This is the Edukasyong Pangkalusugan (Health) self-learning module for Grade 4, Quarter 1, Module 3: “Pagkain: Tiyaking Tama at Ligtas Bago Kainin” (food: make sure it is right and safe before eating). It is written in Filipino for Grade 4 learners studying at home with a parent or guardian. After the module, learners can describe ways to keep food clean and safe and explain why this helps prevent illness.
The module was prepared by DepEd Region V as an Alternative Delivery Mode (ADM) material, first edition, 2020.
On this page 7 sections
What learners will learn
The module lists two learning objectives:
- Describe ways to keep food clean and safe (Nakapaglalarawan ng mga paraan upang mapanatiling malinis at ligtas ang pagkain) (H4N-Ifg-26)
- Discuss why keeping food clean and safe matters in preventing illness (Natatalakay ang kahalagahan ng pagpapanatili ng malinis at ligtas na pagkain upang makaiwas sa sakit) (H4N-Ihi-27)
Lessons in this module
- Aralin 1: Mga Paraan Upang Mapanatiling Malinis at Ligtas ang Pagkain (ways to keep food clean and safe). Learners read a story and learn the Food Safety Principles for buying, preparing, cooking, and storing food.
- Aralin 2: Kahalagahan ng Pagpapanatili ng Malinis at Ligtas na Pagkain Upang Makaiwas sa Sakit (why clean and safe food prevents illness). Learners connect food hygiene to avoiding diseases caused by bacteria, viruses, and parasites.
The story: Ang Paboritong Ulam ni Anita
Lesson 1 opens with the story “Ang Paboritong Ulam ni Anita” (Anita’s favorite dish). Anita and her father, Tatay Tonio, go to the market to buy ingredients for sinigang na baboy. They choose fresh pork and fresh okra, gabi, sitaw, and kangkong. At home, Anita helps prepare the meal, and her father explains each food safety step. After the family eats, he shows her how to store the leftovers.
Food Safety Principles in the module
The module summarizes these rules for keeping food clean and safe:
- Buy fresh ingredients. Choose fresh meat, vegetables, and fruits, and read food labels.
- Wash your hands for 20 seconds with soap before preparing food, and wash them again before eating.
- Wash meat and vegetables with clean tap water before cutting. Do not use soap on food. Washing removes dirt picked up at the market.
- Keep kitchen tools clean, such as the kaserola (pot) and sandok (ladle).
- Use two chopping boards (sangkalan), one for meat and one for vegetables, to avoid cross-contamination.
- Cook meat well. The module says to cook meat, especially pork, for about 45 minutes or until tender, to kill germs such as salmonella.
- Do not overcook. Eating burnt food is also bad for the body. Leafy vegetables only need blanching.
- Cover leftovers so insects that carry germs cannot land on them.
- Let food cool before refrigerating. Hot food put in the refrigerator can turn moist and spoil faster.
The right order for preparing a dish
The Isagawa activity in Lesson 1 asks learners to arrange the steps. Based on the answer key, the order is:
- Wash your hands.
- Wash the ingredients and utensils.
- Cut the meat and other ingredients.
- Cook the meat well.
- Put the cooked food in a clean container.
Why clean and safe food matters
Lesson 2 explains that food hygiene helps prevent diseases caused by bacteria, viruses, or parasites from dirty food preparation. It uses the slogan “Kalinisan sa Pagkain ay Tiyakin, Upang Sakit ay Maiwasan Natin!” (make sure food is clean so we can avoid illness). The concept map answers link clean food to avoiding illness, sure cleanliness, a clean environment, and safety from harm.
How to use this module
The module follows the usual self-learning module parts: Alamin, Subukin (pretest), then for each lesson Balikan, Tuklasin, Suriin, Pagyamanin, Isaisip, and Isagawa, followed by Tayahin (final test) and Karagdagang Gawain (extra activity).
- Learners: Start with the five-item true-or-false pretest. Then work through each lesson in order. Write all answers on a separate sheet of paper, not on the module. Check your work honestly with the answer key (Susi sa Pagwawasto) at the end.
- Parents and guardians: The activities involve real home tasks, like washing hands, cleaning ingredients, and storing leftovers. You can do these with your child in the kitchen. Help your child write a short paragraph on what they can do at home to keep food safe.
