Araling Panlipunan 4 Quarter 4 Module 1: Ikaw, Ako, Tayo: Mamamayang Pilipino

Grade 4 AP Quarter 4 Module 1 explains who Filipino citizens are, jus soli and jus sanguinis, naturalization, and losing and regaining citizenship.

This is the Araling Panlipunan 4 self-learning module for Quarter 4 (Ikaapat na Markahan), Module 1: “Ikaw, Ako, Tayo: Mamamayang Pilipino” (You, Me, Us: Filipino Citizens). It was prepared by DepEd Region V as part of the Alternative Delivery Mode, First Edition, 2020, for Grade 4 learners studying at home. It explains who counts as a Filipino citizen under the law, how citizenship is gained, lost, and regained, and why citizens are a country’s most important resource.

On this page 6 sections

What learners will learn

The module’s content standard asks learners to show understanding and appreciation of their rights and duties as Filipino citizens. Its performance standard asks them to take part in civic activities that show they do their duties and live out their rights.

By the end of the lesson, learners are expected to:

  1. Discuss the concept and principles of citizenship (pagkamamamayan) (AP4KPB-Iva-b-1).
  2. Identify the bases of Filipino citizenship.
  3. Recognize who the citizens of the country are.

Key ideas: who is a Filipino citizen

Pagkamamamayan (citizenship) means being a member of a country as set by law. Not everyone who lives in the Philippines is a citizen. Foreigners who stay here only to study, travel, or do business remain citizens of their own countries.

Under Article IV, Section 1 of the 1987 Constitution (Saligang Batas ng 1987), these people are Filipino citizens:

  • Those who were citizens of the Philippines when the 1987 Constitution was ratified on February 2, 1987
  • Those whose father or mother is a Filipino citizen
  • Foreigners who chose to become Filipino citizens through the naturalization law
  • Those born before January 17, 1973 to Filipino mothers who chose Filipino citizenship on reaching 21 years old

Two types of citizenship

  • Likas o katutubo (natural-born): one or both parents are Filipino.
  • Di-likas o naturalisado (naturalized): a former foreigner who went through naturalization, a legal process in court. A naturalized Filipino must follow the country’s laws and culture and enjoys the rights of a citizen, except being elected to the highest government positions.

Two principles of citizenship by birth

PrincipleMeaning
Jus sanguinisCitizenship follows the blood, or the citizenship of one or both parents, wherever the child is born.
Jus soliCitizenship follows the place of birth, whatever the parents’ citizenship.

The module asks learners to think about which principle the Philippines uses and to explain their answer.

Key ideas: naturalization, losing and regaining citizenship

Qualifications of a foreigner who wants to be naturalized

The foreigner must be at least 21 years old, have lived in the Philippines continuously for ten years, have good moral character, believe in the Philippine Constitution, have a steady job and property in the country, speak and write Filipino, accept Filipino culture, and send their children to schools that teach Philippine culture and history.

Foreigners who cannot be naturalized

  • Those who used violence to get what they want
  • Those convicted of crimes involving morality, such as gambling and prostitution
  • Those who oppose or rebel against the established government
  • Citizens of countries that do not let Filipinos become naturalized citizens there
  • Those who do not believe in Filipino customs, traditions, and principles

How citizenship can be lost

A Filipino can lose citizenship, willingly or not, by giving it up and taking another country’s citizenship (expatriation), deserting the armed forces and siding with the enemy in wartime, having a naturalized citizenship cancelled, swearing allegiance to another country’s constitution at 21, serving in another country’s armed forces, or becoming a naturalized citizen of another country.

How citizenship can be regained

  1. Repatriation through naturalization again (muling naturalisasyon)
  2. An act of Congress
  3. A pardon of a court sentence for a deserter of the armed forces
  4. Returning to the Philippines and swearing allegiance again to the Republic

Dual citizenship

Under Republic Act 9225, the Dual Citizen Law, a natural-born Filipino may also become a naturalized citizen of another country.

