Edukasyon sa Pagpapakatao 8 Quarter 4 Module 41: Paggawa ng Mabuti sa Kapwa

EsP Grade 8 Quarter 4 Module 41 teaches learners to describe good deeds done for others, with pretest, activities, rubrics, post-test, and answer key.

This is the Edukasyon sa Pagpapakatao (EsP) Grade 8 self-learning module for the fourth quarter (Ikaapat na Markahan), Module 41: “Paggawa ng Mabuti sa Kapwa” (doing good to others). It was prepared by DepEd Caraga Region for learners studying at home through Alternative Delivery Mode. After the module, learners should be able to describe the good things they have done for other people.

On this page 6 sections

What learners will learn

The module opens with the Golden Rule, which it attributes to Confucius: “Gawin mo sa iyong kapwa ang nais mong gawin nila sa iyo” (do unto others what you want them to do unto you). It then teaches ways to show kindness to others. It develops one learning competency:

  • Nailalahad ang mga kabutihang ginawa niya sa kapwa (describes the good deeds he or she has done for others). (EsP8PB-IIIe-11.1)

What is inside the module

The module has one lesson, Aralin 1: “Paggawa nang Mabuti sa Kapwa.” It opens with a line from Francisco Baltazar’s Florante at Laura: “Tumulong nang walang kapalit, sinomang nangangailangan ay bigyan ng malasakit” (help without expecting anything in return; show care to anyone in need). The lesson notes that the pandemic tested our commitment to doing good and caring for others.

PartWhat learners do
Subukin (pretest)15 multiple-choice questions
Balikan (review)Gawain 1: “Nasunod mo ba?” Check or cross out actions that show respect and obedience to parents, elders, and authorities
Tuklasin (explore)Gawain 2: “Kilos Ko, Alam Ko!” List kind acts you did during the pandemic in a graphic organizer, then answer guide questions
Suriin (discussion)Reading on everyday ways of doing good to others
Pagyamanin (practice)Gawain 3: “Isang Linggong Kabutihan!” (a week of kindness) and Gawain 5: “Tala-Tulong” (a report on help given during COVID-19)
Isaisip (reflect)Gawain 6: “Tuklas Kaalaman” Write why doing good matters and steps to keep doing it
Isagawa (apply)Gawain 7: “Mabuting Ako!” List good deeds for your family, school, and community
Tayahin (post-test)15 multiple-choice questions
Karagdagang Gawain (extra activity)Gawain 8: “Dayalogo ng Kabutihan” Write dialogue for a comic strip showing kindness
Susi sa PagwawastoAnswer key for Subukin, Balikan, and Tayahin

Key ideas: ways of doing good to others

The Suriin section explains that we can do good to our parents, neighbors, friends, and even strangers. It says that being helpful is part of what marks us as Filipinos. Its example is the bayanihan (community spirit) after Super Typhoon Yolanda hit Tacloban, when people from all over the country sent help. Helping is how we show sympathy and solidarity with others.

The module gives these examples of doing good:

  • Obeying parents and community rules. The module calls this one of the highest forms of goodness, because obedience shows respect and brings order to the family and the community. Its example is following the IATF (Inter-Agency Task Force on Emerging Infectious Diseases) by wearing a face mask outside and keeping social distance. This keeps both you and others safe.
  • Giving to people in need. Examples include donating during disasters or other crises, or sharing ulam (viand) with a neighbor whose parents have lost their jobs. Kindness like this builds good relationships with neighbors and relatives.
  • Lending things to classmates. If a classmate has no ballpen when a quiz starts, lending one of yours helps them answer the test. It can also deepen your friendship.
  • Sharing during holidays. Many Filipino families give toys or clothes to street children or children in orphanages at Christmas or New Year.
  • Caring for the elderly and persons with disabilities. This shows them care and respect.

The main lesson: kindness, big or small, can help solve other people’s problems and ease their worries. Doing good starts with yourself. It is given freely, without expecting anything in return.

The test questions use everyday situations to show this. Ryan wakes early to help his mother with chores and their store. Lito turns back in a race to help up a friend who fell. A class president encourages a quiet classmate, Mario, to join class activities. Liza leads group study instead of giving answers during a test.

How to use this module

  • Learners: Start with the Subukin pretest to see what you already know. Then go through each part in order. Write all your answers on a separate sheet of paper, and do not write on the module. Check your answers with the answer key honestly. If you have trouble understanding the lesson, contact your teacher.
  • Parents and guardians: Several activities ask your child to record real good deeds. For example, Gawain 3 asks for one good deed each day from Sunday to Saturday, with the reason for each. Gawain 7 covers deeds at home, in school, and in the community. You can help your child remember and describe these.
  • Teachers: The module’s teacher note says to let the learner move on if they did the Balikan activity well, and to have them go back to the previous module if not. Rubrics are included for the written tasks:
    • Gawain 3: 10, 8, or 5 points per criterion, depending on whether good deeds are described for a full week, 5 days, or 3 days.
    • Gawain 5: 25 points in total, for narration, sources of information, and chronological order.
    • Gawain 8: 2 to 5 points each for dialogue content and organization of ideas.

