Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.
Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.
Bilang isang manlalakbay, ikaw ay may pagdaraanang mga pagsubok na huhubog sa iyong kakayahan upang matamo ang sumusunod na kasanayan pagkatapos ng aralin.
Kasanayang Pampagkatuto:
- Natutukoy ang iba’t ibang rehistro at barayti ng wika na ginagamit sa iba’t ibang sitwasyon (Halimbawa: medisina, abogasya, midya, social media, inhenyeriya, negosyo, at iba pa) sa pamamagitan ng pagtatala ng mga terminong ginamit sa mga larangang ito.
Layunin:
- Natutukoy kung anong propesyon, gawain, o larangan ang nakatalang mga termino o jargon.
- Naikaklasipika ang mga salita ayon sa disiplina o larangang pinaggagamitan ng mga ito.
- Napahahalagahan ang barayti sa iba’t ibang sitwasyon.
Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.