Araling Panlipunan 4 Quarter 4 Module 4: Kagalingang Pansibiko, Kailangan Natin Ito!

Grade 4 Araling Panlipunan Quarter 4 Module 4 explains kagalingang pansibiko (civic welfare), why it matters, and how learners can show it.

This is the Araling Panlipunan 4 self-learning module for the fourth quarter, Module 4: “Kagalingang Pansibiko: Kailangan Natin Ito!” (Civic welfare: we need it!). It is written for Grade 4 learners studying at home. It builds on earlier modules about the rights and duties of citizens, and teaches what civic welfare means, why it matters to a country, and how even a child can show it.

The module is part of DepEd’s Alternative Delivery Mode, first edition, 2020, prepared by DepEd Region V (Bicol). It is written in Filipino.

On this page 6 sections

What learners will learn

The module states these learning goals (Pamantayan sa Pagkatuto). After the module, the learner should be able to:

  1. Explain the activities that develop civic welfare (mga gawaing lumilinang sa kagalingang pansibiko).
  2. Explain why civic welfare among citizens is important.
  3. Assess their own civic awareness (kamalayang pansibiko) through the activities.

It also lists the broader standards:

  • Content standard: the learner shows understanding of the value of their rights and duties as a Filipino citizen.
  • Performance standard: the learner takes part in civic activities that show they are doing their duties as a citizen and living out their rights.

Key ideas: what is kagalingang pansibiko?

The module has one lesson, Aralin 1, “Kagalingang Pansibiko: Kailangan Natin Ito!” Its main discussion (the Suriin part) explains the topic this way:

  • Definition: Kagalingang pansibiko is a situation where citizens are aware that they are responsible for their fellow people (may pananagutan sila sa kanilang kapuwa).
  • Highest good: It is described as the highest good citizens can reach. It comes from quick, caring help that people give willingly (may pagkukusa) and without asking for anything in return (walang hinihinging kapalit).
  • Where it starts: Responding promptly to one’s duties and doing them well are among the factors that lead to civic welfare.
  • What it covers: It usually involves human needs such as education, health, the environment, and livelihood.

Traits of a person with civic welfare

According to the module, a person with kagalingang pansibiko:

  • has a strong, sincere desire to serve others
  • responds to others’ needs even without being told
  • helps those in need willingly
  • cares about the welfare of the majority
  • is always ready to help without expecting anything in return

Why it matters

The module gives these reasons:

  • It helps every citizen live in peace and order.
  • Public service becomes easier when everyone is ready to serve and help.
  • People working together can reach more, especially the poor.
  • It shows the highest level of pakikipagkapwa (fellowship with others).
  • Citizens with civic awareness become better partners of the government in its programs.
  • It is a sign of a society that lives peacefully, cares for others, and leads in progress.

Examples from the module

The activities use everyday situations. Acts that show civic welfare include helping an elderly woman carry her groceries, donating to typhoon victims, joining a tree-planting project (Muling Pagtatanim), volunteering at an orphanage outreach program, helping clean up after a storm, and telling the barangay captain about a family whose house was destroyed by an earthquake. Acts that do not show it include leaving garbage anywhere, fishing with dynamite, wasting water, cutting down trees carelessly to sell them, and ignoring the needs of others.

Parts of the module

PartWhat the learner does
SubukinPretest: 5 multiple-choice questions and 5 situations marked with a heart or a circle
BalikanReview of duties of citizens from the previous lesson, such as Paggalang sa Watawat (respect for the flag)
TuklasinStudy a picture of people helping each other and answer questions
SuriinRead the discussion of civic welfare
PagyamaninMark 10 situations with a check or an X, then answer 5 situation questions
IsaisipFill in a paragraph that sums up the definition
IsagawaRate your own civic awareness at school, in nature, and in livelihood; draw how you show it
TayahinFinal test: 5 multiple-choice questions and 5 situations marked with a happy or sad face
Karagdagang GawainMake a slogan, and find, paste, and explain a picture of civic welfare

How to use this module

  • Learners: Take the pretest first, then go through the parts in order. Each activity gives a time limit, usually 2 to 5 minutes. Write your answers on a separate answer sheet and do not write on the module, so others can use it. Check your work honestly with the answer key, and contact your teacher if a part is hard to understand.
  • Parents and guardians: The module asks a family member to grade the drawing, the slogan, and the picture activity using the rubrics printed in the module, which score work on fit to the theme, originality, message, and completeness.
  • Teachers: The answer key (Susi sa Pagwawasto) covers the pretest, review, activities, and final test. Several items, such as the self-rating and the situation questions, accept the learner’s own answers, and the key says to accept other reasonable answers.