Frequently asked questions

What grade and quarter is this EsP module for?

It is for Grade 8 Edukasyon sa Pagpapakatao, fourth quarter (Ikaapat na Markahan), Module 41.

What competency does the module develop?

The learner describes the good deeds he or she has done for others: Nailalahad ang mga kabutihang ginawa niya sa kapwa. The printed code is EsP8PB-IIIe-11.1.

Does the module have an answer key?

Yes. The Susi sa Pagwawasto gives answers for the Subukin pretest, the Balikan review activity, and the Tayahin post-test. The written activities are scored with the rubrics included in the module.

What is the Golden Rule mentioned in the module?

The module attributes it to Confucius: do unto others what you want them to do unto you. It uses this idea to introduce the lesson on doing good to others.

What examples of doing good does the module give?

Its examples include obeying parents and community rules such as health protocols, donating to people in need, sharing food with a struggling neighbor, lending a ballpen to a classmate, giving gifts to children in need, and caring for the elderly and persons with disabilities.

Full text of the module

The text below is a transcription of the PDF above, as printed.

Edukasyon sa Pagpapakatao – Ikaapat na Markahan – Modyul 41: Paggawa ng Mabuti sa Kapwa

[photo: cover illustration of students reading, studying, and working together around a tree, a lamp, and a globe, with the DepEd logo and ADM (Alternative Delivery Mode) logo]

CO_Q4_ESP8_Module41

Copyright and Development Team

Edukasyon sa Pagpapakatao – Ikawalong Baitang Alternative Delivery Mode Ikaapat na Markahan – Modyul 41: Paggawa ng Mabuti sa Kapwa Unang Edisyon, 2020

Isinasaad sa Batas Republika 8293, Seksyon 176 na: Hindi maaaring magkaroon ng karapatang-sipi sa anumang akda ng Pamahalaan ng Pilipinas. Gayunpaman, kailangan muna ang pahintulot ng ahensya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensya o tanggapan ay ang pagtakda ng kaukulang bayad.

Ang mga akda (kwento, seleksyon, tula, awit, larawan, ngalan ng produkto o brand name, tatak o trademark, palabas sa telebisyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anumang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa anumang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Prescilla P. Capisnon Editor: Emelinda L. Raza, Mark Lorenz C. Luib Tagasuri: Elizabeth Ysulan, Rashiel Joy F. Lepaopao, Jezzine F. Salar, Judith E. Ecoben, Megie M. Lillo, Jhon Rey C. Clarion Tagaguhit: Alim V. Eviota, Mark Lorenz C. Luib, Merlinda W. Malimit, Jay S. Mateo, Adonis P. Umipig, Jubell C. Cababat Tagalapat: Nerissa G. Ga, Mark Lorenz C. Luib, Ivan Paul V. Damalerio Tagapamahala: Francis Cesar B. Bringas, Isidro M. Biol Jr., Maripaz F. Magno, Josephine Chonie M. Obseñares, Lope C. Papeleras, Michael C. Paso, Juan Jr. L. Espina

Inilimbag sa:

Department of Education – Caraga Region Office Address: Teacher Development Center, J.P. Rosales Avenue Butuan City, Philippines 8600 Telefax No.: (085) 342-5969 Email Address: caraga@deped.gov.ph

8

Edukasyon sa Pagpapakatao

Ikaapat na Markahan – Modyul 41 Paggawa nang Mabuti sa Kapwa

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

[illustration: hand with index finger pressing a button, icon beside the “Alamin” heading]

Isa sa dakilang pamana ng karunungan ng tao sa sanlibutan ay ang tinaguriang ‘The Golden Rule’ ni Confucius. Isinasaad nito na: “Gawin mo sa iyong kapwa ang nais mong gawin nila sa iyo”.

Tanggap at tinangkilik ng halos lahat ng tao ang ginintuang kaalamang ito; ano man ang lahi, paniniwala o ideolohiya. Patunay na tumatagos sa puso at damdamin nino man ang isinasaad nito.

Naranasan mo na bang gawin ito sa iyong kapwa? Ni minsan ba’y sumagi sa iyong isipan na dapat makailang beses munang iisipin bago gawin ang isang bagay sa iba?

Sa modyul na ito matututunan mo ang mga pamamaraan na maipakita ang kabutihan sa iyong kapwa. Lilinangin din ang kasanayang pampagkatuto na:

A. Nailalahad ang mga kabutihang ginawa niya sa kapwa. (EsP8PB-IIIe-11.1)

Subukin

[illustration: hand holding a pencil, icon beside the “Subukin” heading]

Maraming Pagpipilian

Panuto: Basahing mabuti ang bawat tanong o sitwasyon at piliin ang tamang sagot. Titik lamang ang isulat sa sagutang papel.

