This is the Self-Learning Module (SLM) for Filipino, Grade 7 (Baitang 7), Quarter 4 (Ikaapat na Markahan), Module 1: “Kaligirang Pangkasaysayan ng Ibong Adarna” (the historical background of Ibong Adarna). It was prepared by DepEd Region XII for learners studying at home under Alternative Delivery Mode, and it introduces the korido, a type of narrative poem, before learners read the adventures in Ibong Adarna. After the module, learners should be able to explain what a korido is, describe its features, and share their own view on why the author wrote the work.
On this page 7 sections
What learners will learn
The module lists two most essential learning competencies:
- Give the meaning and characteristics of the korido: “Naibibigay ang kahulugan at mga katangian ng korido” (F7PT-IVa-b-18).
- Present one’s own view about the author’s motives, based on the part of the work that was read: “Nailalahad ang sariling pananaw tungkol sa mga motibo ng may akda sa bisa ng binasang bahagi ng akda” (F7PB-IVa-b-20).
The module has one lesson, Aralin 1: Kaligirang Pangkasaysayan ng Ibong Adarna.
What is a korido?
The module defines the korido as a long narrative poem (mahabang tulang pasalaysay). It is believed to have entered the Philippines around 1600 through Miguel Lopez de Legaspi and spread during the Spanish period. Filipino youth still read and study it today for its beauty and for the life lessons it carries.
Characteristics of the korido
- It has measure and rhyme (may sukat at tugma). Measure means every line has the same number of syllables. In a korido, each line always has eight syllables.
- It is meant to be read, not sung.
- When sung, the tune is fast, or allegro. This is because the lines are short, only eight syllables each.
- The characters have supernatural powers. They can do wonders ordinary people cannot, such as flattening a mountain in a single night.
- The characters’ adventures are unlikely to happen in real life.
Counting syllables and finding rhyme
The module uses the first stanza of Ibong Adarna as its example:
O Birheng kaibig-ibig
Ina naming nasa langit,
liwanagin yaring isip
nang sa layo’y di malihis.
Each line has eight syllables. The last syllables of the end words are /big/, /ngit/, /sip/, and /his/. The consonants g, t, p, and s are treated as rhyming, and the vowel before them is always i. If the last vowels are different, the words do not rhyme. The rule to remember: to check rhyme, follow the sound of the last syllable of the final word in each line.
Ibong Adarna as a korido
Ibong Adarna is considered the most popular korido. According to Pura Santillan Castrence (Publikasyon Blg. 26, Surian ng Wikang Pambansa, 1940), the story of the magical bird may have been drawn from folk tales of other countries, such as Germany, Denmark, Romania, Finland, and Indonesia.
Key ideas the module explains:
- Shared patterns in folk tales. Folklorists say folk tales around the world follow a similar motif or structure, but the details differ because of each country’s culture and values. So even though the heroes are princes and princesses from faraway kingdoms, their actions, speech, and beliefs are clearly Filipino.
- An opening prayer. A korido usually begins with an invocation or dedication, often to a patron saint. In Ibong Adarna, the poet asks the Virgin Mary for guidance so that the story will be told correctly.
- Religious themes. The korido became popular during the Spanish colonial period, when one aim of colonization was to spread Christianity. Literature became an effective vehicle for spreading Catholicism, and the hero who wins is usually prayerful, never forgets God, and is kind to others.
- Filipino values. Although the story is thought to come from abroad, critics say it fits Filipino culture. It reflects strong faith in God, care for the family, respect for elders, helping those in need, a deep sense of gratitude (utang na loob), and courage in facing life’s trials.
The module also suggests two videos for further study: “Pala-palagay sa May-akda ng Ibong Adarna” (theories about the author of Ibong Adarna) and “Siklo at Disenyong Pokloriko ng Ibong Adarna” (the folkloric cycle and design of Ibong Adarna). The links are printed in the module.
Parts and activities of the module
| Part | What learners do |
|---|---|
| Subukin (pretest) | 15 true-or-false items about the korido |
| Balikan (review) | Identify ways of sharing news (pasalita, pasulat, pampaningin) from the previous lesson |
| Tuklasin (explore) | Fill in two word webs: features of the korido and the author’s motives |
| Suriin (discussion) | Read the explanation of the korido and the background of Ibong Adarna |
| Pagyamanin (practice) | Write one or two korido stanzas about a photo of what you do during the pandemic; mark terms that do not describe the korido |
| Isaisip (reflection) | Complete sentences defining the korido and answer three essay questions about the Spanish period and the theme of adventure |
| Isagawa (application) | Write paragraphs on five values: solving life’s problems, love for parents, respect for elders, faith, and helping those in need |
| Tayahin (assessment) | 15 check-or-X items on the features of the korido |
| Karagdagang Gawain (extra task) | Explain whether Ibong Adarna, possibly European in origin, should still be studied as a Filipino masterpiece |
Written tasks are scored with rubrics printed in the module, covering grammar, organization of ideas, and depth of discussion.
