked document, a pen, a magnifying glass, a book with gears and a wrench, and printed pages]

GOVERNMENT PROPERTY NOT FOR SALE

Filipino sa Piling Larang- Teknikal- Bokasyunal

Alternative Delivery Mode

Unang Markahan – Ikapitong Linggo: Sulating Teknikal Bokasyunal: Hakbang sa Pagsasagawa ng Manwal at Liham Pangnegosyo

Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul Filipino sa Piling Larang: Teknikal- Bokasyunal

Manunulat: Vivian A. Estayan Editor: Tommy R. Rico Tagasuri: Sheila C. Molina, Allan G. Salom, Amaflor C. Alde Tagaguhit: Ferdinand B. Jara Tagalapat: Jovanny L. Cornelia Tagapamahala: Wilfredo E. Cabral, Jennifer Vivas, Dennis M. Mendoza, Micah S. Pacheco, Jocelyn M. Aliñab, Tommy R. Rico

Inilimbag sa Pilipinas ng SDO-Caloocan Department of Education – National Capital Region (DepEd NCR)

Office Address: Misamis St., Bago Bantay, Quezon City, Philippines Telefax: (632) 8929-0153 E-mail Address: depedncr@deped.gov.ph

Filipino sa Piling Larang Teknikal- Bokasyunal Unang Markahan – Ikapitong Linggo Sulating Teknikal- Bokasyunal: Hakbang sa Pagsasagawa ng Manwal at Liham Pangnegosyo

Senior High School

Ang kagamitang pampagtuturo na ito ay kolaboratibong binuo at sinuri ng mga lupon ng mga edukador sa pampublikong paaralan. Hinihikayat na ang mga guro mag-aaral, at mga magulang na magbigay ng puna at rekomendasyon sa Kagawaran ng Edukasyon sa action@deped.gov.ph.

Lubos po naming pahahalagahan ang inyong puna at rekomendasyon.

Paunang Salita

Para sa tagapagdaloy:

Malugod na pagtanggap sa asignaturang Filipino sa Piling Larang: Teknikal-Bokasyunal- SHS ng Alternative Delivery Mode (ADM) Modyul ukol sa araling Teknikal- Bokasyunal : Hakbang sa Pagsasagawa ng Manwal at Liham Pangnegosyo!

Ang modyul na ito ay pinagtulungang dinisenyo, nilinang at sinuri ng mga edukador mula sa pambuliko at pampribadong institusyon upang gabayan ka, ang gurong tagapagdaloy upang matulungang makamit ng mag-aaral ang pamantayang itinakda ng Kurikulum ng K to12 habang kanilang pinanagumpayan ang pansarili, panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at malayang pagkatuto na mga gawain ayon sa kanilang kakayahan, bilis at oras. Naglalayon din itong matulungan ang mag-aaral upang makamit ang mga kasanayang pan-21 siglo habang isinasaalang-alang ang kanilang mga pangangailangan at kalagayan.

Bilang karagdagan sa materyal ng pangunahing teksto, makikita ninyo ang kahong ito sa pinakakatawan ng modyul:

Mga Tala para sa Guro

Ito’y naglalaman ng mga paalala, panulong o estratehiyang magagamit sa paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang mag-aaral kung paano gamitin ang modyul na ito. Kinakailangan ding subaybayan at itala ang pag-unlad nila habang hinahayaan silang pamahalaan ang kanilang sariling pagkatuto. Bukod dito, inaasahan mula sa iyo na higit pang hikayatin at gabayan ang mag-aaral habang isinasagawa ang mga gawaing nakapaloob sa modyul.

Para sa mag-aaral:

Malugod na pagtanggap sa asignaturang Filipino sa Piling Larang: Teknikal-Bokasyunal- SHS ng Alternative Delivery Mode (ADM) Modyul ukol sa araling Sulating Teknikal-Bokasyunal: Hakbang sa Pagsasagawa ng Manwal at Liham Pangnegosyo!

Ang kamay ay madalas gamiting simbolo ng kakayahan, aksyon at layunin. Sa pamamagitan ng ating mga kamay tayo ay maaaring matuto, lumikha, at magsakatuparan ng gawain. Ang kamay sa tulong-aral na ito ay sumisimbolo na ikaw, bilang isang mag-aaral, ay may angking kakayahang matutuhan ang mga kaugnay na kompetensi at kasanayan. Ang iyong pang-akademikong tagumpay ay nakasalalay sa iyong sarili o sa iyong mga kamay.

Ang modyul na ito ay ginawa bilang tugon sa iyong pangangailangan. Layunin nitong matulungan ka sa iyong pag-aaral habang wala ka sa loob ng silid-aralan. Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

  • Alamin – Sa bahaging ito, malalaman mo ang mga dapat mong matutuhan sa modyul.


  • Subukin – Sa pagsusulit na ito, makikita natin kung ano na ang kaalaman mo sa aralin ng modyul. Kung nakuha mo ang lahat ng tamang sagot (100%), maaari mong laktawan ang bahaging ito ng modyul.


  • Balikan – Ito ay maikling pagsasanay o balik-aral upang matulungan kang maiugnay ang kasalukuyang aralin sa naunang leksyon.


  • Tuklasin – Sa bahaging ito, ang bagong aralin ay ipakikilala sa iyo sa maraming paraan tulad ng isang kuwento, awitin, tula, pambukas na suliranin, gawain o isang sitwasyon.