  1. Gumigising nang maaga si Ryan bago pumasok upang tulungan ang kanyang nanay na abala sa mga gawaing bahay at sa kanilang tindahan. Paano ipinakita ni Ryan ang pagiging mabuting anak sa kanyang nanay?
    a. Maagang papasok si Ryan sa paaralan.
    b. Gumising nang maaga si Ryan para magtrabaho.
    c. Nagtitinda si Ryan at hindi na pumasok sa paaralan.
    d. Tumulong sa kanyang nanay sa gawaing bahay at sa tindahan.


  2. Kalilipat lang ni Cristy kaya wala siyang kaibigan sa klase. Mabuti na lang at may nagpakilala sa kanya at nagbigay impormasyon tungkol sa kanilang paaralan. Paano naipakita ng kaklase ang kabutihang ginawa kay Cristy?
    a. Pakikipagkaibigan ni Cristy at ang bagong kaklase.
    b. Paglapit ng mag-aaral kay Cristy para may makausap.
    c. Paglipat ni Cristy ng paaralan para magkaroon ng bagong kaibigan.
    d. Pagpapakilala ng mag-aaral kay Cristy at pagtuturo sa kanya ng tungkol sa kanilang paaralan.


  3. Bata pa si Lito ngunit kakikitaan na siya ng kabaitan. Minsan nagkasundo sila ng kanyang kalaro na mag-unahan sa pagtakbo. Sa kanilang pagtakbo ay biglang nadapa ang kanyang kalaro kaya binalikan niya ito at tinulungang makatayo. Paano naipakita ni Lito ang kabutihan sa kalaro?
    a. Sa paglalaro, gumawa siya ng kasunduan.
    b. Para maipakita ang lakas niya sa pagtakbo.
    c. Pakikipaglaro sa kaibigan para hindi ito mabagot.
    d. Pagpapahalaga sa kapakananan ng kalaro kaysa manalo.


  4. Alin sa sitwasyon ang nagpapakita ng kagandahang loob?
    a. Pagbibigay ng pagkain sa mga batang lansangan
    b. Pagbibigay sa pangangailangan ng kanilang kasambahay
    c. Tinitiyak na laging may pera para masuportahan ang pamilya
    d. Gumasta ng malaki sa kanyang birthday para marami ang makakain


3

CO_Q4_ESP8_Module41

  1. Magkasabay na umuuwi galing sa paaralan sina Gng. Reyes at ang ilan niyang mag-aaral. Agad na kinuha ng isang mag-aaral ang mga gamit ng guro upang tulungan ito sa pagdadala; samantala ang iba ay masayang nakikipag-usap kay Gng. Reyes. Alin sa mga kilos ang nagpapakita ng kabutihang ginawa sa kapwa?
    a. Pakikipag-usap ng guro sa mga mag-aaral
    b. Pagpapadala ni Gng. Reyes ng kanyang mga gamit sa mag-aaral
    c. Pagtulong ng mag-aaral kay Gng. Reyes sa pagdadala ng gamit nito
    d. Pagiging masayahin ng mga mag-aaral dahil guro ang kanilang kasama


  2. Pinipiling mapag-isa ni Mario kahit sa loob ng silid-aralan. Minsan, kinausap siya ng kanilang pangulo at hinikayat na makilahok sa klase kaya nang sumunod na mga araw, kapansin-pansin na nakikiisa na si Mario sa mga gawain sa paaralan. Paano ipinakita ng pangulo ng klase ang kabutihang loob kay Mario?
    a. Hinahayaan siya sa pagiging tahimik
    b. Pagbabago ng ugali ni Mario sa mga kaklase
    c. Nakikisama na si Mario sa kanyang mga kaklase
    d. Paghikayat ng nito kay Mario na makilahok sa klase


  3. Maituturing na likas sa tao ang pagiging mabuti o may kagandahang loob dahil;
    a. Tao siya kaya dapat magpakabuti
    b. Namana niya ito sa mga magulang
    c. Kusa siyang tumutulong sa kanyang kapwa
    d. Matalino siyang gumawa ng kung ano sa kapwa


  4. Alin sa sitwasyon ang nagpapakita ng kabutihang loob sa kapwa?
    a. Pagbibigay ng limos sa batang kalye
    b. Pagpapaaral ng mahihirap na estudyante
    c. Gumagastos ng malaki sa ginagawang handaan
    d. Handang isakripisyo ang sarili para sa kapakanan ng iba


  5. Nagtuturo si G. Castro ng asignaturang MAPEH kung saan hinasa niya ang mga mag-aaral sa pagkanta at hinikayat niya itong sumali sa mga patimpalak sa pag-awit hanggang sa maging sikat na mang-aawit ang mga mag-aaral. Paano ipinamalas ni G. Castro ang kabutihang loob sa kanyang mga mag-aaral?
    a. Pagtuturo ni G. Castro ng asignaturang MAPEH
    b. Pagtuturo na may bayad sa kanyang kakayahan
    c. Binigyang-tuon ni G. Castro ang ibang talento ng mag-aaral
    d. Paghasa at paghikayat sa mag-aaral na paunlarin ang talento


