This is the Grade 4 Filipino self-learning module for Quarter 1 (Unang Markahan), Module 7: “Opinyon at Reaksyon sa Isyu o Usapan” (opinion and reaction to an issue or conversation). It was prepared by DepEd Region V under the Alternative Delivery Mode for learners studying at home. It teaches learners to answer questions about a news item, share their own opinion or reaction, and explain what different kinds of media are for.
On this page 7 sections
What learners will learn
The module lists these skills. They are printed in Filipino and summarized here in English:
- Answer questions about the important details of an issue or news item they have read.
- Express their own opinion or reaction to an issue or conversation they have read or watched.
- Write a letter that shares an experience or event from a story they have read.
- Explain the importance of media that informs, entertains, and persuades (pang-impormasyon, pang-aliw, panghikayat).
- Answer questions about an informational text they have read.
What the module covers
The module has one lesson, Aralin 1: “Opinyon at Reaksyon sa Isyu o Usapan (TV, Internet at Diyaryo).” It uses real and local news as reading material:
- A news report on Typhoon Ambo weakening into a low pressure area, citing PAGASA (ABS-CBN News, May 17, 2020).
- A conversation between two learners about the spread of the coronavirus and its symptoms, such as high fever, cough, and difficulty breathing.
- A school news item about a Zumba Fun Run at Iriga Central School on Saturday, November 9, 2019.
- A news item on proper waste disposal in Iriga City, aimed at teaching residents the three types of waste.
Opinion and reaction
The module explains the difference between the two:
- Opinyon (opinion): Before giving an opinion, a person should know a lot about the issue so that what they say is balanced.
- Reaksyon (reaction): A reaction comes from how you feel. It can be positive or negative, so think carefully before you respond, whether in writing, in an interview, or on Facebook.
The module lists common phrases for giving an opinion, including:
- Sa aking opinyon… (In my opinion…)
- Sa tingin ko… (I think…)
- Sa aking palagay… (In my view…)
- Kung ako ang tatanungin… (If you ask me…)
- Naniniwala akong… (I believe…)
- Para sa akin… (For me…)
- Ang masasabi ko ay… (What I can say is…)
- Ang aking pananaw ay… (My point of view is…)
One example from the module is the line “Mukhang nakakatakot naman yata” (That sounds scary), which is a reaction. A sentence that starts with “Sa aking palagay…” is an opinion.
Media and its uses
The module defines midya (media) as the combined channels and tools used to record and deliver information. It groups media into three types: print media, broadcast media, and the internet. It then describes each one:
| Media | What it offers |
|---|---|
| Dyaryo o peryodiko (newspaper) | News, information, and advertisements |
| Magasin (magazine) | Many articles, usually funded by ads; gives information to readers |
| Aklat (book) | Printed words on paper, usually many pages |
| Telebisyon o radyo (TV or radio) | Entertainment, education, news, or offers to a mass audience |
| Internet | News, entertainment, ads, videos, music, and chat through websites and apps |
Media serves three main purposes:
- Nagbibigay ng impormasyon (informs): news that guides our daily life, such as TV Patrol.
- Nagbibigay-aliw (entertains): teleseryes, variety shows, music videos, sports, and YouTube videos.
- Nanghihikayat (persuades): advertisements that encourage people to buy products, such as shampoo commercials.
How to use this module
The module follows the usual parts of a DepEd self-learning module:
- Subukin (pretest): Questions on the Typhoon Ambo report, plus sorting media examples by purpose.
- Balikan (review): A short exercise on concrete and abstract nouns (pangngalang konkreto at di-konkreto) from the previous lesson.
- Tuklasin and Suriin: Reading the coronavirus conversation, matching pictures to media types, and labeling statements as O (opinion) or R (reaction).
- Pagyamanin: Choosing the right action in situations based on news, such as a stay-at-home order.
- Isaisip: Fill-in-the-blank items and a crossword puzzle on media types.
- Isagawa: Reading a dialogue between Ej and Thrisha about COVID, then drawing five kinds of media.
- Tayahin (final test): Questions on the Iriga waste disposal news, and a letter sharing your reaction or opinion.
- Karagdagang Gawain (extra tasks): A letter to your teacher about your activities during the lockdown, and a poster on proper handwashing. Both have rubrics.
Here is what each reader can do:
- Learners: Write your answers on a separate sheet of paper, not in the module. Check your work using the answer key (Susi sa Pagwawasto) at the end, and be honest when you check.
- Parents and guardians: The module asks you to help your child review the poster using its rubric.
- Teachers: The module’s note asks you to remind learners that they can only give a good opinion or reaction if they keep up with current issues on radio, TV, and the internet.
Frequently asked questions
What grade and quarter is this Filipino module for?
It is for Grade 4 Filipino, Quarter 1 (Unang Markahan), Module 7.
What is the difference between opinyon and reaksyon in this module?