Frequently asked questions

What grade and quarter is this module for?

It is for Grade 4 Araling Panlipunan, fourth quarter (Ikaapat na Markahan), Module 4.

What does kagalingang pansibiko mean?

It means civic welfare: a situation where citizens are aware that they are responsible for their fellow people, and help them willingly without expecting anything in return.

Does the module have an answer key?

Yes. The Susi sa Pagwawasto at the end gives answers for the pretest, review, activities, and final test, and rubrics for the drawing and slogan outputs.

How many lessons are in this module?

It has one lesson, Aralin 1, Kagalingang Pansibiko: Kailangan Natin Ito!

Is the module in English or Filipino?

The module is written in Filipino, as is usual for Araling Panlipunan in Grade 4.

Full text of the module

The text below is a transcription of the PDF above, as printed.

Araling Panlipunan – Ikaapat na Markahan – Modyul 4: Kagalingang Pansibiko: Kailangan Natin ito!

4

Araling Panlipunan Ikaapat na Markahan – Modyul 4 Kagalingang Pansibiko: Kailangan natin ito!

[illustration: students reading and studying outdoors under a tree, a teacher with a student at a desk, a child studying by lantern light, and a globe]

CO_Q4_AP4_Module 4

PAG-AARI NG PAMAHALAAN HINDI IPINAGBIBILI

Araling Panlipunan – Ikaapat na Baitang Alternative Delivery Mode Ikaaapat na Markahan – Modyul 4: Kagalingang Pansibiko: Kailangan Natin ito! Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Iren A. Nuňez Editor: Jerry P. Ramirez at Ma. Leilani R. Lorico Tagasuri: Ana N. Calisura Tagaguhit: Tagalapat: Edsel D. Doctama, Florendo S. Galang Tagapamahala: Gilbert T. Sadsad, Francisco B. Bulalacao Jr., Grace U. Rabelas, Ma. Leilani R. Lorico, Imelda R. Caunca, Marites B. Tongco

Inilimbag sa Pilipinas ng _____

Department of Education – Region V Bicol

Office Address: Regional Site, Rawis, Legazpi City 4500 Telefax: (052) 482-0046 E-mail Address: region5@deped.gov.ph

4

Araling Panlipunan Ikaapat na Markahan – Modyul 4 Kagalingang Pansibiko: Kailangan Natin ito!

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

[illustration: target with an arrow in the bullseye]

Sa nakaraang mga modyul, ating napag-aralan ang kahalagahan ng karapatan at tungkulin ng mga mamamayan. Nalaman mo na may mga karapatan ang bawat tao bilang pagpapahalaga sa kanilang dignidad. Natutunan mo rin na ang bawat karapatang ito ay may kaakibat na tungkulin o pananagutan. Kung gagampanan nating mabuti ang ating mga tungkulin, mas magiging payapa at matiwasay ang lipunang ating kinabibilangan.

Sa modyul na ito, pag-aaralan natin ang kahulugan ng kagalingang pansibiko at ang kahalagahan nito sa isang bansa. Susubukin natin tayahin ang ating kamalayang pansibiko sa gabay ng aralin na ito.

Pamantayang Pangnilalaman

Ang mag-aaral ay naipamamalas ang pang-unawa sa pagpapahalaga sa kanyang mga karapatan at tungkulin bilang mamamayang Pilipino.

Pamantayan sa Pagganap

Ang mag-aaral ay nakikilahok sa mga gawaing pansibiko na nagpapakita sa kanyang pagganap sa kanyang tungkulin bilang mamamayan ng bansa at pagsasabuhay ng kanyang karapatan.

Pamantayan sa Pagkatuto

Gabay ang modyul na ito, ikaw ay inaasahang:

  1. Naipaliliwanag ang mga gawaing lumilinang sa kagalingan pansibiko.
  2. Naipaliliwanag ang kahalagahan ng kagalingang pansibiko ng mga mamamayan.
  3. Natataya ang sariling kamalayang pansibiko sa pamamagitan ng mga Gawain.

