Pagbasa at Pagsusuri ng Iba’t Ibang Teksto Tungo sa Pananaliksik Q4 Module 5: Pagbuo ng Isang Maikling Pananaliksik sa mga Napapanahong Isyu

Senior High School Quarter 4 Module 5 on writing a short research paper on current issues: the four chapters of research, a sample study, and activities.

This is the Self-Learning Module (SLM) for Pagbasa at Pagsusuri ng Iba’t Ibang Teksto Tungo sa Pananaliksik, Senior High School, Ikaapat na Markahan (Quarter 4), Modyul 5: “Pagbuo ng Isang Maikling Pananaliksik sa mga Napapanahong Isyu” (writing a short research paper on current issues). It builds on the previous module and walks learners through each part of a research paper, with a full sample study, so they can write their own short research on a current issue in the country. It is part of DepEd’s Alternative Delivery Mode, first edition 2020, prepared by DepEd Region IV-A CALABARZON.

On this page 7 sections

What learners will learn

The module’s learning competency is:

  • Nakabubuo ng isang maikling pananaliksik na napapanahon ang paksa (writes a short research paper on a current topic) (F11EP – IVij)

By the end of the module, learners should be able to:

  • define research (pananaliksik);
  • explain why each part of a research paper matters; and
  • write a short research paper on a current topic.

What is pananaliksik?

The module quotes Susan B. Neuman (1997), as cited by Evasco et al. (2011) in “Saliksik: Gabay sa Pananaliksik sa Agham Panlipunan, Panitikan at Sining”: research is a way of finding answers to people’s specific questions about their society or surroundings. Research goes on because people keep trying to understand the events and changes around them, and along the way they discover new inventions and knowledge.

The parts of a research paper

The heart of the module (the Suriin section) explains the four chapters of a research paper. Each part comes with an example, mostly from one sample study on how Filipino teachers at the University of Rizal System accepted a designed rubric for grading selected Filipino tasks (school year 2014-2015).

Kabanata I: Ang Suliranin at ang Kaligiran Nito (the problem and its background)

  • Panimula o Introduksyon / Rasyunal (introduction or rationale): a short paragraph that answers “What is the topic about?” and “Why does it need to be studied?” The example is a rationale on information technology, describing how slow communication was before computers.
  • Paglalahad ng Suliranin (statement of the problem): the purpose of the study and its main problems, written as questions. The module calls this the focus or center of the study.
  • Kahulugan ng Katawagan (definition of terms): the meanings of key words used in the study, such as “batayan,” “guro,” and “kaalaman.”
  • Batayang Konseptwal (conceptual framework): the theory behind the study. The sample uses Thorndike’s Connectionism Theory and its Law of Effect.
  • Saklaw at Limitasyon (scope and limitations): how wide the study is and what it does not cover.

Kabanata II: Metodo ng Pananaliksik (research method)

  • Disenyo ng Pananaliksik (research design): the design used. The sample uses the descriptive method.
  • Respondente (respondents): the exact number of people who answered the survey questionnaire. The sample lists 21 teachers from eight campuses.
  • Instrumento (research instrument): the tool used, such as a questionnaire. The sample questionnaire rates the rubric from 5 to 1 under four categories: disenyo (design), kalinawan (clarity), kaangkupan (appropriateness), and kasapatan (adequacy).
  • Tritment ng mga Datos (treatment of data): the simple statistics used. The sample uses frequency and percentage for the respondents’ profile, and a mean with a Likert scale for the level of acceptance.

Kabanata III: Pagsusuri at Interpretasyon ng Datos (analysis and interpretation of data)

  • Pagsusuri (analysis): explaining what the data show. For example, 15 of the 21 respondents (71.43 percent) were women.
  • Interpretasyon (interpretation): the researcher’s own reading of what the results mean, shown with a summary table by sex and a sample conclusion.

Kabanata IV: Paglalahad ng Resulta ng Pananaliksik (presentation of results)

This chapter answers, one by one and clearly, each problem, question, or objective set at the start of the study. The sample summarizes the respondents’ profile and the rubric’s scores in each of the four categories.

Activities in the module

  • Balikan (review): explain how a concept paper relates to writing a research paper.
  • Tuklasin (explore): share your views on the debate over the Anti-Terror Bill: what might happen ten years from now if it is passed, and what the effect would be if it is not.
  • Pagyamanin (practice): list three research topics on current social issues that interest you, write three research problems for each topic, and explain a sample conceptual framework (input, process, and results).
  • Isaisip (reflect): answer three questions on why research is important and how it helps people’s lives.
  • Isagawa (apply): choose one topic and fill in a table with the parts of your research, from the topic and rationale to the research design and references. You have two weeks, and the work is scored out of 40 points: a current and useful topic, organized and clear information, unity of ideas, and references cited (10 points each). Then continue with Kabanata 3 and Kabanata 4.
  • Karagdagang Gawain (extra activity): give your recommendations on the problem of “Kawalan ng Disiplina ng mga Pilipino” (Filipinos’ lack of discipline).

How to use this module

  1. Start with the Subukin pretest (15 multiple-choice items) to see what you already know.
  2. Read the Suriin section slowly and study each example, since your own research will follow the same parts.
  3. Do the activities in order; each one builds a piece of your short research.
  4. Take the Tayahin post-test (15 items) and check your answers with the Susi sa Pagwawasto (answer key) at the end. Be honest in using it.

For learners: Write your answers on a separate sheet and do not write on the module. Before you give out your survey questionnaire, show it to your teacher for checking first. You may run the survey online or in person with your teacher’s guidance, and you may ask your Mathematics teachers for help with the statistics.

For parents and guardians: The module comes with a teacher’s or facilitator’s guide with tips for helping your child at home. Encourage your child to contact the teacher right away if a lesson is hard to understand.