How to use this module

The module follows these parts in order:

  1. Subukin: a 10-item multiple-choice pretest to check what you already know.
  2. Balikan: a review of what government does for its citizens (draw a heart or a star).
  3. Tuklasin: unscramble the letters to get the title of a short poem about being Filipino.
  4. Suriin: the main lesson summarized above.
  5. Pagyamanin: three activities: true-or-false concepts with happy and sad faces, deciding who is “Pilipino” or “Hindi Pilipino”, and a matching type.
  6. Isaisip: a fill-in-the-blanks review called “Fill Me”.
  7. Isagawa: finish a reflection sentence and make a slogan about the value of your citizenship.
  8. Tayahin: the final test, with short discussion items and a check-or-cross exercise.
  9. Karagdagang Gawain: write an essay titled “Ako, Bilang Mamamayang Pilipino” (Me, as a Filipino Citizen).

Learners: write all answers on a separate answer sheet, not on the module, and keep the module clean so others can use it. Check your work with the answer key (Susi sa Pagwawasto) honestly, after you answer.

Parents and guardians: help your child follow the time suggested for each activity and contact the teacher if your child has trouble understanding the lesson.

Teachers: the pretest shows which learners need extra help, and the final test measures what they learned. The reflection, slogan, and essay have no fixed answers and need your checking.

Frequently asked questions

What grade and quarter is this module for?

It is for Grade 4 Araling Panlipunan, Quarter 4 (Ikaapat na Markahan), Module 1.

Does the module have an answer key?

Yes. The Susi sa Pagwawasto at the end gives answers for the pretest, the review, the activities, Isaisip, and the check-or-cross part of the final test. The discussion items, reflection, slogan, and essay have answers that may vary.

What is the difference between jus sanguinis and jus soli?

Jus sanguinis bases citizenship on the citizenship of one or both parents, wherever the child is born. Jus soli bases citizenship on the place of birth, whatever the parents’ citizenship.

What are the two types of Filipino citizenship?

Natural-born (likas o katutubo), when one or both parents are Filipino, and naturalized (naturalisado), when a former foreigner goes through the legal naturalization process in court.

Can a Filipino lose and regain citizenship?

Yes. The module lists ways citizenship can be lost, such as serving in another country’s armed forces, and ways to regain it, such as an act of Congress or returning and swearing allegiance again to the Republic.

Full text of the module

The text below is a transcription of the PDF above, as printed.

Araling Panlipunan Ikaapat na Markahan – Modyul 1: “Ikaw, Ako, Tayo: Mamamayang Pilipino”

4

[illustration: students reading and studying outdoors and at a desk, with a teacher, a globe, and a lamp]

PAG-AARI NG PAMAHALAAN HINDI IPINAGBIBILI

CO-Q4_AP4_Module1

Araling Panlipunan – Ikaapat na Baitang Alternative Delivery Mode Ikaapat na Markahan Modyul 1– “Ikaw, Ako, Tayo: Mamamayang Pilipino” Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran.

Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Emma A. Jadie Editor: Jerry P. Ramirez at Ma. Leilani R. Lorico Tagasuri: Ana N. Calisura Tagaguhit: Tagalapat: Edsel D. Doctama, Katherine Obrero Cordora Tagapamahala: Gilbert T. Sadsad, Francisco B. Bulalacao Jr., Grace U. Rabelas, Ma. Leilani R. Lorico, Imelda R. Caunca, Marites B. Tongco

Inilimbag sa Pilipinas ng _____

Department of Education – Region V

Office Address: Regional Center Site, Rawis, Legazpi City, 4500 Philippines Telefax: 0917-178-1288 E-mail Address: region5@deped.gov.ph

4

Araling Panlipunan Ikaapat na Markahan – Modyul 1: “Ikaw, Ako, Tayo: Mamamayang Pilipino”

Paunang Salita

Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.

