Filipino 7 Quarter 2 Module 6: Mga Pahayag sa Paghahambing

Filipino 7 Quarter 2 Module 6 teaches learners to use comparison expressions like higit, mas, di gaano, and di gasino, with activities and an answer key.

This is the Filipino 7 self-learning module for Quarter 2 (Ikalawang Markahan), Module 6: “Wika at Gramatika: Mga Pahayag sa Paghahambing” (language and grammar: expressions of comparison). It is an Alternative Delivery Mode module from DepEd Region XII, written by James B. Lomocho (First Edition, 2020), for Grade 7 learners studying at home or in class. After working through it, learners should be able to use comparison words such as higit/mas, di gaano, and di gasino correctly in their own sentences.

On this page 6 sections

What learners will learn

The module is built around one most essential learning competency (Pinakamahalagang Kasanayan sa Pampagkatuto):

  • Nagagamit nang maayos ang mga pahayag sa paghahambing (higit/mas, di-gaano, di-gasino, at iba pa) – uses expressions of comparison properly. Code: F7WG-IIc-d-8

It follows Module 5, where learners gave meanings and interpretations of repeated words, unfamiliar words, words that express feelings, and words with different degrees of meaning.

Parts of the module

The module has one lesson (Aralin 1) arranged in the usual SLM parts:

PartWhat the learner does
AlaminReads an introduction to the lesson
SubukinTakes a 15-item pretest
BalikanReviews pagkiklino (ordering words by intensity), such as inis, galit, poot
TuklasinReads a short dialogue and answers three questions
SuriinStudies the discussion of expressions of comparison
PagyamaninWrites sentences comparing pairs of pictures
IsaisipCompletes a paragraph that sums up the lesson
IsagawaWrites a comparison paragraph about themselves, presented as a vlog, PowerPoint, or blog
TayahinTakes a 15-item post-test
Karagdagang GawainWrites a short composition using comparison expressions

Key ideas: Mga pahayag sa paghahambing

We use expressions of comparison when we compare two people, animals, things, places, or events. The things being compared can have the same quality or different qualities, and each case uses its own set of words.

Comparing things that are alike (magkatulad na katangian)

  • Prefixes (panlapi): ka-, sing-, kasing-, magsing-, and magkasing-
  • Words of likeness (salitang panulad): pareho, kapwa, tulad ng, and gaya ng

Examples from the module:

  • Kasintangkad ni Rolly ang kuya nitong si Allen. (Rolly is as tall as his older brother Allen.)
  • Kapwa mahusay magturo sina G. Martinez at G. Marcos. (Mr. Martinez and Mr. Marcos both teach well.)

Comparing things that are different (magkaibang katangian)

  • di gaano
  • di gasino
  • di hamak
  • di gaya / di tulad
  • higit / mas

Examples from the module:

  • Mas mahirap ang buhay natin ngayong new normal. (Life is harder in the new normal.)
  • Higit na maunlad ang Pilipinas ngayon kaysa noon. (The Philippines is more progressive now than before.)

Many of these sentences use kaysa or kaysa sa (than) to name the second thing being compared, as in Di gaanong malinis ang silid ni Rica kaysa sa silid ni Martha.

The dialogue in Tuklasin

The lesson opens with a conversation among James, Charlotte, and Shayne about the rise in teenage pregnancy and the influence of television and the internet on young people. Their lines contain underlined comparison words such as mas, di hamak, di gaya, parehong, and higit. Learners spot these words, answer questions about the topic, and reflect on being responsible viewers.

How to use this module

  • Learners: Write all answers on a separate sheet of paper and do not write on the module. Start with the Subukin pretest, then ask your teacher for the answer key to check your work. Go through the parts in order and finish with the Tayahin test and the composition in Karagdagang Gawain. For the Karagdagang Gawain, choose a topic such as beautiful places you have visited, a friend’s character, education in the new normal, or your favorite sport, or think of your own.
  • Parents and guardians: The module invites learners to ask a parent or another adult at home to help explain the lesson. Check that your child answers honestly before looking at the key.
  • Teachers: The answer key (Susi sa Pagwawasto) covers Subukin, Balikan, Pagyamanin, and Tayahin, with sample answers for the open-ended items, which may vary. Use the rubric in Isagawa to grade the comparison paragraph. It scores content (kabuluhan ng nilalaman), clarity and organization, and use of comparison expressions from 5 (Napakahusay) down to 2-1 (Nangangailangan ng Pagsasanay).