An opinion should be based on a broad understanding of the issue so that it is balanced. A reaction comes from your feelings and can be positive or negative.
Does the module have an answer key?
Yes. The Susi sa Pagwawasto at the end gives answers for the pretest, the activities, and the final test. The letter, drawing, and poster tasks are checked with rubrics instead.
What are the three uses of media taught in the module?
Media can inform (nagbibigay ng impormasyon), entertain (nagbibigay-aliw), and persuade (nanghihikayat), for example through news programs, teleseryes, and advertisements.
What do learners need to write or make in this module?
Learners write a letter sharing their reaction or opinion on a news item, and another letter to their teacher about their activities during the lockdown. They also draw five kinds of media and make a poster on proper handwashing.
Full text of the module
The text below is a transcription of the PDF above, as printed.
Filipino – Unang Markahan – Modyul 7: Opinyon at Reaksyon sa Isyu O Usapan
CO_Q1_Filipino 4_ Modyul 7
[illustration: children reading, studying and working with a globe and a lantern under a tree]
PAG-AARI NG PAMAHALAAN HINDI IPINAGBIBILI
Filipino – Baitang 4 Alternative Delivery Mode Unang Markahan – Modyul 7: Opinyon at Reaksyon sa Isyu at Usapan Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayunman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.
Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio
Bumuo sa Pagsusulat ng Modyul
Manunulat: Jester N. Bona, Juvy G. Clavillas Editors: Ma. Theresa I. Cortez Tagasuri: Rechie O. Salcedo Tagaguhit: Thrisha May N. Bona, Mark Anthony O. Taduran Tagalapat: Rey Antoni S. Malate Tagapamahala: Gilbert T. Sadsad, Ronel Al K. Firmo, Francisco B. Bulalacao, Jr.; Grace U. Rabelas, Ma. Leilani R. Lorico, Nora J. Laguda; Jerson V. Toralde, Rechie O. Salcedo, Belen B. Pili
Inilimbag sa Pilipinas ng _______________________
Department of Education – Region V
Office Address: Regional Center Site, Rawis, Legazpi City 4500 Mobile Phone: 0917 178 1288 E-mail Address: region5@deped.gov.ph
4
Filipino
Kwarter 1 – Modyul 7: Opinyon at Reaksyon sa Isyu O Usapan
Paunang Salita
Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.
Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinomang gagabay at tutulong sa pag-aaral ng mga mag-aaral sa kani-kanilang tahanan.
Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.
Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anomang bahagi ng modyul. Gumamit lamang ng hiwalay na papel sa pagsagot sa mga pagsasanay.
Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.
Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.
Alamin
Maligayang araw!
Kahit saang dako ka pumunta ay mayroon kang nasasagap o naririnig na iba’t ibang mga isyu o usapan. Bawat araw ay may mga bagong pangyayari at malaya kang magpahayag ng sariling opinyon o reaksyon tungkol dito.
Sa araling ito, pag-aaralan mo ang mga napapanahong isyu o usapan sa ating pamayanan.
Pagkatapos mong pag-aralan ang modyul na ito, inaasahang makakamit mo ang sumusunod na kasanayan:
- Nasasagot ang mga tanong tungkol sa mahahalagang detalye ng nabasang isyu o balita.
- Naipapahayag ang sariling opinyon o reaksyon sa isang nabasa o napanood na isyu o usapan.
- Nakasusulat ng liham na nagbabahagi ng karanasan o pangyayari sa nabasang kuwento.
- Naibibigay ang kahalagahan ng media pang impormasyong, pang -aliw at panghikayat.
- Nasasagot ang mga tanong sa nabasang tekstong pang impormasyon.
Halika, umpisahan mo na ang aralin na ito.
Subukin
Subukin gawin ito.
Ano-anong mga napapanahong isyu ang iyong narinig, nabasa o napanood sa radyo at telebisyon? Subukin muna natin kung hanggang saan na ang alam mo.
Basahin ang sitwasyon o balitang nakapaloob sa kahon at sagutin ang mga tanong.
Ambo, humina bilang low pressure area ABS-CBN News | Mayo 17, 2020
Tuluyan nang humina ang bagyong Ambo at isa na lang ngayong low pressure area (LPA), sabi ngayong Linggo ng state weather bureau na PAGASA.
Sa pinakahuling weather bulletin ng PAGASA, huling namataan ang LPA sa layong 125 kilometro sa hilagang kanluran ng Basco, Batanes.
Inalis na rin ang Signal No. 1 sa Batanes pero inaasahan pa ring makararanas ng katamtaman hanggang malalakas na pag-ulan doon.
Pinapayuhan pa rin ang maliliit na sasakyang pandagat lalo na sa Batanes at Babuyan Islands na huwag munang pumalaot.