- Teachers: The Tayahin has five multiple-choice items plus a 5-point essay on why clean food matters. The extra activity asks learners to make a poem, poster, or slogan about food safety. The answer key notes that the teacher grades this output.
Learners should contact their teacher right away if they have trouble understanding the lessons.
Frequently asked questions
What grade and quarter is this Health module for?
It is for Grade 4, Quarter 1. It is Module 3 of Edukasyong Pangkalusugan (Health).
What competencies does the module cover?
It covers H4N-Ifg-26, describing ways to keep food clean and safe, and H4N-Ihi-27, discussing why clean and safe food prevents illness.
Does the module have an answer key?
Yes. The Susi sa Pagwawasto at the end gives answers for the pretest, the activities, and the final test of both lessons.
What is cross-contamination in this module?
It is the spread of germs from one food to another during preparation. The module says to use one chopping board for meat and another for vegetables to avoid it.
Why should leftovers not go into the refrigerator while still hot?
The module explains that hot food placed in the refrigerator can become moist, and this causes it to spoil. Cover the leftovers and let them cool first.
Full text of the module
The text below is a transcription of the PDF above, as printed.
Edukasyong Pangkalusugan Kwarter 1 – Modyul 3: Pagkain: Tiyaking Tama at Ligtas Bago Kainin
[illustration: group of students reading, studying, and holding a globe, with a lantern and a boy writing on paper]
Pag-aari ng Pamahalaan. Hindi ipinagbibili.
CO_Q1_Health 4_Module 3
Edukasyong Pangkalusugan – Ikaapat na Baitang Alternative Delivery Mode Kwarter 1 – Modyul 3: Pagkain: Tiyaking Tama at Ligtas Bago Kainin Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.
Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio
Inilimbag sa Pilipinas ng ________________________
Department of Education – Region V
Office Address: Regional Center Site, Rawis, Legazpi City 4500 Telefax: 0917 178 1288 E-mail Address: region5@deped.gov.ph
Bumuo sa Pagsusulat ng Modyul
Manunulat: Lexie N. Barra Editor: Renato B. Gallenito Tagasuri: Cynthia T. Montañez Tagaguhit: Emma N. Malapo Tagalapat: Anthony C. Vista Tagapamahala: Regional Director: Gilbert T. Sadsad CLMD Chief: Francisco B. Bulalacao, Jr. Regional EPS In Charge of LRMS: Grace U. Rabelas Regional ADM Coordinator: Ma. Leilani R. Lorico CID Chief: Jerson V. Toralde Division EPS In Charge of LRMS: Belen B. Pili Division ADM Coordinator: Cynthia T. Montañez
Edukasyong Pangkalusugan
Kwarter 1 – Modyul 3: Pagkain: Tiyaking Tama at Ligtas Bago Kainin
Paunang Salita
Ang Self-learning Module o SLM ito ay maingat na inihanda para sa ating mag-aaral so kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.
Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.
Ito ay may kalakip na paunang pagsusulit upang masukat ang nalalaman ng mag-aaral mna may kinalaman sa inihandang aralin. Ito ang magsasabi kung kailangan ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.
Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahn ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.
Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.
Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.
Alamin
[illustration: target icon]
Isang ligtas at masayang araw muli sa iyo kaibigan!
Alam mo bang mahalagang mapanatili ang kalinisan at kaligtasan ng mga pagkain upang makaiwas sa sakit? Kung hahayaan nating marumi o hindi ligtas ang ating pagkain, maaaring makakuha tayo ng mga sakit.
Ang modyul na ito ay naglalaman ng dalawang aralin: Aralin 1: Mga Paraan Upang Mapanatiling Malinis at Ligtas ang Pagkain Aralin 2: Kahalagahan ng Pagpapanatili ng Malinis at Ligtas na Pagkain Upang Makaiwas sa Sakit
Layunin ng modyul na ito ang mga sumusunod;
- Nakapaglalarawan ng mga paraan upang mapanatiling malinis at ligtas ang pagkain (H4N-Ifg-26); at
- Natatalakay ang kahalagahan ng pagpapanatili ng malinis at ligtas na pagkain upang makaiwas sa sakit (H4N-Ihi-27).
Subukin
[illustration: pencil icon]
Ano na ang alam mo? Subukin muna natin kung hanggang saan na ang alam mo. Isulat sa sagutang papel ang T kung tama ang sinasabi ng pangungusap at M kung mali.
- Magkakapareho ang mga paraan ng pag-iimbak ng pagkain at inumin.
