This is a Senior High School self-learning module (Alternative Delivery Mode) for Filipino sa Piling Larang Teknikal-Bokasyunal, the Filipino subject for the technical-vocational track. It covers Unang Markahan, Ikapitong Linggo (Quarter 1, Week 7) and has one lesson, Aralin 7: “Pagsulat ng Feasibility Study” (writing a feasibility study). After the module, learners should be able to explain why a feasibility study is made, name its parts, and write their own using correct, careful, and appropriate language.
The module was written by Vivian A. Estayan and printed by SDO-Caloocan, DepEd National Capital Region (First Edition, 2020).
What learners will learn
The module’s competency is: Nakasusulat ng sulating batay sa maingat, wasto, at angkop na paggamit ng wika (writes technical texts using careful, correct, and appropriate language), CS_FTV11/12WG-0m-o-95.
By the end of the module, learners should be able to:
- Identify the reason for making a feasibility study
- Recognize the components of a feasibility study
- Apply these components or parts in writing
- Analyze a sample feasibility study
- Recognize the language used in writing a feasibility study
- Write a feasibility study using correct, careful, and appropriate language
What a feasibility study is
The module defines a feasibility study as a study done to find out the different components and effects of a proposed product and/or service, and whether it fits the needs of the market. It carefully examines the people, things, and situations that affect a business before any action or project is carried out. Through this technical text, a proponent finds out whether a project can actually be done and whether it should go ahead or not.
The module stresses that writing one takes careful research and time, and that its parts follow a set order that should not be rearranged or removed.
The 12 parts of a feasibility study
The module lists these parts and explains how to write each one:
| Part | What it contains |
|---|---|
| 1. Deskripsyon ng Negosyo (business description) | The type of business, its name, and who will organize it |
| 2. Deskripsyon ng Produkto o Serbisyo (product or service description) | What is offered; a product is consumed or used up, while a service is given to people |
| 3. Layunin (objectives) | When the business will start, who will benefit, and its specific goals |
| 4. Pagtutuos at Paglalaan ng Pondo (budget and fund allocation) | The total capital and the specific expenses it will cover |
| 5. Pagsusuri ng Lugar (location analysis) | The exact marketplace where the business will be set up and its details |
| 6. Mga Mapagkukunan (sources) | The suppliers of raw materials and other supplies |
| 7. Mamamahala (management) | The people assigned to each task or position |
| 8. Pagsusuri ng Kikitain (income analysis) | Daily or monthly income, checked against expenses and capital |
| 9. Estratehiya ng Pagbebenta (sales strategy) | How the business will be launched and introduced to customers |
| 10. Daloy ng Proseso (process flow) | The timeline of tasks before and during operation; a graphic organizer can be used |
| 11. Mga Rekomendasyon (recommendations) | Advice to help the owner decide whether to continue the business |
| 12. Apendise (appendix) | Required forms, such as business permits |
The language of a feasibility study
A feasibility study is a technical text, so it uses formal technical language. Business jargon cannot always be avoided, but the module asks writers to use the Filipino translation whenever one exists. Business register words include interest, sales, marketing, staffing, expenses, market segments, and assets. Jargon also depends on the field of the proposed business, for example:
- Medicine: antibiotic, therapy, diagnosis, check-up
- Architecture: façade, pastiche, blueprint, vault
- IT: mouse, motherboard, CPU, editing, layout, animation
The sample: Labada Tres Sesenta
The module includes a full sample feasibility study for Labada Tres Sesenta, a laundry shop started by three friends who once shared dorm room 360. It offers wash, dry, and fold services with pick-up or delivery, and is located at Heroes Del 96, Caloocan City. The sample shows every part in action, including:
- A starting capital of Php 460,636 from the three owners, broken down by allocation
- A monthly income statement with sales of Php 140,784, expenses of Php 74,110, and a net of Php 66,674
- A management list with a manager, cashier, laundry staff, and delivery staff
- A sales strategy using social media and promos
- A Gantt chart showing the steps from preparing the study in January to starting operations in December
- An appendix listing the barangay business permit, DTI business permit, SEC registration, and SSS accreditation
How to use this module
The module follows the usual ADM parts: Alamin (objectives), Subukin (15-item pretest), Balikan (review on writing a menu), Tuklasin (listing considerations when making decisions), Suriin (the lesson discussion), Pagyamanin (practice), Isaisip (key terms), Isagawa (performance task), Tayahin (15-item post-test), and Karagdagang Gawain (additional activity).
- Learners: Answer the Subukin first before moving on, and write your answers on separate paper, not on the module. In Pagyamanin you will do a SWOT analysis of the sample, give Filipino equivalents and meanings of business terms, and list ten register words from your own strand. For Isagawa, write your own feasibility study related to your strand, community, or school, following all the parts. It is scored out of 50 points on clear content, complete parts and format, correct language, presentation, and a clear recommendation.
- Parents: The module encourages learners to ask parents or older family members for help. The Karagdagang Gawain asks learners to interview a neighbor or online seller about business problems, so you can help connect them with someone.
- Teachers: The Susi sa Pagwawasto (answer key) covers Subukin, Balikan, Isaisip, and Tayahin. Facilitators are expected to orient learners on using the module, monitor their progress, and collect the module when it is finished.
Frequently asked questions
What grade and quarter is this feasibility study module for?
It is a Senior High School module for Filipino sa Piling Larang Teknikal-Bokasyunal. The module itself is labeled Unang Markahan, Ikapitong Linggo (Quarter 1, Week 7), Aralin 7.
What are the parts of a feasibility study?
The module lists 12 parts: business description, product or service description, objectives, budget and fund allocation, location analysis, sources of supply, management, income analysis, sales strategy, process flow, recommendations, and appendix.
Does the module have an answer key?
Yes. The Susi sa Pagwawasto gives answers for the Subukin pretest, Balikan, Isaisip, and Tayahin post-test.
What is jargon in a feasibility study?
Jargon is language used only in a particular field. In a business feasibility study, the module says jargon cannot always be avoided, but Filipino translations should be used when they exist.
What is the sample feasibility study in the module?
The sample is Labada Tres Sesenta, a laundry shop in Heroes Del 96, Caloocan City, which shows each of the 12 parts with a budget, income statement, and Gantt chart.
Full text of the module
The text below is a transcription of the PDF above, as printed.
Filipino sa Piling Larang Teknikal-Bokasyunal
Senior High School
[illustration: colorful flat graphic of a book with gears and a wrench, a green open booklet with a magnifying glass, a handshake over a peso-marked document, an orange newspaper layout, a pen, and two hands typing on a keyboard]
GOVERNMENT PROPERTY NOT FOR SALE
Filipino sa Piling Larang- Teknikal-Bokasyunal Alternative Delivery Mode Unang Markahan – Ikapitong Linggo: Pagsulat ng Feasibility Study Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.
Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio
Bumuo sa Pagsusulat ng Modyul Filipino sa Piling Larang: Teknikal Bokasyunal
Manunulat: Vivian A. Estayan Editor: Tommy R. Rico Tagasuri: Sheila C. Molina, Jovanni L. Cornelia, Amaflor C. Alde Tagaguhit: Ferdinand B. Jara Tagalapat: Allan G. Salom Tagapamahala: Wilfredo E. Cabral, PhD; Jennifer F. Vivas, PhD; Dennis M. Mendoza; Jocelyn M. Alinab, PhD; Tommy R. Rico
Inilimbag sa Pilipinas ng SDO-Caloocan Department of Education – National Capital Region (DepEd NCR)
Office Address: Misamis St., Bgao Bantay, Quezon City, Philippines Telefax: (632) 8929-0153 E-mail Address: depedncr@deped.gov.ph
Filipino sa Piling Larang-Teknikal Bokasyonal
Unang Markahan – Ikapitong Linggo Pagsulat ng Feasibility Study
Ang kagamitang pampagtuturo na ito ay kolaboratibong binuo at sinuri ng mga lupon ng mga edukador sa pampublikong paaralan. Hinihikayat na ang mga guro mag-aaral, at mga magulang na magbigay ng puna at rekomendasyon sa Kagawaran ng Edukasyon sa action@deped.gov.ph.
Lubos po naming pahahalagahan ang inyong puna at rekomendasyon.
Senior High School
Filipino sa Piling Larang-Teknikal Bokasyonal
Unang Markahan – Ikapitong Linggo Pagsulat ng Feasibility Study
Paunang Salita
Para sa tagapagdaloy:
Malugod na pagtanggap sa asignaturang Filipino sa Piling Larang: Teknikal-Bokasyunal- SHS ng Alternative Delivery Mode (ADM) Modyul para sa araling Pagsulat ng Feasibility Study.
Ang modyul na ito ay pinagtulungang dinisenyo, nilinang at sinuri ng mga edukador mula sa pambuliko at pampribadong institusyon upang gabayan ka, ang gurong tagapagdaloy upang matulungang makamit ng mag-aaral ang pamantayang itinakda ng Kurikulum ng K to12 habang kanilang pinanagumpayan ang pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay at malayang pagkatuto na mga gawain ayon sa kanilang kakayahan, bilis at oras. Naglalayon din itong matulungan ang mag-aaral upang makamit ang mga kasanayang pan-21 siglo habang isinasaalang-alang ang kanilang mga pangangailangan at kalagayan.
Bilang karagdagan sa materyal ng pangunahing teksto, makikita ninyo ang kahong ito sa pinakakatawan ng modyul:
[illustration: icon of a clipboard with a pencil]
Mga Tala para sa Guro Ito’y naglalaman ng mga paalala, panulong o estratehiyang magagamit sa paggabay sa mag-aaral.
Bilang tagapagdaloy, inaasahang bibigyan mo ng paunang kaalaman ang mag-aaral kung paano gamitin ang modyul na ito. Kinakailangan ding subaybayan at itala ang pag-unlad nila habang hinahayaan silang pamahalaan ang kanilang sariling pagkatuto. Bukod dito, inaasahan mula sa iyo na higit pang hikayatin at gabayan ang mag-aaral habang isinasagawa ang mga gawaing nakapaloob sa modyul.
Para sa mag-aaral:
Malugod na pagtanggap sa Filipino sa Piling Larang: Teknikal- Bokasyunal- SHS ng Alternative Delivery Mode (ADM) Modyul ukol sa Pagsulat ng Feasibility Study,
Ang kamay ay madalas gamiting simbolo ng kakayahan, aksyon at layunin. Sa pamamagitan ng ating mga kamay tayo ay maaaring matuto, lumikha, at magsakatuparan ng gawain. Ang kamay sa tulong-aral na ito ay sumisimbolo na ikaw, bilang isang mag-aaral, ay may angking kakayahang matutuhan ang mga kaugnay na kompetensi at kasanayan. Ang iyong pang-akademikong tagumpay ay nakasalalay sa iyong sarili o sa iyong mga kamay.
Ang modyul na ito ay ginawa bilang tugon sa iyong pangangailangan. Layunin nitong matulungan ka sa iyong pag-aaral habang wala ka sa loob ng silid-aralan. Hangad din nitong madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong maunawaan.
Alamin [illustration: finger-tap icon] Sa bahaging ito, malalaman mo ang mga dapat mong matutuhan sa modyul.
Subukin [illustration: pencil icon] Sa pagsusulit na ito, makikita natin kung ano na ang kaalaman mo sa aralin ng modyul. Kung nakuha mo ang lahat ng tamang sagot (100%), maaari mong laktawan ang bahaging ito ng modyul.
Balikan [illustration: hands icon] Ito ay maikling pagsasanay o balik-aral upang matulungan kang maiugnay ang kasalukuyang aralin sa naunang leksyon.
Tuklasin [illustration: hands icon] Sa bahaging ito, ang bagong aralin ay ipakikilala sa iyo sa maraming paraan tulad ng isang kuwento, awitin, tula, pambukas na suliranin, gawain o isang sitwasyon.
Suriin [illustration: magnifying glass icon] Sa seksyong ito, bibigyan ka ng maikling pagtalakay sa aralin. Layunin nitong matulungan kang maunawaan ang bagong konsepto at mga kasanayan.
Pagyamanin [illustration: hands icon] Binubuo ito ng mga gawaing para sa malayang pagsasanay upang mapagtibay ang iyong pang-unawa at mga kasanayan sa paksa. Maaari mong iwasto ang mga sagot mo sa pagsasanay gamit ang susi sa pagwawasto sa huling bahagi ng modyul.
Isaisip [illustration: lightbulb icon] Naglalaman ito ng mga katanungan o pupunan ang patlang ng pangungusap o talata upang maproseso kung anong natutuhan mo mula sa aralin.
Isagawa [illustration: hand icon] Ito ay naglalaman ng gawaing makatutulong sa iyo upang maisalin ang bagong kaalaman o kasanayan sa tunay na sitwasyon o realidad ng buhay.
Tayahin [illustration: pencil icon] Ito ay gawain na naglalayong matasa o masukat ang antas ng pagkatuto sa pagkamit ng natutuhang kompetensi.