1 CO_Q4_AP4_Module 4

Subukin

[illustration: speech bubble with a cartoon pencil character]

Kumusta? Ikinagagalak kong makasama kang muli sa modyul na ito. Handa akong samahan kang tuklasin ang tungkol sa kahalagahan ng kagalingang pansibiko sa isang bansa. Handa ka na ba sa mga gawain? Tara, at atin nang simulan!

Basahing mabuti ang mga sumusunod na katanungan. Pagkatapos ay isulat ang titik ng tamang sagot sa iyong sagutang papel. Gawin ito sa loob ng 5 minuto.

  1. Ang mga mag-aaral ay inimbitahang dumalo sa isang programa sa paaralan. Sisimulan ang programa sa pag-awit ng ‘Lupang Hinirang’. Kung ikaw ay kasama sa mga mag-aaral na dumalo, ano ang dapat mong gawin?

    • A. Huwag kumibo ngunit magmasid.
    • B. Sumali sa mga nagkukuwentuhang mag-aaral.
    • C. Sawayin ang mga nagkukuwentuhang mag-aaral.
    • D. Pagsabihan ang mga nagkukuwentuhan na tumahimik muna at lumahok sa pag-awit.
  2. Nakita mong hirap na naglalakad ang isang matandang babae sa kalye. May mga bitbit itong pinamili. Ano ang gagawin mo?

    • A. Alalayan ang matanda. Tulungan ang matandang babae na bitbitin ang mga pinamili.
    • B. Pabayaan na lamang ang matandang babae at huwag pansinin.

2 CO_Q4_AP4_Module 4

  • C. Sabihan ang matandang babae na mag-ingat sa paglalakad.
  • D. Maghanap ng ibang taong na tutulong sa matandang babae.
  1. Tila nakalimutan ni Lolo Mino ang daan pauwi. Paikot-ikot siya sa mga kapitbahay. Ano ang gagawin mo?

    • A. Hanapin ang pamilya ni Lolo Mino upang maiuwi siya.
    • B. Tanungin si Lolo Mino upang maiuwi siya.
    • C. Pabayaan na lang ang matanda.
    • D. Ipagbigay-alam ito sa pulis.
  2. Katatapos lamang ng malakas na bagyo sa inyong lugar. Tulong-tulong ang mga tao sa inyong pamayanan upang maglinis. Ano ang gagawin mo?

    • A. Manood sa mga taong naglilinis.
    • B. Manatili sa kuwarto at magpahinga.
    • C. Gawin ang makakaya upang makatulong sa paglilinis
    • D. Magpakuha ng mga larawan at i-post sa facebook ang kaganapan.
  3. Magpapakain para sa mga batang lansangan ang organisasyong pangkababaihan na kinabibilangan ng iyong ina sa inyong lugar. Ano ang maaari mong maitulong?

    • A. Tumulong sa paghahanda at pagpapakain ng mga batang lansangan.
    • B. Magboluntaryo na tutulong sa susunod na proyekto ng organisasyon.
    • C. Makikain kasama ng ibang mga bata.
    • D. Umuwi na lamang upang hindi makagulo.

3 CO_Q4_AP4_Module 4

B. Suriin ang mga sumusunod na sitwasyon Iguhit sa sagutang papel ang puso kung nagpapakita ito ng kagalingang pansibiko at bilog naman kung hindi. [transcriber’s note: the heart and circle symbols are drawn in the original]

  1. Si Bb. Ramos ay matiyagang tinutulungan ang mga batang lansagan na bumasa at sumulat.
  2. Si Rey ay madalas na nag-iiwan ng kanyang basura kung saan-saan.
  3. Nagbigay ng donasyon ang pamilya ni Isko sa mga nasalanta ng bagyo sa Cagayan.
  4. Hindi pinansin ni Lita ang kanyang ina na humingi sa kanya ng tulong sa pagbitbit ng mga pinamili
  5. Kusang-loob na nakiisa ang mga mamamayan sa programa ng barangay.

Aralin 1 Kagalingang Pansibiko: Kailangan Natin to!

Balikan

Tukuyin kung anong tungkulin ang inilalarawan sa bawat bilang. Sipiin ang tamang sagot sa kahon sa ibaba at isulat sa iyong sagutang papel. Gawin ito sa loob ng 3 minuto.