  • Suriin – Sa seksyong ito, bibigyan ka ng maikling pagtalakay sa aralin. Layunin nitong matulungan kang maunawaan ang bagong konsepto at mga kasanayan.


  • Pagyamanin – Binubuo ito ng mga gawaing para sa malayang pagsasanay upang mapagtibay ang iyong pang-unawa at mga kasanayan sa paksa. Maaari mong iwasto ang mga sagot mo sa pagsasanay gamit ang susi sa pagwawasto sa huling bahagi ng modyul.


  • Isaisip – Naglalaman ito ng mga katanungan o pupunan ang patlang ng pangungusap o talata upang maproseso kung anong natutuhan mo mula sa aralin.


  • Isagawa – Ito ay naglalaman ng gawaing makatutulong sa iyo upang maisalin ang bagong kaalaman o kasanayan sa tunay na sitwasyon o realidad ng buhay.


  • Tayahin – Ito ay gawain na naglalayong matasa o masukat ang antas ng pagkatuto sa pagkamit ng natutuhang kompetensi.


  • Karagdagang Gawain – Sa bahaging ito, may ibibigay sa iyong panibagong gawain upang pagyamanin ang iyong kaalaman o kasanayan sa natutuhang aralin.


  • Susi sa Pagwawasto – Naglalaman ito ng mga tamang sagot sa lahat ng mga gawain sa modyul.


Sa katapusan ng modyul na ito, makikita mo rin ang:

  • Sanggunian – Ito ang talaan ng lahat ng pinagkuhanan sa paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

  1. Gamitin ang modyul nang may pag-iingat. Huwag lalagyan ng anumang marka o sulat ang anumang bahagi ng modyul. Gumamit ng hiwalay na papel sa pagsagot sa mga pagsasanay.
  2. Huwag kalimutang sagutin ang Subukin bago lumipat sa iba pang gawaing napapaloob sa modyul.
  3. Basahing mabuti ang mga panuto bago gawin ang bawat pagsasanay.
  4. Obserbahan ang katapatan at integridad sa pagsasagawa ng mga gawain at sa pagwawasto ng mga kasagutan.
  5. Tapusin ang kasalukuyang gawain bago pumunta sa iba pang pagsasanay.
  6. Pakibalik ang modyul na ito sa iyong guro o tagapagdaloy kung tapos nang sagutin lahat ng pagsasanay.

Kung sakaling ikaw ay mahirapang sagutin ang mga gawain sa modyul na ito, huwag mag-aalinlangang konsultahin ang inyong guro o tagapagdaloy. Maaari ka

rin humingi ng tulong sa iyong mga magulang, sa nakatatanda mong kapatid o sino man sa iyong mga kasama sa bahay na mas nakatatanda sa iyo. Laging itanim sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng makahulugang pagkatuto at makakakuha ka ng malalim na pang-unawa sa kaugnay na mga kompetensi. Kaya mo ito!

Alamin

[illustration: hand pressing a button icon]

Ang modyul na ito ay dinisenyo at sinulat upang magsilbing gabay ng mag-aaral sa pagkatuto. Makakatulong ito upang mabatid ang mga hakbangin sa pagsasagawa ng sulating teknikal na manwal at liham pangnegosyo. Ang saklaw ng modyul na ito ay angkop sa iba’t ibang pamamaraang pampagkatuto. Ang mga aralin ay nilapatan ng angkop na talasalitaan na magagamit sa pag-unawa sa nilalaman ng bawat teksto. Ang mga aralin ay nakadisenyo batay sa sistematikong balangkas ng kurso.

Ang modyul ay may isang aralin:

  • Aralin 7- Sulating Teknikal- Bokasyunal: Hakbang sa Pagsasagawa ng Manwal at Liham Pangnegosyo

Pagkatapos ng modyul, inaasahan ang bawat mag-aaral na:

Naiisa-isa ang mga hakbang sa pagsasagawa ng mga binasang halimbawang sulating teknikal-bokasyunal (CS-FFV11/12PB-0g-i-106)

  • Natutukoy ang mga tiyak na hakbangin sa pagsasagawa ng manwal at liham pangnegosyo
  • Nakapagsasaliksik upang makilala ang layon ng pagsulat ng isang manwal
  • Nakapagbibigay ng sariling halimbawa ng mga bahagi ng liham pangnegosyo
  • Nakasusulat ng sariling manwal o liham pangnegosyo batay sa tinalakay na hakbang

Subukin

Basahin at unawain ang tanong sa bawat aytem. Isulat sa patlang ang letra ng tamang sagot.