Karagdagang Gawain [illustration: gears icon] Sa bahaging ito, may ibibigay sa iyong panibagong gawain upang pagyamanin ang iyong kaalaman o kasanayan sa natutuhang aralin.
Susi sa Pagwawasto [illustration: key icon] Naglalaman ito ng mga tamang sagot sa lahat ng mga gawain sa modyul.
Sa katapusan ng modyul na ito, makikita mo rin ang:
Sanggunian Ito ang talaan ng lahat ng pinagkuhanan sa paglikha o paglinang ng modyul na ito.
Ang sumusunod ay mahahalagang paalala sa paggamit ng modyul na ito:
- Gamitin ang modyul nang may pag-iingat. Huwag lalagyan ng anumang marka o sulat ang anumang bahagi ng modyul. Gumamit ng hiwalay na papel sa pagsagot sa mga pagsasanay.
- Huwag kalimutang sagutin ang Subukin bago lumipat sa iba pang gawaing napapaloob sa modyul.
- Basahing mabuti ang mga panuto bago gawin ang bawat pagsasanay.
- Obserbahan ang katapatan at integridad sa pagsasagawa ng mga gawain at sa pagwawasto ng mga kasagutan.
- Tapusin ang kasalukuyang gawain bago pumunta sa iba pang pagsasanay.
- Pakibalik ang modyul na ito sa iyong guro o tagapagdaloy kung tapos nang sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito, huwag mag-aalinlangang konsultahin ang inyong guro o tagapagdaloy. Maaari ka rin humingi ng tulong sa iyong mga magulang, sa nakatatanda mong kapatid o sino man sa iyong mga kasama sa bahay na mas nakatatanda sa iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang pagkatuto at makakakuha ka ng malalim na pang-unawa sa kaugnay na mga kompetensi. Kaya mo ito.
Alamin
[illustration: finger-tap icon]
Sa larangang teknikal-bokasyunal, sinisikap ng programang K-12 ang pagpapatibay ng kaalaman ng mga mag-aaral sa mga sulating teknikal-bokasyunal sa paraan ng paglikha ng mga sulating batay sa paksang maaaring magamit sa labas ng akademya gamit ang patuloy na umuunlad na wikang Filipino. Sa araling ito, ay hahasain ang mga mag-aaral sa pagbuo ng sulating Feasibility Study. Tutuklasin ng mga mag-aaral ang mga bahaging bumubuo sa sulating ito at ang paraan ng pagsulat nito.
Ang modyul ay may isang aralin:
- Aralin 7- Pagsulat ng Feasibility Study
Pagkatapos ng modyul, inaasahan ang bawat mag-aaral na:
Nakasusulat ng sulating batay sa maingat, wasto, at angkop na paggamit ng wika (CS_FTV11/12WG-0m-o-95)
- Natutukoy ang dahilan sa pagbuo ng feasibility study;
- Nakikilala ang mga komponent na bumubuo sa isang feasibility study;
- Nailalapat sa pagsulat ang mga komponent o bahagi ng feasibility study;
- Nakasusuri ng halimbawang feasibility study;
- Nakikilala ang wikang ginagamit sa pagsulat ng feasibility study; at
- Nakasusulat ng feasibility study batay sa wasto, maingat, at angkop na paggamit ng wika.
Subukin
[illustration: pencil icon]
Basahin ang mga tanong at ilagay ang letra ng tamang sagot sa nakalaang patlang.
_____ 1. Aling bahagi ng Feasibility Study ang naglalaman ng maikli ngunit malinaw na pangkalahatang pagtingin sa negosyo?
- A. Deskripsyon ng Negosyo
- B. Deskripsyon ng Produkto
- C. Mamamahala
- D. Layunin
_____ 2. Ano ang karaniwang katangian ng produkto at serbisyong nakapaloob sa feasibility study?
- A. Ang serbisyo ay nirerentahan, samantala ang produkto ay naibebenta.
- B. Ang produkto ay maaring mahawakan samantala ang serbisyo ay maaring magamit.
- C. Ang serbisyo ay mayroong supplier, samantala ang produkto ay mayroong manufacturer.
- D. Ang produkto ay karaniwang nahahawakan, nauubos o nagagamit, samantala ang serbisyo ay inilalaan para sa mga tao.
_____ 3. Ano ang kahalagahan ng rekomendasyon sa pagsulat ng feasibility study?
- A. Ang rekomendasyon sa pagpaplano ng perang gagastusin.
- B. Hindi maisasakatuparan ang feasibility study kung wala ang bahaging ito.
- C. Nilalaman nito ang pag-aaral tungkol sa posibilidad ng pagtatayo ng negosyo.
- D. Sa rekomendasyon mababasa ang lugar kung saan mainam magtayo ng negosyo.
_____ 4. Bakit mahalaga ang pagsulat ng feasibility study?
- A. Higit na nakikilala ang produkto o serbisyo dahil sa komprehensibong paglalarawan ng feasibility study.
- B. Nabibigyang paalala nito ang mga konsyumer para sa mga panganib na kaakibat ng maling paggamit ng produkto.
- C. Sa pamamagitan ng feasibility study matitiyak ang matagumpay na paglulunsad ng tiyak na produkto o serbisyo.
- D. Ang feasibility study ay dokumentong nagsasaad ng sunod-sunod na pangyayari o kaganapan sa isa o grupo ng tao.
_____ 5. Alin sa mga bahagi ng feasibility study ang nagtataglay ng paraan kung paano mahihikayat ang mamimili na tangkilikin ang produkto o serbisyo?
A. Pagtutuos at Paglalaan ng Pondo B. Estratehiya sa Pagbebenta C. Pagsusuri ng Kikitain D. Daloy ng Proseso
_____ 6. Ano ang tawag sa wikang ginagamit lamang sa partikular na larangan?
A. Impormal B. Pormal C. Jargon D. Creole
_____ 7. Si Lawrence ay isang mahusay na mekaniko, nagdesisyon siyang magtayo ng isang talyer sa kanilang bayan kung saan maraming behikulo ang paroo’t parito. Ano ang kinonsidera ni Lawrence sa kaniyang pasya?
A. Deskripsyon ng Produkto/Serbisyo B. Deskripsyon ng Negosyo C. Pagsusuri ng Lugar D. Layunin
_____ 8. Alin ang hindi kabilang sa mga kahalagahan ng pagsasagawa ng feasibility study?
A. Magagamit ito bilang alternatibong dulog at solusyon upang maisakatuparan ang ideya. B. Isang makabuluhang impormasyon at datos na makatutulong sa pagbuo ng desisyon. C. Nakikilala ang pangangailangan ng isang produkto. D. Natutukoy ang tagumpay ng ideya.