  1. Huminto at nanatiling nakatayo nang tuwid si Johnny habang inaawit ang Lupang Hinirang.


  2. Sumali si Alma sa proyekto ng kanilang barangay na Muling Pagtatanim.


  3. Malugod na binati ng mga mamamayan ang mga pinuno ng barangay nang makasalubong nila sa pamilihan.


  4. Isinuplong ni Mang Tonyo sa barangay ang mga mangingisdang gumagamit ng dinamita sa kanilang lugar.


  5. Tinatangkilik ni Ada ang mga gawang Marikina kaysa mga imported na sapatos.


Pagsunod sa batas Paggalang sa Watawat Pagmamahal sa bayan Paggalang sa May Kapangyarihan Pakikipagtulungan sa Pamahalaan

Mahalagang balikan ang nakaraang aralin sapagkat may kaugnayan ito sa bago nating matutunan. Tiyak kong marami ka na namang matututunan.

Tuklasin

[illustration: pedestrians and children at a marked crosswalk, with an elderly woman with a cane, a man carrying bundles, and children helping at a roadside]

Pag-aralan at suriin ang larawan.

  1. Ano-anong mga gawain ang ipinapakita sa larawan?
  2. Anong gawain sa larawan ang iyong naisagawa?

Bilang bata, paano ka nakatutulong sa iyong kapuwa? Sapat bang matupad natin ang ating mga tungkulin bilang mamamayan? Sagutin natin ang mga katanungang ito sa gabay ng modyul.

Suriin

ANG KAGALINGANG PANSIBIKO

Ang maagap na pagtugon sa tungkulin at maayos na pagganap sa mga tungkulin ay ilan sa mga salik sa pagkakaroon ng kagalingang pansibiko.

Ang kagalingang pansibiko ay isang sitwasyon kung saan taglay ng mga mamamayan ang kamalayang may pananagutan sila sa kanilang kapuwa.

Ito ang pinakamataas na kabutihang makakamit at mararanasan ng mga mamamayan. Ang kabutihang ito ay natatamasa sapagkat nanggagaling sa kagyat na pagtugon at pagmamalasakit ng kapuwa mamamayan na kusang inihahandog ng indibidwal na may pagkukusa at walang hinihinging kapalit.

[illustration: an elderly woman with a cane walking beside a man carrying bundles, near a building]

Mahalaga ang kagalingang pansibiko dahil tinitiyak nitong ang bawat mamamayan ay nabubuhay nang matiwasay at payapa. Higit na mapapadali ang serbisyo publiko kung ang bawat isa ay handa sa paglilingkod at pagtulong. Mas malawak ang maaabot kung nagtutulungan ang mga tao para mapahusay ang kalagayan

ng lahat lalo na ang mahihirap. Ipinapakita nito ang pinakamataas na antas ng pakikipagkapwa. Sa pagganap ng mga tungkulin sa lipunan, ang mga mamamayang may kamalayang pansibiko ay higit na nakatutuwang ng pamahalaan sa kanilang programa.

Karaniwang sinasakop ng kagalingang pansibiko ang mga usaping may kaugayan sa pangangailangan ng tao tulad ng edukasyon, kalusugan, kalikasan, hanapbuhay at iba pa.

[chart: diagram; untitled, statements beside the label “Ang taong may kagalingang pansibiko ay…”]

Ang taong may kagalingang pansibiko ay…

  • may masidhing pagnanasang makapaglingkod sa kapuwa nang taos sa puso
  • tumutugon sa pangangailangan ng kapuwa kahit hindi pagsabihan ng iba.
  • kusang loob na tumutulong sa mga nangangailangan.
  • may pagmamalasakit sa kapakanan ng nakararami.
  • laging handa sa pagtulong sa mga nangangailangan nang walang inaasahang kapalit.

Mahalaga ang pagkakaroon ng kagalingang pansibiko dahil tanda ito ng kakayahan ng isang lipunang namumuhay nang matiwasay, may pagmamalasakit sa kapuwa, at nangunguna sa kaunlaran. Ang bawat isa ay gumaganap ng kanilang mga tungkulin sa kapwa at sa bansa ng walang pag-aalinlangan. Sa pamamagitan ng gawaing pansibiko, napaglilingkuran ang lahat lalo na ang mga nangangailangan sa lipunan.