- Hugasan at linisin ng mabuti ang mga sangkap at kagamitang gagamitin sa paghahanda ng pagkain.
- Takpan nang maayos ang mga pagkaing binili upang huwag dapuan ng mga mikrobyong maaring magdulot ng sakit.
- Ilagay ang nilutong pagkain sa refrigerator habang mainit pa ang mga ito.
- Mahalaga ang pagpapanatiling malinis ng mga pagkain upang maiwasan ang sakit.
Tingnan ang tamang sagot sa pahina 18. Ilan ang nakuha mo? Magaling kung nakuha mo lahat ng tamang sagot. Ayos lang kung hindi mo nakuha lahat dahil mas lilinangin pa natin ang iyong kaalaman sa pagpapatuloy mo sa modyul na ito.
Aralin 1: Mga Paraan Upang Mapanatiling Malinis at Ligtas ang Pagkain
Ang pagkain ay dapat siguraduhing malinis at ligtas bago ito kainin. May mga alituntunin na dapat sundin sa paghahanda ng pagkain upang masigurong malinis at ligtas ito. Sa araling ito, matututunan mo ang mga Food Safety Principles na dapat isaalang-alang upang mapanatiling malinis at ligtas ang pagkain.
Balikan
[illustration: puzzle icon]
Food Bingo!
Alin sa mga nakasulat sa kahon ang ginagawa mo? Isulat sa iyong sagutang papel ang iyong sagot.
| FOOD BINGO | ||
|---|---|---|
| Naghuhugas ng kamay bago maghanda ng pagkain | Mahilig kumain ng gulay | Umiinom ng gatas araw-araw |
| Tumutulong sa pagluluto sa bahay | Sinisigurong malinis ang mga gamit at paligid | Hinuhugasan ang mga sangkap bago lutuin |
| Hinuhugasan ang mga gamit at pinagkainan | Nililinis ang lugar na pinaggawaan pagkatapos maghanda | Inilalagay ang pagkain sa refrigerator kung kinakailangan |
Ginagawa mo ba lahat ang mga gawaing nabanggit? Isa kang magaling na bata na may pakialam sa iyong sarili at kalusugan kung ginagawa mo lahat. Ayos lang kung hindi mo nagagawa. Puwede ka pa namang magbago at pagsumikapang magawa ang lahat.
Tuklasin
[illustration: sprouting plant icon]
Ano-ano ang dapat tandaan sa pamimili ng pagkain? Ano-ano ang dapat gawin sa paghahanda ng pagkain? Bakit kailangang siguruhing maayos at malinis ang paghahanda ng pagkain? Basahin ang sumunod na kuwento upang malaman mo.
Ang Paboritong Ulam ni Anita
Isang umaga, pumunta sa palengke si Anita kasama ang kanyang Tatay Tonio. Mamimili sila ng uulamin para sa tanghalian.
“Ano kaya ang masarap na ulam?” tanong ni Tatay Tonio.
“Sinigang na baboy!” ang mabilis na sagot ni Anita. Paborito niya ang sinigang na baboy na may halong gabi at mga gulay.
Pumunta sila sa tindahan ng karneng baboy. Siniguro ni Tatay Tonio na sariwang baboy ang kanilang mabibili. Pagkatapos, pumunta naman sila sa tindahan ng mga gulay. Pinili nila ang mga sariwang okra, gabi, sitaw, at kangkong. Bumili rin sila ng mga rekado at iba pang pampalasa.
[illustration: Tatay Tonio, Anita, and a child carrying fresh ingredients home from the market]
Umuwi sina Tatay Tonio at Anita dala ang mga sariwang sangkap ng kanyang paboritong ulam.
“Tutulong po ako sa paghahanda ng paborito kong ulam,” alok ni Anita sa kanyang ama.
“Oo, naman. Puwede mo akong tulungan para makaluto tayo agad’” sagot ni Tatay Tonio.
“Ano po ang una kong gagawin sa paghahanda ng ulam?” tanong ni Anita.
“Maghugas ka muna ng kamay mo,” sagot ni Tatay Tonio. “Dapat malinis ang ating kamay kung maghahanda ng pagkain,” dagdag pa niya.
Dali-daling naglinis ng kamay si Anita. Dalawampung segundong hinugasan ni Anita ang kanyang kamay gamit ang sabon na turo ng kanyang Tatay Tonio.