_____ 1. Ano ang wastong bantas na ginagamit sa pagsulat ng pamitagang pangwakas?

  • A. kuwit
  • B. tuldok
  • C. tutuldok
  • D. tuldok-kuwit

_____ 2. Ano ang bantas na ginagamit sa bating pambungad ng liham pangnegosyo?

  • A. kuwit
  • B. tuldok
  • C. tutuldok
  • D. tuldok-kuwit

_____ 3. Ano ang higit na makatutulong sa pag-unawa ng manwal?

  • A. ilustrasyon
  • B. karikatura
  • c. disenyo
  • d. emoji

_____ 4. Aling bahagi ng liham pangnegosyo ang naglalaman ng adres ng tagatanggap nito?

  • A. Pamuhatan
  • B. Patunguhan
  • C. Bating Pambungad
  • D. Pamitagang Pangwakas

_____ 5. Ilang espasyo ang inilalaan sa pagitan ng bawat talatang liham pangnegosyo?

  • A. isa
  • B. apat
  • C. tatlo
  • D. dalawa

_____ 6. Anong uri ng papel ang ginagamit ng isang kumpanya sa pagsulat ng liham na hindi nangangailangan ng pamuhatan?

  • A. oslo paper
  • B. stationery
  • C. crepe paper
  • D. Memo

_____ 7. Saan nakabatay ang impormasyong mababasa sa isang manwal?

  • A. Mga eksperto
  • B. Mga manunulat
  • C. Kumpanya ng produkto
  • D. Mga nakalimbag at elektronikong aklat

_____ 8. Anong uri ng manwal ang madalas na makikitang kalakip ng mga binibiling cellphone?

  • A. Manwal na Operasyonal
  • B. Manwal ng Gumagamit
  • C. Teknikal na Manwal
  • D. Manwal ng Pagbuo

_____ 9. Alin sa mga sumusunod ang wastong pamitagang pangwakas?

  • A. Lubos Na Gumagalang,
  • B. Lubos na Gumagalang,
  • C. Lubos na gumagalang,
  • D. Lubos na gumagalang.

_____ 10. Ano ang mainam na katangian ng disenyo ng isang manwal?

  • A. Magagamit na gabay sa ibang produkto.
  • B. Madaling basahin at madaling sundan ang larawan.
  • C. May mga ilustrasyong makadaragdag ng kulay sa buong manwal.
  • D. Naglalaman ng mga paksa, gawain, pamamaraan, at iba pang impormasyon.

_____ 11. Kailan maaaring irekomenda ang pagbabago sa manwal?

  • A. Nabasa na ng editor
  • B. Dumaan na sa proofreading
  • C. May mali o nakalilitong panuto
  • D. May gumamit na nito ngunit hindi naunawaan

_____ 12. Ano ang wastong pagkakasunod-sunod ng bahagi ng liham pangnegosyo?

I. Katawan II. Lagda III. Pamuhatan IV. Bating Pambungad V. Patunguhan VI. Pamitagang Pangwakas

  • A. III-V-I-IV-II-VI
  • B. III-V-IV-I-VI-II
  • C. IV-III-V-I-VI-II
  • D. IV-III-I-VI-V-II

_____ 13. Alin sa mga sumusunod ang naglalarawan sa layunin ng isang manwal?

  • A. Pamagat ng manwal
  • B. Pambungad na bahagi nito
  • C. Nilalaman ng mismong manwal
  • D. Gumagamit ng sino, ano, kailan, saan, bakit at paano

_____ 14. Matapos isulat ang isang manwal, ano ang nararapat na kasunod na hakbang ang dapat gawin ng manunulat?

  • A. Ihanda ang publikasyon nito.
  • B. Gumawa ng ikalawang iskrip o balangkas.
  • C. Baguhin ang mga mali at nakalilitong detalye.
  • D. Ipabasa ito sa taong maaaring gumamit o kaya sa editor.

_____ 15. Alin sa mga sumusunod ang hindi dapat isaalang-alang kapag gumagawa ng liham pangnegosyo?

  • A. Maging magalang.
  • B. Sa gitnang bahagi ng katawan nararapat isalaysay ang layunin ng liham.
  • C. Iwasan ang paggamit ng walang kaugnayan at di mahahalagang pananalita.
  • D. Ugaliin ang paggamit ng panghalip sa unang panauhan lalo na sa unang pangungusap o talata.

Aralin 7: Hakbang sa Pagsasagawa ng Manwal at Liham Pangnegosyo

Ang pag-aaral ng manwal at liham pangnegosyo ay malaking kapakinabangan sa iyong karanasan maging sa labas ng akademya. Bigyang pansin ang mga devices at appliances sa inyong tahanan. Hindi ba’t nagagamit mo ito sa pamamagitan ng pagsunod sa manwal na kalakip nito nang bilhin mo ang produkto. Idagdag mo pa ang manwal na ginagamit sa empleyo upang mapagaan ang trabaho bilang sanggunian ng manggagawa. Sa pamamagitan ng manwal, natuturuan ang tao kung paano gagamitin o gagawin ang isang bagay. Samantala, ang liham pangnegosyo naman ay esensyal na sulating nararapat mong matutuhan. Ito ay sulating teknikal na magiging kaagapay mo sa pakikipag-ugnayan sa pormal na midyum ng komunikasyon. Sa makabagong lagay ng teknolohiya, mahalagang maalam ka sa pagbuo ng mga sulating teknikal na bahagi ng industriya. Subalit, ano ang katiyakang mapakikinabangan mo ito bilang ordinaryong mag-aaral? Ano ang posibleng bentahe ng kasanayang iyong matututuhan sa araling ito? Tuklasin ang sagot sa katanungang ito sa susunod na talakayan.

Balikan

Tukuyin kung flyers o leaflets ang inilalarawan sa bawat pangungusap. Isulat sa patlang ang letrang F kung flyers, at L naman kung ito ay leaflets.

