Araling Panlipunan 4 Quarter 4 Module 5: Para sa Kagalingang Pansibiko, Makiisa Tayo!

Grade 4 Araling Panlipunan Quarter 4 Module 5 on civic activities that build civic welfare and their short- and long-term effects, with answer key.

This is the Araling Panlipunan (social studies) self-learning module for Grade 4, Quarter 4, Module 5: “Para sa Kagalingang Pansibiko, Makiisa Tayo!” (Let’s take part for civic welfare!). It is for Grade 4 learners studying at home or in school. After the module, learners can name and explain the activities that build civic welfare, and describe how these activities affect a person or a community.

The module follows a previous lesson on the meaning and importance of civic welfare. It is part of DepEd’s Alternative Delivery Mode (First Edition, 2020) and was prepared by DepEd Region V, with Iren A. Nuñez as writer.

On this page 6 sections

What learners will learn

The module states these standards and learning goals.

Content standard (Pamantayang Pangnilalaman): The learner shows understanding of the value of their rights and duties as a Filipino citizen.

Performance standard (Pamantayan sa Pagganap): The learner takes part in civic activities that show they carry out their duties as a citizen and live out their rights.

Learning competencies (Pamantayan sa Pagkatuto): By the end of the module, the learner:

  1. Lists the activities that build civic welfare (naiisa-isa ang mga gawaing lumilinang sa kagalingang pansibiko).
  2. Explains the activities that build civic welfare (naipaliliwanag ang mga gawaing lumilinang sa kagalingang pansibiko).

Key ideas: civic activities and civic welfare

What is a civic activity?

A gawaing pansibiko (civic activity) is an action or service for others that a person gives willingly. There are many kinds, and they can match what a person or group is able to do.

For children, civic activities are simple good deeds. The module gives these examples:

  • Speaking politely to older people, guiding persons with disabilities as they walk, and helping clean the surroundings
  • Buying products made in your community and in the Philippines
  • Following the laws of your town and of the country
  • Putting on or helping with public shows and performances
  • Scouts helping manage traffic

Some civic activities are done as a group or as a member of an organization, such as youth groups that care for animals and nature, or groups that work for the welfare of indigenous Filipinos.

What is civic welfare?

Kagalingang pansibiko (civic welfare) is a situation where citizens are aware that they are responsible for one another. It comes from people quickly responding to and caring for their fellow citizens. Civic activities are the path to civic welfare. The module says they help make sure citizens are truly free, independent, and satisfied with their leadership.

Short-term and long-term effects

The module explains that civic activities have two kinds of effects.

Type of effectWhat it meansExamples from the module
Panandalian (short-term)Gives immediate relief or a quick solution to a problemFaster delivery of help to disaster victims, saving lives in accidents, giving immediate relief to people who are hungry or sick
Pangmatagalan (long-term)Solves social problems such as ignorance and poverty; the effect lasts a lifetimeTeaching sports to young people, literacy programs, providing facilities or equipment, giving livelihood, forming sports leagues

The module adds that long-term civic activities often have a wide reach, especially those that adults join.

Parts and activities of the module

  • Subukin (pretest): Multiple-choice situations, plus a part where learners write BOOM if an activity has a good effect and PANIS if it does not.
  • Balikan (review): Matching situations, such as becoming a barangay kagawad, to the right duty, like doing one’s work honestly.
  • Tuklasin (explore): Learners study a picture of a street scene and answer two questions.
  • Suriin (discussion): The explanation of civic activities, civic welfare, and short- and long-term effects.
  • Pagyamanin (practice): Matching activities like tree planting and waste segregation to their good effects, writing effects, and a checklist of activities done in the learner’s barangay.
  • Isaisip (generalization): A short summary of what the learner learned.
  • Isagawa (application): Choosing activities a child can do, labeling activities as Pangmatagalan or Panandalian, and drawing a happy or sad face for good or bad effects.
  • Tayahin (assessment): Situation questions and a part where learners draw a star for short-term or a heart for long-term effects.
  • Karagdagang Gawain (additional activities): Writing a short poem about joining civic activities, and pasting one’s own photo surrounded by the civic activities the learner can do. Both come with rubrics.