4

CO_Q4_ESP8_Module41

  1. Nahuli mong nangupya ang iyong kaklase noong kayo ay may pagsusulit. Ano ang iyong gagawin?
    a. Kakaibiganin ang iyong kaklase upang makahingi ka ng sagot.
    b. Isuplong sa inyong guro ang iyong kaklase upang maiwasto ang kaniyang gawain
    c. Ipagsawalang bahala ang nakita sapagkat hindi naman ikaw ang gumagawa
    d. Huwag gagayahin ang ginawa ng iyong kaklase dahil alam mo naman ang tamang sagot


  2. Bakit mahalaga ang paggawa ng kabutihan sa kapwa? Dahil;
    a. Nakapagpapasaya ka sa kapwa
    b. May gumawa rin nito sa kanya
    c. Nagpapakita ito ng pagmamahal sa kapwa
    d. Tungkulin ng bawat tao na gumawa ng mabuti sa kapwa


  3. Laging binibigyan ni Karen ang matalik niyang kaibigan ng sagot kung may pagsusulit samantalang si Liza naman ay hinikayat ang mga kaklase na mag-aral ng pangkatan bilang paghahanda sa kanilang pagsusulit. Sino kina Karen at Liza ang nagpapakita ng kabutihang loob sa kapwa?
    a. Si Karen na nagbibigay ng sagot sa kanyang kaibigan
    b. Pagtutulungan nina Karen at kaibigan sa pagsagot sa pasulit
    c. Paghikayat ni Liza sa mga kaklase para kanya-kanyang mag-aral
    d. Pangunguna ni Liza sa kanyang mga kaklase sa pangkatang pag-aaral


  4. Ang tamang pakikitungo ng mga mag-aaral sa mga guro, kamag-aaral o janitor sa paaralan ay tanda ng:
    a. Pagtulong
    b. Kabutihan
    c. Pagpapasikat
    d. Pagpapakilala


  5. Alin sa mga sitwasyon ang nagpapakita nangg kabutihang loob sa kapwa sa loob ng paaralan?
    a. Pagpapahiram ng bolpen sa kaklase
    b. Paglilinis sa silid-aralan kapag nariyan ang guro
    c. Manahimik upang hindi makapag-ingay sa klase
    d. Binibigyan ng meryenda ang kaklase na nagpapakopya ng sagot sa pasulit


  6. Bilang kabataan, paano maipakikita ang kabutihan sa kapwa kabataan?
    a. Pakikipagkaibigan sa mga kabataan
    b. Nakikisalamuha sa kapwa kabataan kung may pagtitipon
    c. Pamunuan ang mga kabataan dahil mayaman siya sa kanilang lugar
    d. Nakikiisa sa mga gawain at proyekto ng kabataan sa kanyang barangay


Aralin 1 Paggawa nang Mabuti sa Kapwa

“Tumulong nang walang kapalit, sinomang nangangailangan ay bigyan ng malasakit”

– Francisco Baltazar Florante at Laura

Ang paggawa ng mabuti sa kapwa ay isang pagpapahalagang itinuturo sa atin. May magandang pakiramdam sa atin tuwing tayo ay nakatutulong sa iba. Sa panahon ng pandemya, sinusubok ang ating pagpapahalaga ukol sa paggawa ng mabuti at pagpapakita ng malasakit sa kapwa. Sa aralin na ito, tingnan natin kung paano mo pa ito maisasabuhay.

Balikan

[illustration: hand reaching toward another hand]

Gawain 1: Nasunod mo ba?

Panuto: Lagyan ng tsek ang mga pahayag na nagpapakita ng paggalang at pagsunod sa magulang, nakatatanda, at may awtoridad at ekis naman kung hindi. Isulat ang sagot sa sagutang papel.

Pagsusuot ng ID sa paaralan
Paggamit ng po at opo sa pakikipag-usap
Pagtawid sa kalsada na may babala na “Bawal Tumawid”
Pagmamano sa lolo at lola
Paggawa ng takdang-aralin
Pagsuot ng face mask sa panahon ng Enhanced Community Quarantine (ECQ)
Paglabas ng bahay ng pitong taong gulang na bata
Pagpapaubaya ng upuan sa pampasaherong sasakyan sa matanda
Pag-alis ng bahay nang walang paalam
Paggawa ng gawaing-bahay na nakatakda sa kanya

Gabay na tanong:

  1. Bakit mahalaga ang pagsasabuhay ng pagsunod at paggalang sa magulang, nakatatanda at awtoridad?
  2. Bukod sa mga nabanggit sa itaas, ano-ano pa ang mga pamamaraan upang maipakita ang paggalang sa magulang, nakatatanda at awtoridad?