Alamin

Pag-aaralan mo sa modyul na ito ang pinakamahalagang yaman ng isang bansa, ang mga mamamayan. Sino nga ba ang maituturing na mga mamamayang Pilipino at ano ang batayan ng pagkamamamayan?

Matutunan mo sa aralin ang mga konsepto, prinsipyo at batayan ng pagkamamamayang Pilipino.

Pamantayang Pangnilalaman:

Naipamamalas ng mag-aaral ang pang-unawa at pagpapahalaga sa kanyang mga karapatan at tungkulin bilang mamamayang Pilipino

Pamantayan sa Pagganap:

Ang mag-aaral ay nakikilahok sa mga gawaing pansibiko na nagpapakita ng pagganap sa kanyang tungkulin bilang mamamayan ng bansa at pagsasabuhay ng kanyang karapatan.

Sa araling ito, ikaw ay inaasahang:

  1. Natatalakay ang konsepto at prinsipyo ng pagkamamamayan (AP4KPB-Iva-b-1)
  2. Natutukoy ang mga batayan ng pagkamamamayang Pilipino.
  3. Nakikilala kung sino ang mga mamamayan ng bansa.
Sino ang maituturing na mamamayang Pilipino?

Speech bubble from mascot: Sino ang maituturing na mamamayang Pilipino?

Tingnan ang larawan sa susunod na pahina. Ang mga tao sa larawan ay naninirahan sa ating bansa ngunit sila bang lahat ay maituturing na mamamayang Pilipino? Masasabi mo bang ikaw ay isang Pilipino? Gawin sa loob ng 2 minuto

[illustration: outline map of the Philippines surrounded by six figures in traditional and historical dress, including a figure with a spear and feathered headdress, a man in a wide-brimmed hat and barong, a woman with a fan and umbrella, a man in a top hat and formal coat, and two other figures in traditional clothing]

SOURCE: AP 4 LM ph.328

Subukin

Simulan mo ang modyul na ito sa isang pagsubok. Piliin ang titik ng tamang sagot at isulat ito sa iyong sagutang papel. Tinatayang magagawa mo ito sa loob ng 5 minuto.

  1. Alin sa mga sumusunod ang nangangahulugang pagiging kasapi o miyembro ng isang bansa ayon sa itinatakda ng batas?
    A. Pagkamakabayan
    B. Pagkamaka-Pilipino
    C. Pagkamakatao
    D. Pagkamamamayan


  2. Sino sa mga sumusunod ang maituturing na mamamayang Pilipino?
    A. Si Ana na isinilang sa Amerika.
    B. Si Maria na ang ama at ina ay kapwa mga Pilipino.
    C. Si Carlos na anak ng mag-asawang Hapones na matagal nang naninirahan sa Pilipinas.
    D. Si Donna na ang ama ay Chinese at ang ina ay Vietnamese na may malaking negosyo sa Pilipinas.


  3. Sino ang HINDI maituturing na isang mamamayang Pilipino?
    A. Ang isang batang may ama o ina na mamamayang Pilipino.
    B. Ang isang taong isinilang sa Canada.
    C. Ang isang taong mamamayan na ng Pilipinas bago pa pinagtibay ang Saligang Batas ng 1987.
    D. Ang mga dayuhang naging naturalisadong mamamayan ayon sa batas.


  4. May dalawang uri ng ang pagkamamamayan: ang likas o katutubo at naturalisado. Ano ang ibig sabihin ng likas o katutubong pagkamamamayan?
    A. Ang mga mamamayang anak ng isang Pilipino.
    B. Ang mga mamamayang maaaring isa lamang sa kaniyang mga magulang ay Pilipino.
    C. Ang mga mamamayang parehong mga Pilipino ang mga magulang.
    D. Lahat ng nabanggit ay tama.