_____ 1. Karaniwang isang maliit na papel ito na may lamang larawan at maikling teksto.

_____ 2. Ito ay naglalaman ng komprehensibong impormasyon at minsa’y tinatawag ding pamphlets o brochures.

_____ 3. Karaniwan itong isang buong papel na itinupi sa dalawa o higit pang bahagi.

_____ 4. Ito ay mura lamang at mas madaling gawin dahil maliit na espasyo lamang ang kinukonsumo nito.

_____ 5. Simple lamang ang mensaheng taglay ng sulating teknikal na ito ngunit may malaking tulong ito sa nagsisimulang maliit na negosyo upang makilala ang kanilang produkto o serbisyo.

Tuklasin

Suriing mabuti ang mga larawan sa ibaba. Tukuyin ang salitang mahihinuha sa apat na larawan sa bawat bilang. Bumuo ng isang pangungusap gamit ang mga salitang matutuklasan. (Ang mga larawan ay kinuha sa canva)

[photo: four grid images, each of four small photos: 1) gears, a fountain pen, handwriting and a line chart; 2) a man in glasses, a brick wall, a car interior and a typewriter with paper; 3) a hand writing on paper, a woman on a phone, a hand holding a phone and a shelf of goods; 4) legs walking on wood, a staircase, a hand on a floor and a child with balloons]

  1. _ u _ _ _ i _ g _ _ k _ i _ _ _ 2. M _ n _ _ _


  2. L _ _ a _ _ a _ _ n _ _ _ _ y _ 4. H _ _ _ a _ _


Isulat ang iyong pangungusap.





Suriin
Pagsulat ng Manwal

Ang manwal ay isang libro ng impormasyon o mga tuntunin na nagsisilbing pasulat na gabay o reperensiyang materyal na ginagamit sa pagsasanay, pag-oorganisa ng gawain sa trabaho, pagbuo ng mekanismo, pagpapatakbo ng mga kagamitan, pagseserbisyo ng mga produkto o pagkukumpuni ng mga produkto.

Sa pagsulat ng isang manwal, maaaring sundin ang mga sumusunod na hakbang:

Una, tukuyin ang layon ng manwal sa pamamagitan ng paggamit ng sino, ano, kailan, saan, bakit at paano.

  • Sino ang gagamit ng produkto?
  • Ano ang produkto?
  • Kailan gagamitin ang produkto?
  • Saan gagamitin ang produkto?
  • Bakit mahalaga ang produkto?
  • Paano gamitin ang produkto?

Ikalawa, magsaliksik at mangolekta ng impormasyon mula sa eksperto.

Ikatlo, uriin at ayusin ang mga datos at impormasyon.

Ikaapat, magpasya sa naaangkop na disenyo para sa manwal.

Ikalima, gumawa ng balangkas.

Ikaanim, isulat ang manwal.

Ikapito, ipabasa sa mga taong maaaring gumamit o kaya sa editor.

Ikawalo, ilathala ang manwal.

Ikasiyam, baguhin ang manwal kung may mali o nakalilitong panuto.

Narito ang mga paalala sa pagbuo ng disenyo ng epektibong manwal:

a. Simple at madaling unawain ang panuto.

b. May kahali-halina at angkop na disenyo.

c. May mga ilustrasyong makatutulong sa pag-unawa ng manwal.

d. Magagamit na sanggunian sa hinaharap.

e. Naglalaman ng tungkol sa mga paksa, gawain, pamamaraan, at iba pang impormasyong nakaayos sa lohikal na pagkakasunod-sunod.

Tingnan sa ibaba ang bahagi ng isang halimbawang manwal ng device.

[chart: labeled diagram of a cellphone with numbered buttons along its side; IPINAKIKILALA ANG IYONG CELLPHONE]

[transcriber’s note: the numbers 1 to 5 are printed on the diagram beside the buttons; the sample manual page is transcribed below]

IPINAKIKILALA ANG IYONG CELLPHONE

Matuto sa iyong cellphone mula sa mga pipindutin, ipinapakita at mga icon.

Mga Pipindutin

Mula sa harap ng iyong telepono makikita mo ang mga sumusunod na mga elemento: (Tingnan sa 1.1 – Pahina 1)

Ang mga sumusunod na talan ay nag-aalok sa iyo ng mabilis na paglalarawan tungkol sa mga dapat pindutin sa itong telepono:

TalaPindutanFunction
1Button sa pagbukasPinahihintulutan ang buksan/patayin ang iyong telepono at i-lock ang screen.
2TomoPinahihintulutan kang i-adjust ang tunog ng mga tugtog at notipikasyon. At pinahihintulutan ka ding i-adjust ang tunog ng multimedia na nilalaman ng pag-playback.
3BumalikPinahihintulutan kang bumalik sa dating menu o screen. Nagpapahintulot sa iyo na isarado ang ilang mga aplikasyon.
4HomeDadalin ka nito deretso sa home screen, na iniwang bukas ang anumang aplikasyon.
5MenuPinahihintulutan ka nito na na makapasok sa mga function ng menu ng aplikasyon o kung saang screen ka nanduon.
Screen

Ang screen ng iyong cellphone ay dinesenyo para sa mga sumusunod: (Tingnan sa 1.2 – Pahina 1)

Mga Icon

Alamin ang tungkol sa mga icon na ipinapakita na nasa ibabaw ng screen, na nagpapahiwatig ng katayuan ng telepono:

[transcriber’s note: the icons column is shown as pictures and cannot be transcribed as text; the labels are printed beside each icon]

IconLabelIconLabel
[icon]Lakas ng signal[icon]Nakakonekta ang Wi-Fi
[icon]Nakabukas na Bluetooth[icon]Nakakonekta angUSB
[icon]Metro ng Baterya[icon]Bagong mensahe
[icon]Profile ng pag-vibrate[icon]Bagong email
[icon]Tagapagpahiwatig ng roaming[icon]Aktibo ang alarma
[icon]Nakakonekta ang Uloset[icon]Tahimik na profile

Hango sa https://www.energizeyourdevice.com/fileadmin/user_upload/24-H550S_UM__TAGALOG_.pdf

Sa kabuoan ng manwal, maaaring sumangguni sa pinaghanguan nito.