[illustration: hand holding a stack of papers]

Mga Tala para sa Guro

Kung matagumpay na naisagawa ng bata ang gawaing nasa bahaging Balikan ay hayaan siyang magpatuloy sa kasunod na gawain. Kung hindi naman, pabalikan ang sinundang modyul.

Tuklasin
Gawain 2: Kilos Ko, Alam Ko!

Panuto: Gamit ang graphic organizer sa ibaba, tukuyin ang mga kilos na nagawa mo ngayong pandemya na nagpapakita ng kabutihan sa kapwa. Matapos itong matukoy, sagutin ang mga tanong sa ibaba. Gawin ito sa iyong sagutang papel.

[chart: circular graphic organizer; Gawain 2: Kilos Ko, Alam Ko!] Center: Ang aking mga kilos na nagpapakita ng kabutihan sa kapwa Five surrounding boxes are blank.

Gabay na Tanong:

  1. Alin sa mga natukoy na kilos ang maituturing mong pinakamakabuluhan para sa iyo? Bakit?


  2. Ano ang naging reaksyon ng mga taong iyong nagawan ng kabutihan? Ilahad ito.


  3. Ano ang nararamdaman mo sa tuwing ikaw ay nakagagawa ng mabuti sa iba? Bakit?


  4. Sa iyong palagay, ano ang mga mabuting epekto ng paggawa ng mabuti sa iyong sarili at sa kapwa? Ipaliwanag ang mga ito.


  5. Bilang kabataan, paano mo pa mahuhubog ang iyong mga kilos upang mas makatulong sa kapwa at maging huwaran sa iba?


Suriin

Ano-anong kilos ng kabutihan ang sinulat mo sa bahaging Tuklasin? Natatandaan mo ba kung kanino o sino-sino ang nagawan mo ng kabutihan? Ano naman ang iyong naramdaman matapos itong isagawa?

Tama! Maaring nakagagawa tayo ng kabutihan sa ating magulang, kapitbahay, kaibigan o maging ibang tao. Likas na matulungin ang tao sa kanyang kapwa dahil isa ito sa ating tatak bilang Pilipino. Halimbawa, nang tinamaan ng super typhoon Yolanda ang Tacloban ay sumibol ang bayanihan kung saan ang mga tao sa iba’t ibang lugar ng bansa ay nagpaabot ng mga tulong dahil sa pagtulong naipadarama natin ang ating pagdamay at pakikiisa sa nararamdaman sa kapwa.

Sa bahaging Tuklasin nasasabi mo ang ilan sa mga kilos na nagagawa ng tao na kung saan ay nagdudulot ng kabutihan sa kapwa sa kanyang pang-araw-araw na pamumuhay.

Ang pagtalima sa utos ng magulang at mga tuntunin sa pamayanan ay isa sa maituturing na pinakamataas na kabutihan dahil sa paggawa ng mabuti at pagsunod sa mga batas ay naipakikita ang paggalang na nagdudulot ng kaayusan hindi lamang sa sariling pamilya maging sa pamayanan. Halimbawa, bilang pagsunod sa Inter-Agency Task Forceon Emerging Infectious Diseases o IATF ay lagi kang nagsusuot ng face mask tuwing lumalabas ng bahay at pinapanatili ang social distancing sa labas. Ito ay tanda ng iyong pagrespeto at paggawa ng kabutihan sa sarili at kapwa upang mapanatili na ligtas ang kalusugan ng bawat isa.

Isang halimbawa ng paggawa ng kabutihan ang pagbibigay ng donasyon para sa mga nangangailangan lalo na sa panahon ng krisis tulad ng kalamidad, may kaguluhan at sa simpleng pagtulong na malutas ang problema ng inyong kapitbahay. Halimbawa, alam mong walang trabaho ang tatay o nanay ng iyong kapitbahay kung kaya binigyan mo sila ng ulam sa tuwing nagluluto ang iyong nanay. Ang ganitong pagpapakita ng kabutihan ay instrumento upang magkaroon ng magadang ugnayan hindi lamang sa kapitbahay, maging sa mga kamag-anak.

Bilang mag-aaral naman, ang pagpapahiram ng gamit sa kaklase ay isang mabuting gawain sa kapwa mag-aaral. Sa pagpapahiram ay natulungan mo siyang matugunan ang kanyang pangangailangan. Halimbawa, nagsisimula na ang pasulit nang mapansin mong walang ballpen ang iyong kaklase at dahil marami kang ballpen ay naisipan mong ipahiram ang isa nito sa kanya upang makasagot ito sa pagsusulit. Ang ganitong pangyayari ay maaaring mas magpalalim pa sa iyong pakikipagkaibigan at mabuting pakikitungo sa kapwa mag-aaral.

Tuwing pasko o kaya’y bagong taon ay nakaugalian na nating mga Pilipino ang magbigay ng regalo hindi lamang sa ating malalapit na pamilya kung hindi maging sa mga batang nangangailangan. Halimbawa, ang iyong pamilya ay namimigay ng laruan o damit sa mga bata sa lansangan o bahay-ampunan. Ang pagmamalasakit sa mga matatanda at may kapansanan ay isa ring magandang gawain sa pagpapakita ng ating pagkalinga at pagpapahalaga sa kanila.