Nasa 4 ang naiulat na namatay sa Eastern Samar sa kasagsagan ng bagyo habang isa naman sa Quezon province, ayon sa mga lokal na awtoridad.
A. Sagutin at isulat ang sagot sa sagutang papel:
Tungkol saan ang nabasang isyu o balita?
A. bagyong Ambo C. bagyong Sining
B. bagyong Reming D. bagyong YolandaKailan ito ibinalita?
A. Mayo 16, 2020 C. Mayo 21, 2020
B. Mayo 17, 2020 D. Mayo 25, 2020Anong signal ang dala ni Bagyong Ambo?
A. signal No.1 C. signal No. 3
B. signal No. 2 D. signal No. 4Anong sangay ng pamahalaan ang nanguna sa pagbibigay ng impormasyon para payuhan ang mga tao tungkol sa naturang bagyo?
A. PHILVOCS C. DAR
B. PAGASA D. NASASa tingin mo ba’y malaki ang naitulong ng nasabing sangay o ahensya sa mga tao?
A. Opo C. Marahil
B. Hindi D. Hindi ako sigurado
B. Panuto: Basahin ang mga parirala. Ibigay ang gamit ng media sa sumusunod na sitwasyon. Isulat ang A kung ginagamit ito sa pagbibigay impormasyon, B kung nagbibigay aliw, at C kung nanghihikayat.
| 1. TV Patrol | |
| 2. Zumba | |
| 3. Mga patalastas ng shampoo | |
| 4. Santino | |
| 5. ANC |
[transcriber’s note: the table has no printed header row; the answer column is blank]
Nasiyahan ka ba? Nasagot mo ba ang lahat ng mga tanong?
Tingnan ang wastong sagot sa pahina 22.
Binabati kita! Maaari ka nang magpatuloy.
Aralin 1
Opinyon at Reaksyon sa Isyu o Usapan
( TV, Internet at Diyaryo)
Balikan
Magbalik-aral ka.
Natatandaan mo pa ba ang iyong aralin bago ang modyul na ito? Narito ang isang pagsasanay na susukat kung gaano mo naintindahan ang paksa tungkol sa pangngalang konkreto at di-konkreto.
A. Panuto: Lagyan ng ★ kung ang salita ay pangngalang konkreto at ▲ kung ang salita ay pangngalang di-konkreto.
[transcriber’s note: the ★ and ▲ symbols are printed as pictures in the original]
_____________ 1. Aklat ___________ 2. Ugali _____________ 3. Kabutihan ____________ 4. Lapis ____________ 5. Kaligayahan ____________ 6. Upuan
Matapos mong sagutin ang pagsubok na ito, tingnan kung tama o mali ang iyong sagot sa pahina ng susi ng pagwawasto sa pahina 22
Batid sa aking kaalaman na malalim ang iyong pagkaunawa sa paksang pangalang konkreto at di-konkreto.
Ngayon, handa ka na bang palawakin ang iyong kaalaman?
Tara, simulan na natin!
Sa araling ito, mas lalo mo pang matutuhang sumagot sa mga tanong tungkol sa napapanahong mga balita o isyu at makapagpahayag ng iyong sariling opinyon o reaksyon.
[illustration: woman teacher gesturing beside a speech bubble with the text above]
Ano ang madalas na nakakukuha ng iyong atensyon kapag ikaw ay nanonood ng TV o nakikinig ng radyo?
Mga balitang nakakatakot, nakakainis o nakatutuwa?
Mga Tala para sa Guro
Ipaunawa sa mag-aaral na makapagbibigay lamang sila ng opinyon at reaksyon kung matiyaga silang mangalap sa mga ng mga napapanahong isyu. Dahil dito, kailangan nilang makinig/manood sa teleradyo, telebisyon at internet.
Tuklasin
Halina! Alamin pa natin ang iba pang mahahalagang impormasyon tungkol sa napapanahong isyu sa ating bansa.
[illustration: two students talking, with speech bubbles]
Alam mo ba ang bagong balita ngayon sa TV at Radyo? Ito ay ang mabilis na pagdami ng kaso ng mga taong nahawaan ng nakamamatay na sakit.
Anong sakit ba ito? Paano ito nakakahawa sa tao?
Talaga ba?
Ang sakit na ito ay nagmula sa tinatawag na coronavirus. Batay sa narinig kong balita, hindi lamang tao ang maaaring mahawaan nito kundi pati na rin ang mga hayop.
Mukhang nakakatakot naman yata. Sa aking palagay, mas maganda siguro kung sumunod tayo sa mga utos ng awtoridad nang sa ganun ay maprotektahan tayo laban sa dulot ng virus na sinasabi mo.
Oo. At saka mayroon pa. Malalaman mong nahawaan ka na nito kung nakaranas ka ng mga sintomas tulad na lamang ng mataas na lagnat, pag-ubo, hirap sa paghinga at marami pang iba.