  5. Aling prinsipyo ng pagkamamamayan ang naaayon sa dugo o pagkamamamayan ng magulang?
    A. Jus sanguinis C. Jus soli.
    B. Pandarayuhan D. Naturalisado


  6. Ayon sa ating batas, maaaring mawala ang pagkamamamayan sa pamamagitan ng mga sumusunod MALIBAN sa isa.
    A. Nakamit lamang niya ang kanyang pagka-Pilipino sa pamamagitan ng naturalisasyon.
    B. Naglingkod siya sa Sandatahang Lakas ng ibang bansa.
    C. Sumumpa siya ng katapatan sa Saligang Batas ng ibang bansa pagsapit ng 21 taong gulang.
    D. Naging naturalisadong mamamayan ng ibang bansa.


  7. Sino sa mga sumusunod na mga dayuhan ang maaaring mabigyan ng pribilehiyong maging Pilipino?
    A. Si G. Miller na sumasalungat sa nakatatag na pamahalaan ng Pilipinas.
    B. Si G. Choi na nagmamay-ari ng ilegal na pasugalan.
    C. Si Gng. Tan na sumusuporta sa mga kaugalian at tradisyong maka-Pilipino.
    D. Si Bb. Dy na mula sa bansang nagbabawal sa kanilang mamamayang maging naturalisadong mamamayan ng Pilipinas.


  8. Si G. Smith na galing sa Amerika ay nakapagpatayo ng isang malaking kompanya sa Pilipinas. Tatlong taon na siyang naninirahan sa Pilipinas. Ayon sa nabanggit, ano ang pagkamamamayan ni G. Smith?

    • A. Siya ay isang Pilipino.
    • B. Siya ay isang Amerikano.
    • C. Siya ay isang katutubong Pilipino.
    • D. Siya ay naturalisadong Pilipino.
  9. Ang pagkamamamayan ay maaaring mawala at makamit muli. Ano ang angkop na paglalarawan sa pahayag?

    • A. Ito ay may katotohanan.
    • B. Ito ay opinyon lamang.
    • C. Ito ay walang katotohanan
    • D. Ito ay-isang haka-haka
  10. Alin sa mga sumusunod ang tumutukoy sa mga prinsipyo ng pagkamamamayan ayon sa kapanganakan?

    • A. Jus Soli at Jus Sanguinis
    • B. katutubo at naturalisado
    • C. Jus Soli at likas
    • D. Jus Sanguinis at naturalisado

Aralin 1 “Ikaw, Ako, Tayo: Mamamayang Pilipino”

Balikan

PANUTO: Iguhit sa sagutang papel ang (PUSO) kung ang pahayag ay tumutukoy sa mga bahaging ginagampanan ng pamahalaan sa pagtugon ng mga pangangailangan ng mga mamayan at (BITUIN) naman kung hindi ito gampanin ng pamahalaan. Gawin ito sa loob ng 3 minuto.

  1. _____ Pamamahagi ng tulong pinansyal sa mga nasalanta ng kalamidad
  2. _____ Pagbibigay ng sasakyan sa mga kawani ng pamahalaan
  3. _____ Pagpapatayo ng mga pampublikong paaralan at pagamutan
  4. _____ Pagbili ng telebisyon sa bawat pamilya
  5. _____ Pagpapanatili ng kaayusan sa pamayanan
Tuklasin

Ayusin ang ginulong mga titik upang mabuo ang pamagat ng tula. Maaari mo itong gawin sa loob ng 2 minuto sa iyong sagutang papel.