Sa pangkalahatan, maraming ginagawa upang maipakita ang kabutihang ginawa ng tao sa kanyang kapwa. Maaaring sa maliit o malaking bagay, ikaw ay nakatulong na masolusyunan at mapawi ang kanilang agam-agam sa pang-araw-araw na pamumuhay. Laging pakatandaan na ang paggawa ng kabutihan sa kapwa ay nagsisimula sa sarili. Ito ay bukas palad na ibinibigay at walang hinihintay na kapalit. Habang lumalalim ang kabutihang iyong ginawa ay mas magiging dalisay ang kabutihang iyong ibinibigay sa kapwa.

Pagyamanin
Gawain 3: Isang Linggong Kabutihan!

Panuto: Punan ang talahanayan ng mga kabutihang ginawa sa kapwa at ilahad ang dahilan sa pagsasagawa ng mga ito. Isulat ang sagot sa sagutang papel.

ARAWGINAWANG KABUTIHANDAHILAN NG PAGSASAGAWA
Linggo
Lunes
Martes
Miyerkoles
Huwebes
Biyernes
Sabado

Rubrik sa talahanayan ng ginawang kabutihan

PamantayanNapakahusay (10 puntos)Mahusay (8 puntos)Nangangailangan ng Pag-unlad (5 puntos)
Ginawang kabutihanNakalalahad ng detalyado (pangalan, lugar, sa ginawang kabutihan sa loob ng isang linggo.Nakalahad ng detalyado sa ginawang kabutihan sa loob ng 5 araw.Nakalahad ng detalyado sa ginawang kabutihan sa loob ng 3 araw.
Kadahilanan sa pagsasagawa ng kabutihanNakapapaliwanag sa tiyak na kadahilanan sa pagsasagawa ng kabutihan sa loob ng isang linggo.Nakapapaliwanag sa tiyak na kadahilanan sa pagsasagawa ng kabutihan sa loob ng 5 araw.Nakapapaliwanag sa tiyak na kadahilanan sa pagsasagawa ng kabutihan sa loob ng 3 araw.
Kabuoang Puntos
Gawain 5: Tala-Tulong

Panuto: Gamit ang kronolohikong pag-uulat, bumuo ng isang ulat-salaysay na naglalahad nang mabubuting ginawa ng Local Government Unit (LGU) at Non-Government Organization (NGO) para sa mga nangangailangan sa panahon ng COVID 19. Isulat ang sagot sa sagutang papel.

Rubrik sa Pagmamarka ng Tala-Tulong na Gawain

PamantayanDeskripsiyonPuntos
PagsasalaysayKompleto ang mga detalye ng mga kaganapan at malinaw ang pagsasalaysay10
Pinagkunan ng datosTiyak, wasto, ang batayan ng nakuhang impormasyon5
Timeline-Based Pagsusunod-sunod ng mga kaganapanSunod-sunod ang iniulat na kaganapan ayon sa panahon ng pagsasagawa nito10
Kabuoan25
Isaisip
Gawain 6: Tuklas Kaalaman

Panuto: Isulat sa bawat patlang kung ano ang iyong iniisip at bagong kaalaman na nakuha sa araling pinag-aralan. Gawin ito sa iyong sagutang papel.

[illustration: outline of a human body with a brain and a heart, with arrows pointing to three text boxes]

Bakit mahalaga ang paggawa ng mabuti sa kapwa?



Bilang isang mapanagutang kabataan, ano ang iyong nararamdaman habang gumagawa ng kabutihan sa kapwa?




Magbigay ng mga hakbang upang mapanatili ang paggawa ng kabutihan sa kapwa.

Isagawa
Gawain 7: Mabuting Ako!

Panuto: Gamit ang graphic organizer ilahad ang mga kabutihang nagawa sa sumusunod:

a. Pamilya b. Paaralan c. Pamayanan

[chart: graphic organizer; Gawain 7: Mabuting Ako!] Center: Ako Branches to three boxes: Pamilya: 1. 2. 3. 4. 5. (blank) Paaralan: 1. 2. 3. 4. 5. (blank) Pamayanan: 1. 2. 3. 4. 5. (blank)

Tayahin

Maraming Pagpipilian

Panuto: Basahing mabuti ang bawat tanong o sitwasyon at piliin ang tamang sagot. Titik lamang ang isulat sa sagutang papel.

  1. Bakit mahalaga ang paggawa ng kabutihan sa kapwa? Dahil;

    • A. Nakapagpapasaya ka sa kapwa
    • B. May gumawa rin nito sa kanya
    • C. Nagpapakita ito ng pagmamahal sa kapwa
    • D. Tungkulin ng bawat tao na gumawa ng mabuti sa kapwa
  2. Laging binibigyan ni Karen ang matalik niyang kaibigan ng sagot kung may pagsusulit samantalang si Liza naman ay hinikayat ang mga kaklase na magaral ng pangkatan bilang paghahanda sa kanilang pagsusulit. Sino kina Karen at Liza ang nagpapakita ng kabutihang loob sa kapwa?