Tama! Naniniwala akong mas maliliwanagan ang mga tao tungkol sa mga nangyayari sa bansa kung patuloy tayong nanonood at nakikinig ng mga balita. Tulad ng GMA TV News, DZRH at ABS –CBN TV Patrol
A.Tingnan muli ang bawat usapan. Sagutin ang mga tanong tungkol dito.
Tungkol saan ang balitang pinag-uusapan?
Anong uri ng sakit ang pinag-uusapan?
Ano-anong sintomas ng sakit na pinag-uusapan?
Ano ang dapat gawin upang maunawaan ang tungkol sa sakit na ito?
Bago tayo magpatuloy sagutan muna ang gawaing ito.
B. Panuto: Pagtambalin ang mga pangalan ng larawan sa hanay A. Piliin ang letra ng tamang sagot sa hanay B. Isulat ang sagot sa sagutang papel.
| Hanay A | Hanay B |
|---|---|
| 1. [illustration: magazine cover titled ARAL] | a.magasin |
| 2. [illustration: radio] | b.radyo |
| 3. [illustration: newspaper] | c.telebisyon |
| 4. [illustration: Wi-Fi symbol] | d.diyaryo |
| 5. [illustration: television set] | e.Internet |
Nasagutan mo ba ang mga ito. Tingnan ang iyong mga sagot sa pahina ng susi ng pagwawasto sa pahina 22.
Suriin
[illustration: woman teacher gesturing beside a speech bubble with the text above]
Ngayon, handa ka na bang palawakin ang iyong kaalaman? Halika, simulan natin!
Tingnan muli ang usapan sa Tuklasin.
Tungkol saan ba ito? Batay sa iyong nabasa, Ano ang kahulugan ng reaksyon? Ano ang kahulugan ng opinyon? Ano ang pagkakaiba ng opinyon at reaksyon?
A.Panuto: Lagyan ng O kung ang pahayag ay opinion at R kung ang pahayag ay reaksyon. Isulat ang sagot saiyong sagutang papel.
_____ 1. Ang sakit na ito ay nagmula sa tinatawag na coronavirus. Batay sa narinig kong balita, hindi lamang tao ang maaaring mahawaan nito kundi pati na rin ang mga hayop.
_____ 2. Oo. At saka mayroon pa. Malalaman mong nahawaan ka na nito kung nakaranas ka ng mga sintomas tulad na lamang ng mataas na lagnat, pag-ubo, hirap sa paghinga at marami pang iba.
_____ 3. Alam mo ba ang bagong balita ngayon sa TV at Radyo? Ito ay ang mabilis na pagdami ng kaso ng mga taong nahawaan ng nakamamatay na sakit.
_____ 4. Mukhang nakakatakot naman yata.
_____ 5. Sa aking palagay, mas maganda siguro kung sumunod tayo sa mga utos ng awtoridad nang sa ganun ay maprotektahan tayo laban sa dulot ng virus.
B.Panuto: Basahing mabuti ang balita at sagutin ang sumusunod na tanong.
Zumba Fun Run, Isasagawa ng ICS
Magkakaroon ng Zumba Fun Run ang Iriga Central School o ICS na isasagawa sa darating Sabado, Nobyembre 9, 2019.
Ayon kay Randy A. Bona, punongguro ng ICS inaanyayahan ang mga magulang, mag-aaral at stakeholders na dumalo sa nasabing aktibidades.
Dagdag pa niya, ang pondong malilikom ay gagamitin sa pagbili ng mga karagdagang kagamitan sa pagtuturo.
Kaya’t inaasahang ang pagkakaroon nang buong kooperasyon ng bawat isa para sa tagumpay ng Zumba Fun Run ng paaralan.
Juvy G. Clavillas
1.Anong gawain ang pinamunuan ng Iriga Central School?
A. Zumba Fun Run B. Bingo Socials C. Raffle
Sino sino ang mga dadalo sa nasabing aktibidad?
A. Mga mag-aaral
B. Mga magulang
C. Mga mag-aaral, magulang at stakeholdersKailan gaganapin ang Zumba Fun Run
A. Lunes, Nobyembre 9, 2019
B. Sabado, Nobyembre 9, 2019
C. Linggo, Nobyembre 9, 2019
C. Panuto: Ibigay ang kahalagahan ng media sa sumusunod na gawain o sitwasyon. Isulat ang A – nagbibigay ng impormasyon, B – nanghihikayat at C – nagbibigay aliw.
____ 1. Balita sa labas at loob ng bansa
____ 2. Paligsahan sa sayaw at pag-awit
____ 3. Pagpapalabas ng variety show
[illustration: woman teacher gesturing beside a speech bubble]
Nasiyahan ka ba sa pagsagot sa mga katanungan? Iwasto ang iyong sagot sa pahina 22 ng Susi ng pagwawasto.
Pag-aralan ito.