How to use this module

  • Learners: Start with the pretest to see what you already know, then go through the parts in order. Write all answers on a separate answer sheet, not on the module, so others can use it. Each activity gives a suggested time, from 2 to 6 minutes. Contact your teacher right away if you have trouble understanding a lesson.
  • Parents and guardians: The module asks family members to grade the poem and the photo activity using the rubrics given. Remind your child to be honest when checking answers with the answer key.
  • Teachers: An answer key (Susi sa Pagwawasto) is at the end. Several items, such as the Isagawa and Isaisip tasks, depend on the learner’s own answers. A few key entries do not seem to match their items, for example Subukin A numbers 4 and 5 and Pagyamanin B, so check the key before using it for scoring.

Frequently asked questions

What grade and quarter is this Araling Panlipunan module for?

It is for Grade 4, Quarter 4, Module 5. The module itself is labeled Araling Panlipunan Ikaapat na Baitang (Grade 4).

What is the difference between gawaing pansibiko and kagalingang pansibiko?

Gawaing pansibiko is a civic activity, an action or service for others given willingly. Kagalingang pansibiko, or civic welfare, is the situation where citizens are aware they are responsible for one another, and civic activities lead to it.

What are panandalian and pangmatagalan effects?

Panandalian effects are short-term and give immediate relief, like helping disaster victims or saving lives in accidents. Pangmatagalan effects are long-term and solve problems such as ignorance and poverty, through literacy programs, livelihood, and sports leagues.

Does the module have an answer key?

Yes. The Susi sa Pagwawasto at the end gives answers for the pretest, review, activities, and assessment, though some items depend on the learner’s own answers.

Can learners write on the module?

No. The module asks learners not to write on or mark any part of it and to use a separate sheet of paper for all answers.

Full text of the module

The text below is a transcription of the PDF above, as printed.

Araling Panlipunan Ikaapat na Markahan – Modyul 5: Para sa Kagalingang Pansibiko, Makiisa Tayo!

[illustration: students reading and studying under a tree, a teacher with a student at a desk, a boy writing by a lamp, and a globe]

CO_Q4_AP 4_ Module 5

PAG-AARI NG PAMAHALAAN HINDI IPINAGBIBILI

Araling Panlipunan – Ikaapat na Baitang Alternative Delivery Mode Ikaapat na Markahan – Modyul 5: Para sa Kagalingang Pansibiko, Makiisa Tayo! Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul
Manunulat:Iren A. Nuňez
Editor:Jerry P. Ramirez at Ma. Leilani R. Lorico
Tagasuri:Ana N. Calisura
Tagaguhit:
Tagalapat:Edsel D. Doctama, Cherry Ann R. Varon
Tagapamahala:Gilbert T. Sadsad
Francisco B. Bulalacao Jr.
Grace U. Rabelas
Ma. Leilani R. Lorico
Imelda R. Caunca
Marites B. Tongco

Inilimbag sa Pilipinas ng ________________________

Department of Education – Region V Office Address: Regional Center Site, Rawis, Legazpi City Telefax: (052) 225-4668, (052) 225-4669 E-mail Address: region5@deped.gov.ph

4

Araling Panlipunan Ikaapat na Markahan – Modyul 5: Para sa Kagalingang Pansibiko, Makiisa Tayo!

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

Sa nakaraang aralin, nalaman mo ang kahulugan at kahalagahan ng kagalingang pansibiko. Anu-ano pa kaya ang mga gawaing pansibiko at ang kabutihang maidudulot sa ating bansa ng pagkakaroon ng kamalayan tungkol dito?