For teachers: The pretest shows which learners need extra help. Plan time to check learners’ questionnaires before they collect data, and note the two-week timeline and the 40-point rubric for the Isagawa output.

Frequently asked questions

What grade and quarter is this module for?

It is a Senior High School module for Pagbasa at Pagsusuri ng Iba’t Ibang Teksto Tungo sa Pananaliksik, Quarter 4, Module 5. Its competency code, F11EP – IVij, belongs to Grade 11 Filipino.

What are the four chapters of a research paper in this module?

Kabanata I covers the problem and its background, Kabanata II the research method, Kabanata III the analysis and interpretation of data, and Kabanata IV the presentation of results.

Where is the statement of the problem found?

The paglalahad ng suliranin (statement of the problem) is in Kabanata I. It states the purpose of the study and its main problems in question form.

Does the module have an answer key?

Yes. The Susi sa Pagwawasto at the end gives the answers to the Subukin pretest and the Tayahin post-test.

How is the research output graded?

The Isagawa output is scored out of 40 points: 10 each for a current and useful topic, clear and organized parts, unity of ideas, and cited references. Learners have two weeks to do it.

Full text of the module

The text below is a transcription of the PDF above, as printed.

Pagbasa at Pagsusuri ng Iba’t ibang Teksto Tungo sa Pananaliksik

Senior High School

[illustration: teacher and students reading, studying, and working with a globe, a lamp, and books under a tree]

Ikaapat na Markahan – Modyul 5: Pagbuo ng Isang Maikling Pananaliksik sa mga Napapanahong Isyu

CO_Q4_PPIITTP_SHS Module 5

Pagbasa at Pagsusuri ng Iba’t Ibang Teksto Tungo sa Pananaliksik Alternative Delivery Mode Ikaapat na Markahan – Modyul 5: Pagbuo ng Isang Maikling Pananaliksik sa mga Napapanahong Isyu Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Princess R. Penueco; Mary Joy B. Elvira Editor: Pilita A. Villanueva Tagasuri: Elma H. Ilagan; Marissa O. Aguirre; Helen G. Magnaye; Ma. Gladys A. Delos Reyes Tagaguhit: Agnes Manaig Tagalapat: Reden M. Cruzado; Jasmin V. Facturanan Tagapamahala: Wilfredo E. Cabral; Francis Cesar B. Bringas; Job S. Zape Jr.; Eugenio S. Adrao; Ramonito O. Elumbaring; Elaine T. Balaogan; Fe M. Ong-ongowan; Lourdes T. Bermudes; Bernadette T. Luna; Alona A. Enzinares; Violeta I. Francisco; Regin Rex P. Tosco; Marissa O. Aguirre; Ednel A. Almoradie; Ma. Gladys A. Delos Reyes

Inilimbag sa Pilipinas ng ________________________ Department of Education – Region IV-A CALABARZON Office Address: Gate 2 Karangalan Village, Barangay San Isidro, Cainta, Rizal 1800 Telefax: 02-8682-5773/8684-4914/8647-7487 E-mail Address: region4a@deped.gov.ph

[transcriber’s note: this half-title page repeats the cover title, which is already transcribed on page 1]

Senior High School

Paunang Salita

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

Ang modyul na ito ay naglalaman ng pagtalakay sa kung paano makabuo ng isang maikling pananaliksik sa mga napapanahong isyu sa ating bansa. Ito ay may kaugnayan din sa napag-aralan mo sa naunang modyul. Makatutulong ito sa iyo upang lalo pang mapaunlad ang iyong kakayahan sa pagsulat ng pananaliksik.

Kasanayang Pampagkatuto:

  • Nakabubuo ng isang maikling pananaliksik na napapanahon ang paksa (F11EP – IVij)

Layunin:

  • Nabibigyang kahulugan ang pananaliksik,
  • Naipaliliwanag ang kahalagahan ng bawat bahagi nito, at
  • Nakasusulat ng isang maikling pananaliksik na napapanahon ang paksa.

Subukin

Basahin mabuti ang mga pahayag. Piliin ang letra ng tamang sagot at isulat ito sa iyong sagutang papel.

  1. Sa bahaging ito matatagpuan ang paglalahad ng suliranin.

    • A. Kabanata I
    • B. Kabanata II
    • C. Kabanata III
    • D. Kabanata IV
  2. Binibigyang kahulugan dito ang mga salitang mahalaga o pili na ginagamit sa pananaliksik.

    • A. instrumento
    • B.kahulugan ng katawagan
    • C. rasyunal
    • D. saklaw at limitasyon
  3. Nakalatag dito ang teoryang pinagbatayan ng pag-aaral.

    • A. batayang konseptwal
    • B. disenyo ng pananaliksik
    • C. interpretasyon
    • D. respondent
  4. Sa bahaging ito matatagpuan ang interpretasyon ng kinalabasan ng pag-aaral.

    • A. Kabanata I
    • B. Kabanata II
    • C. Kabanata III
    • D. Kabanata IV
  5. Inilalahad dito ang eksaktong bilang ng mga sumagot sa inihandang kwestyoner-sarbey.

    • A. Instrument
    • B. interpretasyon
    • C. Rasyunal
    • D. respondent
  6. Nakasaad dito ang lawak at limitasyon ng pinag-aaralan.

    • A. disenyo
    • B. instrumento
    • C. saklaw at limitasyon
    • D. tritment ng mga datos
  7. Sa bahaging ito inilalahad ng malinaw ang naging kasagutan sa bawat suliranin, tanong o layunin na ibinigay sa simula ng pananaliksik.