Pagpapahayag ng Opinyon at Reaksyon
Pagpapahayag ng Opinyon– Mahalagang may malawak na kaalaman ang isang tao tungkol sa isang isyu bago siya magpahayag ng opinyon upang maging balanse ang kanyang inilalahad.
Mababasa sa ibaba ang mga salita o pariralang madalas ginagamit kapag nagpapahayag ng sariling opinyon.
Sa aking opinyon…
Sa tingin ko….
Sa nakikita ko….
Sa aking palagay…
Kung ako ang tatanungin…
Sa aking karanasan…
Sa pakiwari ko…
Ang masasabi ko ay…
Naniniwala akong…
Para sa akin….
Ang ibig kong sabihin ay…
Gusto ko lang bigyang-diin na…
Ang aking pananaw ay…
Pagpapahayag ng Reaksiyon – maaaring masagot mo ayon sa iyong nararamdaman. Maaari itong positibo o negatibong reaksyon.
Batay sa napag aralan. Tungkol saan ang balita? ‘
| Ano ang alam ko tungkol sa balita? | Ang balita ay tungkol sa bagyo. |
|---|---|
| Ano ang gusto kong malaman tungkol sa balita | Matukoy ang mahahalagang detalye ng balita. |
[transcriber’s note: the table as printed has no header row; its first row is used as the header row above]
[chart: flowchart-style notes; the three boxes are described below in the order printed]
Tandaan: Ang midya (Ingles: media) ay mga pinagsamang pagpapalabas o kagamitan na ginagamit sa pagtala at paghatid ng impormasyon o datos.
Napakahalaga ng media sa ating buhay sapagkat ito ang gabay natin sa pang araw- araw na pamumuhay. Lagi tayong una sa mga nangyayari sa atin kapaligiran sa loob at labas ng ating bansa. Kaya naman ang midya ay nagbibigay sa atin ng kahalagahan tulad ng sumusunod:
Dyaryo o Peryodiko– naglalaman ng Balita, impormasyon, patalastas.
Magasin-naglalaman ng maraming artikulo, kalimitang pinopondohan ng patalastas. Ito ay nagbibigay ng impormasyon sa mambabasa.
Aklat– pinagsamasamang nailimbag na salita sa papel. Kadalasan na marami itong pahina.
Telebisyon o Radyo – isang sistemang tele komunikasyon para sa pagpapahayag at pagtanggap ng mga gumagalaw na mga larawan at tunog sa kasalukuyan. Ito ay pangmasang panghatid ng libangan, edukasyon, balita o alok.
1.Internet– ito ay makabagong teknolohiya na mapagkukunan ng mga impormasyon gamit ang iba’t- ibang website na nagbibigay ng balita pang aliw, panghikayat, videos, musika , pakikipagusap gamit ang Chat, messenger, facebook at iba pa.
DLP Filipino 4 Kwarter 1 pahina 112-113
Iba’t ibang Uri ng Media
[chart: flowchart; Iba’t ibang Uri ng Media]
- Print o Nakalimbag na Media
- Broadcast Media
- Internet
1.Nagbibigay ng impormasyon – Ito ang pinakamahalaga sa lahat ng tao sapagkat dito natin makukuha ang mga balitang nagsisilbing gabay sa ating pang-araw araw na pamumuhay
[illustration: woman presenter with a LIVE broadcast icon and globe]
2.Nagbibigay – aliw – Sa panonood ng mga teleserye, variety shows, music videos, isports sa telebisyon, pakikinig sa radyo ng mga musika, paggamit ng youtube para manood ng video, pakikipag- usap sa kaibigan gamit chat room sa facebook ito’y nagbibigay kasiyahan at libangan sa mga tao.
[illustration: woman in a feathered costume]
3.Nanghihikayat – Nagagamit ito para hikayatin at makapili ang mga mamimili na bumili ng mga produkto na makikita sa patalastas sa telebisyon, radyo at maging sa internet.
[illustration: family of four]
Pagyamanin
Basahin ang sumusunod na mga sitwasyon.
A.Panuto: Piliin ang pinakaangkop na sagot. Isulat ito sa sagutang papel.
Ibinalita sa radyo na bawal lumabas ng bahay dahil sa kumakalat na virus na nagdudulot ng sakit. Ano ang gagawin mo?
A. Makikinig sa babala na hindi lalabas ng bahay.
B. Hindi susunod at isasawalang bahala lamang ito.
C. Lalabas ng bahay at pupunta kahit saan.
D. Lalabas ng bahay at makikipag-usap sa kapit-bahay.Inutusan ka ng nakatatanda mong kapatid na pumunta sa palengke. Ngunit, ang sabi sa balita ay bawal ang mga
[transcriber’s note: this page begins partway through item 2]
menor de edad na lumabas ng bahay. Ano ang gagawin mo?
a. Susundin ang utos ng nakatatandang kapatid. b. Hindi susunod sa utos ng kapatid at magpapaliwanag na bawal lumabas dahil ipinag-uutos ito ng gobyerno. c. Magpalaboy-laboy sa labas ng kalye kahit ipinagbabawal. d. Susundin ang kapatid dahil pagkakataon na para lumabas ng bahay.