Sa modyul na ito matutukoy mo ang mga gawaing lumilinang sa kagalingang pansibiko at maipaliliwanag mo kung ano ang epekto nito sa isang pamayanan o isang indibidwal. Malalaman mo din kung paano ka magiging kabahagi sa pagkakaroon ng kagalingang pansibiko.

Pamantayang Pangnilalaman

Ang mag-aaral ay naipamamalas ang pang- unawa sa pagpapahalaga sa kanyang mga karapatan at tungkulin bilang mamamayang Pilipino.

Pamantayan sa Pagganap

Ang mag-aaral ay nakikilahok sa mga gawaing pansibiko na nagpapakita sa kanyang pagganap sa kanyang tungkulin bilang mamamayan ng bansa at pagsasabuhay ng kanyang karapatan.

Pamantayan sa Pagkatuto

Gabay ang modyul na ito, ikaw ay inaasahang:

  1. Naiisa-isa ang mga gawaing lumilinang sa kagalingang pansibiko
  2. Naipaliliwanag ang mga gawaing lumilinang sa kagalingang pansibiko.

Subukin

A. Basahing mabuti ang mga sumusunod na sitwasyon. Pagkatapos ay piliin ang titik ng angkop na sagot. Gawin ito sa iyong sagutang papel sa loob ng 5 minuto.

  1. Bilang isa sa mga Eco Aid, maagap si Mang Tonyo sa pangungulekta ng mga basura sa kanilang lugar.

    • a. Para madaling matapos ang gawain niya.
    • b. Para mapanatiling maayos at malinis ang kanilang kapaligiran.
    • c. Para maunahan niya ang ibang nangungulekta ng basura.
    • d. Para maging sikat siya sa mga tao sa lugar niya.
  2. Tuwing Sabado ay nagkakaroon ng paglilinis ng paligid at mga kanal ang mga kabataan sa Barangay Maligaya.

    • a. Makikilala sila sa mga ginagawa nila sa kanilang lugar.
    • b. Maiiwasan ang pagbabaha tuwing tag-ulan sa kanilang lugar.
    • c. Magagamit nila ito upang mabigyan sila ng pabuya.
    • d. Malilibang sila sa kanilang ginagawa.
  3. Nagtuturo si Angel at ang mga kaibigan niya sa mga batang IPs o katutubo sa kanilang lugar.

    • a. Matututo ang mga batang IPs na bumasa at sumulat.
    • b. Maaari silang mapahamak sa kanilang ginagawa.
    • c. Tataas ang kanilang grado kapag nalaman ito ng guro.
    • d. Mahihirapan sila sa pagtuturo sa mga batang IPs.
  4. Mas pinipili ni Tanya ang mga sapatos na yari sa Marikina kaysa sa mga imported na mabibili sa malls.

    • a. Madaling masira ang mga ito.
    • b. Mas mura ito kaysa sa mga imported na sapatos.
    • c. Makatutulong ito sa pag-unlad ng mga lokal na produkto
    • d. Malulugi ang mga negosyante sa bansa.
  5. Bumuo ng isang kooperatiba o samahan ang grupo ng mga magsasaka at mangingisda sa inyong lugar.

    • a. Malaking tulong ito sa kabuhayan ng mga mamamayan ng inyong lugar.
    • b. Mahihirapan ang mga magsasaka at mangingisda.
    • c. Dagdag trabaho ito sa mga mamamayan
    • d. Magiging sagabal ito sa mga maliliit na negosyo sa inyong lugar.

B. Suriin ang mga sumusunod na pahayag. Isulat ang BOOM kung kaaya-aya ang epekto ng gawain at PANIS naman kung hindi maganda ang epekto ng gawain. Gawin mo ito sa iyong sagutang papel.