How to use this module
- Learners: Start with the Subukin pretest, then work through the parts in order. Write all answers on a separate sheet of paper and do not write on the module, so others can use it. Check your work honestly with the answer key (Susi sa Pagwawasto) at the end, and contact your teacher if you have trouble understanding the lesson.
- Parents and guardians: The module comes with a Gabay sa Guro/Tagapagdaloy (teacher or facilitator guide) with reminders and strategies for helping your child at home. Encourage your child to answer first before checking the key.
- Teachers: The answer key covers Subukin, Pagyamanin B, and Tayahin. For the Tuklasin word webs, the key leaves scoring to the teacher, and the essays and korido-writing tasks are graded with the included rubrics.
Frequently asked questions
What grade and quarter is this Ibong Adarna module for?
It is Filipino Grade 7, Quarter 4, Module 1, titled Kaligirang Pangkasaysayan ng Ibong Adarna. It was produced by DepEd Region XII (first edition, 2020).
What is a korido?
A korido is a long narrative poem with measure and rhyme, with eight syllables in every line. It is meant to be read, has a fast tune (allegro) when sung, and features characters with supernatural powers in adventures unlikely to happen in real life.
Where did the story of Ibong Adarna come from?
According to Pura Santillan Castrence (1940), the story may have been drawn from folk tales of other countries such as Germany, Denmark, Romania, Finland, and Indonesia. Critics say its content still reflects Filipino culture and values.
Does the module have an answer key?
Yes. The Susi sa Pagwawasto at the end gives answers for the Subukin pretest, Pagyamanin Gawain B, and the Tayahin assessment, while open-ended tasks are scored by the teacher using rubrics.
Why does Ibong Adarna begin with a prayer to the Virgin Mary?
A korido usually opens with an invocation to a patron saint. The korido became popular during the Spanish period, when literature was used to spread Catholicism, so its themes are religious.
Full text of the module
The text below is a transcription of the PDF above, as printed.
Filipino Ikaapat Na Markahan – Modyul 1: Kaligirang Pangkasaysayan Ng Ibong Adarna
[illustration: group of students studying outdoors and indoors with a teacher, a globe, and a child reading by a lamp]
PAG-AARI NG PAMAHALAANG HINDI IPINAGBIBILI
CO_Q4_Filipino7_Modyul1
Filipino – Baitang 7 Alternative Delivery Mode Ikaapat na Markahan – Modyul 1: Kaligirang Pangkasaysayan ng Ibong Adarna Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anumang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anumang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anumang parte ng materyales na ito ang maaaring kopyahin o ilimbag sa anumang paraan nang walang pahintulot sa Kagawaran.
Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio
Inilimbag sa Pilipinas ng ________________________
Department of Education – Region XII Office Address: Department of Education – Region XII Office Address: Regional Center, Brgy. Carpenter Hill, City of Koronadal Telefax: (083) 2288825/ (083) 2281893 Email Address: depedroxii.org Email: region12@deped.gov.ph
Bumuo sa Pagsusulat ng Modyul
Manunulat: Virgilina L. Cabaylo Editor: Mylene S. Arzadon Tagasuri: Lelita A. Laguda / Sally A. Palomo Tagaguhit: Ihryn T. Jaranilla Tagalapat: Guinevier T. Alloso; Jerson Rod A. Acosta Tagapamahala: Allan G. Farnazo; Fiel Y. Almendra; Rommel G. Flores; Mario M. Bermudez; Gilbert B. Barrera; Arturo D. Tingson Jr.; Peter Van C. Ang-ug; Leonardo Mission; Juliet F. Lastimosa; Sally A.Palomo; Greogorio O. Ruales; Lelita A. Laguda
7 Filipino Ikaapat Na Markahan Modyul 1: Kaligirang Pangkasaysayan Ng Ibong Adarna
Paunang Salita
Ang Self-Learning Module o SLM na ito ay maingat na inihanda para sa ating mag-aaral sa kanilang pag-aaral sa tahanan. Binubuo ito ng iba’t ibang bahagi na gagabay sa kanila upang maunawaan ang bawat aralin at malinang ang mga kasanayang itinakda ng kurikulum.