[illustration: red banner with scrambled letters; callout reads “Buuin ang ginulong titik”]

MAPAGMAYANKAMA

Pilipino, Ako ay Pilipino
Pilipinas ngalan ng bansa ko
Ipaglalaban ko kahit na kanino
Pilipinas ikaw ay mahal ko

Pilipino ako, balat kayumanggi
Pagmamahal sa bayan di maitatanggi
Iisa lang ang lahi, iisa lang ang lipi
Mahal kong bayan, sambit ng aking labi

Suriin

Ang pagkamamamayan ay nangangahulugan ng pagiging kasapi o miyembro ng isang bansa ayon sa itinatakda ng batas. Hindi lahat ng naninirahan sa isang bansa ay mamamayan nito dahil may mga dayuhang nakatira dito na maaaring hindi kasapi nito. Halimbawa, ang mga dayuhang naninirahan lamang dito sa ating bansa upang mag-aral, mamasyal, o makipagkalakal, ay hindi maituturing na Pilipino dahil sila ay mamamayan ng ibang bansa. Ating tuklasin sino nga ba ang maituturing na mamamayang Pilipino?

Ayon sa Artikulo IV, Seksiyon 1 ng Saligang Batas ng 1987, maituturing na mamamayang Pilipino ang mga sumusunod:

[chart: four-box diagram; “Ang mga Mamamayang Pilipino”]

  • Mamamayan ng Pilipinas nang pinagtibay ang Saligang Batas ng 1987 noong Pebrero 2, 1987
  • Ang ama o ina ay mamamayang Pilipino
  • Mga dayuhang nagpasiyang maging mamamayang Pilipino ayon sa batas ng naturalisasyon
  • Mga mamamayang isinilang bago sumapit ang Enero 17, 1973 sa mga inang Pilipino na pinili ang pagkamamamayang Pilipino pagsapit ng 21 taong gulang.
Uri ng Mamamayang Pilipino

May dalawang uri ng pagkamamamayan: ang likas o katutubong pagkamamamayan at di-likas o naturalisadong pagkamamamayan. Likas o Katutubo ang pagkamamamayang Pilipino kung ang isa o parehas sa kanyang mga magulang ay isang Pilipino. Di-likas o naturalisado naman ang pagkamamamayan kung ang isang dating dayuhan ay sumailalim sa proseso ng naturalisasyon.

Ang naturalisasyon ay isang legal na paraan kung saan ang isang dayuhan na nais maging mamamayan ng isang bansa ay sasailalim sa isang proseso sa hukuman. Kapag nabigyan na ng pagkamamamayang Pilipino ang isang dayuhan, kailangan niyang sumunod sa mga batas at kultura ng bansa. Matatamasa rin niya ang mga karapatan ng isang mamamayang Pilipino maliban sa mahalal sa matataas na posisyon sa pamahalaan ng bansa.

Prinsipyo ng Pagkamamamaya Ayon sa Kapanganakan

May dalawang prinsipyo ng pagkamamamayan ayon sa kapanganakan ang maaaring gamitin ng isang bansa upang matukoy ang kanilang mamamayan.

  1. Jus sanguinis – Ang pagkamamamayan ay naaayon sa dugo o pagkamamamayan ng mga magulang o isa man sa kanila. Sinusunod ng mga anak ang pagkamamamayan ng kanilang mga magulang saan mang bansa sila ipinanganak.


  2. Jus soli – Ang pagkamamamayan ay naaayon sa lugar ng kaniyang kapanganakan anuman ang pagkamamamayan ng kaniyang mga magulang. Ang ibig sabihin, kung ang isang tao ay ipinanganak sa isang bansa na sumusunod sa prinsipyong ito, siya ay ituturing na mamamayan ng bansang iyon anuman ang pagkamamamayan ng kaniyang mga magulang.


[illustration: cartoon mascot character holding a thumbs-up] Speech bubble: “Anong prinsipyo ng pagkamamamayan ang siyang ginagamit upang matukoy ang pagkamamamayan sa Pilipinas? Ipaliwanag ang iyong sagot.”