Learners who have trouble understanding the lesson or using the module should contact their teacher right away.

Frequently asked questions

What grade and quarter is this Filipino module for?

It is for Grade 7 Filipino, Quarter 2 (Ikalawang Markahan), Module 6.

What competency does the module cover?

It covers F7WG-IIc-d-8: using expressions of comparison properly, such as higit/mas, di gaano, and di gasino.

What are mga pahayag sa paghahambing?

They are expressions used to compare two people, animals, things, places, or events. Words like pareho, kapwa, and the prefix kasing- show sameness, while di gaano, di gasino, di hamak, di gaya/tulad, and higit/mas show difference.

Does the module have an answer key?

Yes. The Susi sa Pagwawasto gives answers for the pretest, the Balikan review, the Pagyamanin activity, and the Tayahin test, with sample answers for open-ended items.

What is the performance task in this module?

In Isagawa, learners write a paragraph comparing themselves then and now using comparison expressions, and present it as a vlog, PowerPoint presentation, or blog. It is graded with a rubric.

Full text of the module

The text below is a transcription of the PDF above, as printed.

Filipino – Ikalawang Markahan – Modyul 6: Wika at Gramatika: Mga Pahayag sa Paghahambing

7

CO_Q2_ Filipino 7_ Module 6

[illustration: students reading and studying under a tree and at a desk, with a teacher, a globe, and a child writing by lamp light]

Filipino – Ikapitong Taon Alternative Delivery Mode Ikalawang Markahan – Modyul 6: Wika at Gramatika: Mga Pahayag sa Paghahambing Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito. Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Inilimbag sa Pilipinas ng ________________________ Department of Education – Region XII Office Address: Regional Center, Brgy. Carpenter Hill, City of Koronadal Telefax: (083) 2288825/ (083) 2281893 E-mail Address: depedroxii.org Email: region12@deped.gov.ph

Bumuo sa Pagsusulat ng Modyul
Manunulat:James B. Lomocho
Editor:Mylene Arzadon
Tagasuri:Sally A. Palomo
Tagaguhit:Lhryn T. Jaranilla
Tagalapat:Guinevier T. Alloso
Tagapamahala:Allan G. Farnazo, CESO IV – Regional Director
Fiel Y. Almendra, CESO V – Assistant Regional Director
Rommel G. Flores, CESO V- Schools Division Superintendent
Mario M. Bermudez, CESO VI- Asst. Schools Division Superintendent
Gilbert B. Barrera – Chief, CLMD
Arturo D. Tingson Jr. – REPS, LRMS
Peter Van C. Ang-ug – REPS, ADM
Leonardo Mission – Regional Filipino Supervisor
Juliet F. Lastimosa – CID Chief
Sally A.Palomo – EPS In Charge of LRMS
Greogorio O. Ruales – ADM Coordinator

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anomang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag- aaral kahit wala sila sa paaralan.

Alamin

Magandang araw kaibigan!

Ikinagagalak ko ang iyong pagpupursige sa iyong pag-aaral. Alam kong marami ka nang natututuhan sa mga aralin para sa ikalawang markahan. Sa Modyul 5 ay natutuhan mong magbigay ng kahulugan at sariling interpretasyon sa mga salitang paulit-ulit na ginagamit sa isang akda, mga salitang iba-iba ang digri o antas ng kahulugan, mga di-pamilyar na salita mula sa isang akda, at mga salitang nagpapahayag ng damdamin.

Para naman sa Modyul 6, matututuhan mong gamitin ang mga pahayag sa paghahambing tulad ng higit/mas, di-gaano, di-gasino, at iba pa.

Alam kong eksayted ka na para sa araling ito. Kaya ano pa ang hinihintay mo kaibigan? Maaari mo nang umpisahan ang modyul na ito.