Ang modyul na ito ay may inilaang Gabay sa Guro/Tagapagdaloy na naglalaman ng mga paalala, pantulong o estratehiyang magagamit ng mga magulang o kung sinumang gagabay at tutulong sa pag-aaral ng mga mag-aaral sa kani-kanilang tahanan.
Ito ay may kalakip na paunang pagsusulit upang masukat ang nalalaman ng mag-aaral na may kinalaman sa inihandang aralin. Ito ang magsasabi kung kailangan niya ng ibayong tulong mula sa tagapagdaloy o sa guro. Mayroon ding pagsusulit sa bawat pagtatapos ng aralin upang masukat naman ang natutuhan. May susi ng pagwawasto upang makita kung tama o mali ang mga sagot sa bawat gawain at pagsusulit. Inaasahan namin na magiging matapat ang bawat isa sa paggamit nito.
Pinapaalalahanan din ang mga mag-aaral na ingatan ang SLM na ito upang magamit pa ng ibang mangangailangan. Huwag susulatan o mamarkahan ang anumang bahagi ng modyul. Gumamit lamang ng hiwalay na papel sa pagsagot sa mga pagsasanay.
Hinihikayat ang mga mag-aaral na makipag-ugnayan agad sa kanilang guro kung sila ay makararanas ng suliranin sa pag-unawa sa mga aralin at paggamit ng SLM na ito.
Sa pamamagitan ng modyul na ito at sa tulong ng ating mga tagapagdaloy, umaasa kami na matututo ang ating mag-aaral kahit wala sila sa paaralan.
Alamin
Magandang araw, kaibigan! Ikinagagalak ko ang iyong determinasyon sa iyong pag-aaral. Alam kong marami ka nang natutuhan sa mga aralin para sa Ikaapat na Markahan. Nabasa mo na ba ang Ibong Adarna? O marahil ay may narinig ka nang kuwento sa isang mahiwagang ibon na ang awit ay makapagpapagaling ng may sakit. Sa modyul na ito ay matutuhan mo ang pinakamahalagang kasanayan sa pampagkatuto na:
- Naibibigay ang kahulugan at mga katangian ng “korido”. (F7PT-IVa-b-18)
- Nailalahad ang sariling pananaw tungkol sa mga motibo ng may akda sa bisa ng binasang bahagi ng akda. (F7PB-IVa-b-20)
Alam kong nasasabik ka na para matunghayan at makita ang susunod na aralin. Kaya, handa ka na ba, kaibigan?
[illustration: hand pressing a button in a circle, icon beside “Alamin”]
1 CO_Q4_Filipino7_Modyul1
Subukin
Bago ka magpatuloy, subukin muna natin ang inyong kakayahan tungkol sa bagong aralin na ating tatalakayin. Ang mga tanong na ito ay susuri sa iyong talas at lawak ng isip tungkol sa korido.
Tama o Mali
Panuto: Basahin ang pangungusap sa ibaba. Isulat sa iyong sagutang papel ang T kung TAMA ang pangungusap at M naman kung MALI.
_____1. Ang korido ay maikling tulang pasalaysay. _____2. Ang korido ay tulang may sukat at tugma. _____3. Ang korido ay tungkol sa pakikipagsapalarang posibleng maganap sa tunay na buhay. _____4. Kapag sinabing may sukat ang tula, pare-pareho ang bilang ng pantig sa bawat taludtod. _____5. Sinasabing di-tiyak ang sukat ng tula kapag hindi pare-pareho ang bilang ng pantig sa bawat taludtod. _____6. Magkatugma ang mga salitang pusa at puso dahil parehong may impit na tunog sa dulo. _____7. Ang mga tauhan sa isang korido ay karaniwang mga hari at reyna, prinsipe, at prinsesa at iba pang mga mahal na tao. _____8. Magkatugma ang mga salitang lawiswis at pagaspas dahil parehong ang dulong tunog. _____9. Magkakatugma ang mga salitang taksil, sutil, at bilbil. _____10. Ang Ibong Adarna ay isang korido. _____11. Ginagamit ang Ibong Adarna sa Pilipinas bilang instrumento upang maipakita ang magagandang kaugalian at kultura ng mga Espanyol. _____12. Isa sa mga natatanging kaugalian at pagpapahalagang Pilipinong masasalamin sa akdang Ibong Adarna ay ang pagkakaroon ng matibay na pananampalataya sa Diyos. _____13. Ang korido ay binibigkas sa pamamaraan ng pakantang pagpapahayag nito. _____14. Ang korido ay mabagal ang himig o tinatawag na andante. _____15. Ang korido ay mabilis ang himig o tinatawag na allegro.