_____ 9. Alin ang nararapat na gawin matapos kilalanin ang mga taong may gampanin sa isang negosyo?
A. Estratehiya ng Pagbebenta B. Pagsusuri ng Kikitain C. Daloy ng Proseso D. Apendise
_____ 10. Ano ang sulating teknikal ang may malinaw na relasyon sa feasibility study?
A. Naratibong ulat B. Flyers at Leaflets C. Anunsyo o Babala D. Panukalang Proyekto
_____ 11. Ang perang kakailanganin sa negosyo ay Php 50,000.00. Aling bahagi ng feasibility study ang naglalaman nito?
A. Pagtutuos at Paglalaan ng Pondo B. Pagsusuri ng Kikitain C. Mamamahala D. Layunin
_____ 12. Saan makikita ang pormularyo gaya ng business permit sa isang feasibility study?
A. Mga Rekomendasyon B. Daloy ng Proseso C. Apendise D. Layunin
_____ 13. Ano ang maaaring maging proyekto ni Jennifer kung ang negosyo niya ay isang Salon?
A. Serbisyo lamang B. Produkto lamang C. Serbisyo at Produkto D. Serbisyo, produkto at lugar
_____ 14. Ano ang kahalagahan ng pagtiyak sa daloy ng proseso sa isang feasibility study?
A. Mas madaling natatapos ang gawain dahil nakabadyet ang gawain sa bawat taong mamamahala ng itatayong negosyo. B. Nailalatag ang timeline ng tiyak na mga gawain bago maisakatuparan ang negosyo. C. Natutukoy ang layunin ng pagtataynegosyo. D. Nasusuri ang pisikal na katangian ng lugar.
_____ 15. Ano ang maaaring gamitin upang higit na maging komprehensibo ang paglalahad ng datos tulad ng bahagi ng pagsusuri ng kikitain?
A. Graphic organizer B. Mga larawan C. Karikatura D. Ilustrasyon
Aralin 7 Pagsulat ng Feasibility Study
Ang araling ito ay dinisenyo batay sa kahilingan ng kurikulum na huhubog sa mag-aaral na may kakayahang makaagapay sa global at lokal na ugnayan sa ika-21 siglo. Ang mga mag-aaral na sumasailalim sa teknikal bokasyunal ay inaasahang mahubog ang kakayahan at kasanayan sa kanilang partikular na larang. Maaaring produkto o serbisyo ang maging awtput ng kanilang kakayahan. Ang feasibility study ay sulating teknikal na mahalaga sa larangan ng pagnenegosyo. Sa pamamagitan nito, higit na lalawak ang pagtingin ng mga mag-aaral sa kahalagahan ng kanilang kasanayan at kung paano nila ito maipapanukala sa publiko. Sa patuloy na pagtuklas sa iyong sariling kakayahan, alin sa mga kasanayan mo ang maaaring mapakinabangan ng komunidad? Paano mo ito palalawakin bilang isang hanapbuhay? Halina’t alamin sa mga susunod na pahina.
Balikan
Piliin ang tamang sagot sa loob ng kahon. Punan ng wastong salita ang patlang upang mabuo ang diwa ng talata.
masustansiya restawran pagkain larawan impormasyon paglalarawan presyo kostumr menu uri ulam hapag
Bahagi ng kultura ng mga Pilipino ang masasarap na pagkain tuwing may piging o salo-salo. Sa modernong panahon hindi na lamang ito bahagi ng ating tradisyon, naging bahagi rin ito ng komersyo o hanapbuhay. Ang 1. _____ ay sulating teknikal-bokasyunal dahil isa itong mahalagang gamit sa isang kainan, 2. _____ o fast food. Ito ay naglalaman ng 3. _____ at naglalarawan ng 4. _____. Sa pagsulat ng menu kailangang nakapangkat ang mga pagkain batay sa 5. _____ nito. Mahalaga ring may nakalagay na
- _____ upang matukoy ang halaga ng pagkain. Mas mauunawaan ito kung may 7. _____ sa mga putahe at mas patok sa mamimili ang mga 8. _____ na kakikitaan ng mga hitsura ng pagkain. Sa pagpaplano ng menu, ang pangunahing isinasaalang-alang ay ang pagiging 9. _____ ng pagkain upang mapabuti ang kalusugan ng 10. _____.
Tuklasin
Magtala ng mga konsiderasyon sa pagbuo ng desisyon sa tapat ng mga sitwasyong nasa kolum.
| Sitwasyon | Mga Konsiderasyon |
|---|---|
| Halimbawa: Pagpili ng kakainang restawran. | -Malinis ang paligid -Masarap ang pagkain -Masustansyang pagkain -Abot-kaya ang presyo |
| 1. Pagpili ng isusuot na damit sa okasyon. | |
| 2. Pagtitimbang kung alin ang mas magandang bibilhing cellphone | |
| 3. Pagpili ng kursong kukunin sa kolehiyo | |
| 4. Pagpili ng paksa sa tesis. | |
| 5. Paghahanap ng Paaralang papasukan sa Kolehiyo |
Suriin
Pagsulat ng Feasibility Study
Ang feasibility study ay isang pag-aaral na ginagawa upang malaman ang iba’t ibang sangkap at epekto ng iminumungkahing produkto at/o serbisyo at kung ito ay naaayon sa pangangailangan sa pamilihan. Tungkulin nitong pag-aralan o suriing mabuti ang pangkalahatang kalagayan ng mga bagay, tao o sitwasyong nakaaapekto sa isang negosyo bago maipatupad ang anomang aksiyon o proyekto. Sa pamamagitan ng sulating teknikal na ito natutukoy ang posibilidad kung maaaring maisakatuparan ang isang proyekto.
Bahagi ng Feasibility Study
Ang feasibility study ay ginagawa bilang bahagi ng isang negosyo, tungkulin nitong tuklasin ang mga posibleng suliranin kung maaaring ituloy ang proyekto o hindi. Sa pagsulat ng feasibility study, kailangan ang masusing pananaliksik na pinaglalaanan ng panahon. Mayroong tiyak na komponent na sinusunod ang proponent. Hindi maaaring pagpalit-palitin o alisin ang mga bahaging ito para sa teknikal na aspetong pangnilalaman ng sulatin. Ang mga sumusunod ay ang mga bahagi ng isang pangkaraniwang feasibility study:
- Deskripsyon ng Negosyo
- Deskripsyon ng Produkto o Serbisyo
- Layunin
- Pagtutuos at Paglalaan ng Pondo
- Pagsusuri ng Lugar
- Mga Mapagkukunan
- Mamamahala
- Pagsusuri ng Kikitain
- Estratehiya ng pagbebenta
- Daloy ng Proseso
- Mga Rekomendasyon
- Apendise
Proseso sa Pagsulat ng Feasibility Study
Mahalagang sundin ang proseso sa pagsulat ng feasibility upang matiyak ang resultang nais mabuo sa pagsulat nito.