    • A. Kabanata I
    • B. Kabanata II
    • C. Kabanata III
    • D. Kabanata IV
  8. Ipinaliliwanag dito ang pansariling implikasyon at resulta ng pananaliksik.

    • A. interpretasyon
    • B. kahulugan ng katawagan
    • C. pagsusuri
    • D. tritment ng mga datos
  9. Nakalagay rito ang sanhi o layunin ng paksang inaaral sa anyong patanong.



    • B. disenyo ng pananaliksik

    • B. paglalahad ng resulta

    • C. kahulugan ng katawagan

    • D. paglalahad ng suliranin


    [transcriber’s note: the first option of item 9 is printed as “B.” in the original; the letters are transcribed as printed]


  10. Sa bahaging ito inilalahad ang metodo ng pananaliksik.

    • A. Kabanata I
    • B. Kabanata II
    • C. Kabanata III
    • D. Kabanata IV
  11. Alin sa sumusunod na kategorya ng “questionnaire” ang HINDI kabilang?

    • A. disenyo
    • B. kalinawan
    • C. kaangkupan
    • D. kasanayan
  12. Sa kabanatang ito ipinaliwanag ang interpretasyon sa datos na nakuha sa pananaliksik.

    • A. Kabanata I
    • B. kabanata II
    • C. Kabanata III
    • D. Kabanata IV
  13. Ito ay isang paraan ng pagtuklas ng mga kasagutan sa mga partikular na katanungan ng tao tungkol sa kaniyang lipunang ginagalawan.

    • A. karanasan
    • B. komunikasyon
    • C. pagpapaunlad
    • D. pananaliksik
  14. Bakit patuloy ang paghahanap ng kasagutan sa iba’t ibang phenomena?

    • A. Dahil sa pangangailangan ng tao
    • B. Dahil naghahanap ng panibagong dagdag kaalaman
    • C. Dahil nais ng tao na makapag-ambag ng kaalaman sa lipunan
    • D. Dahil patuloy na inuunawa ng tao ang mga pangyayari sa kaniyang paligid
  15. Ang sumusunod ay mga paraang ginagamit sa pananaliksik upang makakalap ng impormasyon, maliban sa

    • A. debate
    • B. eksperimento
    • C. interbyu
    • D. sarbey

Aralin 5

Pagbuo ng Isang Maikling Pananaliksik sa mga Napapanahong Isyu

Sa modyul na ito ay tatalakayin ang mga bahagi ng pananaliksik. Dito ay pag-aralan mo ang nilalaman ng bawat bahagi ng pananaliksik upang makabuo ka ng isang maikling pananaliksik na tumatalakay sa mga napapanahong isyu sa ating bansa.

Balikan

Bago natin simulan ang iyong magiging paglalakbay sa modyul na ito, muli mong balikan ang iyong natutuhan sa mga naunang aralin sa pamamagitan ng pagsagot sa katanungang ito:

  • Ano ang kaugnayan ng konseptong papel sa pagsulat ng isang pananaliksik?

Mga Tala para sa Guro

Halina at ipagpatuloy ang iyong pag-aaral. Tuklasin mo ang mga pamamaraan sa mabisang paggamit ng pagpapahayag upang makabuo ng isang reaksyong papel.

Tuklasin

Kasabay ng paglaganap ng pandemya sa bansa ay ang mainit na usapin tungkol sa panukalang batas na “Anti- Terror Bill” na naglalayong umiwas at itigil ang iba’t ibang uri ng terorismo sa pamamagitan ng direktang pag-atake sa indibidwal o grupo na may kinalaman sa terorismo.

Palalimin mo pa ang pag-unawa sa isyung ito sa pamamagitan ng kaalamang nabasa, napanood, at napakinggan. Kapag naunawaan mo na, matalino mong ipahayag ang iyong pananaw sa sumusunod:

a. Ano sa tingin mo ang mangyayari sampung taon mula ngayon kung sakaling maipasa ang panukalang batas na ito?

b. Kung hindi man ito mangyari, ano ang magiging epekto nito sa ating bansa?

















Suriin

Upang mas maging mas maliwanag sa iyo ang paggawa ng pananaliksik sa Filipino, narito ang mga mahahalagang bahagi na dapat taglayin ng isang pananaliksik. Subalit bago iyan, alamin muna natin ang kahulugan ng salitang pananaliksik.

Ano ang pananaliksik?

Ayon kay Susan B. Neuman (1997), na binanggit nina Evasco et al. (2011) sa aklat na “Saliksik: Gabay sa Pananaliksik sa Agham Panlipunan, Panitikan at Sining”, ang pananaliksik ay isang paraan ng pagtuklas ng mga kasagutan sa mga partikular na katanungan ng tao tungkol sa kaniyang lipunan o kapaligiran. Patuloy ang pananaliksik sa sa iba’t ibang paksa at penomenon dahil patuloy na inuunawa ng tao ang mga pangyayari at pagbabago sa kaniyang paligid. Kasabay ng pag-unawa, tumutuklas ang tao ng iba’t ibang imbensyon at kaalaman.

Narito ang mga bahagi ng pananaliksik na dapat mong malaman.

KABANATA I

(Ang Suliranin at ang Kaligiran Nito)

I. PANIMULA O INTRODUKSYON (RASYUNAL)

Ito ay isang maikling talatang kinapapalooban ng pangkalahatang pagtalakay ng paksa. Dito tinatalakay ang mga sagot sa tanong na Ano at Bakit – “Ano ba ang tungkol sa iyong pinag-aaralan paksa?” at “Bakit kailangan pa itong pag-aralan?”