Subukin

Sa bahaging ito ng modyul, nais kung sagutin mo ang pagsubok na ito kaibigan. Ito ay isang panimulang pagsubok lamang na may layuning mabatid ang iyong kaalaman hinggil sa paksa. Kapag tapos ka na sa pagsagot, hingiin mo sa iyong guro ang susi sa pagwawasto at iwasto ang iyong mga kasagutan.

Alam kong handa ka na para sa pagsubok na ito. Maaari ka nang magumpisa.

I. Panuto: Salungguhitan ang mga pahayag sa paghahambing na ginamit sa sumusunod na pangungusap.
  1. Di gasinong masarap ang luto ni ate kaysa sa luto ni kuya.
  2. Magkasingtangkad ang magkaibigang sina Allan at Alex.
  3. Higit na mahusay sa paggamit ng kompyuter ang mga kabataan ngayon kaysa sa mga kabataan noon.
  4. Kinagigiliwan ni Gng. Cruz sina Marco at Ben dahil pareho silang matalino at masipag sa klase.
  5. Di gaanong malinis ang silid ni Rica kaysa sa silid ni Martha kaya palagi siyang napagsasabihan ng kanyang ina.
II. Bilugan ang wastong pahayag sa paghahambing upang mabuo ang ideya ng pangungusap.
  1. (Mas, Kapwa) mahaba ang buhok ni Hanah kaysa kay Jessa.
  2. (Di hamak, Pareho) na sikat sa kanilang paaralan si Jake kaysa kay Manuel.
  3. Maraming humahanga kina Jean at Rose dahil (kapwa, mas) sila magaganda.
  4. (Higit na, Magkatulad na) mahusay si Carlo kaysa kay Jay pagdating sa pagsayaw.
  5. (Di gaanong, Parehong) malikot sa klase si Ken kaysa kay Angelo.
III. Gamitin sa pangungusap ang sumusunod na pahayag sa paghahambing.
  1. mas -_____________________________________________________________
  2. kapwa -_____________________________________________________________
  3. di gaano -_____________________________________________________________
  4. higit na -_____________________________________________________________
  5. pareho -_____________________________________________________________

Aralin 1 – Wika At Gramatika: Mga Pahayag Sa Paghahambing

A. WIKA AT GRAMATIKA: Mga Pahayag sa Paghahambing

Pinakamahalagang Kasanayan sa Pampagkatuto:

Nagagamit nang maayos ang mga pahayag sa paghahambing (higit/mas, di-gaano, di-gasino, at iba pa) F7WG-IIc-d-8

Balikan

Binabati kita kaibigan sapagkat natapos mo nang sagutin ang panimulang pagsubok. Ngayon naman ay magbabalik-aral muna tayo sa nakaraang aralin. Alam kong natutuhan mo nang pagsunud-sunurin ang mga salita batay sa tindi ng kahulugan o tinatawag nating pagkiklino.

Bago ka magpatuloy sa modyul na ito, pagsunud-sunurin mo muna ang mga pangkat ng salita na iyong makikita sa ibaba. Pagsunurin lamang ang mga salita gamit ang bilang 1-2-3. Lagyan ng bilang 1 ang salitang may mababaw na kahulugan at 3 naman para sa may matinding kahulugan.

BilangSalitaBilangSalita
galitnaglalagablab
inisnag-aapoy
pootnagniningas

Tapos mo na bang sagutin ang gawaing ito? Maaari mo nang hingiin sa iyong guro ang kasagutan para sa mga ito.

Para makuha mo nang tama ang mga sagot sa gawaing ito, kailangan mong paghambingin ang tinding taglay ng kahulugan ng mga salita. Alam mo bang may mga pahayag tayong ginagamit sa paghahambing? Sa modyul na ito, iisa-isahin

natin ang mga pahayag na ito. Matututuhan mong gamitin ang mga paghayag na ito sa pagbuo ng pangungusap.

Handa ka na bang matuklasan ang mga pahayag sa paghahambing? Kung handa ka na, maaari ka nang magpatuloy sa modyul na ito.