- Nakita mong nag-iinuman sa kalye ang iyong mga kapitbahay. Alam mong ipinagbabawal ito. Ano ang sasabihin mo?
a. Pagsabihan na bawal mag-inuman dahil kung hindi ay malalagot sila sa batas ng pamayanan. b. Hindi na lamang ito papansinin. c. Tatawagin ang Tatay at pagsasabihan na makipag-inuman sa kapitbahay. d. Makiki-usisa sa mga nag-iinuman.
- Kailangang dalhin ni MJ ang kanyang bunsong kapatid sa ospital dahil sa mataas nitong lagnat. Subalit walang ibang magdadala dahil nagtatrabaho ang kanyang mga magulang. Ano ang iyong gagawin?
a. Hihingi ng tulong sa mga kapitbahay na dalhin ang kanyang kapatid sa ospital. b. Hihintayin ang mga magulang na dumating bago ito dalhin sa ospital. c. Hahayaan na lamang dahil mamaya’t maya’y gagaling naman ito. d. Hindi ko na pakikialaman dahil bawal ang lumabas ng bahay.
- Isang umaga ay nakasalubong ni Mabel ang kanyang kaibigan na nasa labas at naglalaro. Hindi alam ng kanyang kaibigan na bawal lumabas dahil wala silang telebisyon o radyo. Ano ang dapat mong sabihin?
a. Namnam, diyan ka lang sa labas at maglaro. b. Tawagin mo ang iba nating kasamahan at maglaro tayo ng tumbang preso. c. Alam mo bang pinagbabawalan lumabas ang sinuman sa kani-kanilang bahay dahil sa kumakalat na sakit? Kailangan nating pumasok sa loob. d. Lalabas ako at makikipaglaro.
B. Panuto
B.Panuto: Ipagpatuloy ang pagsasanay. Basahin ang sitwasyon sa bawat bilang. Ibigay ang kahalagahan ng media na tinutukoy sa bawat isa. Piliin sa kahon at isulat sa inyong papel ang letra ng sagot.
a. Nagbibigay-impormasyon b. Nagbibigay-aliw c. Nanghihikayat
_______ 1. Narinig ni Mang Juan na may pagpupulong na gaganapin sa kanilang barangay tungkol sa pagpapatupad ng kalinisan. Agad siyang naghanda para makilahok sa pagpupulong.
_______ 2. Nakaharap ang pamilya ni Aling Rosa sa telebisyon at pinapanood ang paboritong teleseryeng pambata.
_______ 3. Nanunuod si Jorryn at Boggs ng nakakaaliw na video sa youtube tungkol sa batang magaling magluto.
Isaisip
A. Isiping mabuti at punan ang mga patlang.
Mahalagang may malawak na kaalaman ang isang tao tungkol sa isang isyu bago siya magpahayag ng opinyon upang _________________________.
Sa pagpapahayag ng reaksyon, maaaring masagot mo ito ayon sa iyong nararamdaman. Maaari itong positibo o negatibong reaksyon. Kung kaya’t _________________________bago magpahayag o sumagot, pasulat man, interbyu o sa facebook.
Isiping mabuti…
B. Panuto
B.Panuto: Matapos mong mapag-aralan ang media, buoin ang crossword puzzle upang matiyak na naunawaan mo na ang aralin.
[chart: crossword puzzle grid; cells numbered 1 through 6 (1 across, 2 across, 3 down, 4 down, 5 down, 6 across); the clues are on the next page]
Isagawa
Upang lubos na iyong maunawaan ang araling ito tungkol sa pagpapahayag ng iyong sariling opinyon o reaksyon sa mga nabasa o napakinggang isyu.
Pahalang at Pababa clues (crossword):
| PAHALANG | PABABA | ||
|---|---|---|---|
| 1 | Ito ay makabagong teknolohiya na mapagkukunan ng impormasyon gamit ang website na nagbibigay impormasyon tungkol sa balita, pang-aliw at panghikayat | 3 | Pinagsama-samang mga nailimbag na salita sa papel. Kadalasan maraming pahina ito na nagtataglay ng maraming impormasyon, ideya o kuwento. |
| 2 | Isang sistemang pangtelekomunikasyon para sa pagpapahayag at pagtanggap ng mga gumagalaw na mga larawan | 4 | Naglalaman ng maraming artikulo kalimitang pinopondohan ng mga palatastas |
| 6 | Isang sistemang pangtelekomunikasyon para sa pagpapahayag ng tunog sa kalayuan | 5 | Naglalaman ng mga nakalimbag na balita, impormasyon o patalastas |
A. Isagawa ang mga gawain sa ibaba
Narito ang usapan ni Ej at Thrisha kung paano nila ipahayag ang kanilang mga opinyon tungkol sa nasabing isyu.