Halimbawa:

Paksa: Information Technology: Daan sa Makabagong Panahon

Rasyunal: Bago sumapit ang information technology, katakot-takot na pasakit at paghihirap ang dinanas upang makatanggap o makapagpadala ng mensahe. Ilang araw o buwan ang kailangang lumipas bago matanggap ang liham. Kuntento na rin sa isang beses na makapag-usap dahil mahal ang overseas long distance. Samakatuwid, mabagal ang paraan ng komunikasyon.

Sa paglipas ng panahon, tila ang Mindanao ay naging Quiapo at ang Hongkong ay Divisoria. Kaunting pihit lang sa kompyuter ay konektado ka na sa kabilang bahagi ng mundo. May pagkakataon pa ngang makausap o makita ang isa’t isa sa screen ng kompyuter. Ang lahat ng ito ay dahil sa teknolohiya.

(ni Julie Ebal-Wika at Lipunan sa Panahon ng Impormasyon)

II. PAGLALAHAD NG SULIRANIN

Sa bahaging ito nakalagay ang sanhi o layunin kung bakit isinasagawa ang pag-aaral. Tinutukoy rin dito ang mga pangunahing suliranin na nasa anyong patanong. Ito ay isa sa pinakamahalagang bahagi ng pananaliksik. Ito ang pokus o sentro ng pag-aaral.

Halimbawa:

Ang pag-aaral na ito ay may layuning mabatid ang Antas ng Pagtanggap sa Paggamit sa Dinesenyong Rubrics Bilang Pamantayan sa Pagmamarka sa mga Piling Gawain sa Filipino ng mga Guro sa University of Rizal System Taong Pang-Akademiko 2014-2015.

Layunin nito na sagutin ang sumusunod na katanungan:

  1. Ano ang propayl ng respondente ayon sa edad, kasarian, katayuan sa buhay, bilang ng taon sa pagtuturo at kwalipikasyon edukasyonal?
  2. Ano ang antas ng pagtanggap sa paggamit ng rubriks bilang pamantayan sa pagmamarka sa mga piling gawain sa Filipino ng mga guro sa University of Rizal System ayon sa edad, kasarian, bilang ng taon sa pagtuturo at kwalipikasyong edukasyon batay sa disenyo, kalinawan, kaangkupan at kasapatan?
III. KAHULUGAN NG KATAWAGAN

Binibigyang kahulugan nito ang mga salitang mahalaga o pili na ginagamit sa pananaliksik.

Halimbawa:

Upang lalong maunawaan ang mga katawagan, ginamit ang konseptwal na kahulugan sa pag-aaral na ito:

Batayan. Ito ay bagay na pinagsasaligan o sinusunod.

Asignaturang Filipino. Ito ay tumutukoy sa mga bagay-bagay na may kaugnayan sa balarila, mga uri ng pananalita at kahit na ang mga mahahalagang pangyayari sa ating bansa, gamit ang Wikang Pambansa bilang midyum ng instruksyon sa pagtuturo.

Guro. Ito ay taong nagtuturo o taong naghahanap- buhay o ang propesyon ay pagtuturo.

Kaalaman. Ito ay kakayahang nakukuha ng isang tao sa pamamagitan ng karanasan o pag-aaral.

IV. BATAYANG KONSEPTWAL

Nakasaad ang teoryang pinagbabatayan ng pag-aaral.

Halimbawa:

Ang pag-aaral na ito ay gumamit ng teorya ni Thorndike na tinatawag na Connectionism Theory kung saan nakapaloob dito ang Law of Effect na nagsasaad ng

“The more satisfying the result of a particular reaction, the better the action”. This law applies to any repeated trial or error experiment to an individual.

Sinasabi na ito ay isinasagawa sa anumang bagay o pagsubok na hindi napagtagumpayan ng isang indibidwal. Ito ay may kinalaman sa pag-aaral ng mga mananaliksik sapagkat ang Rubriks ay instrumentong ginagamit ng mga guro bilang batayan sa kanilang pagmamarka. Maihahalintulad ito sa Law of Effect sa kadahilanang ito ay tumutukoy sa pag-alam ng kalakasan maging kahinaan ng isang indibidwal. Dito nagkakaroon ng batayan kung paano maiwawasto ang bagay na hindi napagtagumpayan.

V. SAKLAW AT LIMITASYON NG PAG-AARAL

Dito nakasaad ang lawak at limitasyon ng pinag-aaralan.

Halimbawa:

Ang saklaw ng pag-aaral ay limitado lamang sa pagbatid sa Antas ng Pagtanggap sa Paggamit sa Dinesenyong Rubrics Bilang Pamantayan sa Pagmamarka sa mga Piling Gawain sa Filipino ng mga Guro sa University of Rizal System Taong Pang-Akademiko 2014-2015.

Ang pag-aaral na ito ay isinagawa sa iba’t ibang kampus ng University of Rizal System na may kursong Edukasyon. Ang katanungan ay limitado lamang tulad ng propayl ng tagatugon ayon sa edad, kasarian, bilang ng taon sa pagtuturo at kwalipikasyong edukasyonal batay sa kategorya ng rubrics tulad ng disenyo, kalinawan, kaangkupan at kasapatan.

KABANATA II

(Metodo Ng Pananaliksik)

I. DISENYO NG PANANALIKSIK

Nililinaw sa bahaging ito ang ginamit na disenyo ng pananaliksik

Halimbawa:

Pamamaraan ng Pananaliksik

Ang mga mananaliksik ay gumamit ng deskriptibong paraan sa pag-aaral na ito upang mabatid ang Antas ng Pagtanggap sa Paggamit ng Disenyong Rubriks Bilang Pamantayan sa mga Piling Gawain sa Filipino ng mga Guro sa University of Rizal System Taong Pang-Akademiko 2014-2015.