______1. Inalalayan ni Dory ang isang matandang tumatawid sa kalsada para hindi ito mapahamak.

______2. Binabaon ni Rolly ang mga nabubulok nilang basura para makagawa siya ng compost na pagtatamnan niya ng halaman.

_____ 3. Palihim na gumagamit ng dinamita sina Mang Kanor para makarami ng mahuhuling isda.

_____ 4. Bumuo ng liga ng mga manlalaro sa barangay Masaya upang makaiwas sa masamang bisyo ang mga kabataan.

_____ 5. Tumulong ang mga batang iskawt sa pagbebenta ng tiket para sa isang benefit show ng kanilang lugar.

Aralin 1 Para sa Kagalingang Pansibiko, Makiisa Tayo!

Balikan

Basahin ang mga sumusunod na sitwasyon. Piliin ang titik ng tamang sagot sa ibaba. Gawin ito sa iyong sagutang papel sa loob ng 2 minuto.

  • A. Sundin ang mga batas
  • B. Magsabi ng katotohanan
  • C. Maging mabuting kasapi
  • D. Gawin nang tapat ang tungkulin
  • E. Gamitin at alagaang maayos
  • F. Gawin ang naising gawin
  1. Nakapasok si Jaya bilang isang news reporter sa isang istasyon ng radyo.


  2. Pumunta sina Nerissa sa Disneyland para makapamasyal.


  3. Nabigyan ng pagkakataon si Kulas na maglingkod bilang Kagawad ng barangay.


  4. Naging kasapi si Maxine sa samahan ng mga mananalumpati ng kanilang paaralan.


  5. Isa sa mga napagkalooban ng murang pabahay ng pamahalaan ang pamilya Reyes.


Tuklasin

Mga Gawain Tungo sa Kagalingang Pansibiko

Pag-aralan at suriin ang larawan. Pagkatapos sagutin ang mga tanong sa ibaba. Gawin ito sa iyong sagutang papel sa loob ng 2 minuto.

[illustration: people on a street, children and adults near a pedestrian crossing]

  1. Ano ang ipinahihiwatig ng nasa larawan?


_____.

  1. Sa iyong palagay, kailangan ba ang mga ganitong Gawain sa ating bansa? Bakit?


_____.

Suriin

Ano ang tinatawag na gawaing pansibiko? Paano ito naiiba sa kagalingang pansibiko?

Ang gawaing pansibiko ay mga pagkilos at paglilingkod sa iba na kusang inihahandog ng indibiduwal. May iba’t ibang uri ng gawaing pansibiko. Maaari itong iayon sa kakayahan ng indibiduwal o grupo.

Sa mga batang tulad mo, ang gawaing pansibiko ay makikita sa payak na paggawa ng kabutihan.

  • ang magalang na pakikipag-usap sa matatanda, paggabay sa paglalakad sa mga may kapansanan, at pagtulong sa paglilinis ng kapaligiran.
  • Ang pagtangkilik sa mga produkto ng iyong komunidad at ng ating bansa ay halimbawa rin ng gawaing pansibiko na maaari mo nang umpisahan ngayon pa lamang.
  • Ang pagsunod sa mga batas ng iyong munisipyo at maging ng ating bansa ay isa pang paraan.
  • Ang pagpapalabas o pagtulong sa mga pagtatanghal na pampubliko ay isa pang gawain.
  • Maging ang pagtulong sa pamamahala sa trapiko ng mga batang iskawt ay isa ring gawaing pansibiko.

Suriin

Di matatawaran ang kahalagahan ng gawaing pansibiko sa isang bansa. Ito ay isang paraan ng pagtiyak na ang mga mamamayan sa isang lipunan ay tunay na malaya, nagsasarili, at kontento sa kanilang pamunuan. Ang mga gawaing ito ang nagiging daan sa pagkakaroon ng kagalingang pansibiko. Ang kagalingang pansibiko (civic welfare) ay isang sitwasyon kung saan taglay ng mga mamamayan ang kamalayan na may pananagutan sila sa kanilang kapuwa. Ang kabutihang ito ay natatamasa sapagkat nanggagaling sa kagyat na pagtugon at pagmamalasakit ng kapwa mamamayan.

