Tayong mga Pilipino ay likas na masayahin. Marami tayong mga selebrasyon at mga ipinagdiriwang na mga gawaing pambayan. Ang mga pagdiriwang na ito ay nagbubuklod sa mga Pilipino. Sama-sama tayong nagsasaya, nagbabatian at naghahanda upang maisakatuparan ang mga pagdiriwang na ito.
Sa modyul na ito ay iyong matututuhan ang ilang selebrasyon o gawaing pambayan gaya ng Araw ng Kalayaan, Piyesta ng Bayan, Pasko, Bagong Taon at iba na impluwensiya ng mga mananakop na dumating dito sa Pilipinas (A5EL-Ia).
Inaasahang sa pamamagitan ng modyul na ito ay makamit mo ang mga sumusunod na layunin:
a. Natatalakay ang mga selebrasyon o gawaing pambayan na naimpluwensiyahan ng mga mananakop sa Pilipinas.
b. Nakabubuo ng likhang sining ng isang selebrasyon o gawaing pambayan.
c. Naipagmamalaki ang ilang selebrasyon o gawaing pambayan sa pamamagitan ng likhang-sining.
Arts5_Q1_Mod1_MgaSelebrasyonSaPilipinas_v2