Ayon kay Javier (2005), na binanggit ni Danao ang deskriptibong pananaliksik ay kinapapalooban ng pagpapaliwanag, pagtatala, pag-aanalisa, interpretasyon at kadalasang sumasaklaw sa pagkukumpara at pagtutulad, pagdiskubre sa mga sanhi at bunga ng mga kalagayang nagaganap sa mga bagay at pangyayari sa kasalukuyan.

Layunin ng pag-aaral na ito na makapangalap ng mga tamang datos o impormasyon upang mapatunayan ang nasabing pag-aaral.

Naniniwala ang mga mananaliksik na malaki ang maitutulong ng pamamaraang gagamitin sa pagtuklas ng impormasyon ukol sa suliraning inilahad.

II. RESPONDENTE

Dito inalalahad ang eksaktong bilang ng mga sumagot sa inihandang kwestyoner-sarbey.

Halimbawa:

Kalahok sa Pag-aaral

Ang kalahok sa pag-aaral ay ang mga gurong nagtuturo ng Filipino sa iba’t ibang kampus ng University of Rizal System na may kursong Edukasyon.

UNIBERSIDAD/KAMPUSTAGASAGOT
Pililla2
Tanay2
Morong3
Angono3
Antipolo3
Taytay3
Cainta1
Rodriguez4
KABUUAN21
III. INSTRUMENTO NG PANANALIKSIK

Dito nakikita ang mga ginamit na instrumento sa pagsarbey sa mga respondente katulad ng paggamit ng “questionnaire”.

Halimbawa:

AYTEM54321
I. Disenyo 1. Ang disenyo ng rubriks ay payak, madaling maunawaan at gamitin ng mga guro.
2. Ang mga hanay at mga kolum ay nakaayos nang mabuti batay sa pag-unawa ng mga mag-aaral.
3. Ang disenyo ng rubriks ay madaling nagagamit sa pagtatasa ng naturang gawain.
4. Natukoy ng rubriks ang mga kakayahan at abilidad na kinailangang maobserbahan sa bawat gawain.
5. Ang sukat ng bawat letra ay maayos at madaling nababasa.
II. Kalinawan

[transcriber’s note: table continued from the previous page]

AYTEM54321
Ang pamantayan ay nagpakita ng buo at matibay na tala.
1. Ang bawat aytem sa rubriks ay may tiyak na pamantayan tulong sa inaasahan sa mga mag-aaral.
2. Ang pagpapaliwanag sa mga pamantayan sa pagganap ay malinaw.
3. Ang mga pamantayan sa pagganap ay magkakatulad at may kaugnayan sa mga gawain.
4. Ang iskalang ginamit sa rubriks ay inilarawan sa paraang madaling maunawaan ng mag-aaral.
III. Kaangkupan
1. Ang nilalaman ng bawat dimensyon ay nauukol at magkakaugnay.
2. Ang mga pamantayang nakapaloob sa rubriks ay naaayon sa kakayahan ng mga mag-aaral at depende sa baitang.
3. Ang mga pamantayan sa pagganap ay nakatutulong nang malaki sa pagtatasa ng isang gawain.
4. Wasto ang mga salitang ginamit sa paglalarawan ng pamantayan sa pagganap.
5. Ang rubriks na ito ay nagsisilbing mabisa at hindi takaw oras sa pagtatasa ng gawain.
IV. Kasapatan
1. Bawat pamantayan na nakapaloob sa rubriks ay sumasalamin sa makabuluhang kabuuan ng isang gawain.
2. Sapat ang mga pamantayang nakalahad mula sa bawat hanay.
3. Ang kalidad ng pagganap ay malinaw na naipaliwanag at nailarawan.
4. Ang espasyo para sa karagdagang komento at pagbibigay ng grado ay kapaki-pakinabang.
5. Ang mga pamantayang ibinibigay ay angkop sa kakayahan ng bawat mag aaral.
V. TRITMENT NG MGA DATOS

Nakalagay dito ang simpleng estadistika ng mga nakuhang datos galing sa respondente.

Halimbawa:

Ang estatistikang ginamit upang mabatid ang antas ng pagtanggap sa paggamit ng rubriks bilang pamantayan sa pagmamarka sa mga gawain sa Filipino ng mga guro sa Pilila, Rizal ay ang mga sumusunod:

Suliranin 1. Upang malaman ang pasariling datos o propayl ng mga respondente ayon sa edad, kasarian, katayuan sa buhay, bilang ng taon sa pagtuturo at kwalipikasyong edukasyonal ay ginagamit ang frequency at percentage rank.

Suliranin 2. Sa pagsusuri sa Antas ng Pagtanggap sa Paggamit ng Rubriks Bilang Pamantayan sa Pagmamarka ng mga guro, ginamit ng mga mananaliksik ang mean rank gamit ang iskala ni Likert.

IskalaPuntoInterpretasyong Berbal
4.20-5.005Napakataas na Pagtanggap (NNP)
3.40-4.194Mataas na Pagtanggap (MNP)
2.60-3.393Katamtamang Pagtanggap (KP)
1.80-2.592Mababang Pagtanggap (MP)
1.00-1.791Napakababang Pagtanggap (NP)
KABANATA III

(Pagsusuri at Interpretasyon ng Datos)

I. PAGSUSURI

Ito ay nagagawa sa pamamagitan ng pagpapahayag o pagpapaliwanang ng kinalabasan ng pinag-aaralan.

Halimbawa:

Suliranin Blg. 1: Ano ang propayl ng mga tagasagot ayon sa kasarian, edad, bilang ng taon sa pagtuturo, at kwalipikasyong edukasyonal?

Talahanayan 1

Respondente ayon sa Kasarian

KasarianF%
Lalaki628.57
Babae1571.43
kabuuan21100

Ipinakikita sa talahanayan 1 na ang mga babaeng guro ay nangunguna sa ranggo na may kabuuang 15 o 71.43 bahagdan, samantalang ang mga lalaki ay may kabuuang 6 o 28.57 bahagdan.