Ipakilala ang Deskripsyon ng Negosyo. Marapat na ilarawan ang uri ng negosyong nais pasukin sa bahaging ito, ano ang tiyak na panawag dito at sino ang mag-oorganisa nito.
Alamin ang Deskripsyon ng Produkto o Serbisyo. Dito inilalarawan ang uri ng produkto o serbisyong nais ibahagi. Ang produkto ay anomang nakokonsumo, nagagamit o nauubos samantalang ang serbisyo naman ay ibinibigay.
Itala ang mga layunin. Sa bahaging ito mababasa kung kailan sisimulan ang negosyo at kung sino ang makikinabang sa mga nakatalang tiyak na mga layunin sa pagtatayo ng negosyo.
Ilatag ang bahagi ng pagtutuos at paglalaan ng pondo. Itala sa bahaging ito ang pondong inilaan sa negosyo at kung ano ang mga partikular na gastusin ang paglalaanan nito.
Suriin ng Lugar. Tukuyin ang tiyak na marketplace na pagtatayuan ng negosyo na sa iyong palagay ay naangkop na mapabilang ang produkto. Mahalagang tiyakin ang detalye ng lugar sa bahaging ito.
Alamin ang mga mapagkukunan ng suplay. Isa-isahin sa bahaging ito ang mga mapagkukunan ng suplay ng mga hilaw na materyales.
Kilalanin ang mga mamamahala. Magkaroon ng paghahati-hati ng gawain sa pamamagitan ng pagtatakda ng mga tiyak na tao sa bawat gawain o posisyong bahagi ng negosyo.
Suriin ang kikitain. Sa bahaging ito, ipakita ang arawan o buwanang kikitain ng negosyo at sulitin kung ito ay sasapat sa gastusin o puhunan.
Ilahad ang estratehiya sa pagbebenta. Ibabahagi naman dito ang paraan ng paglulunsad ng negosyo, kung paano ito maipakikilala sa mamimili nang magaan para sa kostumer at negosyante.
Ipakita ang daloy ng proseso. Dito matutunghayan ang takbo ng pamamahagi ng produkto at serbisyo kung paano ito sisimulan ng tagapaglunsad upang makarating sa kostumer. Maaari itong gamitan ng graphic organizer upang maayos na mailahad ang proseso.
Sumulat ng mga rekomendasyon. Mahalagang gumawa o sumulat ng rekomendasyon upang matulungan ang negosyante sa pagdedesisyon kung dapat bang ituloy o hindi ang negosyo.
Maglakip ng mga pormularyo sa apendise. Kung kinakailangan, maaring ilakip ang mga pormularyong kailangan sa pagpapatayo ng negosyo, tulad ng business permits atbp.
Ang Wika ng Feasibility Study
Ang pagsulat ng feasibility study ay isang kompleks na gawaing nangangailangan nang maingat at masusing pananaliksik. Mahalagang angkop ang wikang gagamitin sa pagsulat nito. Ito ay teknikal na sulating nilalapatan ng pormal na wikang teknikal. Hindi maiiwasan ang paggamit ng mga salitang jargon na kabilang sa larangan ng pagnenegosyo ngunit hangga’t maari tumbasan ang mga salitang may salin sa Filipino, sikaping gamitin ang salin nito. Sa larangan ng negosyo, nariyan ang samo’t saring mga register gaya ng mga salitang interest, sales, marketing, staffing, expenses, market segments, assets at marami pang iba. Ang mga teknikal na jargon ay maaaring nakabatay sa oryentasyon ng negosyong ipinapanukala.
Halimbawa:
- Medisina (antibiotic, therapy, diagnosis, colon, check-up)
- Arkitektura (façade, pastiche, blueprint, vault)
- IT (mouse, motherboard, CPU, editing, layout, animation)
Halimbawa ng Feasibility Study
Labada Tres Sesenta
A. Deskripsiyon ng Negosyo
Ang Labada Tres Sesenta ay negosyong itinayo ng tatlong magkakaibigan na dating naninirahan sa isang silid bilang 360 ng dormitoryo. Ito ay konsepto ng isang negosyong magbibigay ng serbisyong paglalaba para sa mga taong abala sa paghahanapbuhay at walang panahong harapin ang labahin ngunit kailangang humarap sa maraming tao nang may presentableng kasuotan, gayundin ang mga indibidwal na walang sariling makina sa paglalaba sa tahanan at nagtitipid sa tubig at kuryente o ang mga mabibigat na labahin ng mga establisemyento gaya ng hotel at catering services. Ang negosyo ay nabuo mula nang mapagtanto nila bilang mga dating working student na ang pinakamabigat na gawaing nakauubos ng kanilang oras ay paglalaba, kaya naisip nilang gawin itong negosyo upang mapagaan at makatipid sa oras ang mga nagtatrabaho o nag-aaral.
B. Paglalarawan sa Produkto o Serbisyo
Ang Labada Tres Sesenta ay isang laundry shop na bukas sa publiko anomang araw mula ika-10:00 ng umaga hanggang ika-9:00 ng gabi. Ito ay magbibigay ng paglalabadang may tiyak na kasiya-siyang serbisyo para sa kanilang kostumer. Ang kanilang serbisyong Wash, Dry And Fold sa ano mang labahin ay maaaring i-pick-up sa mismong shop o maaaring i-deliver. Sa pamamagitan nito ang mga maruruming damit na pinoproblema ng mga propesyonal o maybahay man ay agad na masosolusyonan. Hindi na mauubos ang kanilang oras sa paglalaba at ang mga maruruming damit muling magmumukhang bago at plantsado pa.
C. Layunin
Bilang isang establisyementong nagbibigay ng serbisyo sa publiko ang Labadang Tres Sesenta ay magsisimula sa Disyembre, 2021 at mapakikinabangan ng mga residente ng Heroes del 96. Ito ay may mga tiyak na layunin:
a. Maging pangunahing laundry shop sa Heroes Del 96 na makapagbibigay ng de kalidad na serbisyong makapagpapagaan ng buhay ng kostumer. b. Matiyak ang kalinisan at wastong pamantayan ng pananamit. c. Mapanatili ang kalinisan sa personal na kagamitan ng kostumer. d. Makapagbigay ng marangal na hanapbuhay sa sariling mga manggagawa e. Matulungan ang mga indibidwal o pamilyang ang suliranin ay maruming labahin.