“Iyan! Malinis na po ang mga kamay ko! Maaari na nating simulan ang paghahanda,” natutuwang sabi ni Anita.
“Tulungan mo ako rito. Hugasan mo ang karne at mga gulay gamit ang malinis na tubig mula sa gripo. Huwag kang gumamit ng sabon,” ang bilin ni Tatay Tonio.
“Hinuhugasan ang karne at mga gulay upang maalis ang mga dumi na maaaring nakuha nito sa palengke,” dagdag ni Tatay Tonio.
Hinugasan nang maayos ni Anita ang karne at mga gulay. “Sa wakas! Maaari na tayong magluto,” wika ni Anita.
“Ano-ano po ang kailangan sa pagluluto?” tanong ni Anita.
“Siguraduhin mong malinis ang mga kagamitang pangkusina tulad ng kaserola, sandok, at iba pa. Kailangan ang pagkakaroon ng dalawang uri ng sangkalan, para sa mga meat products at isa para sa mga gulay upang maiwasan ang “cross-contamination” sa paghahanda ng pagkain,” paliwanag ni Tatay Tonio.
“Itay, hihiwain ko na po ba ang karne at gulay?” tanong ni Anita.
“Ako na ang maghihiwa at baka masugatan ka. Pakiabot mo na lang sa akin ang mga kailangan natin,” pakiusap ng ama.
“Matagal ba dapat lutuin ang karne?” tanong ni Anita.
“Dapat lutuin ang karne sa loob ng 45 minuto, lalo na ang baboy, upang mamatay ang mga mikrobyong maaaring nasa loob ng katawan nito tulad ng salmonella at iba pa o kaya’y hintaying lumambot ang karne,” sagot ni Tatay Tonio.
“Sa kabilang banda, hindi naman maaari na sobrang patagalin ang pagluluto dahil ang pagkain ng sunog na pagkain ay masama rin sa katawan. Ang mga gulay na sariwa ay maaaring i-halfcooked na at ang mga dahon nama’y blanched lamang,” dagdag na paliwanag ni Tatay Tonio.
“Sa wakas! Luto na ang ulam! Wow kakain na kami!” natutuwang wika ni Anita.
“Oops! Ano nga ulit ang dapat gawin bago kumain?” tanong ng kanyang ama.
“Maghugas po ng kamay,” sagot ni Anita.
Tinawag niya ang kanyang nanay na noo’y naglalaba. Tinawag rin niya ang kanyang mga kapatid na naglalaro. Samasamang nagdasal at kumain ang buong pamilya.
“Ang sarap ng sinigang! Naku may natira pang pagkain. Itatapon ko na kaya ito? Saan ko ito ilalagay?” tanong ni Anita.
“Takpan mo ang tirang pagkain upang hindi dapuan ng mga insekto na maaaring magdala ng mga mikrobyong nagdudulot ng sakit. Kung hindi na mainit, maaaring ilagay mo na sa loob ng refrigerator para hindi mapanis. Kung ilalagay sa refrigerator habang mainit pa, maaari itong magtubig na magiging dahilan ng pagkapanis,” paliwanag ni Tatay Tonio.
Sinunod naman ni Anita ang lahat ng bilin ng kanyang ama.
Batay sa kuwento, sagutin mo ang sumusunod na tanong.
- Tungkol saan ang kuwento?
- Ano-ano ang iyong natutuhan mula rito?
- Ano-ano ang mga paraan ng pagpapanatiling ligtas at malinis ng mga pagkain? Itala sa loob ng kahon ang mga ito.
Suriin
Ang Food Safety Principles ay naglalaman ng mga alituntunin upang mapanatiling malinis at ligtas ang pagkain. Ilan sa mga dapat tandaan natin ay ang sumusunod:
Hugasan ang kamay ng dalawampung segundo gamit ang sabon. Dapat malinis ang ating kamay kung maghahanda ng pagkain.
Hugasan ang karne at mga gulay gamit ang malinis na tubig bago hiwain.
Siguraduhing malinis ang mga kagamitang pangkusina tulad ng kaserola, sandok, at iba pa.
Dapat may dalawang uri ng sangkalan, para sa mga meat products at isa para sa mga gulay upang maiwasan ang “cross-contamination” sa paghahanda ng pagkain.