Nakalahad sa datos na ang mga kababaihan ay mas higit na marami ang bilang kaysa sa kalalakihan.

Wika ng dating Kalihim ng Edukasyon na si Jesli A. Lapuz (2008) “Male teachers were a vanishing breed, accounting for only a very small portion of the entire teacher population in the country at present.”

II. INTERPRETASYON

Sa pagbibigay interpretasyon ng kinalabasan ng pag-aaral, ipinahahayag dito ang pansariling implikasyon at resulta ng pananaliksik.

Halimbawa:

Kompositong Talahanayan sa Antas ng Pagtanggap sa Dinisenyong Rubriks Bilang Pamantayan sa Pagmamarka ayon sa Kasarian

KategoryaLalaki WxLalaki RLalaki IBBabae WxBabae RBabae IBKabuuan WxKabuuan RKabuuan IB
Disenyo4.362NNP4.331NNP4.351.5NNP
Kalinawan4.063MNP4.322NNP4.193MNP
Kaangkupan3.864MNP4.303NNP4.084MNP
Kasapatan4.561NNP4.144MNP4.351.5NNP
Kabuuan Wx4.21NNP4.27NNP4.24NNP

Ipinakikita sa talahanayan 5 na ang mga babae pagdating sa kategoryang disenyo ay nangunguna na may Wx 4.33 at interpretasyong berbal na napakataas na pagtanggap samantalang ang kasapatan naman ang nakakuha ng pinakamababang antas na may Wx na 4.14 at interpretasyong berbal na mataas na pagtanggap.

Sa mga datos ng mga lalaki, ang kasapatan ang nangunguna sa ranggo na may Wx na 4.56 at interpretasyong berbal na napakataas na pagtanggap samantalang ang kaangkupan ang nakakuha ng pinakamababang antas na may Wx na 3.86 at interpretasyong berbal na mataas na pagtanggap.

Sa pinagsamang kabuuan ng lalaki at babae, disenyo at kasapatan ang nangunguna sa ranggo. Ang kabuuang Wx ay 4.24 ay nagsasaad na ang antas ng pagtanggap sa dinesenyong rubriks ayon sa kasarian ay napakataas ang pagtanggap.

Ayon sa isang pahayag na nakuha sa internet “Ang pagsasaalang-alang sa mga komento at suhestyon ng mga mag-aaral ay nakatutulong din sa pagdididisenyo ng isang rubriks, sa kadahilanang ang mga ito ay maaaring naglalaman ng tama at maling paniniwala na maaring hindi maikonsidera ng isang nagdidisenyo.”

Halimbawa:

Konklusyon

Batay sa komprehensibong paglalagom ng mga datos, ang mga sumusunod na konklusyon ay inilahad:

  1. Hinggil sa pansariling datos ukol sa kasarian, higit na nakararami ang mga gurong babae, may edad na 35 taong gulang pataas, nagtuturo ng 16 taon pataas at may masteral units at masteral degree.
  2. Mataas ang antas ng pagtanggap ng mga guro sa dinisenyong rubriks, sapagkat nakikita nila na maayos at makatutulong ito bilang pamantayan sa pagmamarka ng mga gawain sa Filipino.
KABANATA IV

(Paglalahad Ng Resulta Ng Pananaliksik)

Dito inilalahad nang isa-isa at malinaw ang mga naging kasagutan sa bawat suliranin o tanong o layunin na binigay sa simula ng pananaliksik.

Halimbawa:

Batay sa isinagawang pag-aaral ng antas ng pagtanggap sa paggamit ng disenyong rubriks, binigyang diin ang mga sumusunod:

  1. Propayl ng mga respondente

A. Hinggil sa kasarian, karamihan sa mga gurong respondente ay babae na may 15 o 71.43 na bahagdan samantalang ang lalaki ay 6 o 28.57 na bahagdan.

B. Hinggil sa edad, karamihan ng mga guro ay nasa edad 35 taon pataas o 66.66 na bahagdan, samantalang 31-34 at 25 taon pababa naman ang may pinakamababang bilang na 2.0 o 9.52 bahagdan.

C. Hinggil sa bilang ng taon sa pagtuturo nangunguna ang mga gurong nagtuturo nang 16 taon pataas na may kabuuang 10 o 47.62 bahagdan, pumapanghuli ang 6-10 na may 4.76 na bahagdan.

D. Hinggil sa kwalipikasyon edukasyonal, una ang mga gurong may masteral units at masteral degree na may magkaparehong bilang na 8 o 38.09 bahagdan.

  1. Antas ng pagtanggap sa paggamit ng dinisenyong rubriks:

A. Sa disenyo, ang natamong Wx ay 4.28 at may interpretasyong berbal na napakataas na pagtanggap.

B. Sa kalinawan, ang natamong Wx ay 4.18 at may interpretasyong berbal na mataas na pagtanggap.

C. Sa kaangkupan, ang natamong Wx ay 4.12 at may interpretasyong berbal na mataas na pagtanggap.

D. Sa kasapatan, ang natamong Wx ay 4.09 at may interpretasyong berbal na mataas na pagtanggap.

Pagyamanin

Ang pagsulat ng isang pananaliksik ay isang proseso. Upang makabuo ka ng pananaliksik ay gawin mo ang mga pagsasanay sa ibaba.

PAGSASANAY 1

Maglista ng tatlong paksa na maaari mong pag-aralan sa iyong gagawin pananaliksik. Pumili ng mga paksang tumatalakay sa napapanahong isyu sa lipunan. Tandaan, isa sa mga salik na isinasaalang-alang sa pagpili ng paksa sa pananaliksik ay ang iyong interes dito. Isulat sa iyong sagutang papel ang mga paksang iyong mapipili.