    • A. Si Karen na nagbibigay ng sagot sa kanyang kaibigan
    • B. Pagtutulungan nina Karen at kaibigan sa pagsagot sa pasulit
    • C. Paghikayat ni Liza sa mga kaklase para kanya-kanyang mag-aral
    • D. Pangunguna ni Liza sa kanyang mga kaklase sa pangkatang pag-aaral
  3. Ang tamang pakikitungo ng mga mag-aaral sa mga guro, kamag-aral o janitor sa paaralan ay tanda ng:

    • A. Pagtulong
    • B. Kabutihan
    • C. Pagpapasikat
    • D. Pagpapakilala
  4. Alin sa mga sitwasyon ang nagpapakita ng kabutihang loob sa kapwa sa loob ng paaralan?

    • A. Pagpapahiram ng bolpen sa kaklase
    • B. Paglilinis sa silid-aralan kapag nariyan ang guro
    • C. Manahimik upang hindi makapag-ingay sa klase
    • D. Binibigyan ng meryenda ang kaklase na nagpapakopya ng sagot sa pasulit
  5. Bilang kabataan, paano maipakikita ang kabutihan sa kapwa kabataan?

    • A. Pakikipagkaibigan sa mga kabataan
    • B. Nakikisalamuha sa kapwa kabataan kung may pagtitipon
    • C. Pamunuan ang mga kabataan dahil mayaman siya sa kanilang lugar
    • D. Nakikiisa sa mga gawain at proyekto ng kabataan sa kanyang barangay
  6. Pinipiling mapag-isa ni Mario kahit sa loob ng silid-aralan. Minsan, kinausap siya ng kanilang pangulo at hinikayat na makilahok sa klase kaya nang sumunod na mga araw, kapansin-pansin na nakikiisa na si Mario sa mga gawain sa paaralan. Paano ipinakita ng Pangulo ng klase ang kabutihang loob kay Mario?

    • A. Hinahayaan siya sa pagiging tahimik
    • B. Pagbabago ng ugali ni Mario sa mga kaklase
    • C. Nakikisama na si Mario sa kanyang mga kaklase
    • D. Paghikayat ng nito kay Mario na makilahok sa klase
  7. Maituturing na likas sa tao ang pagiging mabuti o may kagandahang loob dahil;

    • A. Tao siya kaya dapat magpakabuti
    • B. Namana niya ito sa mga magulang
    • C. Kusa siyang tumutulong sa kanyang kapwa
    • D. Matalino siyang gumawa ng kung ano sa kapwa
  8. Alin sa sitwasyon ang nagpapakita ng kabutihang loob sa kapwa?

    • A. Pagbibigay ng limos sa batang kalye
    • B. Pagpapaaral ng mahihirap na estudyante
    • C. Gumagastos ng malaki sa ginagawang handaan
    • D. Handang isakripisyo ang sarili para sa kapakanan ng iba
  9. Nagtuturo si G. Castro ng asignaturang MAPEH kung saan hinasa niya ang mga mag-aaral sa pagkanta at hinikayat niya itong sumali sa mga patimpalak sa pagawit hanggang sa maging sikat na mang-aawit ang mga mag-aaral. Paano ipinamalas ni G. Castro ang kabutihang loob sa kanyang mga mag-aaral?

    • A. Pagtuturo ni G. Castro ng asignaturang MAPEH
    • B. Pagtuturo na may bayad sa kanyang kakayahan
    • C. Binigyang-tuon ni G. Castro ang ibang talento ng mag-aaral
    • D. Paghasa at paghikayat sa mag-aaral na paunlarin ang talento
  10. Alin sa mga sumusunod ang nagpapamalas ng tunay na pagtulong?

    • A. Paglilinis sa paaralan kung may Brigada Eskwela
    • B. Pagbibigay ng pagkain at damit sa mga nasunugan
    • C. Pagtulong sa kapitbahay dahil walang ibang mahingan ng tulong
    • D. Laging pagdadala ng gamit ng guro para mabigyan ng mataas na marka
  11. Gumigising nang maaga si Ryan bago pumasok upang tulungan ang kanyang nanay na abala sa mga gawaing bahay at sa kanilang tindahan. Paano ipinakita ni Ryan ang pagiging mabuting anak sa kanyang nanay?

    • A. Maagang papasok si Ryan sa paaralan.
    • B. Gumising nang maaga si Ryan para magtrabaho.
    • C. Nagtitinda si Ryan at hindi na pumasok sa paaralan.
    • D. Tumulong sa kanyang nanay sa gawaing bahay at sa tindahan.
  12. Kalilipat lang ni Cristy kaya wala siyang kaibigan sa klase. Mabuti na lang at may nagpakilala sa kanya at nagbigay impormasyon tungkol sa kanilang paaralan. Paano naipakita ng kaklase ang kabutihang ginawa kay Cristy?