D. Pagtutuos at Paglalaan ng Pondo
Sa pagsisimula ng negosyo ang kakailanganing pondo ay Php 460, 636 na manggagaling sa tatlong magkakaibigang nagmamay-ari ng negosyo. Makikita sa ibaba kung ano ang mga paglalaanan ng pera at paano ito hahatiin.
| Alokasyon | Pera (Peso) |
|---|---|
| Laundry and Shop Facilities | 372, 000.00 |
| Utilities | 16, 00.00 |
| Maintenance | 1,500.00 |
| Ads | 300.00 |
| Salary | 55,810.00 |
| Contingency Fund | 15, 000.00 |
| Kabuoan | 460, 636.00 |
[transcriber’s note: the Utilities amount is printed as “16, 00.00”]
Ang sentro ng negosyo ay matatagpuan sa 190 Heroes Del 96, Lungsod ng Caloocan na tinatayang isa sa matataong lugar sa Silangang Caloocan. Ayon sa pananaliksik ng Labada Tres Sesenta, walo sa sampung indibidwal ang nagsasabing mahalaga ang tungkulin ng laundry shop sa kanilang lugar. Ang target na kostumer ay ang kabahayan na walang laundry shop na matatagpuan. May mga apartment ding matatagpuan sa lugar na tinutuluyan ng mga nangungupahang propesyonal at mag-aaral ng UE Caloocan, STI Caloocan at AMA Caloocan.
F. Mga Mapagkukunan
Sa pagsasakatuparan ng negosyo, tiniyak ng mga staff ng laundry shop ang seguridad ng mga suplay ng mga kagamitan. Ang mga tiyak na magsusuplay ay ang Maynilad para sa tubig, Meralco naman sa kuryente, PLDT para sa Landline at Internet, Handyman para sa mga appliances at iba pang kagamitang hardware.
G. Mamamahala
Ang kompanya ay mayroong limitadong lakas-pantao ngunit hindi ito sagabal upang maisakatuparan ang adbokasiya ng samahan. Ang sumusunod ay mahahalagang haligi ng Labada Tres Sesenta:
| Tagapamahala: Kristine Joy Calma | |
|---|---|
| Kahera: Klarizza Marie Nieto | |
| Laundry Staff: | Delivery Staff: |
| Gabriel Bolinao | Jhay-are Silvestre |
| Darielle Esmeña | Arnel Nacor |
| Martin Pastor Panlaque | |
| Princess Oliveros |
H. Pagsusuri ng Kikitain
Ang salaping gagamitin sa pagbuo ng negosyo ay lilikumin mula sa pinagsamang pondo ng tatlong magkakaibigang may-ari ng negosyo at ang kikitain sa kanilang negosyo ay paiikutin muna rito hanggang maibalik sa kanila ang kanilang puhunan. Makikita sa ibaba ang income statement ng negosyo sa loob ng isang buwan.
INCOME STATEMENT (MONTH)
Less Expenses
Utilities – 16,500.00
Maintenance – 1, 500.00
Advertisement – 300.00
Salary – 55, 810.00
Total – 74,110.00
Sales Income: 140,784
- 74,110
Php. 66,674.00
Expenses
| EXPENSES | PER DAY | MONTHLY | YEARLY |
|---|---|---|---|
| 1. Utilities | |||
| Electricity | 300 | 9,000 | 108,000 |
| Water | 200 | 6,000 | 72,000 |
| Internet | 50 | 1,500 | 18,000 |
| 2. Maintenance | 50 | 1500 | 3,000 (twice a year) |
| 3. Advertisement | 10 | 300 | 3,600 |
| 4. Salary | |||
| Manager | 700 | 21,700 | 260,400 |
| Cashier | 600 | 18,000 | 216,000 |
| Staff/Security Guard and Delivery Boy | 537 | 16,110 | 193,320 |
| Total | 2.447 | 74,110 | 877,320 |
Sales Income
| SERVICE | PRICE | QUANTITY PER MONTH | INCOME/TOTAL |
|---|---|---|---|
| WASH ONLY | 70/7KL | 1250kl | Php. 12,500.00 |
| DRY | 70/7KL | 1000kl | Php. 10,000.00 |
| FOLD W/ PACKAGING | 50/7KL | 800kl | Php. 5,714.00 |
| WASH(DELIVERY) | 90/7KL | 1000KL | Php. 12,857.00 |
| DRY(DELIVERY) | 90/7KL | 1000KL | Php. 12,857.00 |
| FOLD WITH PACKAGING DELIVERY) | 70/7KL | 1000KL | Php.10,000.00 |
| PACKAGE (WASH,DRY,FOLD) | 180/7KL | 1300KL | Php, 33,428.00 |
| PACKAGE DELIVERY (WASH,DRY) | 120/7KL | 1200KL | Php. 20,571.00 |
| PACKAGE DELIVERY (WASH,DRY,FOLD) | 200/7KL | 800KL | Php. 22,857.00 |
| TOTAL: | Php. 140,784 |
I. Estratehiya ng Pagbebenta
Sa patuloy na pag-unlad ng teknolohiya at paglawak ng sakop ng social media, napagpasyahan ng pamunuan ng Labada Tres Sesenta na ipakilala ang kanilang negosyo gamit ang social media platforms gaya ng Facebook, Instagram, Twitter at marami pang iba. Napagkasunduan ding magsagawa ng mga promo upang maengganyo ang mga kostumer na magpalaba sa laundry shop.
J. Daloy ng Proseso
Sa pamamagitan ng gantt tsart makikita ang daloy ng proseso kung paano maisasakatuparan ang itatayong negosyo.
[chart: Gantt chart; J. Daloy ng Proseso]
| ID | Deskripsyon | Jan | Feb | Mar | Apr | May | Jun | Jul | Aug | Sept | Oct | Nov | Dec |
|---|---|---|---|---|---|---|---|---|---|---|---|---|---|
| 1 | Paghahanda ng negosyo at feasibility study | X | X | ||||||||||
| 2 | Paghahanap ng lokasyon | X | |||||||||||
| 3 | Pagsisiguro ng pinansiyal na kapital | X | X | ||||||||||
| 4 | Pagsisiguro ng permit at lisensya | X | X | ||||||||||
| 5 | Canvassing, Scouting, Bidding ng Suplay | X | |||||||||||
| 6 | Oryentasyon ng empleyado | X | |||||||||||
| 7 | Pag-order ng mga hilaw na materyal | X | |||||||||||
| 8 | Pagpapaunlad ng establisyemento | X | X | ||||||||||
| 9 | Marketing at promosyon | X | |||||||||||
| 10 | Simula ng operasyon | X |
transcriber’s note: shaded cells of the original Gantt chart are marked X in the table above.