[illustration: hand holding a pencil in a circle, icon beside “Subukin”]
2 CO_Q4_Filipino7_Modyul1
Balikan
Binabati kita, kaibigan sapagkat natapos mong sagutin ang unang pagsubok.
Nabasa mo na ba ang Ibong Adarna? O marahil ay may narinig ka ng kuwento tungkol sa isang mahiwagang ibon na ang awit ay nakapagpapagaling ng maysakit.
Ang kaligirang kasaysayan tungkol sa mahiwagang ibon at ang tatlong mararangal na prinsipe ang magiging daluyan ng mga kasanayang inaasahang matamo sa modyul na ito. Inaasahang matutuhan mo kung paano makilala ang korido at masuri ang Ibong Adarna batay sa tiyak na katangian at pamantayan tulad ng sukat at tugma at maging ang motibo ng may akda sa pagsulat nito. Ngunit bago tayo magpapatuloy ay balikan muna natin ang nakaraang aralin tungkol sa Balita. Tingnan natin kung masasagot mo ang gawaing ito.
Panuto: Tukuyin kung anong pamamaraan nang pagbabahagi ng isang balita ang bawat aytem na nasa ibaba. Hanapin ang sagot sa loob ng kahon. Gawin ito sa sagutang papel.
pasalita | pasulat | pampaningin
____________1. Kung ito ay ipinalimbag sa pahayagan at sa iba pang uri ng babasahin. ___________2. Kung ang midyum na ginamit ay ang telebisyon at sine. ___________3. Kung ang ginamit na midyum ay ang radio at telebisyon.
Aralin 1
Kaligirang Pangkasaysayan ng Ibong Adarna
[illustration: hand holding a puzzle piece in a circle, icon beside “Balikan”]
3 CO_Q4_Filipino7_Modyul1
Tuklasin
Sa pagkakataong ito, kaibigan, sagutin mo ang mga pagsasanay sa ibaba.
Gawain A.
Panuto: Kopyahin ang graphic organizer sa sagutang papel. Isulat sa bawat bilog ang iyong mga hinuhang salita na may kaugnayan sa katangian ng korido.
[chart: graphic organizer; Gawain A. Korido web diagram]
Center: Korido Four dashed empty circles connected to the center, each with a blank line: __ / __ / __ / __
[illustration: hand holding a sprouting plant in a circle, icon beside “Tuklasin”]
4 CO_Q4_Filipino7_Modyul1
Gawain B.
Panuto: Kopyahin ang graphic organizer sa sagutang papel. Isulat sa bawat bilog ang iyong mga hinuhang salita na may kaugnayan sa motibo ng may-akda sa pagsulat ng Ibong Adarna.
[chart: graphic organizer; Gawain B. Panuto: Kopyahin ang graphic organizer sa sagutang papel. Isulat sa bawat bilog ang iyong mga hinuhang salita na may kaugnayan sa motibo ng may-akda sa pagsulat ng Ibong Adarna.] Center circle: “Motibo ng May-akda”. Four empty dashed circles, one above, one to the left, one to the right, and one below the center circle. The circles carry no printed labels.
Suriin
Alamin natin…
ANG KORIDO AT ANG KALIGIRANG PANGKASAYSAYAN NG IBONG ADARNA
Ang korido ay isang mahabang tulang pasalaysay. Ito ay pinaniniwalaang nakapasok sa Pilipinas noong 1600 sa pamamagitan ni Miguel Lopez de Legaspi. Ito ay lumaganap sa panahon pa ng Espanyol subalit hanggang ngayon ay patuloy na binabasa at pinag-aralan ng mga kabataang Pilipino dahil sa kariktang taglay at sa mga pagpapahalagang maaring kapulutan ng mga aral sa buhay maging ng kabataan sa makabagong panahon.
A. Ang mga Katangian ng Korido
- May sukat at tugma. Sinasabing may sukat ang tula kung pare-pareho ang bilang ng pantig ng mga salitang bumubuo sa bawat taludtod o linya ng tula. Bilangin mo nga ang mga pantig sa unang saknong ng Ibong Adarna:
O Birheng kaibig-ibig
Ina naming nasa langit,
liwanagin yaring isip
nang sa layo’y di malihis.
Ilan ang bilang ng pantig sa bawat taludtod? Walo,’di ba? Pare-parehong walo ang pantig sa bawat taludtod. Kapag korido ang pinag-uusapan, laging walong pantig ang mayroon sa bawat taludtod.
May tugma naman kung ang mga dulong pantig ng salita sa bawat taludtod o linya ay magkakapareho ng tunog. Balikan mo ang saknong sa itaas. Ano ang dulong pantig ng mga salita sa dulo ng bawat taludtod o linya? Ito ay ang kaibig-ibig, langit, isip, at malihis. Ano ang dulong tunog?