Mga Gawaing Lumilinang sa Kagalingang Pansibiko

Maaaring malawak ang sakop at pangmatagalan ang gawaing pansibiko dahil sa epekto na mayroon ito sa isang tao o pamayanan. Natatamasa ang epekto ng panghabang buhay dahil nabibigyang-solusyon ang mga suliraning panlipunan tulad ng kamangmangan at kahirapan.

Sa kabuuan, maaaring tingnan sa dalawang mukha ang naidudulot ng gawaing pansibiko.

[chart: flowchart; unnumbered diagram with the top node “GAWAING PANSIBIKO” branching to “PANANDALIAN” and “PANGMATAGALAN”]

  • GAWAING PANSIBIKO


  • PANANDALIAN: Pagbibigay ng kagyat na lunas o solusyon.


  • PANGMATAGALAN: Nabibigyang-solusyon ang mga suliraning panlipunan tulad ng kamangmangan at kahirapan. Natatamasa ang epekto ng panghabang buhay.


  • May mga gawaing pansibiko na maaaring gampanan bilang grupo o bilang kasapi ng isang organisasyon.


  • Ilang halimbawa ay sa samahan ng mga kabataan para sa kapakan ng mga hayop at kalikasan at samahan para sa kapakanan ng mga katutubong Pilipino.


Maaaring malawak ang sakop at pangmatagalan ang gawaing pansibiko na sinasalihan lalo na ng nakatatanda.

[chart: flowchart; MGA GAWAING MAY PANGMATAGALANG EPEKTO]

  1. pagtuturo ng iba’t-ibang uri ng isports sa mga kabataan
  2. mga programa at proyekto sa literasi
  3. Pagbibigay ng pasilidad o kagamitan
  4. pagbibigay ng kabuhayan
  5. mga proyektong may kinalaman sa pampalakasan gaya ng pagbuo ng mga liga`
Gawaing may Panandaliang Epekto
  • mga gawaing nagbibigay ng kagyat na lunas o solusyon sa problema
  • nagiging mabilis ang proseso ng pag- abot ng tulong sa mga nasalanta ng kalamidad,
  • pagsagip ng buhay kapag may aksidente,
  • pagbibigay ng agarang lunas sa mga nakararanas ng gutom at sakit.

Pagyamanin

A.

Suriin ang mga sumusunod na sitwasyon. Piliin ang mabuting epekto sa bansa ng mga gawaing lumilinang sa kagalingang pansibiko mula sa pagpipilian na nasa kahon sa ibaba. Piliin lamang ang titik ng iyong sagot. Gawin ito sa sagutang papel sa loob ng 5 minuto.

_______1. Paghihiwalay ng mga basura sa inyong bahay.

_______2. Pagtatanim ng mga puno kapalit ng mga pinutol.

_______3. Pagtuturong bumasa at sumulat sa mga katutubo sa inyong pamayanan.

_______4. Pangangalaga sa mga ilog at bahaging tubig sa inyong lugar.

_______5. Pagtuturo ng bagong kasanayan sa pananahi para sa kababaihan.

A. May pipigil sa tubig kapag umulan ng malakas at maiiwasan ang pagbaha. B. Mapapanatiling malinis ang ilog at mga bahaging tubig. C. Magiging malinis ang lugar at mababawasan ang basura. D. Madaragdagan ng bagong kasanayan para makatulong sa paghahanapbuhay. E. Matututong bumasa at sumulat ang mga katutubo

B.

Isulat sa sagutang papel kung anong magandang epekto ng mga sumusunod na gawain sa inyong lugar o pamayanan.

  1. Pagbibigay ng libreng seminar tungkol sa pagpaparami ng ani.



  1. Pagbili sa mga local na produkto ng inyong lugar.



  1. Pagsunod sa mga batas trapiko na ipinatutupad.



  1. Paggamit ng mga halaman at paglilinis ng kapaligiran.



C.