Mga Tala para sa Guro

Ang Modyul na ito ay inihanda para sa mga mag-aaral upang lubusang matuto at maunawaan ang pinakamahalagang layunin ng pampagkatuto. Naglalaman din ito ng mga gawain at pagsasanay upang malinang ang kakayahan ng mga mag-aaral.

Tuklasin

Sa pagkakataong ito kaibigan, nais kong basahin mo ang usapan sa loob ng kahon at sagutin ang mga tanong tungkol dito.

James: Kumusta Charlotte at Shayne! Nagustuhan niyo ba ang talakayan natin kanina sa klase?

Charlotte: Siyempre naman James. Hindi ko akalaing mas tumataas ngayon ang bilang ng teenage pregnancy kaysa noon.

Shayne: Paanong hindi tataas? Eh, di hamak na maraming nakaiimpluwensiya sa kabataan ngayon di gaya noon na gawin ang isang bagay na ginagawa lamang ng mag-asawa.

James: Tama ka diyan Shayne. Parehong naglipana ngayon sa telebisyon at internet ang mga palabas na hindi angkop para sa atin.

Charlotte: Kaya sa panahon ngayon, kailangan nating maging responsable bilang isang kabataan.

Shayne: Tama ka diyan. Higit na pag-iingat ang dapat nating gawin sa mga pinanonood natin sa telebisyon at internet.

Mga susing tanong:

  1. Tungkol saan ang pinag-usapan ng magkakaibigan sa usapan?
  2. Naniniwala ka bang nakaaapekto ang mga palabas sa telebisyon at internet sa pagtaas ng bilang teenage pregnancy? Bakit?
  3. Bilang kabataan, paano mo mahihikayat ang kapwa mo na maging responsable sa mga pinanonood nila sa telebisyon at internet?

Nagustuhan mo ba ang iyong binasang usapan kaibigan? Alam mo bang ang pagtaas ng bilang ng teenage pregnancy ay isa sa mga suliraning kinahaharap ng ating bansa ngayon? Kaya mainam lamang na maging responsable bilang kabataan upang hindi na makadagdag sa suliraning ito.

Suriin

Ngayon naman, nais kong balikan mo ang binasa mong usapan. May napansin ka ba sa iyong binasa?

Tama ka kaibigan, may mga salitang nakasalungguhit. Ang mga salitang ito ay tinatawag nating mga pahayag sa paghahambing. Kung mapapansin mo sa binasa mong usapan, nagpapahayag ng paghahambing ang mga tauhan nito. Naranasan mo na rin bang maghambing ng mga bagay-bagay?

Sa puntong ito, tatalakayin na natin ang mga pahayag sa paghahambing. Maaari kang magpatulong sa iyong magulang o kung sinomang kasama mo ngayon na mapaunawa sa iyo ang aralin.

MGA PAHAYAG SA PAGHAHAMBING

Kapag tayo ay naghahambing ng dalawang tao, hayop, bagay, pook o pangyayari, tayo ay gumagamit ng mga pahayag sa paghahambing. Sa paghahambing, maaaring magkapareho o magkaiba ang katangian ng ating pinaghahambing.

Narito ang mga pahayag na ginagamit sa paghahambing na parehong katangian:

  1. Mga panlaping ka-, sing-, kasing-, magsing-, at magkasing-
  2. Mga salitang panulad gaya ng pareho, kapwa, tulad ng, at gaya ng

Mga halimbawa:

a. Kasintangkad ni Rolly ang kuya nitong si Allen. b. Kapwa mahusay magturo sina G. Martinez at G. Marcos.

Narito naman ang mga pahayag na ginagamit natin sa paghahambing ng may magkaibang katangian:

  1. di gaano
  2. di gasino
  3. di hamak
  4. di gaya/tulad
  5. higit/mas

Mga halimbawa:

a. Mas mahirap ang buhay natin ngayong new normal b. Higit na maunlad ang Pilipinas ngayon kaysa noon.

Pagyamanin

Bumuo ng pangungusap na naghahambing sa mga larawan sa bawat bilang. Gamitin ang mga pahayag sa paghahambing na nakatalaga sa bawat bilang.