K. Mga Rekomendasyon
Ang negosyo ay mahalaga sa komunidad, ito ay mayroong tiyak na pakinabang sa mga kostumer. Ang mainam na rekomendasyon para sa proponent ay ang pagtiyak sa promosyon ng negosyo upang magkaroon ng tiyak na kostumer, gayundin ang pinansiyal na kasiguruhan ay marapat na matiyak upang matugunan ang pangangailangan ng pagpapatuloy ng negosyo.
L. Apendise
Ang Labada Tres Sesenta ay kinakailangang makapag-proseso ng mahahalagang papel para sa kaniyang negosyo upang maging legal ang pagpapatakbo ng mga ito. Ang mga pormularyong nararapat masiguro ay ang sumusunod:
a. Brgy Business Permit
b. DTI Business Permit
c. SEC Registration
d. SSS Accreditation
[illustration: sample Barangay Business Permit]
Pigura 1 Halimbawa ng Barangay Business Permit
[illustration: sample DTI Certificate of Business Name Registration]
Pigura 2 Halimbawa ng DTI Business Permit
[illustration: blank SSS Application for Accreditation form]
Pigura 3 SSS Accreditation Form
[illustration: blank SEC General Information Sheet registration form]
Pigura 4. SEC Registration Form
Pagyamanin
Gawain 1 Pagsusuri ng Halimbawa (SWOT Analisis)
Mula sa binasa mong halimbawa ng feasibility study, gumawa ng analisis gamit ang SWOT na talaan bilang indikasyon kung karapat-dapat maisagawa ang Feasibility Study. Sagutin ang mga tanong.
| Ano ang kalakasan ng negosyo? (Strength) | Ano ang kahinaan ng negosyo? (Weakness) |
|---|---|
| 1. 2. 3. 4. 5. | 1. 2. 3. 4. 5. |
| Ano ang oportunidad na nakikita sa negosyo? (Opportunity) | Ano ang banta sa pagtatayo ng negosyo? (Threat) |
|---|---|
| 1. 2. 3. 4. 5. | 1. 2. 3. 4. 5. |
Gawain 2 Pagkilala sa wika ng Negosyo
Ibigay ang kahulugan ng mga salita para sa mga termino sa Ingles. Ibigay muna ang salitang katumbas nito sa Filipino bago ang kahulugan nito.
- kapital- _____________
- interest– _____________
- produkto- _____________
- sales– _____________
- expenses– _____________
- marketing– _____________
- finance– _____________
- balance– _____________
- assets– _____________
- commodities– _____________
Gawain 3 Pagtatala ng mga Salita
Magtala ng sampung salitang kabilang sa register ng iyong larangan o strand at ibigay ang kahulugan nito.
Larangan o Strand : Home Economics
Halimbawa:
baking- ito ang proseso ng pagluluto ng tinapay sa hurno.
| Salita | Kahulugan |
|---|---|
| 1. 2. 3. 4. 5. 6. 7. 8. 9. 10. |
Isaisip
Tukuyin ang salitang binigyang kahulugan sa bawat bilang. Gawing batayan ang kahon sa pagtukoy ng termino.
- Ito ang sentro ng pamilihan kung saan ibibigay ang produkto o serbisyo.
M _ _ _ _ _ _ _ _ E
- Maaaring ito ay magamit o makonsumo.
_ R _ _ _ _ T _
- Ito ay ibinibigay o inilalaan para sa mga tao.
S _ R _ _ _ Y _
- Nilalaman nito ang lagom at mungkahi upang maisakatuparan ang proyekto.
_ _ K _ _ E _ _ A _ _ _ N
- Sa bahaging ito tinatalakay ang dahilan kung bakit isasagawa ang negosyo.
L _ _ U _ _ N
- Ang sulating ito ay isang pag-aaral na ginagawa upang malaman ang iba’t ibang sangkap at epekto ng iminumungkahing produkto at/o serbisyo.
_ _ A _ _ B _ _ I _ _ _ T _ _ Y
- Ang wikang ginagamit sa feasibility ay ekslusibo sa larangan ng pagnenegosyo.
_ A _ _ O _
- Pangangailangan upang maisagawa ang feasibility study.
P _ N _ _ A _ _ K _ I _
- Uri ng sulating kinabibilangan ng feasibility study.
S _ _ _ _ _ N _
_ E _ _ I _ A _
- Ito ang umiiral na salik na hinahanapan ng solusyon ng isang feasibility study.
_ U _ _ _ A _ _ N
Isagawa
Gumawa ng sariling Feasibility study na maaring may kaugnayan sa iyong strand, sa lipunang kinabibilangan, o sa iyong paaralan. Sundin ang bahaging tinalakay.
Ang pagsulat ng Feasibility study ay naglalayong:
a. Malinang ang kakayahang magmungkahi
b. Pagpapalawak ng ideya sa napapanahong suliranin
| Pamantayan | Puntos | Iskor |
|---|---|---|
| 1. Payak ngunit malinaw ang nilalaman | 10 | |
| 2. Kompleto ang bahagi at pormat | 10 | |
| 3. Wastong paggamit ng wika | 10 | |
| 4. Mahusay na presentasyon ng feasibility study | 10 | |
| 5. Malinaw at tiyak ang rekomendasyon | 10 | |
| Kabuoan | 50 |
[transcriber’s note: the printed folios on these pages read 18 to 24; the markers below follow the page numbers in the request]
Tayahin
Basahin ang mga tanong at ilagay sa patlang ang letra ng tamang sagot.
_____ 1. Ano ang tawag sa mga salitang nabibilang sa partikular na larangan gaya ng animation, drafting, editing?
- A. Register
- B. Pormal
- C. Kolokyal
- D. Impormal
_____ 2. Saang bahagi ng feasibility study matatagpuan ang flowchart ng mga mangangasiwa ng negosyo?
- A. Mga mapagkukunan
- B. Daloy ng proseso
- C. Mamamahala
- D. Layunin
_____ 3. Ano ang mainam na katangian ng marketplace ng isang nagsisimulang negosyo?
- A. May kaibigang kapareho ang negosyo sa kalapit na lugar.
- B. Angkop sa pangangailangan ng komunidad.
- C. May kaibigang kostumer.