[illustration: children, an elderly woman, a man carrying bundles, and people at a crosswalk and a roadside]

Sa palagay ko ay naunawaan mo nang mabuti ang kahalagahan ng pagkakaroon ng kagalingang pansibiko. Handa ka sa mga gawain na susubok ng iyong natutunan.

Pagyamanin

A. Suriin ang mga sumusunod na sitwasyon. Lagyan ng TSEK ( √ ) kung nagpapakita ng kagalingang pansibiko at EKIS( X ) kung hindi. Gawin ito sa iyong sagutang papel sa loob ng 2 minuto.

_____1. Pag-alam sa mga kakayahan ng mga kandidato sa halalan. _____2. Pagbibigay ng donasyon sa mga nasalanta ng sakuna. _____3. Pangingisda gamit ang dinamita. _____4. Pagtulong sa programa ng pamahalaan para sa mga batang lansangan. _____5. Pagkukusang loob na tumulong sa outreach program sa bahay-ampunan. _____6. Pagsali sa programang Muling Pagtatanim ng mga puno. _____7. Paggamit ng labis na tubig sa mga gawaing bahay. _____8. Panlilibre sa barkada sa iba-ibang kainan. _____9. Pagbili ng tiket at pagdalo sa isang benefit show. ____10. Pagsasawalang kibo sa pangangailangan ng iba.

B. Basahin at unawain ang bawat sitwasyon. Sagutin ang mga tanong sa iyong sagutang papel. Gawin ito sa loob ng 5 minuto.

  1. Narinig mo na may paparating na bagyo at maaaring tamaan nang matindi ang inyong lugar. Paano mo maipapakita ang iyong kamalayan sa kagalingang pansibiko?
  2. Nangangamoy na ang inyong mga basura ngunit hindi mo ito mailabas dahil hindi pa araw ng paghahakot sa mga ito. Ano ang dapat mong gawin?
  3. Maraming pamilya ang nasalanta ng bagyo sa inyong karatig-probinsya. Ano ang maaari mong gawin upang maipamalas ang iyong kagalingang pansibiko?
  4. Nakita mong sinusunog ng iyong kapatid ang mga plastik na pinagkainan ninyo ng mga sitsirya. Ano ang dapat mong gawin?
  5. Napanood mo sa telebisyon ang lawak ng pinsalang dulot ng lindol sa Tacloban. Marami ang nangangailangan ng pagkain, gamot at damit. Ano ang maaari mong gawin?
Isaisip

Sipiin sa kahon ang angkop na mga salita upang mabuo ang diwa ng talata. Isulat ang sagot sa iyong sagutang papel. Gawin ito sa loob ng 5 minuto.

Sadyang mahusay at nakaabot ka sa bahaging ito. Tandaan na maaari mong ipamalas ang iyong kagalingang pansibiko kahit ikaw ay bata pa.

Ang (1)___ ay isang sitwasyon kung saan taglay ng mga (2)ang (3)_ na may _(4) sila sa kanilang kapuwa. Isang uri ng pagkilos o (5) na ibinibigay nang may (6) at walang inaasahang anumang (7).

Ibinibigay Kamalayan Mamamayan Pagkukusa Kapalit Kagalingang Pansibiko Pananagutan paglilingkod

Isagawa

A. Suriin ang iyong sariling kamalayan sa kagalingang pansibiko sa pamamagitan ng paglalagay ng TSEK ( √) sa angkop na hanay. Gawin ito sa loob ng 3 minuto sa sagutang papel.

A.Sa Paaralan..MadalasMinsanHindi
1. Isa akong mabuting mag-aaral sa aking guro at mga kamag-aral.
2. Ginagawa ko ang aking mga tungkulin bilang isang mag-aaral.
3. Isinasaalang –alang ko ang kapakanan ng aking kamag-aral bago ang sarili ko.
B. Sa Kalikasan
1. Nagmamalasakit ako sa mga bagay na may buhay sa aking paligid.
2. Tinatapon ko ang aking basura sa tamang lalagyan.
3. Sinisikap kong makibahagi sa mga programang pangkalikasan sa aming paaralan o barangay.
C. Sa Kabuhayan
1. Nagbibigay ako ng tulong sa mga nangangailangan sa aming lugar.
2. Nakikiisa ako sa mga proyektong isinusulong ng aming barangay para sa kabutihan ng aming mga kabarangay.