[illustration: rabbit] [illustration: turtle]

  1. higit na


[illustration: teacher] [illustration: doctor]

  1. kapwa


[illustration: candy] [illustration: chocolate bars]

  1. di gaano


[illustration: city skyline] [illustration: farmer with tools]

  1. di hamak


Isaisip

Mahusay kaibigan! Ikinararangal ko ang iyong sipag at tiyaga sa pag-aaral. Ipagpatuloy mo lamang ang ganyang gawain.

Bago ka magpatuloy sa modyul na ito, kumpletuhin mo ang mga pangungusap upang mabuo ang diwa ng talata.

Ang mga pahayag sa paghahambing ay _____


_____. Sa paghahambing, maaaring _____



_____.

Ang mga halimbawa ng mga pahayag sa paghahambing ay _____


_____.

Isagawa

Sa bahaging ito ng modyul, bubuo ka ng isang talatang naghahambing tungkol sa iyong sarili – pagkakaiba o pagkakatulad noon at ngayon. Gumamit ng mga pahayag na naghahambing.

Maaari kang pumili sa mga sumusunod na estilo sa presenta ng iyong talata:

A. Vlog B. Powerpoint Presentation C. Blog

Sa paggawa ng iyong gawain, gamiting batayan ang rubrik na makikita sa ibaba.

PamantayanNapakahusay (5)Mahusay (4)Katamtaman (3)Nangangailangan ng Pagsasanay (2-1)
Kabuluhan ng NilalamanKatangi-tangi ang kabuluhan ng nilalaman ng nabuong talataMakabuluhan ang nilalaman ng nabuong talataMay pagtatangkang makabuo ng isang makabuluhang talataNangangailangan pa ng pagsasanay sa pagbuo ng isang makabuluhang talata
Kalinawan/ Organisasyon ng KaisipanNatatangi, kawili-wili at kaabang-abang ang daloy ng pagsasalaysayMalinaw ang pagkakasunod-sunod ng daloy ng pagsasalaysayMay ilang bahaging hindi naging malinaw sa pagsasalaysayHindi naging malinaw ang daloy ng pagsasalaysay
Paggamit ng Pahayag sa PaghahambingNapakahusay ang paggamit ng mga pahayag sa paghahambingMahusay ang paggamit ng mga pahayag sa paghahambingMay pagtatangkang gumamit ng mga pahayag sa paghahambingWalang ginamit na mga pahayag sa paghahambing

Tayahin

Binabati kita kaibigan sapagkat napagtagumpayan mong masagot ang mga gawain sa modyul na ito. Sa puntong ito, susubukin na natin ang iyong natutuhan. Alam kong handang handa ka na para dito. Isulat ang iyong sagot sa sagutang papel.

I. Tukuyin ang pahayag sa paghahambing na ginamit sa bawat pangungusap. Isulat ang titik ng iyong sagot.

  1. Parehong nakatatakot ang negatibong epekto ng telebisyon at internet sa kabataan ngayon.
    a. ngayon
    b. negatibo
    c. pareho
    d. ang


  2. Mas maraming kabataan ngayon ang napapariwa ang buhay kaysa sa kabataan noon.
    a. mas
    b. buhay
    c. noo
    d. maraming


  3. Mahilig mag-aral ang kababaihan di tulad ng kalalakihan.
    a. mag-aral
    b. di tulad


    c. kalalakihan
    d. mahilig


  4. Higit na mahigpit ang ginawang pagdidisiplina sa kabataan noon kaysa ngayon.
    a. mahigpit
    b. na
    c. ginawang
    d. higit


  5. Di hamak na matatalino ang kabataan ngayon kaysa noon dahil na rin sa mga makabagong teknolohiya.
    a. rin
    b. matatalino
    c. Di hamak
    d. dahil


II. Piliin ang pinakaangkop na pahayag sa paghahambing na bubuo sa diwa ng bawat pangungusap. Isulat ang titik ng iyong sagot.