[illustration: scroll with blank writing lines for answers]

PAGSASANAY 2

Batay sa mga inilistang paksa sa Pagsasanay 1 ay maglahad ng tatlong suliranin sa bawat paksang napili. Gamitin ang talahanayan sa ibaba.

PAKSAPAGLALAHAD NG SULIRANIN
1.1.
2.
3.
2.1.
2.
3.
3.1.
2.
3.
PAGSASANAY 3

Gamit ang larawang nakakahon ipaliwanag at ilarawan ang impormasyong nakalagak.

[chart: flowchart; Konseptwal na Balangkas]

Konseptwal na Balangkas

LagakPamaraanResulta
I.Pansariling Datos
• edad
• kasarian
• bilang ng taon sa pagtuturo
• kwalipikasyong Edukasyonal
II. Antas ng Pagtanggap sa Dinesenyong Rubrics ayon sa:
• Disenyo
• Kalinawan
• Kaangkupan
• Kasapatan
Pagsusuri ng Antas sa Pagtanggap sa Paggamit ng Dinesenyong Rubrics Bilang Pamantayan sa Pagmamarka sa mga Piling Gawain sa Filipino ng mga tagasagot sa pamamagitan ng pagpapasagot ng talatanungan.Buong ingat itong iwinasto, binilang, sinuri at pagkatapos ay isinatitik upang matamo ang pinakabagong layon sa pag-aaral.Napag-alamang ang Antas ng Pagtanggap sa Dinesenyong Rubrics Bilang Pamantayan sa Pagmamarka ng mga Piling Gawain sa Filipino ng mga Guro sa University of Rizal System ay mataas na pagtanggap.

PIDBAK

[transcriber’s note: about twelve blank writing lines follow the chart on the original page]

Isaisip

Sagutin ang sumusunod na mga tanong.

  1. Sa iyong palagay, bakit mahalagang pag-aralan ang pananaliksik?



  2. Paano nakatutulong sa pamumuhay ng tao ang pagsasagawa ng pananaliksik?



  3. Bilang isang mag-aaral, naging makabuluhan ba sa iyo ang pag-aaral ng pananaliksik?



[transcriber’s note: each question has four blank writing lines on the original page]

Isagawa

PAGSASANAY 1

Sa mga naunang gawain ay nagawa mong makapili at makagawa ng sariling paksa na maaaring magamit sa pagsulat ng isang maikling pananaliksik. Pumili ng isang paksang higit na pumukaw ng iyong atensyon mula sa bahagi ng Pagyamanin. Gamitin ang kahon sa ibaba upang maibigay ang mga hinihinging impormasyon ukol sa iyong paksa. Maaari kang magsaliksik mula sa iba’t ibang batayan upang mapagtibay ang iyong gagawing pananaliksik. Gamitin ang pamantayan sa pagsulat. Tandaan, mayroon kang dalawang linggo upang gawin ito.

Pamantayan sa pagsulat ng pananaliksikKaukulang puntos
Napapanahon at kapaki-pakinabang ang napiling paksa10
Organisado at malinaw ang pagkalahad ng mga impormasyon sa bawat bahagi ng pananaliksik10
May kaisahan ang mga ideyang nakapaloob sa pananaliksik10
Inilahad ang mga sangguniang ginamit10
KABUUAN40
BAHAGI NG PANANALIKSIKNILALAMAN NG MGA BAHAGI
Paksa
Rasyonal at Kaligiran ng Paksa
Paglalahad ng Suliranin
Kahulugan ng Katawagan
Layunin at Kahalagahan ng Pag-aaral
Batayang Konseptwal
Saklaw at Limitasyon ng Pag-aaral
Disenyo ng Pananaliksik
Mga Sangguniang Ginamit
PAGSASANAY 2

Matapos ang ginawa sa Pagsasanay 1, ipagpatuloy ang paggawa ng maikling pananaliksik sa pamamagitan ng paggawa ng Kabanata 3 at Kabanata 4. Subalit bago gumawa at magpasagot ng inyong mga talatananugan, ipakita at ipawasto muna ito sa inyong guro. Matapos maiwasto ay doon lamang mag-uumpisang gumawa ng sarbey o talatanungan na ipasasagot sa pamamagitan ng online o kung hindi online ay sa personal subalit may patnubay ng guro. Para sa paglalapat ng estadistika, maaaring magpatulong sa mga guro ng Matematika upang malapatan ng tamang pormula.

Tayahin

Basahing mabuti ang mga pahayag. Piliin ang letra ng tamang sagot at isulat ito sa iyong sagutang papel.

  1. Nakasaad dito ang lawak at limitasyon ng pinag-aaralan.

    • A. disenyo
    • B. Instrument
    • C. saklaw at limitasyon
    • D. tritment ng mga datos
  2. Sa bahaging ito inilalahad ang metodo ng pananaliksik.

    • A. Kabanata I
    • B. Kabanata II
    • C. Kabanata III
    • D. Kabanata IV
  3. Binibigyang kahulugan dito ang mga salitang mahahalaga o pili na ginagamit sa pananaliksik.

    • A. instrumento
    • B. kahulugan ng katawagan
    • C. rasyunal
    • D. saklaw at limitasyon
  4. Nakalagay rito ang sanhi o layunin ng paksang inaaral sa anyong patanong.

    • A. disenyo ng pananaliksik
    • B. kahulugan ng katawagan
    • C. paglalahad ng resulta
    • D. paglalahad ng suliranin
  5. Sa bahaging ito matatagpuan ang paglalahad ng suliranin.