Basahin mo.
Ej: “Thrisha, napanood mo ba yung balita kagabi?”
Thrisha: “Hindi. Ano ba ‘yon?”
Ej: “Alam mo bang mas tumataas ang bilang ng mga namatay dahil sa virus o sakit na Covid ?”
Thrisha: “Ganun ba? Nakakalungkot namang isipin.”
Ej: “Oo. Kaya naman mahigpit na ipinag-uutos ng mga awtoridad na huwag nang lumabas ng bahay ang mga mamamayan para sa kanilang kaligtasan.”
Thrisha: “Mukhang mabuti at maganda ang naging paraan ng mga sinabi mo. Ang masasabi ko ay mas makakaiwas tayo sa anumang sakit na maaaring dumapo sa atin.”
Ej: “Tama ka diyan, Thrisha. Naniniwala rin akong mas mabuti nang sumunod sa utos ng awtoridad lalong-lalo na kung para ito sa ikabubuti ng sitwasyon at ng lahat ng mga tao.”
Tungkol saan ang pinag-usapan nila Ej at Thrisha?
Ibigay ang ipinahayag na opinyon o reaksyon ni Thrisha tungkol sa ibinalita sa kanya ni Ej?
B. Panuto
B.Panuto: Iguhit sa inyong papel ang sumusunod na midya na nagpapalabas at naghahatid ng impormasyon o datos para, mabigyan ng impormasyon, aliw o mahiyakat ang mga manunood at mambabasa.
- dyaryo 2. magasin 3. telebisyon 4. radyo 5. internet
Malugod kitang binabati at naiguhit mo ng maayos. Tingnan ang tamang larawan sa pahina ng susi sa pagwawasto sa pahina 22.
Tayahin
Hanggang saan aabot ang iyong mga natutuhan sa araling ito? Alamin natin at muli mong subukin ang iyong kakayahan.
Ipinatupad ng pamahalaan ng Lungsod ng Iriga ang tamang pagtatapon ng basura noong Nobyembre 16, 2019.
Dinaluhan ito ng iba’tibang departamento ng lungsod. Layunin nito na ipaalam sa mga mamamayan ang tatlong uri ng basura at ang tamang paraan ng pagtapon nito.
Gabay na mga tanong:
Tungkol saan ang balita?
a. Ang balita ay tungkol sa Lungsod ng Iriga
b. Tungkol sa pagdalo ang balita
c. Ang balita ay tungkol sa tamang pagtatapon ng basura
d. Ang balita ay tungkol sa mamamayanSino ang nagpatupad ng tamang pagtatapon ng basura?
a. Lungsod ng Maynila
b. Lungsod ng Naga
c. Lungsod Makati
d. Lungsod IrigaSino-sino ang dumalo dumalo sa pagpapatupad ng tamang pagtatapon ng basura?
a. Departamento ng Agrikultura
b. Departamento ng Edukasyon
c. Isang Departamento
d. Iba’t ibang DepartamentoAno ang layunin ng pagpapatupad ng Lungsod?
a. Ipaalam sa mga mamamayan ang tatlong uri ng basura at ang tamang paraan ng pagtapon nito.
b. Ipaalam sa mamayan ang dalawang uri ng basura at tamang pagtatapon nito.
c. Ipaalam sa mga piling mamamayan ang tatlong uri ng basura at ang tamang pagtatapon nito.
d. Ipaalam sa mamamayan na bahala na sila sa tamang pagpapatupad sa pagtatapon ng basura.Ilang uri mayroon ang basura?
a. isa
b. dalawa
c. tatlo
d. apat
B. Panuto
B. Panuto: Basahin mabuti ang balita na nasa kahon. Pagkatapos, ibahagi mo ang iyong mga naging karanasan o pangyayari, reaksyon o opinyon sa pamamagitan nang pagsulat o pagbuo ng isang liham. Gamitin ang rubrik sa pagsulat sa pahina 22.
(Pamuhatan)
(Bating Panimula)
_____________ Katawan ng Liham ______________
(Bating pangwakas)
(Lagda)
Bilib na talaga ako sa iyo. Nasagutan mo lahat na pagsubok. Iwasto mo ang iyong mga kasagutan sa pahina 22.
Anong naramdaman mo matapos malaman ang resulta ng iyong pagsisikap? [illustration: three faces, sad, happy, and neutral]
Karagdagang Gawain
A. Panuto
A.Panuto: Sumulat ng isang liham para sa iyong guro at ibahagi mo ang iyong karanasan tungkol sa mga Gawain sa panahong lockdown. Gamitin ang rubrik sa pahina 22.