Alin sa mga sumusunod na gawain ang ginagawa sa inyong lugar? Lagyan ng tsek ang tamang puwang at isulat sa sagutang papel ang epekto nito sa inyong lugar.

GawainOoMinsanHindiEpekto sa inyong barangay
1. Pagkakaroon ng tree planting sa kabundukan.
2. Paglilinis sa mga kanal at estero.
3. Pagbibigay ng tulong sa mga nasalanta ng bagyo, lindol o pagsabog ng bulkan.
4. Pagsasagawa ng medikal misyon sa mga katutubong kababayan.
5. Pagbubuo ng liga ng palaro sa inyong lugar.

Isaisip

Sumulat ng maikling paglalahat ng natutuhan mo mula sa modyul na ito. Gawin ito sa iyong sagutang papel sa loob ng 3 minuto.






_____.

Isagawa

A. Bilang isang bata, alin sa mga sumusunod na gawain ang maaari mong isagawa upang makatutulong sa kagalingang pansibiko? Lagyan ng tsek (/) ang unahang kahon at isulat naman sa kaliwa ang maaaring maging epekto nito. Gawin ito sa iyong sagutang papel sa loob ng 4 na minuto.

Gawaing maaaring LahukanEpekto nito
Ang pagtatanim ng mga puno sa inyong bakuran.
Ang pagsagip ng buhay kapag may aksidente.
Ang pagsunod sa mga batas trapiko ng inyong lugar.
Ang pagtulong sa pagbibigay ng relief goods sa mga nasalanta ng lindol.
Ang pagtuturo ng basketball sa mga Out of School Youth (OSY) sa inyong lugar.

B. Suriin kung anong uri ng epekto mayroon kung isasagawa ang mga sumusunod na gawain sa inyong lugar. Isulat ang Pangmatagalan o Panandalian sa puwang. Gawin ito sa sagutang papel sa loob ng 4 minuto.

_____1. Pagbibigay ng dugo sa Red Cross.

_____2. Pagtuturo sa mgaanim na taong gulang sa Barangay Day Care.

_____3. Paglalagay ng maliliit na watawat ng Pilipinas para sa pagdiriwang ng pambansang araw ng kalayaan.

_____4. Pagtulong sa feeding program para sa mga Senior Citizen ng barangay.

_____5. Paghikayat sa mga kapitbahay na paghiwalayin ang mga basura bilang pagsuporta sa proyekto hinggil sa pangangalaga ng kalikasan.

_____6. Pagtulong sa pagbibigay ng agarang lunas sa mga may sakit na kababayan.

_____7. Pagbibigay ng libreng pag-aaral sa mga kabataan.

_____8. Pagtatayo ng kooperatiba para sa mga maliit na namumuhunan o negosyante sa inyong barangay.

_____9. Pagtatanim ng mga puno kapalit ng pinutol na puno sa kagubatan.

_____10. Paglilinis sa mga kanal tuwing linggo.

C. Iguhit [illustration: smiling face] ang masayang mukha kung mabuti ang epekto ng sumusunod na gawain, at [illustration: frowning face] malungkot na mukha naman kung hindi. Gawin ito sa sagutang papel sa loob ng 3 minuto.

_____1. Pagtulong sa pagtuturo sa mga batang ulila upang matutong bumasa at sumulat.

_____2. Paggamit ng malilit na butas ng lambat ng mga mangingisda upang makarami ng huli.

_____3. Pagsusunog ng mga basura upang hindi ito mangamoy at kumalat sa bakuran.

_____4. Pagsali sa liga ng palakasan upang makaiwas sa masamang bisyo.

_____5. Pagtuturo sa mga batang lansangan ng tamang paghuhugas ng kamay upang makaiwas sa sakit.

Tayahin

A. Basahin at unawain ang bawat pangungusap. Piliin ang titik ng tamang sagot. Gawin ito sa iyong sagutang papel sa loob ng 6 minuto.