    • A. Kabanata I
    • B. Kabanata II
    • C. Kabanata III
    • D. Kabanata IV
  6. Sa bahaging ito inilalahad nang malinaw ang naging kasagutang sa bawat suliranin, tanong o layunin na ibinigay simula ng pananaliksik.

    • A. Kabanata I
    • B. Kabanata II
    • C. Kabanata III
    • D. Kabanata IV
  7. Nakalatag dito ang teoryang pagbabatayan ng pag-aaral.

    • A. batayang konseptwal
    • B. disenyo ng pananaliksik
    • C. interpretasyon
    • D. respondent
  8. Inilalahad dito ang eksaktong bilang ng mga sumagot sa inihandang kwestyoner-sarbey.

    • A. instrumento
    • B. interpretasyon
    • C. rasyunal
    • D. respondent
  9. Sa bahaging ito matatagpuan ang interpretasyon ng kinalabasan ng pag-aaral.

    • A. Kabanata I
    • B. Kabanata II
    • C. Kabanata III
    • D. Kabanata IV
  10. Ipinapahayag ang pansariling implikasyon at resulta ng pananaliksik.

    • A. interpretasyon
    • B. kahulugan ng katawagan
    • C. pagsusuri
    • D. tritment ng mga datos
  11. Ang sumusunod ay mga paraang ginagamit sa pananaliksik upang makakalap ng impormasyon, maliban sa

    • A. debate
    • B. ekspiremento
    • C. interbyu
    • D. sarbey
  12. Bakit patuloy ang paghahanap ng kasagutan sa iba’t ibang phenomena?

    • A. Dahil sa pangangailangan ng tao
    • B. Dahil naghahanap ng panibagong dagdag kaalaman
    • C. Dahil nais ng tao na makapag-ambag ng kaalaman sa lipunan
    • D. Dahil patuloy na inuunawa ng tao ang mga pangyayari sa kaniyang paligid
  13. Alin sa sumusunod na kategorya ng “questionnaire” ang HINDI kabilang?

    • A. disenyo
    • B. kaangkupan
    • C. kalinawan
    • D. kasanayan
  14. Sa kabanatang ito ipinapaliwanag ang interpretasyon ng datos na nakuha sa pananaliksik.

    • A. Kabanata I
    • B. Kabanata II
    • C. Kabanata III
    • D. Kabanata IV
  15. Ito ay isang paraan ng pagtuklas ng mga kasagutan sa mga partikular ma katanungan ng tao tungkol sa kaniyang lipunang ginagalawan.

    • A. karanasan
    • B. pagpapaunlad
    • B. komunikasyon
    • D. pananaliksik

[transcriber’s note: the printed choices for item 15 show “B.” twice, once before “pagpapaunlad” and once before “komunikasyon”; transcribed as printed]

Karagdagang Gawain

Bilang mananaliksik, kinakailangan nating pag-aralang mabuti ang kinalabasan ng ating isinagawang pananaliksik. Dahil dito ay nakapagbibigay tayo ng mungkahi kung paano mabibigyan solusyon ang mga suliraning kinakaharap ng ating lipunan. Batay sa suliranin sa ibaba, magbigay ng mga maaaring maging rekomendasyon mo ukol dito.

KAWALAN NG DISIPLINA NG MGA PILIPINO

Sa kabila ng mga nangyayari sa ating bansa ay kasabay rin nito ang unti-unting pagkawala ng disiplina ng mga Pilipino. Ang mga batas na ipinatutupad ng ating pamahalaan ay minsan na ring isinasawalang bahala ng ating mga kababayan. Isa ito sa mga suliraning kinakaharap ng ating bansa. Marami ang nababahala sa patuloy na pagkawala ng ating disiplina na maaaring makaapekto sa ating lipunan.

Bilang isang kabataan, ano ang iyong mungkahi upang magkaroon ng pagbabago sa suliraning ito?

[transcriber’s note: about fifteen blank writing lines follow the question on the original page]

Susi sa Pagwawasto

Tayahin
  • C
  • B
  • B
  • D
  • A
  • D
  • A
  • D
  • C
  • A
  • A
  • D
  • D
  • C
  • D
Pagyamanin Subukin
  • A
  • B
  • A
  • C
  • D
  • C
  • D
  • A
  • D
  • B
  • D
  • C
  • D
  • D
  • A

[transcriber’s note: the answer grid below is printed upside down and rotated. Its three columns are labeled Tayahin, Pagyamanin, and Subukin. The Pagyamanin column is blank. The letters are listed top to bottom as they appear on the page.]

  • Tayahin column: D, C, D, D, A, A, C, D, A, D, B, B, C [?]
  • Pagyamanin column: (blank)
  • Subukin column: A, D, D, C, D, B, D, A, D, C, D, C, B, A [?]

Sanggunian

De Laza, Crizel Sicat & A. E. Batnag (2016). Pagbasa at Pagsusuri ng Iba’t Ibang Teksto Tungo sa Pananaliksik. Manila, Philippines: Rex Book Store.

Ebal, Julie -Wika at Lipunan sa Panahon ng Impormasyon Information Technology: Daan sa Makabagong Panahon

Evasco et al. (2011). Saliksik: Gabay sa Pananaliksik sa Agham Panlipunan, Panitikan at Sining.

https://www.academia.edu/40167390/PAGBUO_NG_GABAY_SA_SULATING_PANANALIKSIK_SA_SENIOR_HIGH_SCHOOL_converted20190825_80570_15gkrd

Gonzales, Ma. Francisca, J. Pasay, & P. Penueco (2016). Antas sa Pagtanggap sa Paggamit ng Dinesenyong Rubrics Bilang Pamantayan sa Pagmamarka sa mga Piling Gawain sa Filipino, Philippines, URSP.

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district