Hindi ba’t /big/, /ngit/, /sip/, at /his/. Tandaan, magkakatugma ang mga katinig na g, t, p, at s pero pansinin mo rin na ang patinig bago ang mga dulong tunog na nabanggit ay pawang i. Kung hindi magkapareho ang huling patinig, hindi masasabing magkatugma ang dalawang salita. Tandaan, sa pagsusuri ng tugmaan, ang tunog ng huling pantig ng bawat dulong salita sa bawat linya o taludtod ang dapat mong sundan.
- Ito’y sadyang para basahin, hindi awitin.
- Kapag inawit, mabilis ang himig o allegro. Ito ay dahil maiikli ang mga taludtod; wawaluhing pantig lamang.
- Ang mga tauhan ay may kapangyarihang supernatural, o may kakayahang magsagawa ng mga kababalaghang hindi kayang gawin ng karaniwang tao, tulad ng pagpatag ng bundok sa isang magdamag lamang.
- Malayong maganap sa tunay na buhay ang pakikipagsapalaran ng mga tauhan.
Ang Ibong Adarna ang itinuturing na pinakapopular na korido. Ayon kay Pura Santillan Castrence (Publikasyon Blg. 26, Surian ng Wikang Pambansa, 1940), ang kuwento ng mahiwagang ibong ito ay maaaring hinango sa mga kwentong-bayan ng ibang bansa, gaya ng Germany, Denmark, Romania, Finland, Indonesia at iba pa.
B. Ang Kaligirang Pangkasaysayan ng Ibong Adarna
Mahalagang maunawaan ang ilang mga paliwanag o palagay sa kung sino ang may-akda ng iyong babasahing korido gayundin ang pagkakahawig ng balangkas nito sa iba pang kuwentong-bayan sa Europa dahil pinaniniwalaang ito ay nagmula sa kuwentong-bayang Europeo. Sa pag-unawa sa nilalaman ng bahaging ito, maaari mong panoorin ang sumusunod na bidyo upang higit na maunawaan ang aralin. Maaari mong kopyahin at itipa sa iyong device ang sumusunod na link:
transcriber’s note: the two video entries below have no header row printed; the header row is left empty.
| 1. | Pala-palagay sa May-akda ng Ibong Adarna https://youtu.be/vB69bT5BfDU |
| 2. | Siklo at Disenyong Pokloriko ng Ibong Adarna https://youtu.be/PH0rWK9woNA |
C. Ang Ibong Adarna Bilang Isang Korido
- Sinasabi ng mga folklorists na ang kuwentong-bayan, saan mang dako ng daigdig ay sadyang may pagkakahawig, may isang motif o sinusunod na balangkas. Gayon man, nagkakaiba ang mga detalye dahil sa kultura at mga pagpapahalaga ng partikular na bansang bumuo nito.
Samakatuwid, kahit ang mga prinsipe at prinsesa mula sa malalayong bayan ang mga bida sa korido, kitang-kita pa rin sa mga kilos, pananalita, at paniniwala ang kanilang pagka-Pilipino. Mapapatunayan ito sa pag-aaral ng Ibong Adarna. May paraan ng pagsisimula ang isang korido sa isang panawagan o sa isang paghahandog na karaniwan ay sa isang patrong pintakasi. Mayroon bang patrong pintakasi sa inyong lugar? Sa koridong ito, sino kaya ang patrong pinipintakasi?
O, Birheng kaibig-ibig
Ina naming nasa langit,
liwanagin yaring isip
nang sa iyo’y di malihis.
Ako’y isang hamak lamang
taong lupa ang katawan,
mahina ang kaisipan
at maulap ang pananaw.
Malimit na makagawa
ng hakbang na pasaliwa
ang tumpak kong ninanasa
kung mayari ay pahidwa.
Labis yaring pangangamba
na lumayag na mag-isa
baka kung mapalaot na
ang mamangka’y di makaya.
Kaya, Inang matangkakal,
ako’y iyong patnubayan,
nang mawasto sa pagbanghay
nitong kakathaing buhay.
transcriber’s note: the five stanzas are numbered 1 to 5 in the margin beside the poem.