    • A. Pakikipagkaibigan ni Cristy ang bagong kaklase.
    • B. Paglapit ng mag-aaral kay Cristy para may makausap
    • C. Paglipat ni Cristy ng paaralan para magkaroon ng bagong kaibigan.
    • D. Pagpapakilala ng mag-aaral kay Cristy at pagtuturo sa kanya ng tungkol sa kanilang paaralan.
  13. Bata pa si Lito ngunit kakikitaan na siya ng kabaitan. Minsan nagkasundo sila ng kanyang kalaro na mag-unahan sa pagtakbo. Sa kanilang pagtakbo ay biglang nadapa ang kanyang kalaro kaya binalikan niya ito at tinulungang makatayo. Paano naipakita ni Lito ang kabutihan sa kalaro?

    • A. Sa paglalaro, gumawa siya ng kasunduan.
    • B. Para maipakita ang lakas niya sa pagtakbo
    • C. Pakikipaglaro sa kaibigan para hindi ito mabagot
    • D. Pagpapahalaga sa kapakananan ng kalaro kaysa manalo
  14. Alin sa sitwasyon ang nagpapakita ng kagandahang loob?

    • A. Pagbibigay ng pagkain sa mga batang lansangan
    • B. Pagbibigay sa pangangailangan ng kanilang kasambahay
    • C. Tinitiyak na laging may pera para masuportahan ang pamilya
    • D. Gumasta ng malaki sa kanyang birthday para marami ang makakain
  15. Magkasabay na umuwi galing sa paaralan sina Gng. Reyes at ilan niyang mag-aaral. Agad na kinuha ng isang mag-aaral ang mga gamit ng guro upang tulungan ito sa pagdadala; samantala ang iba ay masayang nakikipag-usap kay Gng. Reyes. Piliin sa sitwasyon ang nagpapakita ng kabutihang ginawa sa kapwa?

    • A. Pakikipag-usap ng guro sa mga mag-aaral
    • B. Pagpapadala ni Gng. Reyes ng kanyang mga gamit sa mag-aaral
    • C. Pagtulong ng mag-aaral kay Gng. Reyes sa pagdadala ng gamit nito
    • D. Pagiging masayahin ng mga mag-aaral dahil guro ang kanilang kasama

Karagdagang Gawain

Gawain 8: Dayalogo ng Kabutihan

Panuto: Lapatan ng dayalogo ang mga pangyayari sa komiks upang maipakita ang ginawang kabutihang loob ng tauhan sa pangyayari. Isulat ang sagot sa sagutang papel.

[illustration: six-panel comic strip of students walking home; a motorcycle rider falls, and the students help him up; speech bubbles are blank]

Karagdagang Gawain

Gawain 8: Dayalogo ng Kabutihan
PamantayanHigit na inaasahan 5 puntosNakamit ang inaasahan 4 puntosBahagyang nakamit ang inaasahan 3 puntosHindi nakamit ang inaasahan 2 puntos
Nilalaman ng DayalogoKomprehensibo at naipahayag sa dayalogo ang kabutihang ginawa sa kapwa. Wasto ang lahat ng impormasyonKompleto at naipahayag sa dayalogo ang kabutihang ginawa sa kapwa. Wasto ang lahat ng impormasyonMay ilang kakulangan sa pagpapahayag ng kabutihang loob sa dayalogo. May ilang maling impormasyonMaraming kakulangan sa nilalaman ng dayalogo.
Organisasyon ng KaisipanOrganisado at may malinaw na kaisahan ang daloy ng paglalahad ng kaisipan sa usapanMalinaw at maayos ang paglalahad ng kaisipan sa usapan ng tauhan.Hindi masyadong maayos at malinaw ang paglalahad ng kaisipan sa usapan.Walang kaayusan ang paglalahad ng kaisipan sa usapan ng mga tauhan.
Kabuoang Puntos

Susi sa Pagwawasto

[transcriber’s note: the answer key is printed rotated 180 degrees in three boxes labeled Subukin, Balikan, and Tayahin; the entries are shown below in the same columns]

Subukin, Balikan, Tayahin
SubukinBalikanTayahin
1. D1. /1. C
2. B2. /2. D
3. D3. /3. B
4. B4. /4. A
5. C5. /5. D
6. D6. /6. D
7. C7. x7. C
8. B8. /8. B
9. D9. x9. D
10. B10. /10. B
11. C11. D
12. D12. B
13. B13. D
14. A14. B
15. D15. C

Sanggunian

Aklat

Bognot, Regina Mignon C. et. Al. Edukasyon sa Pagpapakatao 8 Modyul ng mAg-aaral. Pasig City, 2013.

Julian-Baisa, Ailene G., Del Rosario, Mary Grace G., Lontoc, Nestor S. et. Al. Pinagyamang Pluma 8. Quezon City, 2014

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district