- D. Madalang ang tao
_____ 4. Aling bahagi ng feasibility study ang naglalaman ng sunod-sunod na plano at petsa ng pagsasakatuparan nito?
- A. Mga mapagkukunan
- B. Daloy ng proseso
- C. Mamamahala
- D. Layunin
_____ 5. Anong uri ng estratehiya ang paggamit ng social media platforms at pagsasagawa ng promo sa isang negosyo?
- A. Promosyon
- B. Pagpapakilala
- C. Estratehiya sa Pagbebenta
- D. Estratehiya sa Pagpapalawak ng negosyo
_____ 6. Aling bahagi ang naglalaman ng pagkilala sa itatayong proyekto, ang pangalan nito at bumuo rito?
- A. Deskripsyon ng produkto/serbisyo
- B. Deskripsyon ng negosyo
- C. Mga mapagkukunan
- D. Layunin
_____ 7. Ano ang kahalagahan ng pagsusuri ng kikitain sa isang feasibility study?
- A. Natutukoy ang badyet na kailangang ilaan sa bawat kagamitang kailangan.
- B. Natitiyak ang arawan o buwanang kita kung ito ba ay sapat sa inilabas na puhunan.
- C. Nadedetermina ang potensyal na magsusuplay ng mga hilaw na materyales na kailangan.
- D. Natutukoy ang kwalipikasyon ng lugar na magiging sentro ng pamilihan o serbisyo sa kostumer.
_____ 8. Kung ang panawag sa kumukonsumo ng produkto ay kostumer, ano ang panawag natin sa tagapag-prodyus ng mga hilaw na materyales?
- A. Konsumer
- B. Employer
- C. Supplier
- D. Importer
_____ 9. Si Gemma ay isang OFW na hilig ang pagluluto kaya noong bumalik sa bansa ay napagdesisyunan niyang magtayo ng isang karinderya, ngunit wala siyang ideya kung paano sisimulan ang negosyo. Sa iyong palagay, ano ang maaaring pangunahing isasaalang-alang ni Gemma sa kaniyang itatayong karinderya?
- A. Ang lokasyon, target na kostumer, at ang puhunan sa negosyo.
- B. Ang lokasyon, target na kostumer, puhunan sa negosyo at ang pamilya niya.
- C. Ang lokasyon, target na kostumer, at ang puhunan sa negosyo at ang panahon.
- D. Ang lokasyon, target na kostumer, puhunan sa negosyo at ang mga posibleng maging katuwang niya sa negosyo.
_____ 10. Sa pagsisimula ng negosyo, ano ang pangunahing pormularyong permiso ang marapat na masiguro ng negosyante?
- A. SEC Registration Form
- B. BIR Accreditation Form
- C. DTI Business Permit
- D. Barangay Business Permit
Para sa bilang 11-15, tukuyin kung anong proyekto ang maaaring maibahagi ng ideyang negosyo sa bawat bilang. Piliin sa talaan ang letra ng tamang sagot.
- A. Serbisyo lamang
- B. Produkto lamang
- C. Serbisyo at Produkto
[illustration: logo of Mang Ely’s Agrisuplay, white leaf icon on green square; text reads “MANG ELY’S AGRISUPLAY”]
[illustration: logo of Kusina ni Mama, cooking pot over a stove on cream background; text reads “KUSINA NI MAMA ) LUTONG BAHAY PARA SA MASA”]
[illustration: logo of Talyer ni Mang Kanor, gear-like icon on black square; text reads “TALYER NI MANG KANOR”]
[illustration: logo of Pampribadong Legal na Tanggapan, gavel and laurel wreath on white square; text reads “PAMPRIBADONG LEGAL NA TANGGAPAN”]
[illustration: logo of Litrato Studio, red circles on peach background; text reads “Litrato Studio” with a small line below it that is [illegible]]
(ang mga disenyo ay hango sa canva.com)
Karagdagang Gawain
Magtala ng tatlong (3) napapanahong suliranin sa negosyo. Maaaring magtanong sa kapitbahay o kakilalang online seller kung nagsagawa ba o hindi ng feasibility study bago magtayo ng negosyo. Sa tapat nito, isulat ang problemang kinakaharap ng negosyo at posibleng solusyong naisip mo. Suriin ang iyong sinulat.
| Uri ng Negosyo | Nagsagawa ba ng Feasibility Study? (Oo/Hindi) | Suliranin | Posibleng Solusyon |
|---|---|---|---|
| 1. | |||
| 2. | |||
| 3. |
Susi sa Pagwawasto
SUBUKIN
1. A
2. D
3. C
4. C
5. B
6. C
7. C
8. C
9. B
10. D
11. A
12. C
13. C
14. B
15. A
BALIKAN
1. Menu
2. restawran
3. impormasyon
4. pagkain
5. uri
6. presyo
7. paglalarawan
8. larawan
9. masustansya
10. Kostumer
ISAISIP
1. Marketplace
2. Produkto
3. Serbisyo
4. Rekomendasyon
5. Layunin
6. Feasibility Study
7. Jargon
8. Pananaliksik
9. Sulating Teknikal
10. Suliranin
TAYAHIN
1. A
2. C
3. B
4. B
5. C
6. B
7. B
8. C
9. D
10. D
11. B
12. C
13. A
14. A
15. C
Sanggunian
Santos, Corazon L, PhD, et, al. 2016. Filipino sa Piling Larang-Tech Voc. Bureau of Curriculum Development. Department of Education
SEC Business accreditation form retrieved from https://www.google.com/imgres?imgurl=https%3A%2F%2Fimgv2-2-f.scribdassets.com%2Fimg%2Fdocument%2F56043560%2Foriginal%2F2844bb0720%2F1592292254%3Fv%3D1&imgrefurl=https%3A%2F%2Fwww.scribd.com%2Fdoc%2F56043560%2FRegistration-Form&tbnid=8bCND1lZGVk9vM&vet=12ahUKEwjc8ozM2_TqAhUUgpQKHbnJANsQMygDegUIARDCAQ..i&docid=56qyE4A4rQF5gM&w=768&h=543&q=sec%20registration%20form&ved=2ahUKEwjc8ozM2_TqAhUUgpQKHbnJANsQMygDegUIARDCAQ
Para sa mga katanungan o puna, sumulat o tumawag sa:
Department of Education – Bureau of Learning Resources (DepEd-BLR)
Ground Floor, Bonifacio Bldg., DepEd Complex Meralco Avenue, Pasig City, Philippines 1600
Telefax: (632) 8634-1072; 8634-1054; 8631-4985
Email Address: blr.lrqad@deped.gov.ph * blr.lrpd@deped.gov.ph
Leave a Reply