Mga Katangian ng isang Dayuhan na nais maging Naturalisadong Pilipino
  1. Siya ay dalawampu’t isang taong gulang na.
  2. Siya ay naninirahan sa Pilipinas nang tuloy-tuloy sa loob ng sampung taon.
  3. Siya ay may mabuting pagkatao
  4. Naniniwala siya sa Saligang Batas ng Pilipinas.
  5. May matatag siyang hanapbuhay at may ari-arian sa Pilipinas.
  6. Nakapagsasalita at nakasusulat siya ng wikang Pilipino.
  7. Tinatanggap niya ang kulturang Pilipino.
  8. Pinag-aaral niya ang mga anak sa mga paaralang nagtuturo ng kultura at kasaysayan ng Pilipinas.
Pagkawala ng Pagkamamamayang Pilipino

Maaari ring mawala ang pagkamamamayan ng isang Piipino, kusang-loob man ito o sapilitan. Ang mga sumusunod ang mga dahilan ng pagkawala ng pagkamamamayang Pilipino:

[chart: hexagon diagram; “Pagkawala ng pagkamamamayan”]

  • Itinakwil niya ang kaniyang pagkamamama-yan at nagangkin ng pagkamamama-yan ng ibang bansa (expatriation)
  • Napatunayan siyang tumakas sa hukbong sandatahan ng ating bansa at kumampi sa kaaway sa panahon ng digmaan
  • Nagpawalang-bisa siya ng naturalisadong pagkamamamayang Pilipino
  • Sumumpa siya ng katapatan sa Saligang Batas ng ibang bansa pagsapit niya ng 21 taong gulang.
  • Naglingkod siya sa sandatahang lakas ng ibang bansa.
  • Naging naturalisadong mamamayan siya ng ibang bansa
Muling Pagkakamit ng Pagkamamamayang Pilipino

Maaaring maging Pilipino muli sa pamamagitan ng sumusunod na mga paraan:

  1. Muling Naturalisasyon
  2. Aksiyon ng Kongreso
  3. Pagpapatawad sa hatol ng hukuman sa isang tumakas na miyembro ng Sandatahang Lakas.
  4. Pagbabalik sa Pilipinas at muling pagsumpa ng katapatan sa Republika ng Pilipinas.
Mga Dayuhang Hindi Maaaring Maging Mamamayang Pilipino

Hindi lahat ng mga dayuhan na nais maging naturalisadong Pilipino ay maaaring bigyan ng pagkamamamayan. Ang mga sumusunod ang mga dahilan ng hindi pagbibigay ng pribilehiyong naturalisasyon sa mga dayuhan:

  1. Gumamit ng dahas upang makamit ang kanilang kagustuhan
    [illustration: official at a counter speaking to a woman, who is holding a document]


  2. Nahatulan sa kasalanang may kaugnayan sa moralidad gaya ng pagsusugal at prostitusyon
    [illustration: a man behind prison bars wearing a shirt marked “P”]


  3. Sumasalungat o nagrerebelde sa nakatatag na pamahalaan
    [illustration: group of protesters holding placards]


  4. Pagiging mamamayan ng isang bansang hindi nagkakaloob ng karapatang maging naturalisadong mamamayan ng Pilipinas
    [illustration: a national flag above a group of people raising their hands]


  5. Hindi naniniwala sa kaugalian, tradisyon, at simulain ng mga Pilipino
    [illustration: family looking disapprovingly at people celebrating]


May mga pagkakataon na ang mga mamamayang Pilipino ay nagiging mamamayan pa ng ibang bansa. Tinatawag itong DUAL CITIZEN. Ito ay pinahuntulutan ng batas. Ayon sa Republic Act 9225 o mas kilala bilang Dual Citizen Law, pinahihintulutan na ang isang likas na mamamayang Pilipino ay maaring maging naturalisadong mamamayan din ng ibang bansa.

Pagyamanin

Sagutan ang mga sumusunod na gawain. Gawin sa loob ng 4 minuto sa iyong sagutang papel.

Gawain A: KONSEP2KOY

Iguhit sa sagutang papel ang Masayang Mukha [illustration: smiley face] kung tama ang konseptong ipinahahayag ukol sa pagkamamamayan at Malungkot na Mukha [illustration: sad face] naman kung hindi.