Lutuin ang karne sa loob ng 45 minuto, lalo na ang baboy, upang mamatay ang mga mikrobyong maaaring nasa loob ng katawan nito tulad ng salmonella at iba pa o kaya’y hintaying lumambot ang karne.
Hindi maaaring sobrang patagalin ang pagluluto dahil ang pagkain ng sunog na pagkain ay masama sa katawan. Ang mga gulay na sariwa ay maaaring i-halfcooked at ang mga dahon nama’y blanched lamang.
Takpan mo ang tirang pagkain upang hindi dapuan ng mga insekto na maaaring magdala ng mga mikrobyong nagdudulot ng sakit. Kung hindi na mainit, maaaring ilagay mo na sa loob ng refrigerator para hindi mapanis. Kung ilalagay sa refrigerator habang mainit pa, maaaring magtubig na magiging dahilan ng pagkapanis.
Pagyamanin
Gawain 1. Picture Perfect
Pag-aralan ang mga larawan. Sumulat ng pangungusap batay sa larawan na nagsasabi kung paano pananatilihing malinis at ligtas ang pagkain. Ipaliwanag ito.
[illustration: four numbered pictures of people handling and preparing food]
1 2 3 4
[illustration: four numbered pictures of people handling and preparing food, numbered 5 to 8]
5 6 7 8
Gawain 2. Ano ang dapat kong gawin?
Punan ng angkop na salita ang mga patlang upang mabuo ang mga gawaing pangkaligtasan sa pagkain.
- Upang mapanatiling ligtas ang pagkaing, tiyaking _____ ito. Sa pagbili sa palengke piliin ang mga _____ prutas, gulay at karne. _____ ang mga food labels. _____ ang mga sangkap at kagamitan na gagamitin sa paghahanda ng pagkain. Lutuin nang mabuti upang matiyak na mamamatay ang mikrobyo.
- Maaaring _____ ang pagkain upang hindi dapuan ng mga insekto na maaaring magdala ng mga _____ nagdudulot ng sakit. Kung ito ay hindi na mainit, maaaring ilagay sa loob ng _____para hindi mapanis. Kung ilalagay sa refrigerator/cooler habang mainit pa, maaari itong magtubig (moist) na maaaring maging dahilan ng _____.
Isaisip
Ano-ano ang mga paraan ng pagpapanatiling ligtas at malinis ng mga pagkain? Itala sa loob ng kahon ang mga ito.
| Mga Paraan ng Pagpapanatiling Ligtas at Malinis ng mga Pagkain |
|---|
| 1. |
| 2. |
| 3. |
| 4. |
| 5. |
| 6. |
| 7. |
| 8. |
Isagawa
Wastong Pagkakasunod-sunod
Basahin ang pangungusap at ayusin ayon sa wastong pagkakasunod-sunod nito.
Gamitin ang mga letrang A-E para sa pagtatanda.
Mga tamang gawain sa paghahanda ng ulam:
_______1. Hugasan ang mga sangkap at kagamitan na gagamitin.
_______2. Maghugas ng kamay.
_______3. Ilagay ang nilutong pagkain sa malinis na lalagyan.
_______4. Hiwain ang karne at iba pang mga sangkap sa pagkain.
_______5. Lutuing mabuti ang karne.
Aralin 2 Kahalagahan ng Pagpapanatili ng Malinis at Ligtas na Pagkain
Ang siguruhing malinis at ligtas ang pagkain ay napakahalagang gawain upang makaiwas sa sakit. Sa araling ito, mas palalalimin pa natin ang iyong kaalaman kung bakit nga ba kailangang mapanatiling malinis at ligtas ang pagkain.
Balikan
Alin sa mga sumusunod na gawain ang mga paraan upang mapanatiling malinis at ligtas ang pagkain? Lagyan ng tsek (/) ang mga ito.
_____ 1. Hugasan nang mabuti ang mga gulay bago hiwain.
_____ 2. Hayaang nakatiwangwang ang mga tirang pagkain.
_____ 3. Maghugas ng kamay bago maghanda ng pagkain.
_____ 4. I-halfcooked ang karne.
_____ 5. Ilagay ang tirang pagkain sa refrigerator kahit mainit pa ito.
_____ 6. Ilagay sa malinis na lalagyan ang pagkain.
_____ 7. Hugasang mabuti ang mga ginamit sa paghahanda ng pagkain.
_____ 8. Itapon o iligpit nang maayos ang mga tira ng pinagkainan.
_____ 9. Gumamit ng isang sangkalan para sa paghihiwa ng mga gulay at karne.
_____ 10. Linisin ang lugar na pinaghahandaan ng pagkain pagkatapos magluto.
Tuklasin
Basahin ang sumusunod na islogan at sagutin ang mga tanong sa ibaba.