  1. Gumagawa si Lota ng mga flowerpots mula sa plastik para mabawasan ang basura sa inyong lugar. Ngunit pinagtatawanan siya ng mga kalaro mo. Ano ang maaari mong gawin?
    a. Pagtawanan din ang ginagawa ni Lota.
    b. Sawayin ang mga kalaro at ipaliwanag ang mabuting epekto ng pagreresiklo.
    c. Hayaan na lang si Lota sa kanyang ginagawa.
    d. Ipagpatuloy ang pakikipaglaro kasama ang mga kaibigan.


  2. Nakita mong tulong tulong sa paglilinis ng kanal ng inyong barangay ang mga kabataan para mapuksa ang mga lamok na nagdadala ng dengue. Ano ang maaari mong gawin?
    a. Tingnan kung maayos ang pagkakalinis nila ng kanal.
    b. Tawagin ang mga kalaro upang tumulong din sa paglilinis.
    c. Magkunwaring walang nakita at umuwi na lang sa bahay.
    d. Kunin ang aklat at magkunwaring nagbabasa.


  3. Nagbebenta ng tiket para sa benefit show ang ate mo at mga kasamahan nito. Ano ang maaari mong gawin upang makatulong?
    a. Sasamahan ko si ate sa pagbebenta ng tiket.
    b. Hahayaan ko na lang sina ate na gawin ito.
    c. Makikipaglaro na lang ako sa mga kapitbahay.
    d. Pipigilan ko ang ate na magbenta nito.


  4. Nakita mong nahagip ng motorsiklo ang matanda. Humihingi ito ng tulong. Ano ang nararapat mong gawin?
    a. Tumawag ng maaaring makatulong sa matanda.
    b. Hintayin kung sino ang unang lalapit sa matanda.
    c. Batuhin ang nakahagip sa matanda.
    d. Magkunwaring hindi mo nakita ang nagyari sa matanda.


  5. Tuwing Sabado ng hapon ay may nagtuturong magbasa at sumulat sa mga katutubong Aeta sa inyong lugar. Anong tulong ang maaari mong magawa?
    a. Aalagaan ko na lang ang kapatid ko sa bahay.
    b. Makikipaglaro ako sa mga Aeta.
    c. Ipagsasabi ko ang programang ito sa iba pang katutubo
    d. Maliit pa ako para makatulong sa ganitong Gawain


B. Basahin at suriin ang mga sumusunod na sitwasyon. Lagyan ng bituin [illustration: star] ang puwang kung panandalian ang epekto ng gawain at puso [illustration: heart] naman kung Pangmatagalan ang epekto ng gawain. Gawin mo ito sa iyong sagutang papel.

_____1. Tuwing may pagkakataon, nag do-donate ng dugo sa Red Cross ang magkaibigang Sonny at Manny.

_____2. Sumasama sa kanyang ina si Tinay sa bahay ampunan upang magbigay ng tulong at makipaglaro sa mga batang ulila.

_____3. Tuwing bakasyon, sumasali ang mga kabataan sa mga palaro sa kanilang barangay.

_____4. Dahil nakatira sina Eda sa may tabing dagat, tuwing umaga ay namumulot siya ng mga basura sa dalampasigan.

_____5. Tumutulong si G. Santos sa pagbuo ng isang Kooperatiba o samahan ng mga mananahi sa malayong nayon.

Karagdagang Gawain

Gawain 1

Gumawa ng maikling tula tungkol sa mabuting epekto ng pakikiisa sa mga gawaing lumilinang sa kagalingang pansibiko. Gawin ito sa iyong sagutang papel sa loob ng 3 minuto.