  1. Isa man sa iyong mga magulang ay Pilipino, ikaw ay isang mamamayang Pilipino.
  2. Ang mga dating dayuhan na sumailalim sa proseso ng naturalisasyon ay maituturing na mamamayang Pilipino.
  3. Ikaw ay mamamayang Pilipino kung mamamayan ka ng Pilipinas bago ang Pebrero 2007.
  4. Ang isang Pilipinong nakapag-asawa ng isang dayuhan ay hindi na maaaring maging mamamayang Pilipino.
  5. Hindi na maaaring maging mamamayang Pilipino ang isang dating Pilipino na piniling maging naturalisadong mamamayan ng ibang bansa.
Gawain B: PILIPINO O HINDI

Sino sa kanila ang mamamayang Pilipino? Isulat sa sagutang papel ang salitang PILIPINO kung ang nakasalungguhit na pangalan ay mamamayang Pilipino at HINDI PILIPINO naman kung hindi.

_____ 1. Si Julius ay anak ng isang Ifugao at isang Ilokano. Naninirahan sila sa Maynila. _____ 2. Nagbabakasyon sa Pilipinas tuwing mahal na araw si Nyro na isang Australyano.

_____ 3. Si G. Smith na isang Amerikano ay nakapagpatayo ng isang malaking kompanya sa Pilipinas. Tatlong taon na siyang naninirahan sa Pilipinas. _____ 4. Si Lenie ay ipinanganak sa Cebu. Ang kaniyang ama ay Pilipino at ang kaniyang ina ay Hapones. _____ 5. Si Kapitan Ben ay isang sundalong Pilipino. Nang sumiklab ang World War II, siya ay nakipagtulungan at umanib sa mga sundalong Hapones.

GAWAIN C: TUGMA-TAMBALAN

Pagtugmain ang hanay A sa hanay B. Isulat sa sagutang papel ang titik ng tamang sagot.

AB
1. Pagkamamamayan ayon sa dugo ng magulangA. Dual citizenship
2. Proseso ng pagiging mamamayan ng isang dayuhan ayon sa batasB. Jus sanguinis
3. Pagkamamamayan batay sa lugar ng kapanganakanC. Jus soli
4. May dalawang pagkamamamayanD. Naturalisasyon
5. Kasulatan kung saan nakasaad ang pagkamamamayang PilipinoE. Saligang Batas
F. Pagkamamamayan

Isaisip

FILL ME

Kumpletuhin ang mga sumusunod na pahayag upang mabuo ang tamang konsepto. Piliin ang tamang sagot sa loob ng scroll. Gawin ito sa loob ng 5 minuto sa iyong sagutang papel.

  1. Nakasaad sa _____ ng 1987 ng Pilipinas ang mga katangian ng isang mamamayang Pilipino.
    Saligang Batas · Pahayagan · Bibliya


  2. May dalawang uri ng pagkamamamayan: _____ at _____
    Likas at Naturalisado · Likas at Sagrado · Likas at Lubos


  3. May dalawang prinsipyo ng likas na pagkamamamayan ayon sa kapanganakan: ang _____ at _____.
    Jus Soli at Jus Sanguinis · Jus Soli at LIkas · Jus Soli at Naturalisado


  4. Ang mga dayuhan ay maaaring maging mamamayang Pilipino sa pamamagitan ng prosesong _____.
    Naturalisasyon · Bendisyon · Eleksiyon


  5. Ang _____ ay maaaring mawala at makamit muli.
    Pangalan · Pagkamamamayan · Pagkatao


Isagawa

MY REFLECTION

Bumuo ng isang pangungusap na magbubuod sa iyong natutunan sa aralin. Dugtungan ang simula ng pangungusap. Gawin sa loob ng 2 minuto sa iyong sagutang papel.