[illustration: image of the Virgin Mary framed by roses, beside the first stanza]
Ganito ang karaniwang simula ng korido, ang paghingi ng makata ng patnubay sa Birhen upang hindi magkamali sa gagawing pagsasalaysay. Ideyang relihiyoso ito. Karaniwan din na ang bidang nagtatagumpay sa pakikipagsapalaran ay iyong madasalin, hindi nakalilimot sa Diyos, at maawain sa kapuwa. Ang mga ganitong katangian ay sa kadahilanang sa Panahon ng Pananakop ng mga Kastila naging tanyag ang korido sa Pilipinas. Ano ang isa sa mga dahilan ng pananakop ng mga Kastila sa Pilipinas? Kung ang sagot mo ay upang magpalaganap ng kaisipang Kristiyano, tama ka. Kaya nga ang korido at iba pang anyong pampanitikan sa Panahon ng Pananakop ng mga Kastila ay temang relihiyoso. Bahagi ng kulturang Pilipino ang pagdarasal sa tuwi-tuwina, maging ang tinatawagan ay ang Panginoong Diyos, si Yahweh, o si Allah.
- Naging isang mabisang behikulo ang panitikan upang mabilis na mapalaganap ang relihiyong Katolisismo sa bansa. Isa sa pinakatanyag na uri ng panitikan ay ang
korido kung saan ang mga ito ay kalimitang pumapatungkol sa pakikipagsapalaran at kabayanihang karaniwang kinakasangkutan ng mga prinsipe at prinsesa at mga maharlikang tao na ang pangunahing tauhan ay nagtatagumpay dahil sa kaniyang mataimtim na panalangin at matiyagang pagtawag sa Diyos.
- Bagama’t itinuturing na nagmula o halaw sa ibang bansa ang akdang ito, sinasabi ng maraming kritiko na umaangkop naman sa kalinangan at kultura ng Pilipino ang nilalaman nito. Masasalamin sa akda ang mga natatanging kaugalian at pagpapahalaga ng mga Pilipino tulad ng pagkakaroon ng matibay na pananampalataya sa Poong Maykapal, mataas na pagpapahalaga sa kapakanan ng pamilya, paggalang sa nakatatanda, pagtulong sa mga nangangailangan, mataas na pagtanaw ng utang na loob, pagkakaroon ng tibay ng loob sa pagharap sa mga pagsubok sa buhay, at marami pang iba.
Pagyamanin
Bilang isang kabataan, nararapat lamang na maghanda ka sa pagharap sa iba’t ibang karanasan at pakikipagtungggali sa buhay. Bago ka magsimula sa pagtuklas ng pakikipagsapalaran ng mga tauhan sa Ibong Adarna, atin munang subukin ang kakayahan mong ipamalas ang iyong kaalaman sa katangian ng korido sa pamamagitan ng mga gawain sa ibaba.
Gawain A.
Panuto: Kumuha ng larawan ng iyong pinagkakaabalahan ngayong panahon ng pandemya at ipaliwanag ang iyong larawan sa pamamagitan ng isa hanggang dalawang saknong ng korido. Ilagay ang iyong sagot sa iyong sagutang papel.
| Larawan | Ang Iyong Korido |
|---|---|
PAMANTAYAN SA PAGMAMARKA
| Napakagaling (10) | Magaling (8) | Katamtaman (6) | Nangangailangan ng pagsasanay (4) |
|---|---|---|---|
| Napakalalim at makahulugan ang kabuuan ng korido. | Malalim at makahulugan ang kabuuan ng korido. | Bahagyang may lalim ang kabuoan ng korido. | Mababaw at literal ang kabuoan ng korido. |
| Gumamit ng simbolismo/pahiwatig na nakapagpagpaisip sa mga mambabasa. Piling-pili ang mga salita at pariralang ginamit. | Gumamit ng ilang simbolismo/pahiwatig na nakapagpagpaisip sa mga mambabasa. May ilang piling salita at pariralang ginamit. | Gumamit ng 1-2 simbolismo na nakalito sa mambabasa. Ang mga salita ay digaanong pili. | Wala ni isang pagtangkang ginawa upang makagamit ng simbolismo. |
| Gumamamit ng napakahusay at angkop na angkop na sukat at tugma. | May mga sukat at tugma ngunit may bahagyang inkonsistensi. | May pagtatangkang gumamit ng sukat at tugma ngunit halos walang konsistensi ang lahat. | Walang sukat at tugma kung may naisulat man. |
Gawain B.
Panuto: Lagyan ng ekis (X) ang mga terminong hindi naglalarawan sa korido bilang anyo ng panitikan.
| 1. Dala ng Kastila | 6. Makatotohanang pangyayari | ||
| 4. Binabasa nang mabagal | 7. Tuluyan | ||
| 3. Walang sukat | 8. Walong saknong | ||
| 4. Walang pantig | 9. May sukat at tugma | ||
| 5. Apat na taludtod | 10. Walang tugma |
transcriber’s note: the header row of this table is empty because none is printed; item numbers are reproduced as printed, including the repeated “4.”