Pagsulat ng Liham Pangnegosyo

Ang liham pangnegosyo ay pormal na sulatin na inihahanda na karaniwang mayroong pormat margin na isang pulgada (inch) sa bawat gilid ng papel. Ito ay isinusulat sa “8 1/2×11” na bondpaper.

  1. Tukuyin ang pamuhatan ng liham. Ang Pamuhatan ay isinusulat sa dalawa hanggang tatlong linya lamang at naglalaman ng adres ng nagpadala o sumulat ng liham. Sa huling linya ng bahaging ito inilalagay ang petsa, para sa kontak ng telepono, numero ng fax, adres ng e-mail, o iba pang kahalintulad na impormasyon

Halimbawa:

123 Pag-asa St., Goodwoods Village
Burabod, Sorsogon City
June 19, 2020

Hindi na kailangang ilagay ang pamuhatan kung ang ginagamit na papel ay ang tinatawag na stationery na may nakasulat ng pamuhatan at/o pangalan ng kumpanya. Ngunit kailangang lagyan pa rin ng petsa ang liham pangnegosyo.

  1. Alamin ang patunguhan ng liham. Kompletuhin ang adres ng pinadadalhan ng liham. Lagi itong nasa kaliwang bahagi. Maglaan ng dalawang linyang espasyo sa pagitan ng pamuhatan at patunguhan. Maglagay rin ng isang dalawang espasyo bago ang pagbati.

Halimbawa:

Bb. Lourdes A. Garcia
Sales Representative
ABC Publishing Inc.
456 Sunflower Subdivision
Sta. Cruz, Manila

  1. Maglagay ng pormal na bating pambungad sa isang liham pangnegosyo. Madalas itong nagsisimula sa “Mahal na” at sinusundan naman ng apelyido. Maaari ring simpleng titulo gaya ng G. (Ginoong), Gng. (Ginang), Bb. (Binibini), o ang mismong titulo o propesyon o katungkulang hawak ng taong padadalhan, halimbawa, Atty. (Attorney) o Engr. (para sa Engineer). Ang bating pambungad ay nagtatapos sa tutuldok (:), hindi kuwit (,).


  2. Isulat sa anyong teksto ang katawan ng liham. Ito ay maaaring may indensiyon sa unang linya depende sa estilo ng liham. Ano man ang pormat, maglaan ng isang linyang espasyo sa pagitan ng bawat talata.


Mga dapat tandaan sa pagsulat ng katawan ng liham pangnegosyo:

  • Sa unang talata ng katawan ng liham, huwag maging maligoy sa paglalahad ng mensahe.
  • Maging magalang.
  • Iwasang gumamit ng mga nananakot na pahayag.
  • Iwasang maglahad ng mga negatibong mungkahi.
  • Iwasan ang paggamit ng walang kaugnayan at hindi mahalagang pananalita.
  • Sa pagsulat ng katawan, iwasan ang paggamit ng panghalip sa unang panauhan lalo na sa unang pangungusap o talata ng liham.
  • Sa gitnang bahagi ng katawan nararapat isalaysay ang mga pangyayari at patunayan ito.
  • Sa huling pangungusap ng liham sinasabi ang aksiyong dapat gawin sa mapitagang pamamaraan.
  1. Maglagay ng pamitagang pangwakas. Ang maikling pagbati na nagpapahayag ng paggalang at pamamaalam ay nagtatapos sa kuwit (,).


  2. Huwag kalimutang ilakip ang lagda. Maglaan ng dalawang linyang espasyo bago ilagay ang pangalan ng taong lalagda. Tingnan ang padron sa susunod na pahina.


[illustration: sample semi-block business letter with annotated parts; labels printed beside it: Pamuhatan, Patunguhan, Bating Pambungad, Katawan ng Liham, Pamitagang Pangwakas, Lagda. The letter text is transcribed below.]

0104 J. Burgos St.,
Maginhawa, Quezon City
Hulyo 1, 2020
(dalawang espasyo)

Bb. Heartleen Jane Erestain
Human Resource Manager
XYZ Publishing House Inc.
113 Sampaguita St.,
Highway 97, Quezon City
(dalawang espasyo)

Bb. Erestain:

(dalawang espasyo)

Magandang araw!

Ipinababatid ng liham na ito ang aking interes para sa hinanahap ninyong posisyong Sales Representative sa inyong kompanya. Ang aking karanasan ay angkop sa aking nakaraang trabaho bilang Sales Representative ng ABC Financial Group Inc. Naniniwala akong taglay ko ang mga katangiang hinahanap ninyo para sa inyong kompanya.

Ang limang taong karanasan ko sa dating kompanyang pinagsilbihan, ang humubog sa akin upang pangasiwaan ang tungkulin bilang sales representative nang positibo at bukas sa mga makatutulong na puna.