  1. _______________ matapang sa pagharap sa mga pagsubok sa buhay sina Jerry at Joel.
    A. Kapwa
    B. Di hamak


  2. Magaling sumayaw si Andrea _______________________ ng kanyang kapatid.
    A. di gasino
    B. di gaya


  3. _____________________ na ni Jim ang kanyang ama na isang basketbolista.
    A. Mas matangkad
    B. Kasintangkad


  4. ______________________ mahilig manood ng palabas sa telebisyon si tatay kaysa kay nanay.
    A. Di gaano
    B. Pareho


  5. _______________________ mainam tangkilin ang mga produktong sariling atin kaysa sa mga produkto sa ibang bansa.
    A. Di tulad
    B. Mas


III. Gamitin sa pangungusap ang sumusunod na mga pahayag sa paghahambing batay sa paksa.

  1. [chart: flow diagram; “di gaano” → “pagkakaiba ng buhay noon at ngayon”]
    pangungusap:

  1. [chart: flow diagram; “higit na” → “paborito mong pagkain”]
    pangungusap:

  1. [chart: flow diagram; “di hamak” → “pagkakaiba ng ugali ng nanay at tatay”]
    pangungusap:

  1. [chart: flow diagram; “mas” → “napanood mong pelikula”]
    pangungusap:

  1. [chart: flow diagram; “pareho” → “paborito mong artista”]
    pangungusap:

Karagdagang Gawain

Sa wakas, natapos mo na ang modyul na ito. Binabati kita kaibigan sa iyong sipag at tiyaga sa pagsagot sa mga gawaing inihanda para sa iyo. Alam kong hasang hasa ka na sa paggamit nang wastong mga pahayag sa paghahambing.

Bago ka tuluyang tumungo sa susunod na modyul, bumuo ka ng isang komposisyon gamit ang mga pahayag sa paghahambing. Maaari kang pumili ng paksa na makikita mo sa ibaba. Maaari ka ring mag-isip ng sarili mong paksa sa bubuoin mong komposisyon.

  • Magagandang lugar na napuntahan
  • Ugali ng iyong kaibigan
  • Edukasyon sa New Normal
  • Kinahihiligan mong isports

Susi sa Pagwawasto

[transcriber’s note: this answer key page is printed rotated 180 degrees; the text below is read in upright order]

Subukin

I.

  1. di gasino
  2. magkasin-/magkasintangkad
  3. higit na
  4. parehong
  5. di gaano

II. 6. mas 7. di hamak 8. kapwa 9. higit na 10. di gaano

III. Mga posibleng sagot: 11. Mas mabait si ate kaysa kay kuya. 12. Kapwa magaling sa klase sina Aiko at Doris. 13. Di gaanong malakas ang ulan ngayon kaysa kahapon. 14. Higit na mabango ang damit ni Ara kaysa Lara. 15. Parehong masipag mag-aral sina Joe at Ryan.

Maaaring magbago ang sagot ng mag-aaral.

Balikan

[transcriber’s note: the key prints two small groups of answers with no column headers]

  • galit 2
  • inis 1
  • poot 3
  • naglalagablab 3
  • nag-aapoy 2
  • nagniningas 1
Pagyamanin

Mga posibleng sagot:

  1. Higit na mabilis tumakbo ang kuneho kaysa sa pagong.
  2. Kapwa magaling sa kanilang trabaho ang mga guro at mga doctor.
  3. Di gaanong matamis ang kendi kaysa sa tsokolate.
  4. Di hamak na payapang mamuhay sa bukid kaysa sa siyudad.
  5. Parehong magaganda at matatalino sina Pia at Catriona.

Maaaring magbago ang sagot ng mag-aaral.

Tayahin

I.

  1. C
  2. A
  3. B
  4. D
  5. C

II. 6. A 7. B 8. B 9. A 10. B

III. Mga posibleng sagot: 11. Di gaanong mahirap ang buhay ngayon kaysa noon. 12. Higit na masarap ang Adobo kaysa sa Sinigang. 13. Di hamak na mahigpit si nanay kaysa kay tatay. 14. Mas nakaiiyak ang pelikulang The Four Sisters and a Wedding kaysa sa The Good Sunday. 15. Parehong mahusay umawit sina Sarah Geronimo at Regine Velasquez.

Maaaring magbago ang sagot ng mag-aaral.

Sanggunian

Google.com LRMDS

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district