B. Sa iyong munting paraan, paano mo maipapamalas ang iyong kamalayan sa kagalingang pansibiko? Gumuhit ng larawan at kulayan ito sa iyong sagutang papel. Gawin ito sa loob ng 5 minuto.

[illustration: cartoon student with a necktie] [illustration: empty box for the learner’s drawing]

Ako bilang may kamalayang pansibiko

Rubrik sa paggawa ng output

Maaaring mong tanungin ang iyong mga kasambahay na bigyan ka ng grado sa nagawang output gamit ang rubriks sa ibaba.

Puntos Pamantayan 5 – Kumpleto ang detalye at napakalinaw ng mensahe ng larawang iginuhit. 4 – May sapat na detalye at malinaw na intensiyon sa mensahe ng larawang iginuhit. 3- May kaisipan ngunit kulang ang detalye at di gaanong malinaw ang mensahe ng larawang iginuhit. 2- Di ganap ang pagkabuo, kulang ang detalye at di-malinaw ang mensahe ng larawang iginuhit.

Tayahin

Basahin at unawain ang bawat pangungusap. Piliin ang titik ng tamang sagot at isulat sa iyong sagutang papel. Gawin ito sa loob ng 5 minuto.

  1. Nasira ang bahay ng pamilyang Santos dahil sa lindol. Wala silang matutuluyan. Ano ang maaari mong gawin?
    a. Hayaan silang tumira sa kalye.
    b. Huwag ng makialam sa problema nila.
    c. Ipagbigay-alam ang kanilang kalagayan sa inyong kapitan.
    d. Patirahin muna sila sa may kulungan ng inyong alagang hayop.


  2. Si Lola Anding na 78 taong gulang ay mag-isang naninirahan sa kanyang bahay. Nasa malalayong lugar ang kanyang mga kaanak. Napansin mong lagi siyang malungkot at nakatingin sa malayo. Ano ang maaari mong gawin?
    a. Layuan si Lola Anding at baka nababaliw na ito.
    b. Hayaan ang mga kamag-anak ni Lola Anding na maalala siya.
    c. Puntahan si Lola Anding tuwing may pagkakataon at kumustahin ito.
    d. Tingnan na lang si Lola Anding at ipagpatuloy ang ginagawa.


  3. Habang ikaw ay naglalaro ay nakita mong nadapa ang isang batang malapit sa iyo. Ano ang gagawin mo?
    a. Iiwasan ang bata baka ikaw pa ang masisi ng magulang.
    b. Ipagpapatuloy ang paglalaro kasama ang mga kaibigan.
    c. Tutulungan ang bata na tumayo at patatahanin ito.
    d. Pagsasabihan ang bata na umuwi na sa kanila.


  4. Hinahabol ng aso ng kapitbahay ninyo ang isang babaeng nagtitinda. Ano ang gagawin mo?
    a. Pagtatawanan lang ito.
    b. Pagbabatuhin ang aso
    c. Hahayaan na lang ang kapitbahay na mapansin ito.
    d. Tatawagin ang kapitbahay at ipaaalam ang nangyayari.


  5. Nakita mong sama-samang naglilinis ang mga kapitbahay mo para sa proyektong Clean and Green ng inyong barangay. Ano ang gagawin mo?
    a. Makikipaglaro sa kapatid.
    b. Magkukunwaring walang alam sa nangayari.
    c. Gagawin kung ano ang maaaring magawa para sa proyekto.
    d. Pagsasabihan ang kapatid na tumulong sa nagaganap na proyekto ng barangay.


B. Suriin ang mga sumusunod na sitwasyon. Lagyan ng masayang mukha [illustration: smiling face] kung nagpapakita ito ng kagalingang pansibiko at malungkot na mukha [illustration: sad face] naman kung hindi.

  1. Si Roy na hinahayaan lang na mangamoy ang basura sa harapan ng bahay nila.
  2. Maingat na tinulungan ni Dina ang isang matanda sa pagtawid sa kalsada.
  3. Walang habas na pinagpuputol ni Mang Kanor ang mga puno sa kanilang bakuran para ibenta.
  4. Mabilis na ipinaalam ng kapitan sa mga mamamayan nito ang paparating na malakas na bagyo sa kanilang lugar.
  5. Pinagtulungan ng magkaibigang buhatin ang mabigat na dala ng isang matandang babae.