Kaugnay ng aking karanasan ay ang aking matibay na pundasyon sa edukasyon at ang maalab na pagnanais na mapalago ang benta ng isang negosyo. Masigasig kong ninanais na mapabilang sa larangan ng empleyo ng XYZ Publishing House, Inc., at makapag-ambag sa pagsulong ng kompanya.

Kalakip ng liham na ito ay ang tala ng aking personal na kakayahan. Para sa karagdagang paglilinaw, ikagagalak kong maimbitahan sa inyong tanggapan sa anumang petsa na iyong nanaisin. Maraming Salamat po.

(dalawang espasyo)

Sumasainyo,

[signature]
Athena Maei E. Deuna

Pigura 1. Halimbawa ng Liham Pangnegosyo sa Anyong Semi-Block

Caloocan High School
10th Ave., Lungsod ng Caloocan
Enero 10, 2020

Bb. Hera Kleiah E. Irene
Tagapamahala
Gian’s Clothing Shop
112 A. Mabini St., Lungsod ng Caloocan

Bb. Irene:

Isang mainit na pagbati mula sa Caloocan High School.

Malugod na ipinababatid ng liham na ito ang aking pagtatangkang mag-aplay bilang magsasanay na mag-aaral sa inyong kagalang-galang na pagwawaan bilang bahagi ng kahingian ng asignaturang Work Immersion. Kaugnay nito, ang mga mag-aaral ay inaasahang sumailalim sa aktuwal na empleyo sa loob ng hindi kukulanging walumpong (80) oras. Ako si Chloe Marie E. Marasigan, mag-aaral ng ikalabindalawang baitang sa Caloocan High School na kumukuha ng Technical Vocational track sa ilalim ng Home Economics strand na mayroong espesyalisasyong Dressmaking.

Matibay ang aking paniniwala na ang kaalaman at kasanayang natamo sa paaralang pinagmulan ay may maiaambag sa inyong kompanya at magiging instrumento sa patuloy na paghubog ng aking abilidad.

Kalakip ng liham na ito ang tala ng aking personal na kakayahan at katibayan. Kung mamamarapatin, ikagagalak kong maanyayahan sa inyong tanggapan kailanman iyong maibigan. Maraming Salamat po.

Lubos na gumagalang,

[signature]
Chloe Marie E. Marasigan
Aplikante

Pigura 2. Halimbawa ng Liham Pangnegosyo sa Anyong May Indensyon

Pagyamanin

Gawain 1 Pagsasaliksik ng Manwal

Maghanap ng manwal sa inyong tahanan, maaaring manwal ng iyong cellphone, o appliances. Magsisilbi itong lunsaran sa gawaing ito. Kung walang makukuhang manwal, maaaring sumangguni sa mga halimbawang nasa link.

https://support.google.com/pixelphone/answer/7486047?hl=fil https://www.energizeyourdevice.com/fileadmin/user_upload/24-H550S_UM__TAGALOG_.pdf

Sagutin ang mga tanong at ipaliwanag ang iyong sagot.

Uri ng Manwal: _____

  1. Sino ang gagamit ng produkto?


  2. Ano ang produkto?


  3. Kailan gagamitin ang produkto?


  4. Saan gagamitin ang produkto?


  5. Bakit mahalaga ang produkto?


  6. Paano gamitin ang produkto?


Gawain 2 Pagbibigay ng halimbawa

Magbigay ng halimbawa ng mga bahagi ng liham sa espasyong inilaan sa ibaba. Maging tiyak sa mga bantas na gagamitin sa halimbawa. Maaaring balikan ang mga naunang pigura na iyong nabasa.

  1. Pamuhatan


    _____


  2. Patunguhan


    _____


  3. Bating Pambungad
    _____


  4. Pamitagang Pangwakas
    _____


  5. Lagda


Gawain 3 Pagpapalawak ng Ideya

Ipaliwanag nang komprehensibo ang pagkakaiba ng dalawang anyo ng sulating teknikal sa tatlong aspeto. Ibigay ang pagkakapareho at pagkakaiba ng kanilang katangian, hakbang sa pagsasagawa at kahalagahan.

[chart: comparison diagram; Gawain 3 Pagpapalawak ng Ideya]

ManwalLiham Pangnegosyo
Katangian
Hakbang
Kahalagahan

Isaisip

Hanapin ang sampung salitang teknikal sa pigura na maaaring makita sa anyong pababa, pataas pahilis at pahalang. Punan ang mga patlang ng wastong salitang nahanap upang mabuo ang pangungusap sa ibaba.

LSKPRODUCTOINGIRL
IAANMTDGABAYROLLI
HAGAMARIELFVELYKH
IPIDILUSTRASYONBA
MARIANAIRAHSOJSNM
JBATINGPANGWAKASP
LELEAZARYQDJKHNLA
ZNQATHENAEAMUIGAN
OANEELTRAEHGFVGWG
TYAAMRFGBXNCIIURN
KAJUAORSTULHNVNEE
UTDHNSTJTCILNIING
DSRSWEHAMHEOEAACO
OEIOAHPQYENEJNNES
RKJJLJOVILENACIMY
PIXTRWQPAMUHATANO
  1. Ang ________ ay pasulat na reperensya na kadalasang inilalakip sa mga nabibili nating kagamitan.