[illustration: blank sheet of paper pinned to a board, with a cartoon teacher gesturing toward it, for writing the letter]
RUBRIK
| Elemento | 5 (Napakagaling) | 4 (Magaling na) | 3 (Magaling) | 2 (Katamtaman) | 1 (Sanayin pa) |
|---|---|---|---|---|---|
| Malinaw ang gustong pahayag | |||||
| May mga sumusuporta ang detalye | |||||
| Nakapagbigay ng epektibong opinyon | |||||
| Nakapagbigay ng epektibong reaksyon | |||||
| Oras ng pagtapos sa gawain |
B. Panuto: Mula sa patalastas at anunsyo ng kagawaran ng kalusugan ng iyong napakinggan sa TV, Youtube at iba pa, gumawa ka ng poster tungkol sa tamang paghuhugas ng kamay. Gawin ito sa isang bondpaper.
Poster
Matapos mong gawin, gamitin ang rubriks na inihanda upang maisaayos ito sa tulong ng iyong magulang o kapatid.
Para matandaan mo ang araling ito tungkol sa kahalagahan ng media, gawin ang sumusunod na gawain:
RUBRIK
| Elemento | 5 (Napaka galing) | 4 (Magaling na Magaling) | 3 (Magaling) | 2 (Katamtaman) | 1 (Sanayin pa) |
|---|---|---|---|---|---|
| Malinaw ang pagkakaguhit | |||||
| Maymga sumusuportang detalye tungkol sa guhit | |||||
| Napagbigay ng malinaw na ideya ang guhit . | |||||
| Nakapagbigay ng konsepto sa guhit | |||||
| Oras ng pagtapos sa gawain | |||||
| KABUOAN |
[illustration: teacher character gesturing beside a speech bubble]
Malugod na pagbati! Napagtagumapayan mo ang mga gawain sa modyul na ito. Maari ka nang magpatuloy sa susunod na modyul.
Susi sa Pagwawasto
Subukin
A.
- A
- B
- A
- B
- A
B.
- A
- B
- C
- B
- A
Balikan
A.
- [illustration: filled star]
- [illustration: downward-pointing triangle]
- [illustration: downward-pointing triangle]
- [illustration: filled star]
- [illustration: downward-pointing triangle]
- [illustration: filled star]
[transcriber’s note: the answers for Balikan are printed as symbols, not letters or words]
Tuklasin
A.
- Tungkol sa nakamamatay at nakakahawang sakit.
- Coronavirus
- Mataas na lagnat, pag-ubo, at hirap sa paghinga.
- Manood at makinig sa balita sa radyo at TV.
B.
- A
- B
- D
- E
- C
Suriin
A.
- O
- O
- O
- R
- O
B.
- a
- c
- b
C.
- a
- c
- c
Pagyamanin
A.
- A
- B
- B
- A
- C
B.
- c
- b
- b
Isaisip
A.
- Upang hindi magkakamali sa ibibigay na reaksiyon
- isiping mabuti.
B. Pahalang
- internet
- telebisyon
- radyo
Pababa
- aklat
- magasin
- dyaryo
Isagawa
A.
- Balita sa radyo
- Nakakalungkot isipin, dapatmaging maingat at sumunod s autos ng awtoridad para sa ikabubuti ng nakararami.
B. Pagguhit
Tayahin
A.
- C
- D
- D
- A
- C
B. Pagsulat ng Liham ng mga bata
Karagdagang Gawain
A. Paggawa ng liham ng mga bata
B. Paggawa ng poster
Sanggunian
Dulay, M,. (2017). Mga Pahayag Sa Pagbibigay Ng Sariling Pananaw. Hinango sa: https://www.scribd.com/presentation/355625373/Mga-Pahayag-Sa-Pagbibigay-Ng-Sariling-Pananaw
Kontekstuwalisadong Banghay-Aralin Sa Filipino, Baitang 4, Kwarter I, pp.73-78
ABS-CBN News., (2020). 1 June 2020, Hinango sa: https://news.abscbn.com/news/05/17/20/ambo-humina-bilang low-pressure-area
Kontekstuwalisadong Banghay-Aralin sa Filipino, Baitang 4, Unang Kwarter, Linggo 5, Araw 4, pahina 111-114.
Division Memo (May 13, 2020), Unnumbered, “Oplan Gawa Modyul para sa mga Bata”, Lungsod ng Iriga
Para sa mga katanungan o puna, sumulat o tumawag sa:
Department of Education – Bureau of Learning Resources (DepEd-BLR)
Ground Floor, Bonifacio Bldg., DepEd Complex Meralco Avenue, Pasig City, Philippines 1600
Telefax: (632) 8634-1072; 8634-1054; 8631-4985
Email Address: blr.lrqad@deped.gov.ph * blr.lrpd@deped.gov.ph
Leave a Reply