Isaisip
Mahusay, kaibigan! Ikinararangal ko ang iyong sipag at tiyaga sa pag-aaral. Ipagpatuloy mo lamang ang ganiyang gawi sa pagsagot ng sumusunod na gawain sa ibaba.
Gawain A.
Panuto: Bago ka magpatuloy sa modyul na ito, kompletuhin mo ang mga pangungusap upang mabuo ang diwa ng talata.
Ang korido ay …
________________________________________________________________________.
Ang mga katangian ng isang korido ay …
1._____________________________________________________________________________
2. __________________________________________________________________________
3. __________________________________________________________________________
4. __________________________________________________________________________
Gawain B.
Panuto: Ipaliwanag ang iyong sagot sa sumusunod na tanong. Isulat ang iyong sagot sa iyong sagutang papel.
| Tanong | Sagot |
|---|---|
| 1. Ano ang kaugnayan ng Pananakop ng mga Espanyol sa Pilipinas sa pagiging tanyag ng Ibong Adarna sa ating bansa? | |
| 2. Bakit nangingibabaw ang paksa ng “pakikipagsapalaran” sa Ibong Adarna? Ano ang sa tingin mong nais na iparating ng hindi pa nakikilalang may-akda sa kaniyang mga mambabasa? |
transcriber’s note: table continued from the previous page; header row repeated.
| Tanong | Sagot |
|---|---|
| 3. Sa iyong palagay, paano nakaapekto ang panahon kung kailan naging tanyag ang Ibong Adarna sa Pilipinas sa mga Pilipino? |
PAMANTAYAN SA PAGMAMARKA
Wastong gamit ng salita/wika (baybay, bantas, estruktura ng pangungusap) 5 puntos
Paraan ng pagtalakay ng paksa at lohikal na pagkakaayos ang daloy ng ideya 5 puntos
Lalim at lawak pagtalakay sa paksa 5 puntos
Kabuoang Puntos 15 puntos
Isagawa
A.
Panuto: Gamit ang iyong kaalaman tungkol sa natatanging katangian at pagpapahalaga ng akdang “Ibong Adarna”, sumulat ng isang talata na naglalahad ng iyong saloobin ukol sa pangangailangan sa sumusunod na paksa at pagpapahalaga sa kasalukuyang panahon.
Paglutas sa mga sa mga Pagsubok sa Buhay
1
[illustration: a seated person with head resting on hands, labeled “Problema”]
Pagmamahal sa Magulang
2
[illustration: a seated grandfather with children and a woman gathered around him, with framed pictures on the wall behind them]
Paggalang sa Nakatatanda
3
[illustration: a young person bowing toward an older woman]
Pananampalataya
4
[illustration: people praying in front of a church with a cross, under a crescent moon and stars]
Pagtulong sa Nangangailangan
5
[illustration: a child holding a cup beside an adult woman, with tables in the background]
Pamantayan ng Pagwawasto ng Talata
| Pamantayan | Puntos: 5 | Puntos: 4 | Puntos: 3 | Puntos: 2 | Puntos: 1 | |
|---|---|---|---|---|---|---|
| Balarila | Wastong gamit ng salita/wika (baybay, bantas, estruktura ng pangungusap) | |||||
| Hikayat | Paraan ng pagtalakay ng paksa at lohikal na pagkakaayos ang daloy ng ideya | |||||
| Nilalaman | Lalim at lawak pagtalakay sa paksa | |||||
| Kabuoang Puntos |
5- Mahusay 2- Nagsisimula 4- Natugunan 1- Sadyang Di-mahusay 3- Umuunlad
Tayahin
Panuto: Kilalanin ang mga katangian ng korido mula sa pagpipilian. Lagyan ng tsek (/) ang lahat na tumutukoy sa tumpak na katangian nito. Samantala, isulat ang ekis (X) kung hindi.