  2. Sa pagsulat ng ___________________ mahalagang tukuyin ang pakay ng sumulat sa direktang pamamaraan.


3-4. Sa pagbili ng mga ____________ karaniwang may manwal itong nagsisilbing ____________ upang magamit ito nang wasto.

  1. Ang pormal na liham ay naglalaman ng adres ng sumulat na tinatawag nating ____________.


  2. Samantala, ang ____________ naman ay naglalaman ng pangalan at adres ng padadalhan ng liham.


  3. Bago isulat ang buong pangalan ng nagpadala ng liham, ilakip ang kaniyang ________upang matiyak na siya ang sumulat.


  4. Ang mga pahayag tulad ng Sumasainyo at Lubos na gumagalang ay halimbawa ng __________________.


  5. Ang pagsulat ng manwal ay hindi lamang nakapokus sa kasalukuyang gamit maaari rin itong gamiting ______________ sa hinaharap.


  6. Makatutulong ang mga ____________ upang higit na maunawaan ang isang manwal.


Isagawa

Pagsulat ng Sulating-Teknikal

Pangkalahatang Panuto: Pumili ng alinmang sulating teknikal na iyong nais gawin. Sundan ang bawat panuto sa opsyong sulating iyong mapipili. Gawin sa isang malinis na short bond paper.

Opsyon 1 Paggawa ng Manwal

Panuto: Gumawa ng sariling manwal ng paggamit ng kahit anong device (hal. cellphone, electric fan, rice cooker at iba pa) Mag-isip ng pangalan ng produkto. Maging malikhain sa pagsulat ng iyong manwal. Sa pagbuo ng manwal, ang mithiin ng estratehiya ay malinang ang sumusunod:

  • Malikhaing pag-iisip
  • Maiisa-isa ang mga hakbang sa paggamit ng device
  • Makabuo ng malinaw na manwal
  • Makasunod sa hakbang ng pagsulat ng manwal
PamantayanBahagdan
Nilalaman Nagtataglay ng maayos at malinaw na instruksiyon30%
Disenyo at Ilustrasyon Kaakit-akit at malinaw na nauuwaan ng gagamit30%
Gamit ng Wika Tiyak at nauunawaan ang mga pangungusap20%
Kapakinabangan Lubos na makatutulong at magagamit20%
Kabuoan100%
Opsyon 2 Pagsulat ng Liham Pangnegosyo

Panuto: Gumawa ng sariling liham aplikasyon para sa Work Immersion na ginagamitan ng Semi-Block Pormat. Sa pagbuo ng liham pangnegosyo, ang mithiin ng estratehiya ay malinang ang sumusunod:

  • Matukoy ang layunin
  • Ma-iisa-isa ang dahilan ng pagsulat
  • Makabuo ng malinaw na liham pangnegosyo
  • Mailapat ang kahusayang pangwika
  • Makasunod sa hakbang ng pagsulat ng liham pangnegosyo
PamantayanBahagdan
Nilalaman Tumutugon sa pangangailangan ng sumulat30%
Pamaraan Maayos at malinaw na naiisa-isa ang detalye ng impormasyong nais ipabatid sa tagatanggap20%
Katapatan May wastong balangkas na sinusundan30%
Wika at gramatika Maayos na gamit ng wika, bantas, malaki at maliit na letra.20%
Kabuoan100%

Tayahin

Basahin at unawain ang tanong sa bawat aytem. Isulat sa patlang ang letra ng tamang sagot.

______ 1. Anong bahagi ng liham pangnegosyo ang maaaring huwag nang isulat kung ang papel na ginamit ay stationery?

  • A. Katawan
  • B. Pamuhatan
  • C. Patunguhan
  • D. Bating Pambungad

______ 2. Ilang espasyo ang dapat na ilaan sa pagitan ng Pamuhatan at Patunguhan ng liham?

  • A. isa
  • B. dalawa
  • C. hindi tataas sa tatlo
  • D. hindi bababa sa dalawa

______ 3. Anong bahagi ng liham ang pinaglalaanan ng sapat na paliwanag sa layunin ng pagsulat?

  • A. Katawan
  • B. Pamuhatan
  • C. Patunguhan
  • D. Bating Pambungad

______ 4. Ano ang mungkahing sukat ng papel sa pagsulat ng liham pangnegosyo?

  • A. 8 1/3 x 11
  • B. 8 ½ x 11
  • D. 8 1/4×11
  • d. D. 8½ x 12

[transcriber’s note: the choice labels are printed as A, B, D, and d. D.; no choice C is printed]

______ 5. Sino ang maaaring magtaya sa sinusulat na manwal?

  • A. Editor lamang
  • B. Gagamit at Editor
  • C. Tagalikha lamang
  • D. Tagalikha, Gagamit at Editor
PamantayanBahagdan
Nilalaman Tumutugon sa pangangailangan ng sumulat30%
Pamaraan Maayos at malinaw na naiisa-isa ang detalye ng impormasyong nais ipabatid sa tagatanggap20%
Katapatan May wastong balangkas na sinusundan30%
Wika at gramatika Maayos na gamit ng wika, bantas, malaki at maliit na letra.20%
Kabuoan100%

_____ 6. Anong anyo ng liham ang kakikitaan ng nakapasok na unang salita sa bawat talata at ang patunguhan ay nasa kaliwang bahagi, samantalang nasa kanan ang pamuhatan at pamitagang pangwakas?