Kalinisan sa Pagkain ay Tiyakin, Upang Sakit ay Maiwasan Natin!
- Ano ang ibig ipahiwatig ng islogan?
- Bakit kailangang siguraduhing malinis at ligtas ang pagkain?
Suriin
Ang mga gawaing pangkalinisan pagdating sa pagkain ay makatutulong upang maiwasan ang mga sakit na dala ng bacteria, viruses, o parasites dala ng maruming paghahanda ng pagkain.
Nararapat lamang na sundin ang mga Food Safety Principles upang masigurong malinis at ligtas ang pagkain at maiwasan ang mga sakit.
Pagyamanin
Gawain 1. Ano ang mangyayari?
Tingnan ang mga larawan. Ano kaya ang mangyayari kung hindi ito gagawin nang tama? Sumulat ng isang talata na maaaring mangyari kung hindi gagawin ang mga ipinapakita sa larawan.
[illustration: eight numbered-by-position drawings of children doing food-handling tasks: washing food at a sink, covering a bowl with a net, washing hands at a faucet, mixing food in a bowl, cutting or preparing food at a table, pouring from a container into a bowl, washing dishes, and carrying a basket of food]
Isaisip
Ano ang kahalagahan ng pagpapanatili ng malinis at ligtas na pagkain? Buoin ang concept map. Magbigay ng mga salita o parirala kaunay sa konsepto ng aralin.
[chart: concept map; Kahalagahan ng Pagpapanatili ng Malinis at Ligtas na Pagkain]
- Center: Kahalagahan ng Pagpapanatili ng Malinis at Ligtas na Pagkain
- Top circle: (blank)
- Right circle: (blank)
- Bottom circle: (blank)
- Left circle: (blank)
Isagawa
Mahalaga ang pagpapanatili ng kalinisan at kaligtasan sa paghahanda ng pagkain. Bilang isang mag-aaral, ano-ano ang mga kaya mong gawin sa loob ng inyong tahanan upang masigurong malinis at ligtas ang inyong pagkain? Sumulat ng isang talata ukol dito.
Tayahin
A. Piliin ang letra ng tamang sagot. Isulat ang sagot sa iyong sagutang papel.
Alin sa mga sumusunod ang HINDI tamang gawain sa mga pinamiling prutas, gulay at karne galing sa palengke?
a. Hugasan bago hiwain ang mga gulay.
b. Hiwain bago hugasan ang mga gulay.
c. Hugasan ang karne bago ilagay sa freezer.
d. Hugasan ang mga prutas bago ito kainin.Tingnan ang mga larawan sa kahon. Alin ang nagpapakita ng tamang paghahanda ng pagkain?
a. [illustration: a person cooking food over a stove with food on a table]
b. [illustration: a girl preparing food on a table with a bowl]
c. [illustration: a girl washing food at a sink with a basket]
d. [illustration: a boy arranging food on a tray]Bakit mahalagang itago ang tirang pagkain pagkatapos kainin?
a. Upang maging masarap
b. Upang maging malamig
c. Upang kainin sa susunod na araw
d. Upang hindi masira at magapangan ng isektoPaano mapananatiling malinis ang pagkain?
a. Mag-spray ng insecticide upang hindi dapuan ng insekto.
b. Pabayaan lang sa mesa ang pagkain.
c. Lagyan ng takip ang natirang pagkain.
d. Maglagay ng flower vase sa mesa upang hindi dapuan ng langaw.Alin ang HINDI dapat gawin upang makaiwas sa mga sakit na dulot ng maruming pagkain?
a. Kumain ng naaayon sa food pyramid
b. Uminom ng gatas sa umaga at sa gabi
c. Kumain ng prutas at gulay araw-araw
d. Kumain sa maruruming lugar.
B. Ipaliwanag ang kahalagahan ng malinis at ligtas na pagkain. (5 puntos)
Karagdagang Gawain
Gumawa ng tula, poster, o islogan na may mensaheng humihikayat sa mga tao lalo na ng batang tulad mo na gawin ang mga paraan ng pagpapanatiling ligtas at malinis ng mga pagkain upang makaiwas sa mga sakit.