Kumusta ang iyong marka sa gawain? Tiyak kong marami tayong natutunan sa araling ito.

Karagdagang Gawain

GAWAIN 1

Gumawa ng slogan na may kaugnayan sa kagalingang pansibiko sa iyong sagutang papel. Ipabasa ang iyong nagawa sa iyong magulang o nakatatandang kapatid upang bigyan ng angkop na marka. Gawin ito sa loob ng 5 minuto.

GAWAIN 2

Maghanap ng larawan na nagpapakita ng kagalingang pansibiko. Gupitin at idikit ito sa iyong sagutang papel. Sumulat ng maikling pagpapaliwanag dito. Gawin ito sa loob ng 5 minuto.

Rubriks sa Pagbibigay ng Marka sa Islogan at output

Maaaring mong tanungin ang iyong mga kasambahay na bigyan ka ng grado sa nagawang islogan at output gamit ang rubriks sa ibaba.

Puntos

PamantayanPuntos
Kaangkupan sa tema
Orihinalidad
Mensahe ng islogan/output
Pagkakabuo

5 – napakahusay……. Pinag-isipan, malinaw ang detalye, angkop sa paksa, angkop sa pamantayan 4 – mahusay ………. May sapat na detalye, angkop sa paksa, angkop sa pamantayan 3 – katamtaman ……. Maayos ang ginawa, medyo angkop sa paksa at naaayon sa pamantayan 2 – di- gaanong mahusay … May kaisipan, di gaanong malinaw ang mensahe, di angkop sa pamantayan 1 – sadyang di mahusay …. Di nabuo ang kaisipan, di malinaw ang mensahe at di nakasunod sa pamantayan.

Binabati kita at matagumpay mong natapos ang modyul na ito! Maaari mo na ngayong simulan ang susunod na modyul.

Susi sa Pagwawasto

[transcriber’s note: this page is printed upside down; it is transcribed upright. The small faces in part B are symbols, read from the image.]

TUKLASIN
  1. Nagpapakita ng pagtulong sa mga nangangailangan
  2. Depende sa sagot ng bata.
PAYAMANIN

A. 1. √ 2. √ 3. X 4. √ 5. √ 6. √ 7. X 8. X 9. √ 10. X

B.

  1. Ibahagi ang nalaman sa mga kapitbahay upang makapaghanda.
  2. Gumawa ng hukay at ibaon ang nabubulok na basura.
  3. Sisikapin kong makapagbigay ng tulong mula sa aking ipon.
  4. Sasabihin ko sa kapatid ko ang masamang dulot ng pagsusunog ng basura.
  5. Magbibigay ako ng mga luma ngunit maayos pang damit para may magamit.

( Tanggapin ang iba pang sagot)

ISAISIP
  1. Kagalingang Pansibiko
  2. Mamamayan
  3. Kamalayan
  4. Pananagutan
  5. paglilingkod
  6. pagkukusa
  7. kapalit
ISAGAWA

A. Depende sa sagot ng mga bata.

B. Gamitin ang rubrik sa pagbibigay ng marka.

Tayahin

A. 1. C 2. C 3. C 4. D 5. C

B. 1. [illustration: sad face] 2. [illustration: smiling face] 3. [illustration: sad face] 4. [illustration: smiling face] 5. [illustration: smiling face]

KARAGDAGANG GAWAIN

Gawain 1.

Tingnan ang Rubriks sa paggawa ng islogan

Gawain 2

Tingnan ang Rubriks sa pagbibigay ng marka.

SUBUKIN

A. 1.D 2. A 3. A 4. C 5. A

B.

  1. [illustration: filled heart shape]
  2. [illustration: empty circle]
  3. [illustration: filled heart shape]
  4. [illustration: empty circle]
  5. [illustration: filled heart shape]

[transcriber’s note: the answer marks in part B are printed as heart and circle shapes; the filled and empty shapes are as shown on the page]

BALIKAN:

  1. Paggalang sa Watawat
  2. Pakikipagtulungan sa Pamahalaan
  3. Paggalang sa May Kapangyarihan
  4. Pagsunod sa batas
  5. Pagmamahal sa Bayan

Sanggunian

Department of Education. Araling Panlipunan 4, Learner’s Materials. Pasig City: Instructional Materials Secretariat (DepEd-IMCS), 2015.

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district