Rubriks sa Paggawa ng Tula

Maaari mong tanungin ang iyong mga kasambahay na bigyan ka ng grado sa nagawang tula gamit ang rubriks sa ibaba.

Puntos

Puntos
Kaangkupan sa tema
Orihinalidad
Mensahe ng tula
Pagkakabuo

5 – napakahusay…….……. Pinag-isipan, napakaganda ng ginawa, angkop na angkop sa mga pamantayan

4 – mahusay ………….…. Angkop sa tema, sariling gawa, Angkop sa mensahe, angkop sa pamantayan

3 – katamtaman ……….…. Maayos na ginawa, medyo angkop sa binigay na pamantayan

2 – di- gaanong mahusay … Hindi angkop sa mga pamantayan

1 – sadyang di mahusay …. Gumawa lang para makapasa

Gawain 2

Magdikit ng sariling larawan sa ibaba. Sa paligid ng larawan, isulat ang mga gawaing pansibiko na kaya mong tugunan at isulat ang mabuting epekto nito sa inyong pamayanan. Gawin ito sa iyong sagutang papel sa loob ng 3 minuto.

[transcriber’s note: blank frame for pasting a personal photo]

Rubriks ng Gawain

Maaari mong tanungin ang iyong mga kasambahay na bigyan ka ng grado sa nagawang output gamit ang rubriks sa ibaba.

PuntosPamantayan
5 ———Naisagawa nang kaaya-aya at nasunod ang panuto.
4 ———Naisagawa ang gawain nang maayos at nasunod ang panuto.
3 ———Naisagawa ang gwain ngunit may kulang
2 ———Naisagawa ang gawain ngunit maraming kulang.
1 ———Mali ang pagkakagawa ng gawain

Susi sa Pagwawasto

[transcriber’s note: this page is printed rotated 180 degrees; the columns are transcribed in upright reading order]

Isagawa

A. Depende sa kakayahan ng bata

B.

  1. Panandalian
  2. Pangmatagalan
  3. Panandalian
  4. Panandalian
  5. Pangmatagalan
  6. Panandalian
  7. Pangmatagalan [?]
  8. Pangmatagalan
  9. Pangmatagalan
  10. Panandalian

C.

  1. [illustration: smiling face]
  2. [illustration: frowning face]
  3. [illustration: frowning face]
  4. [illustration: smiling face]
  5. [illustration: smiling face]
Pagyamanin

A.

  1. C
  2. A
  3. E
  4. B
  5. D

B.

  1. Magkakaroon ng kaalaman sa pagsasaka
  2. Uunlad ang kalidad ng produkto sa lugar.
  3. Magiging matiwasay ang daloy ng trapiko sa lugar.
  4. Mapapangalagaan ang maliliit na isda.
  5. Mapapanatiling malinis at maayos ang lugar.

C. Depende sa sagot ng bata.

Isaisip

Depende sa kung anong natutuhan ng bata sa modyul.

Subukin

A.

  1. B
  2. B
  3. A
  4. A
  5. C

B.

  1. BOOM
  2. BOOM
  3. PANIS
  4. BOOM
  5. BOOM
Balikan
  1. B
  2. A
  3. D
  4. C
  5. E
Tuklasin
  1. Pagtulong sa mga nangangailangan [?]
  2. Opo, ang mga gawaing ito ay mahalaga upang maging maayos at matiwasay ang ating bansa.
Tayahin

A.

  1. B
  2. B
  3. A
  4. A
  5. C

B.

  1. [illustration: star]
  2. [illustration: star]
  3. [illustration: star]
  4. [illustration: heart]
  5. [illustration: heart]
Karagdagang Gawain
Gawain 1

Tingnan ang Rubriks sa paggawa ng tula

Gawain 2

Depende sa sagot ng bata.

Sanggunian

Department of Education. Araling Panlipunan 4, Learner’s Materials. Pasig City: Instructional Materials Secretariat (DepEd-IMCS), 2015.

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district