Ang korido ay…
_______1. Binubuo ng walong (8) pantig sa isang taludod at apat na taludtod sa isang saknong. _______2. Binubuo ng 12 pantig sa isang taludtod sa isang saknong. _______3. Mabagal ang himig o iyong tinatawag na andante. _______4. Mabilis ang himig na yong tinatawag na allegro. _______5. Pumapaksa sa mga bayani at mandirigma at larawan ng buhay. _______6. Pumapaksa sa pananampalataya, alamat, at kababalaghan. _______7. May taglay na kapangyarihang supernatural o kakayahang magsagawa ng mga kababalaghang hindi nagagawa ng karaniwang tao ang mga tauhan. _______8. Walang taglay na kapangyarihang supernatural ang mga tauhan ngunit sila ay nahaharap din sa pakikipagsapalarang higit na makatotohanan o hango sa tunay na buhay. _______9. Naging isang mabisang behikulo ang panitikan upang mabilis na mapalaganap ang relihiyong Protestante sa bansa. _______10. Pumapatungkol sa pakikipagsapalaran at kabayanihang karaniwan ay isang patrong pintakasi. ________11. Nagsisimula sa isang panawagan o sa isang paghahandog na karaniwan ay isang patrong pintakasi. ________12. Sumasalamin sa natatanging kaugalian at pagpapahalaga ng mga Pilipino tulad ng pagkakaroon ng matibay na pananampalataya sa Poong Maykapal. ________13. Lumaganap sa panahon ng mga Amerikano. ________14. Karaniwang hango sa balangkas o siklo ng kuwentong-bayang mula sa Europa. ________15. Nagsilbing panitikang pantakas ng mga Pilipino upang makapaglibang sa Panahon ng Pananakop ng mga Kastila.
Karagdagang Gawain
Dahil nagawa mo ang lahat ng mga gawain at lubusan mong naunawaan ang ating aralin ay bibigyan kita ng karagdagang gawain na siyang magpapamalas ng iyong kahusayan sa pagsulat at paglikha. Bilang karagdagang gawain, panoorin muli ang bidyo mula sa link na ito: https://youtu.be/vB69bT5BfDU ngunit sa pagkakataong ito ay magtuon sa bahaging 3:25 hanggang 4:03 lamang. Matapos ito, ipaliwanag ang iyong sagot sa tanong mula sa bidyo. Tiyaking ipaliliwanag nang buong husay ang iyong panig. Isulat ang iyong sagot sa iyong sagutang papel.
Para sa walang kapasidad na mapanonood ang link ng bidyo, narito ang tanong na dapat pagnilayan: Kung mula sa Europa ang Ibong Adarna, malaki ang posibilidad na ang inihahain nitong kultura at konteksto ay maka-Europa, bakit natin ito inaaral at inaangkin bilang isang obra maestrang Filipino? Dapat ba itong palitan ng iba pang panitikan na talagang mula sa atin? Tiyaking ipaliliwanag nang buong husay ang iyong panig.
Pamantayan ng Pagwawasto
| Pamantayan | Puntos: 5 | Puntos: 4 | Puntos: 3 | Puntos: 2 | Puntos: 1 | |
|---|---|---|---|---|---|---|
| Balarila | Wastong gamit ng salita/wika (baybay, bantas, estruktura ng pangungusap) | |||||
| Hikayat | Paraan ng pagtalakay ng paksa at lohikal na pagkakaayos ang daloy ng ideya | |||||
| Nilalaman | Lalim at lawak pagtalakay sa paksa | |||||
| Kabuoang Puntos |
5- Mahusay 2- Nagsisimula 4- Natugunan 1- Sadyang Di-mahusay 3- Umuunlad
[transcriber’s note: this page is printed upside down; the answer columns are transcribed in reading order]
Susi sa Pagwawasto
Subukin
- T
- T
- M
- T
- T
- M
- T
- M
- T
- T
- M
- T
- M
- M
- T
Pagyamanin B.
- X
- X
- X
- X
- X
[transcriber’s note: no mark is printed beside items 1, 5, 6, 7 and 9]
Tuklasin
Gawain A. Korido
Malaya ang guro sa pagpupuntos sa ibinigay na hinuhang aaral. – salita ng mag-aaral.
Gawain B. Motibo ng may akda
Malaya ang guro sa pagpupuntos sa ibinigay na hinuhang aaral. – salita ng mag-aaral.
Tayahin
- /
- X
- X
- /
- X
- /
- /
- X
- X
- /
- /
- /
- X
- /
- /
Sanggunian:
Mga Bagong Pakikipagsapalaran Filipino Grade 7 Modyul 12 https://sites.google.com/a/deped.gov.ph/mylrmds/resources/grade-seven
Mga Huling pagsubok Tungo sa Masayang Wakas Filipino Grade 7 Modyul 21 https://sites.google.com/a/deped.gov.ph/mylrmds/resources/grade-seven
Para sa mga katanungan o puna, sumulat o tumawag sa:
Department of Education – Bureau of Learning Resources (DepEd-BLR)
Ground Floor, Bonifacio Bldg., DepEd Complex Meralco Avenue, Pasig City, Philippines 1600
Telefax: (632) 8634-1072; 8634-1054; 8631-4985
Email Address: blr.lrqad@deped.gov.ph * blr.lrpd@deped.gov.ph
Leave a Reply