Susi sa Pagwawasto
[transcriber’s note: this page is printed upside down; the text below is transcribed as read after rotating the page]
Aralin 1
Subukin
- M 2. T 3. T 4. M 5. T
Balikan
Depende ang sagot sa ginagawa ng mag-aaral.
Pagyamanin
Gawain 1
A. 1. Hugasan nang mabuti ang isda. 2. Takpan ang mga tirang pagkain. 3. Maghugas ng kamay bago maghanda ng pagkain. 4. Lutuing mabuti ang karne. 5. Ilagay ang tirang pagkain sa refrigerator. Siguraduhing hindi na ito mainit bago ilagay. 6. Ilagay sa malinis na lalagyan ang pagkain. 7. Hugasang mabuti ang mga ginamit sa paghahanda ng pagkain. 8. Itapon o iligpit nang maayos ang mga tira ng pinagkainan.
Gawain 2
- malinis, sariwang, Basahin, Hugasan
- takpan, mikrobyong, refrigerator, pagkapanis
Isaisip
- Bumili ng sariwang karne at gulay, mga rekado at pampalasa.
- Hugasan ang kamay ng dalawampung segundo gamit ang sabon. Dapat malinis ang kamay kung maghahanda ng pagkain.
- Hugasan ang karne at mga gulay gamit ang malinis na tubig bago hiwain.
- Siguraduhing malinis ang mga kagamitang pangkusina tulad ng kaserola, sandok, at iba pa.
- Dapat may dalawang uri ng sangkalan, para sa mga meat products at isa para sa mga gulay upang maiwasan ang “cross-contamination” sa paghahanda ng pagkain.
- Lutuin ang karne sa loob ng 45 minuto, lalo na ang baboy, upang mamatay ang mga mikrobyong maaaring nasa loob ng katawan nito tulad ng salmonella at iba pa o kaya’y hintaying lumambot ang karne.
- Hindi maaaring sobrang patagalin ang pagluluto dahil ang pagkain ng sunog na pagkain at ang halfcooked na ay masama sa katawan. Ang mga gulay na sariwa ay maaaring i-blanched lamang. [?]
- Takpan mo ang tirang pagkain upang hindi dapuan ng mga insekto na maaaring magdala ng mga mikrobyong nagdudulot ng sakit. Kung hindi na mainit, maaaring ilagay mo na sa loob ng refrigerator para hindi mapanis. Kung ilalagay sa refrigerator habang mainit pa, maaaring magtubig na magiging dahilan ng pagkapanis.
Isagawa
B, A, E, C, D
Aralin 2
Balikan
1, 3, 6, 7, 8, 10
Pagyamanin
Gawain 1
Kung hindi gagawin ang mga nasa larawan, maaaring magresulta ito sa pagkakaroon ng mga sakit.
Isaisip
[chart: concept map; Kahalagahan ng Pagpapanatili ng Malinis at Ligtas na Pagkain]
- Center: Kahalagahan ng Pagpapanatili ng Malinis at Ligtas na Pagkain
- Top circle: Ligtas sa kapahamakan [?]
- Right circle: Tiyak na kalinisan
- Bottom circle: Maiwasan ang sakit
- Left circle: Malinis na kapaligiran
Tayahin
A. 1. B 2. B 3. D 4. C 5. D
B. Mahalagang mapanatiling malinis at ligtas ang pagkain upang maiwasan ang mga sakit dulot ng maruming pagkain.
Karagdagang Gawain
Ang guro ang magbibigay ng kaukulang marka sa ginawang output ng mag-aaral.
Sanggunian
Kagawaran ng Edukasyon, Edukasyong Pangkatawan at Pangkalusugan Patnubay ng Guro, Book Media Press Inc.,2015
Kagawaran ng Edukasyon, Edukasyong Pangkatawan at Pangkalusugan Kagamitan ng Mag-aaral, Book Media Press Inc., 2015
Para sa mga katanungan o puna, sumulat o tumawag sa:
Department of Education – Bureau of Learning Resources (DepEd-BLR)
Ground Floor, Bonifacio Bldg., DepEd Complex Meralco Avenue, Pasig City, Philippines 1600
Telefax: (632) 8634-1072; 8634-1054; 8631-4985
Email Address: blr.lrqad@deped.gov.ph * blr.lrpd@deped.gov.ph
Leave a Reply