A. Anyong may Indensyon B. Anyong Semi-Block C. Anyong Block D. Anyong walang Indensyon

_____ 7. Ang manwal ay sulating teknikal na may tiyak na pakinabang sa awdiyens. Alin ang hindi kabilang sa pakinabang nito?

A. sanggunian B. babasahin C. gabay D. batayan

_____ 8. Ano ang posibleng talakayin ng isang manwal maliban sa paksa at gawain?

A. pamamaraan B. mungkahi C. larawan D. panuto

_____ 9. Alin sa mga sumusunod ang hindi nagpapakita ng epektibong disenyo ng manwal?

A. May kaakit-akit na disenyo. B. Magagamit na gabay sa ibang produkto. C. Madaling basahin at madaling sundan ang panuto. D. May mga ilustrasyon upang palawakin ang pag-unawa ng mambabasa.

_____ 10. Ano ang nararapat gawin bago sumulat ng isang manwal matapos mapagpasyahan ang disenyo ng isang manwal?

A. Gumawa ng balangkas. B. Gumawa ng pinal na burador. C. Uriin at ayusin ang mga datos at impormasyon. D. Magsaliksik at mangolekta ng impormasyon mula sa eksperto.

_____ 11. Ano ang dapat isaisip sa pagsulat ng katawan ng isang liham pangnegosyo?

A. Sa huling pangungusap ng liham sinasabi ang aksiyong dapat gawin sa mapitagang pamamaraan. B. Dapat malinaw na ipahayag ang diwa at mensahe sa pinakasimpleng paraan. C. Maaaring gumamit ng mga mapanakot na pahayag. D. Iwasan ang pagbibigay ng mungkahi.

_____ 12. Alin sa sumusunod ang indikasyon ng layunin ng manwal?

A. Saan gagamitin ang produkto? B. Bakit mahalaga ang produkto? C. Sino ang may-ari sa produkto? D. Kailan gagamitin ang manwal?

_____ 13. Paano inilalapat ang disenyo sa isinasagawang manwal?

A. Iwasan ang makukulay na grapiko. B. Ugaliin ang wastong paggamit ng mga icon. C. Maging maingat sa detalye ng layout ng manwal. D. Tiyaking angkop sa tema ng isinasagawang manwal.

_____ 14. Alin sa sumusunod ang wastong Bating Pambungad?

A. Para sa Tagapamahala; B. Mahal na Dekano, C. Magandang Araw! D. Atty. Nieto:

_____ 15. Inalam muna ni Lorie Lyn ang buong pangyayari sa subdibisyon bago ireklamo ang mga nagsimula ng gulo. Anong katangian ng mabisang liham pangnegosyo ang sinunod ng sumulat?

A. Isinasaalang-alang ang kapakanan ng kapwa B. Maikli ngunit buo ang diwa C. Malinaw at magalang D. Tiyak at tama

Karagdagang Gawain

Ipagpalagay sa iyong sarili na ikaw ay naghahanap ng trabaho matapos ang pag-aaral ng kolehiyo. Gumawa ng isang liham pangnegosyo sa Anyong Block para sa pag-aaplay ng trabahong angkop sa kursong natapos. Gamiting gabay ang hakbang sa pagsulat ng liham, bahagi nito at mga tuntunin.

PamantayanPuntos
Nilalaman Tumutugon sa pangangailangan ng sumulat10
Pamaraan Maayos at malinaw na naiisa-isa ang detalye ng impormasyong nais ipabatid sa tagatanggap10
Katapatan May wastong balangkas na sinusundan10
Wika at gramatika Maayos na gamit ng wika, bantas, malaki at maliit na letra.10
Kabuoan40

Susi sa Pagwawasto

[transcriber’s note: this page is printed upside down; the answer boxes are transcribed in the order given below]

Subukin
  1. A
  2. C
  3. A
  4. B
  5. A
  6. B
  7. A
  8. B
  9. C
  10. D
  11. C
  12. B
  13. D
  14. D
  15. B
Balikan
  1. F
  2. L
  3. L
  4. F
  5. F
Tuklasin
  1. Sulating Teknikal
  2. Manwal
  3. Liham Pangnegosyo
  4. Hakbang
Isaisip
  1. Manwal
  2. Liham
  3. Pangnegosyo
  4. Produkto
  5. Gabay
  6. Pamuhatan
  7. Patunguhan
  8. Lagda
  9. Bating
  10. Pangwakas
  11. Sanggunian
  12. Ilustrasyon

[transcriber’s note: the printed list numbers run 1 to 10 with the items in the order shown above; the items are printed as Manwal, Liham, Pangnegosyo, Produkto, Gabay, Pamuhatan, Patunguhan, Lagda, Bating, Pangwakas, Sanggunian, Ilustrasyon, and the printed numbers 1 to 10 are not aligned one-to-one with these twelve items]

Tayahin
  1. B
  2. B
  3. A
  4. B
  5. B
  6. A
  7. B
  8. B
  9. B
  10. A
  11. B
  12. D
  13. A
  14. D
  15. A

Sanggunian

Santos, Corazon L, PhD, et, al. 2016. Filipino sa Piling Larang-Tech Voc. Bureau of Curriculum Development. Department of Education

https://support.google.com/pixelphone/answer/7486047?hl=fil

https://www.energizeyourdevice.com/fileadmin/user_upload/24-H550S_UM__TAGALOG_.pdf

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district