Nabatid ko sa napag aralang aralin na






Gumawa ng islogan tungkol sa kahalagahan ng iyong pagkamamamayang Pilipino. Gawin mo ito sa iyong sagutang papel.

[transcriber’s note: the printed box for the slogan is empty; the slogan is written on the answer sheet]

Tayahin

A. TALAKAYIN MO

Talakayin sa isa o dalawang pangungusap ang mga sumusunod. Gawin sa loob ng 5 minuto sa iyong sagutang papel.

[chart: flow diagram with two rows of arrow boxes; labels: “konsepto ng pagkamamamayan” (first row, left box), “kaibahan ng dalawang prinsipyo ng pagkamamamayan (Jus Soli, Jus Sanguinis)” (second row, left box); the right-hand arrow boxes are empty for answers]

B. ITSEK MO (/)

Lagyan ng tsek ( / ) kung ang tinutukoy ay mamamayang Pilipino, ekis (X) kung hindi. Gawin mo ito sa iyong sagutang papel.

_____1. Si Ana na ang ama at ina ay parehong Pilipino. _____2. Si Jhonny na ipinanganak sa Amerika. _____3. Si Carla na ang ama ay tubong Bacolod at Bicolana ang ina. _____4. Si Ramon na ang ama ay Intsik at ang ina ay Vietnamese. _____5 Si Nena na ipinanganak ng isang mag-asawang Ifugao.

Karagdagang Gawain

I-EXPRESS MO

Sumulat ng isang sanaysay tungkol sa pagiging isang mabuting mamamayang Pilipino. Pamagatan ito ng “Ako, Bilang Mamamayang Pilipino”. Gawin sa loob ng 4 minuto sa iyong sagutang papel.

“Ako, Bilang Mamamayang Pilipino”

[transcriber’s note: the printed scroll below the title has about 30 ruled lines for writing the essay; no text is printed on them]

Susi sa Pagwawasto

[transcriber’s note: this page is printed rotated 180 degrees; it is transcribed upright, and the two columns are read in order]

Subukin
  1. D
  2. B
  3. B
  4. D
  5. A
  6. A
  7. C
  8. B
  9. A
  10. A
Balikan
  1. [illustration: heart shape]
  2. [illustration: star shape]
  3. [illustration: heart shape]
  4. [illustration: star shape]
  5. [illustration: heart shape]
Tuklasin

PAGKAMAMAMAYAN

Pagyamanin
  1. A. [illustration: surprised face]
  2. [illustration: surprised face]
  3. [illustration: sad face]
  4. [illustration: sad face]
  5. [illustration: sad face]
Pagyamanin B
  1. PILIPINO
  2. HINDI
  3. HINDI
  4. PILIPINO
  5. HINDI
Pagyamanin C
  1. B
  2. D
  3. C
  4. A
  5. E
Isaisip: FILL ME
  1. Saligang Batas
  2. Likas at Naturalisado
  3. Jus Sanguinis at Jus Soli
  4. Naturalisasyon
  5. Pagkamamamayan
Tayahin

A. Answers may vary

B. ITSEK MO

  1. /
  2. X
  3. /
  4. X
  5. /

Sanggunian

Adriano et.al., Araling Panlipunan 4 Kagamitan ng Mag-aaral, Pilipinas: Vibal Group Inc. 2015 pp. 328-336

Adriano et.al., Araling Panlipunan 4 Patnubay ng Guro, Pilipinas: Vibal Group Inc. 2015 pp. 146-149

Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

Ground Floor, Bonifacio Bldg., DepEd Complex Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph

One response to “Araling Panlipunan 4 Quarter 4 Module 1: Ikaw, Ako, Tayo: Mamamayang Pilipino”

Leave a Reply

Your email address will not be published. Required fields are marked *

For students and teachers

Looking for a school?

Look up the enrollment, teachers, classrooms and facilities of more than 60,000 schools across the Philippines, from DepEd’s public data. Free to use.

Philippine Schools Directory by TeacherPH · every region, province, division and district